營豐海南雞專門店

肉嫩汁豐來形容營豐文昌雞一點都沒有浮誇。收工外賣了二款回家做餸。😋不用說用眼都可以睇到有幾嫩有幾滑，一絲絲雞肉啖啖雞味越食越滋味，皮爽肉滑無得彈，記得要攞個泰國酸辣汁，提升另一個層次味道。👍😋😉魷魚拼牛柏葉，沙嗲汁味道較淡但都爽口。店舖乾淨整潔，望落去非常衛生。價錢算抵食。…查看更多

今日因為有啲事情所以去到西灣河，然後就路過呢一間營豐海南雞專門店，望落去啲雞好似油光水滑咁樣好吸引，於是就忍唔住買咗半隻返去加餸做晚餐。隻雞非常新鮮非常嫩滑，好食…查看更多

疫情關係下，lunch成日都買外賣返去食。呢間已經幫襯左好多次，要寫食評讚下先👍🏻個BB雞飯好抵食，只需$30雞夠滑，醬汁好味但醬汁唔分開放，會直接落左係飯度仲配左酸蘿白好開胃又有湯包埋抵食推介！…查看更多

之前同朋友食完，覺得好好食，所以今次專登千里迢迢去到西灣河嚟買多次。路程其實唔係好遠，由地鐵站去到間鋪頭大概5至10分鐘到，店舖位置亦都好容易搵到。店舖衛生唔錯，裝潢簡潔，令人感到好舒服，冇咩壓迫感。呢間海南雞店有好多不同款式嘅海南雞，而我同朋友就叫咗半隻招牌海南雞同埋泰式鳳爪。整體不錯，海南雞嘅肉質鮮嫩，可口多汁，亦都好惹味，而包裝送埋蒜蓉、醬油等配料，切合鍾意不同口味嘅顧客。而且，都唔係太油膩。相對來講泰式鳳爪就較為遜色，泰式鳳爪嘅賣相一般，味道有啲辣，食唔到辣嘅顧客可能接受唔到，同埋好硬，並唔係彈牙，但幾入味。…查看更多

繼上次食完呢個海南雞之後念念不忘，今次終於又千里迢迢專登從大老遠過海過嚟西灣河，就係因為食過返尋味，想重新再食多次好好食嘅海南雞。既然係專登嚟，又點可以唔食佢最出名嘅海南雞呢？叫咗半隻海南雞，港幣$88，其實價錢都算尚可，冇話超級平，但係都唔貴，最緊要係好食，佢啲雞肉非常嫩滑，有一種好香嘅雞油味，真係連雞皮都想食埋，不過就有啲唔健康咁解。另外叫埋個泰式鳳爪，叫咗$32嘅，有少少辣，但幾開胃幾好食，唔錯！PS 呢間鋪頭係冇得堂食㗎，一定要買外賣返去屋企食。…查看更多

呢日又見到外賣自取app有做$8優惠，去開港島嗰邊交收，所以順便買個特價飯做晚餐🙈。今次指定款式係招牌脫骨海南雞飯，原價$45。其實我本身預鬆咗時間，但交收有啲阻滯，搞到遲咗勁多，上網見舖頭話關8點幾！我即刻打電話去問下，話我而家緊嚟，佢叫我盡快，好彩趕得切，職員都幾好人，等埋我🙏🏻😅。店舖望落都幾光猛，原來除咗海南雞外，都有幾多其他嘢賣。不過我太晏去到，大部分餸都賣哂。依個海南雞飯都唔錯喎，首先個份量好多，飯同雞都好夠。黃油飯唔算特別香，但都ok，而且個量真係好多，差唔多有2個平日嘅飯碗咁多🍚，男仔都一定飽。至於🐔雞呢，肉質都幾滑，應該唔係雪藏雞，加上連雞翼都去埋骨，食落真係超方便。雞肉下面仲有啲醃蘿蔔同沙葛，酸酸地幾惹味🤤總括嚟講，呢個海南雞飯都算幾好，味道稱不上勁好味，但飯同雞肉都不過不失啦，合格有餘。而且原價都只係$45，其實幾抵👍。街坊店仲有賣埋小食同餸咁，例如咖哩、雞翼同金沙骨等，如果我住附近都真係會試下☺️。…查看更多

早排去完泰國食過當地既海南雞飯，咁岩今日經過位於西營盤既呢間營豐海南雞專門店，見到佢地掛住左好多隻肥美香滑既海南雞系到，穿透個透明玻璃見到，頓時胃口大開想買盒當lunch。除左招牌海南雞另外仲有走地文昌雞、口水雞、鹽水鴨等，選擇困難症即刻出哂黎。🔷招牌脫骨海南雞飯 💰45最後都系揀左招牌既脫骨海南雞，份量都多，而且以咁既售價可以話CP值都幾高，雞肉十分滑，蒜蓉又比得多岩哂卡比呢啲蒜茸控，另外仲有一包魚露酸汁另上。飯方便有白飯同黄飯可供選擇，今次就揀左油飯即系黄飯，份量真系好多，吾係飯筒既會建議要求少飯，可避免浪費，總括個Cp值頗高。🔷香茅煎豬扒 (一塊) 💰15另外仲叫多左塊煎豬扒，見佢賣$15咁平有咁大塊就一於食一食，吾洗要求店鋪都會幫手切成一小嚿，方便進食。豬扒食落幾淋而且好夠味，不過沾一沾配埋既魚露食都好夾。…查看更多

想了想好像很久沒有吃海南雞啦，突然挺想吃雞，今天剛好有一點事情所以來到了西灣河這附近，於是心血突然來潮，到openrice上上網找了找，看看附近有沒有什麼相關的海南雞店，於是最後就找到了這一家好評不少的營豐海南雞專門店，打算來嚐一下鮮。這一家店是在地鋪的，在轉角街口位，所以真的挺顯眼也挺好找，但是這家店只接受外賣，沒有坐下來的位置for堂食，所以你就要自己拿回家吃啦。價格不錯，一隻雞也是一百六十多塊，二百元以內，不算太貴。左思右想最後還是要了半隻招牌的脫骨海南雞，$85，打算帶回家吃，剛拿到手賣相就已經很吸引了，雞皮很香滑，雞肉也很勻稱白滑，感覺是質素很好的，吃下去肉很軟嫩，也真的很香！店主很好人，給的都是好雞肉，不會說很多肥膏，贊！…查看更多

行過路過唔好錯過之好味海南雞！今日老闆不在，想一睹其風采唯有下次再幫襯！本來經過門口忍唔住停低望一眼，結果就又影張相，開始今次的旅程⋯⋯營-營養豐-豐富/豐盛既然叫得海南雞專門店，老闆不在也需要一嚐其海南雞！雖然除了海南雞之外，仍有各種不同的食物！以下各張相都只是部分，仍有很多不同類別的💪🏼😃為免大家誤會只有海南雞，還是提供一下餐牌🙃😉😁抵食$30飯，仲有多種小食！好似每樣都好正咁！當然少不了這道馳名海南雞，果然美味嫩滑鮮甜！一試難忘雞皮薄，肉質嫩滑，味道稍為有點濃，但絕對是一流之下飯菜😉😋👍🏼👍🏼👍🏼最後想簡單介紹一下三種配搭醬料：雖然看起來有點普通，但加了不同醬汁果然再將味道昇華了更多…查看更多

係港島番工食飯真係好貴😭所以平常都係帶飯多😭今日出左office 做野 同事就話帶我去食平靚正既外賣呢間舖專門做外賣 lunchtime門口都見到不少上班一族係到排隊我同同事都叫左呢度最出名既招牌脫骨海南雞飯（$45）師傅都好快手 等左一陣就有了拎到番office食 第一時間就比佢個size嚇親飯同雞既份量都好多 我同同事最後都食唔晒🤣飯可簡油飯或者白飯 油飯做得唔錯 好香口雞方面佢上面都有淋到黑醬油 而且都有附酸汁同堆蔥蓉👍🏻比較欣賞佢地有心思 有幾條酸蘿蔔 食落幾開胃 呢個唔係間間舖頭都會有我個人就好鐘意食😍除左飯之外 佢地原來日日都送唔同既例湯我個日星期三去就係去濕冬瓜湯例湯都好足料 有冬瓜、薏米同埋雞腳飲得出唔係平時落味精既例湯我平時不太飲餐廳既例湯 但今次呢碗真心正🤤 …查看更多

每到食飯時間就會見到呢度好多人排隊買外賣 今日我哋都唔執輸 叫咗以下三款食物有骨海南雞($40)雞份量好充足 一d都唔吝嗇 可選有骨無骨 轉埋黃油飯 好味 佢喺雞嘅下面仲會放咗一啲醃咗嘅蘿蔔酸酸 夠醒胃另外一份就係霸王麻香口水雞($48)口水雞嘅份量都好多 肉質非常嫩 時間煮得岩岩好先可以做到咁樣效果 而且雞皮我平時都好少食但今次真係冇辦法忍口 太香雞油味 醬汁麻辣但唔會太辣 l孜然金沙骨($32)佢其實一磅係$48 不過我哋唔想要咁多所以就叫佢大約拎咗幾件雖然佢叫孜然但係其實食起嚟比較似椒鹽嘅感覺 不過都係好好味外賣店的確會平d 比起餐廳食 不過略嫌唔夠熱辣辣 不過我地自己返到去加熱返就無問題…查看更多

今餐係陪個同事一齊買飯返公司做嘢食 佢有食開呢間餐廳 佢推介我要食口水雞而佢自己就揀咗海南雞 仲要左幾件金沙骨 我哋一嚟到已經有好多人喺度等緊外賣 佢呢個價錢喺側魚沖嚟講都算幾平 口水雞雖然同我預期嘅紅噹噹唔同佢係用咗一種特調嘅醬汁放咗喺海南雞嘅上面 但係呢個醬汁調得都好好味 佢哋嘅雞非常之嫩滑 啲肉係一啲都唔會鞋口 而且我嗰份仲要係雞髀 仲可以轉黃油飯都好大份佢仲要跟埋個例湯 天天唔同 當日係粉葛湯我好鍾意 你呢個價錢真係非常之抵 其實一人一份都已經夠飽唔需要再加呢個金沙骨 不過朋友話呢個都係好好食所以要叫我試下 的確確實就真係幾香口 每啖都幾多肉 果然無介紹錯…查看更多

月底比較忙,吾想收工後再煮飯咁辛苦。經過營豐海南雞專門店西灣河分店賣左個外賣。店鋪細細,都好多選擇,街坊價錢,難怪都幾受歡迎。是日晚餐：香茅豬扒拼黑椒雞扒飯例湯粟米碎肉菜脯煎蛋角拼蓮藕煎餅粉葛雞腳湯送嘅，用料足, 飲曬成碗都唔覺得口乾。粟米碎肉菜脯煎蛋角$20/3件,蓮藕煎餅$20/4件。老闆好好人,20蚊雙拼。两樣都煎到金黃色,好爽脆。香茅豬扒拼黑椒雞扒飯豬扒同雞扒大大塊,肉質腍嫩。再配上酸蘿蔔絲,非常醒胃。等候期間,見到有客人外賣文昌雞同加積鴨,雖然两樣睇落好像好肥,但師傅斬開時,完全零肥膏,下次加料同屋企試下先。如果客人有意見,可以WhatsApp俾老闆,誠意加分。…查看更多

開心星期五 - 媽咪懶得煮飯，所以買咗唔同嘅外賣返嚟食。我都唔執輸，買咗個雞返嚟加餸。店面雖然唔係好大，冇堂食位置，但係都有好多選擇，有唔同款嘅雞 : 有海南雞、文昌雞、鹽水鴨等等。除咗呢啲平時餐廳都有得食嘅口味，佢仲有啲比較有特色嘅口味 : 霸王麻香口水雞、醉鄉花雕雞同藥膳雞。個人對呢重口味啲特色口味就冇乜興趣啦，最後我都係叫左口味清清地嘅文昌雞試下，半隻都係$88，唔算貴。隻文昌雞唔算好肥，皮薄有肉汁，啲肉食落去好滑好爽，應該係煮完有過冷河。本身隻雞都有少少鹹味，但都配有豉油、姜蓉同醋，可以迎合唔同口味嘅需要。我好欣賞佢個姜蓉，唔係好油但好重薑味。呢間鋪頭可以再試，有機會下次要試埋佢其他雞。…查看更多

海南雞係香港可以講係遍地開花十八區 每區都梗有一間喺左近今日經過見到一間好似都唔錯就買左個外賣返歸食買左海南雞飯加雞腎配紅蘿蔔雞腳湯個湯相當足料 真係有原隻雞腳 而且相當清 亦到飲唔到有加到味精係時候到個飯 個油飯粒粒分明 可惜嘅係油香唔夠雞腎爽脆 完全食唔到筋嘅韌 推薦大家買飯嘅時候可以選配到個主角雞肉 鮮嫩 滑 見雞皮收縮 熟後明顯有經過冰水處理 可見佢地每個步驟都細心處理~~~~~~~~~~~~~~~~~~~~~~~~~~~~~~推薦大家經過都可以試下 因為做得岀色嘅海南雞都真係唔多…查看更多