燒邦海鮮私房菜

營業中

休息中

首先服務及食材可以，鋪頭唔大偏殘，冇裝修可言，食物有大眼雞，聖子和帶子各一隻，大尾魷，花竹蝦兩隻，辣酒煮花螺份量小得可憐，基本上味道幾好，值至收咗錢，同我朋友話份量小佢聽到先收小我幾十蚊，個花螺己經$248，埋單總數$1250左右，因為$1000廚師發板除咗要花竹蝦基本佢話事，估唔到冇裝修坐得唔舒服，份量又小收費我本人覺得都好貴！

因為疫情關係，冇咗晚市堂食，只能外賣。朋友就推介屋企附近有間小店唔錯，雖然我住旺角，但係call車都可以享受到😋 幫襯左邦老闆嘅晚市外賣套餐，份量非常足夠👍因為我唔食翠玉瓜，同老闆講完佢肯幫我轉做燒茄子，實在太好了☺️送貨哥哥準時6:30到達，食物仲係熱嘅，就咁拎住都聞到香味🤣花螺出色，好濃烈嘅酒味！肉眼扒火候啱啱好，肉汁豐富，好入味！蘇格蘭蟶子皇新鮮彈牙，扇貝大大粒，正👍👍👍👍👍最後食完晚飯，仲有水果燒菠蘿食添🍍都唔知疫情幾時完結，有時自己煮飯都會煮到好悶，可以幫襯下呢啲小店，用心又有驚喜。有能力既要互相支持，幫助非連鎖式小店渡過難關🤝

依間我想食好耐架啦 一直都係我個To-eat list入面 終於有得去會一會佢！！坐低第一道菜係燒扇金貝 超大隻！燒得岩岩好！ 又嫩又甜！好食！上湯焗本地野生龍蝦配煎米底 依個真係超正！ 一入到鋪頭見到個魚缸入面有好多龍蝦全部都勁生猛！已經好期待依道餸果然！係完全無失望！！！本地龍蝦真係唔同啲！！！同平時酒樓食果啲龍蝦相比本地野生龍蝦係更彈牙！更甜！更重龍蝦味！真係好好食！好好食！好好食！（重要的事要講三次 哈哈）再配埋個煎米底真係不得了！索晒啲汁！比起平時啲伊麵底我更鐘意依個米粉底！米粉唔會好似啲伊麵咁淋晒但又達到索汁既效果！白灼本灣大尾魷由於係好新鮮既關係簡單白灼加蔥配豉油就已經好足夠食到大尾魷既鮮甜！我墊碟既芽菜都清埋因為疫情既關係我果日去舖頭都好靜如果住附近或係附近返工既朋友要多多幫襯！依啲又好味又有良心既舖頭值得多多支持！

上完堂有d肚餓，所以就去咗天后食宵夜，唔想食太多，就揀咗小店燒邦海鮮。😋小店本來得老板一個一腳踢，依家多咗年青店員幫手，服務細心有禮。小食店主打本地新鮮海鮮，日日由老板零晨去香港仔揀貨，再用自己魚缸養住。因為太夜先去，見到魚缸，餐牌上本地海鮮已售罄😔。好彩仲有其他地方海鮮都好好食。簡單d，點咗個套餐食。南非冰鎮鮑魚夠大隻又入味。蘇格蘭超大扇貝，非常厚身。個扇貝海鮮汁，絕對鮮甜，精華所在，記得飲埋。本地代表白灼大尾魷，爽口新鮮！豉油有辣有唔辣，我自己喜好係唔點。辣酒煮花螺，套餐係用細隻花螺，老板原來好細心，已經除去小花螺小掩，好有心機，d辣汁唔太辣，有少少藥膳味，可以要來撈套餐個麵。燒雞翼串燒，再加枝啤酒一絕！🍻雖然今次食唔到本地龍蝦，但呢一餐食出老板對食物既堅持，好味道！

生日飯，ㄧ早訂左最貴嘅ㄧ個套餐，老闆知女友唔食魚，改左做避風塘炒蝦。前ㄧ晚仲好有交帶通知我有d海鮮質素唔得要改，本來仲話要送條大眼鷄比我，我怕ㄧ個人食唔晒冇要到。食完飯老闆仲走出嚟同我地吹水，估唔到佢仲認得我同記得我中意食乜。吹得太開心，走時先醒起冇收我汽水錢。。。題外話，睇住妹妹好比心機幫我地不停換碟，真係有d唔好意思。總括嚟講，好滿意嘅ㄧ餐

黃色經濟圈興起後，我同朋友一直都想發掘唔同嘅黃色小店上星期有朋友介紹左一間位於天后，海鮮私房菜入到去最奇怪嘅係，雖然佢舖面細細，但就有幾個魚缸，養著龍蝦、鮑魚，望落仲極生猛🥳🥳 睇番以前啲報道，先知原來店主每日堅持凌晨四點幾去香港仔魚市場入貨，風雨不改，一日訓得4、5個鐘...... 一般小店，甚至海鮮酒家都係叫貨多，會親自去魚市場攞貨嘅小店，實在難得。 今餐食得好滿足，已經plan 緊下次幾時再去了！

懶人終於的起心肝，寫人生第二篇 OpenRice 嘅食評，真慚愧！話明懶，索性兩餐一齊寫，唔好介意 😂最早幫襯燒邦係19年年頭，但好多時都係兩公婆去，食唔到太多嘢。呢兩餐就唔同嘞，一餐係一行十人嘅 birthday party，另一餐係一行五人嘅 family gathering，可以試多好多嘢！食材新鮮、唔靚唔入、火候控制精準呢啲唔多講，大家睇相應該會睇得出。反而想介紹嘅係老闆邦哥對食材同出品嘅執着，同埋佢嘅態度。食材 - 首先，佢每晚收舖後，天未光就去香港仔落欄搵靚海鮮，唔靚唔入。又因為佢堅持咗幾年，日日如是，所以先打動到漁市場嘅艇家會留啲罕有同靚嘢比佢，大家先有機會食得到。出品 - 靚嘅海鮮就唔需要花巧，所以佢好多海鮮都建議清蒸。咪以為清蒸好簡單，一隻鮑魚蒸多二十秒，口感已經好唔同。一條靚魚用秘制雞油蒸，控制好火候，又係另一個層次。態度 - 呢兩餐都係 set budget 比邦哥去發辦，大概話佢知有咩特別想食，佢會盡量配合。最近呢餐同佢講媽媽鍾意食花蟹，佢第一個反應係：「宜家休漁期，又近母親節，啲花蟹好貴。唔係話食唔食得起，而係值唔值得。我幫你留意吓，如果唔抵食我真係唔入，寧願

小店就在麥奀記雲吞旁邊，店舖內只有幾張枱，雖然店舖小小的但廚師烹製海鮮非常用心，火喉控制得好好之前訂位時會收到堂食套餐menu給我們選擇😊我哋選擇左一個中價位嘅套餐，另外在加咗一碟避風塘蝦，我哋食得非常開心，一定會再去

自三月以來已經實踐每星期至少幫襯一次黃店。昨晚第二次幫襯燒邦海鮮私房菜。食物一貫新鮮好味。一開始飲足料燉湯暖下胃食埋湯料即感幸福。隨之而來的南非鮑魚，扇貝，鱈立魚，蘇格蘭蟶子，龍蝦賣相及味道兼備（見到龍蝦我們急不及待筴咗先方記得未影相，求求其其放返碟上）。最好味要推薦古法辣酒煮花螺，那個汁好味到飲埋及撈埋米粉底唔浪費！老闆一個人每天零晨去香港仔揀新鮮海鮮，放入魚缸保存新鮮，一個人一手一腳準備晚餐，用心投入程度令人欣賞。年輕店員服務態度表現誠懇親切，很愉快的晚上！