燒肉LIKE (V City)

營業中

休息中

屯門v city又開咗一間燒肉餐廳今次間餐廳主打日式燒肉雖然係燒肉餐廳，但係唔會覺得好大油煙味而且價錢都好相宜套餐包括左燒肉、麵豉湯、沙律或者泡菜、飯而且白飯更有size之分，岩曬女仔食小啲都得壽喜牛小排五花 200g 壽喜燒醬汁甜甜哋，食落好惹味入口濃郁香醇，溫泉玉子可令肉質更為綿滑。豬三部合奏300g包括左豬五花腩、豬頸肉、雞腿肉當中最出色竟然係豬頸肉，厚切既豬頸肉肉質爽滑爽口，很出色而雞腿肉燒完之後依然很嫩滑另外，我哋追加左牛舌50g牛舌偏向比較薄身，但入口有油香，不錯之選

今日去屯門射箭加操練習，練完就肚餓啦，經過vcity就睇下燒肉like有無位先，平時都好多人排隊，咁下午4點幾左右就唔洗等位，但都見到店內都有唔少食客。門口已貼左餐牌，其實店內肉類款式唔算多，但勝在價錢唔貴，主打都係1人都可以燒肉，所以每個套餐或單點食品都可以選擇份量，咁就可以1人都試多幾款野啦。1人燒肉就安排左坐1人坐位，左右2邊都係1人燒肉既食客，爐黎左就比較細d，大約擺到4片肉左右，火力都算幾猛，枱頭都有好幾款醬汁選擇，又有海鹽同即磨黑椒，調味料黎講幾足。牛五花＆豬五花套餐套餐跟飯，麵豉湯同泡菜，唔要泡菜可選沙律，飯可選100g,200g或300g，1樣價錢，大食既我當然選300g啦，肉就揀200g，2款五花肉都屬半肥瘦，牛既肥比例就多少少，但食落都有肉香，麵豉湯配料有海帶同芝麻，味道適中，泡菜解下膩，呢個套餐76蚊抵食。雞腿肉雞腿肉得100g選擇，大約有6小塊，肉質都嫩滑。牛小排再豪氣d叫左個100g，牛小排，價錢就略高d要98蚊，貴過個套餐，但肉質都嫩滑，有肉味帶點油脂香，質素唔錯。總結黎講如果想以經濟既價錢食燒肉，燒肉like係個唔錯既選擇，特別係以1人情況下食都不孤單，食

燒肉LIKE (屯門)好食度： 😋😋😋/5性價比： 😌😌😌😌/5回頭率： 🚶🏼🚶🏾🚶🏻/5價錢：HKD48係探完港女之後，港男嚟到V City諗住醫下肚。行嚟行去，最後都決定嚟食燒肉like ，平得嚟又有少少儀式感咁。咁話晒都係一人燒肉，咁面壁食就係基本㗎啦，不過都真係好方便嘅，而且最平HKD48就可以食到燒肉，真係幾抵嘅，難怪越來越多一人燒肉店嘅開幕。老實講港男就唔係第一次食燒肉like嘅，不過佢嘅水准真係都幾浮動下，一時又正常，一時又可以好差，好彩今次算係正常嗰次。HKD48 100g嘅牛五花，六片牛肉，連埋飯、沙律菜同麵豉湯，份量上算係咁啦。牛望落都正常，可以接受啦。個麵豉湯就好淡好似水咁，但睇價錢份上，都可以接受。個沙律菜就好鹹，原本以為黑色汁應該係黑醋之類吧，但感覺好似加咗豉油咁，有啲鹹。不過整體嚟講，呢個價錢，食到餐可以維生嘅食物就已經好好了🫡———-//////————地址：屯門屯門鄉事會路83號V City1樓L1-9號舖電話：26820867～～～～～～～～～#堂食 #kongerguy #kongercouple #搵食 #情侶 #港侶 #couple #foodi

每日都好多人排隊 今日終於食到啦!🫰🏻 ✨ 溫馨提示:店舖只收電子支持 不收現金 ✨ 溫馨提示:手機落單後 比埋錢 先有餐送到你面前😁日本產和牛肩胛肉&牛板腱套餐100g $155+泡菜+ 白飯300g (大)三部合奏套餐300g $108【豬五花腩 豬頸肉 雞腿肉】+泡菜+ 白飯150g (細)所有套餐包括白飯、和風湯、泡菜或迷你沙律好味指數 4/5 🍭🍭🍭🍭{每款肉都唔錯 和牛肩胛肉有2片 油脂不多 食到和牛既軟香感 真係想單叫多幾片 豬五花腩 煙煙韌韌 很易咬開 不會太油 好好味 其他既肉類都好新鮮 配上枱面上有很多款既醬汁很合襯 白飯可選 大 中 細 前菜亦可選泡菜或沙律}

市面燒肉店多是放題感覺較抵，但事實上又食唔到太多。燒肉Like多以一人前去訂立餐，價錢大眾化，平時簡簡單單，只是一兩人用餐，絕對係一個好選擇。星期日中午12：30， 等左近30分鐘都不算太耐，可接受。座位前調味好整齊。食物上時都好整齊，我鐘意食肉，叫左300g 牛，都係$108，抵食！另加左豬和牛舌個白飯可選 150／200／250g, 我選150g, 另加$8 溫泉蛋。撈埋超正燒出黎唔會太燶啲肉感覺幾新鮮牛舌厚薄幾好，唔會咬唔開整體好滿意，百幾蚊可食到咁多野，用餐時間都有俾到90分鐘，讚的！

*Time : Feb 2023, Lunch Time*Price : $1xx -HKD *Place : 燒肉LIKE*Review : 一個人去燒肉，在日本就試多了，香港以前就無什麼選擇，今次的這一間人氣很高，唔想等位要早一點到。- 燒肉Set ：有三款肉，分別是牛舌，五花肉，橫隔膜肉，分量不小，雖然是薄切，但也一定夠飽，味道上還不錯，肉質不會太肥，送飯吃相當不錯，而且這類的調味醬料相當多，總有一款合口味- 木魚絲紫菜飯 ：紫菜配飯本身已經香口有味，再加上生蛋提升口感，配合燒肉一起吃，比配白飯更開胃整體是好評的，雖然用餐只有60分鍾，而且價錢基本都過百，不過味道上不錯，肉的選擇也多，值得再試

好似無論咩時間，燒肉Like都要排隊🫠不過勝在算抵食兼味道唔差，久不久都想食下，經朋友提醒，如果假期或節日去食，起碼要提早一至一個半鐘喺手機app度拎定飛💪🏼叫咗個like套餐，有牛舌、牛五花同橫膈膜 如果鍾意牛舌，建議單點，因為見到隔籬枱單點嘅牛舌好似新鮮啲🤣 Btw 冇咗個柚子汁醬，差少少推介加埋紫菜飯同溫泉蛋😎

琴幾日聽朋友講 Vcity新開一間 燒肉，今日索性約好友老公共四人來試一試，中午12:00門口 見唔齊人唔可以入座，60分用餐時間，四人安排四人座位，三人叫 壽喜燒牛肉200g～ 伴生蛋我就叫牛肉300g壽喜燒牛肉 $138牛肉300g120整體服務不錯，中間調味料自助，服務算OK

甘岩OpenRice 外賣有8折優惠，平過堂食。可能要遷就外賣盒容量，飯既份量是固定（男生可能吾夠食，要加錢加飯底）。今次外賣只提蒜蓉醬汁（吾知有冇得要求其他味），但吾加醬汁d 燒肉都燒得夠味，有牛油香味，配埋泡菜岩岩好。對比下堂食泡菜，外賣泡菜有d吾夠食，呢點外賣輸左😂。但最後 外賣好快有得拎，堂食勁多人排隊，外賣完勝

叫佢出張單先知原來呢個係美心集團嘅～免收加一自助落單但質素正常水平以下純粹個人看法，按照當日水準所給予之評語(｡ ́︿ ̀｡)質素如圖應該不會有下次了～附近有更多更好嘅選擇～

年初三赤口唔拜年，新年小店多數休息，黎到商場呢間燒肉店，平時人頭湧湧，係電話禁左飛，應該好多人都無黎，好快就入得。套餐都係以份量區分，有150g, 200g, 300g, 唔知一個人應該食幾多g,我地兩個就叫左300g套餐🤭，一個係牛五花$108同牛五花腩肉套餐$98。基本套餐包左湯、前菜（沙律/泡菜）、白飯。300g份量都唔少，肉質性價比都唔錯，白飯好味。以呢個價錢黎講抵食，但同牛角比，牛角既肉就一定係好好多架啦，但呢間價錢平咁多🤣🤣最後一提，鋪頭格局好適合一個人黎食，唔會尷尬。

今日係屯門搵野食，經過呢間燒肉店，見到Menu幾吸引，同老公入咗去撐枱腳，呢度嘅燒肉餐好容易揀，都係一個一個set好晒，而且食材認真不錯！😋 點咗兩個餐，分別為「壽喜燒牛小排& 牛五花肉🥓」「牛舌& 牛板腱& 橫膈膜肉🥩」Set 餐的肉有份量可以選擇，我哋叫咗200g同150g，不同份量不同價位。分別係$135 & $118 呢個價錢來講食材真係好有驚喜😍😜带大家來看看以下嘅餐set有幾靚🤗呢個燒肉爐都係高質嘢，燒肉過程係完全見唔到有煙岀現喎好加分👏🏻👏🏻👏🏻💯👩🏻‍🍳味道 9.5/10🤵🏻服務 9/10🌏環境 9/10💯抵食 10/10 真心想分享呢篇食評，這種日式燒肉餐廳好創新又經濟又環保，唔使約一大班人叫一大份餐，當一兩個人想食燒肉都可以隨時滿足到個胃，非常棒！👍🏼👍🏼👍🏼💓💓💓

呢幾年開左好多單身人士最愛的燒肉店，點解為之「單身人士最愛」？因為一人一爐，亦有好多座位都係靠牆既一人座，俾單身貴族輕輕鬆鬆一個人對住手機都可以自在地食燒肉!今次黎到燒肉LIKE，因為好肚餓既關係，叫左最豐富既「牛舌ｘ牛枝腱ｘ橫膈膜肉套餐」呢個餐 分 150g $118，同埋250g $160為左充分試出味精，梗係食多d ，要個250g 啦！三款肉都幾好食，配上醬汁都幾出色！我覺得最好食既係牛舌，都幾爽口，而相對厚切少少既牛枝腱同橫膈膜既肉質都對得住個價錢，燒到七成熟，加少少鹽，點少少醬，依然食到少少油香，又係食得開心的一餐～

垃圾餐廳，成間舖內裏食客不多，門口連個招呼嘅人都冇，企咗成10分鐘，見着入邊店員不斷左整又整好似好得閒咁，但連一個企喺門口嘅人都冇，另外店員見到我哋，都不來安排一下座位！

今日落屯門食嘢，發現呢間燒肉like冇食評，想做第一個寫一入到去，發現員工好有禮貌，10分值得我讚賞食物方面：呢個壽喜燒牛，應該係我世界上最好味嘅食物，嗰啲牛好有汁，溫泉蛋都好軟熟呢個鮮榨橙汁，好好飲，應該係由北海道鮮咋，絕對唔會令你地失望環境方面：普通自評：10😍為滿分食物：😍😍😍😍😍😍😍😍😍😍態度：😍😍😍😍😍😍😍😍😍😍應該係世界上最好味嘅燒肉店！！只係價錢想降低一啲