燒肉一番

去葵芳唔有定去葵廣覓食，葵芳地鐵站附近都有好野食。好爵中心一樓有一間燒肉餐廳，價錢幾平，所以就決定試吓！網上購物平台有依間餐廳嘅燒肉套餐買，46蚊包一碗珍珠飯，一小碟泡菜，一碗味噌湯，150g肉，一罐飲品。美國牛胸腹套餐$46精選豚五花肉套餐$46牛肉有好多脂肪，肉既部分得好少，所以無論牛定係豚肉都比較好油膩。味道品質都一般。枱面上有兩款燒肉醬，黑椒同鹽可以沾肉食。泡菜唔太辣冇少少甜味，我覺得幾好食。味增湯入面有豆腐海帶，味道普通無咩特別。…Read More

葵芳地鐵站附近嘅屋邨商場？一人燒肉幾抵食平平地食到燒肉，仲要依家可以額外送多50g肉揀雪糕，鯛魚燒都得😮揀左雞脾肉，燒耐左都好嫩，冇雪藏味👍🏻牛胸腹200g都幾多👍🏻$79前菜+$5可以轉泡菜+$8轉紫菜飯味增湯唔會好鹹幾好醬料款式唔算多不過基本嘅都有呢個價錢好抵食👍🏻款式都幾多，啱曬想打邊爐又想燒肉👍🏻…Read More

7點鐘繁忙時間都唔係好坐得滿，一入嚟企咗好耐都冇人招呼，以為自助入座，入去問咗先知要人帶位，再企返門口等好耐先有人應。店入面有其他位都要叫我坐正門口位，適逢夏天夜晚都30度坐正門口位燒肉係非常之炎熱嘅。食到一半實在頂唔順就禮貌地去向店員查詢可唔可以調位？亦都表示可以自行將所有點餐搬過去新嘅位置唔需要麻煩店員。但店員一嚟個態度十分無禮，話: 我冇位啊，我有位一早俾咗你啦，我表示店內明顯有大量位置，其後店員才用強硬態度回覆:嗰度七位有人book咗，其實我過程相當有禮貌，也並無強迫一定要換到位，但店員態度惡劣，令人感到不舒服。除此之外，食物質素也是好差，二百蚊一個餐，肉質仲差過燒肉like，紫菜飯用嘅紫菜亦都唔係日本同韓國拌飯專用紫菜，而係大陸圓餅紫菜加啲芝麻落去，味道非常奇怪。泡菜顏色深紅好似變壞。而且火爐亦都不夠熱，要等長時間才煮熟薄牛肉，同時只有60分鐘時間用餐，以後不會再來。:(…Read More

星期五晚，都有7，8成滿座，點左特上牛肋肉套餐，所謂特上就係由急凍雪櫃直送出來的貨色，凍到石頭咁，睇到完全冇食慾，其他食物一般。醬料方面有胡椒粉，鹽，燒汁，沙律醬。跟其他一人燒肉店沒兩樣。…Read More

呢間餐廳其實都幾雜，除咗燒肉，又有火鍋，仲有定食。但之前一直都諗住試試，咁啱係附近，就去食個午飯。一心諗住試燒肉，所以無考慮其他，而燒肉套餐都有十數款，牛豬雞，不同部位，不同組合，不同份量，悉隨專便。牛胸腹 Karubl 精選牛（200g）套餐（$86）套餐除咗牛，仲有白飯（可加錢轉特色飯）、麵豉湯、前菜（中華沙律），另外加送一款食物，我揀咗牛胸腹（50g）。200g 精選牛胸腹，即係有兩盤，但目測兩盤都唔似樣，放面有label嗰盤明顯比較靚啲，燒起肉質唔算軟嫩，牛味都有少少嘅，點埋枱上面嘅燒肉醬汁，配埋白飯一齊食都OK。另外送嗰50g 普通牛胸腹，就真係十分普通了（同埋都幾肥，唯有燒耐啲逼哂啲油出嚟）。但又公平啲講，唔使一百蚊（不用加一服務費），其實都尚算抵食。…Read More

其實係上星期六 (20/4/2024) 同哥哥去食晚餐講真，前後食超過8次以上，未試過今次咁差體驗首先，一去到Cashier女職員問我哋幾位，我哋答2位嘅時候，我哥哥就直接入咗去 (嗱，真係我哥哥心急咗)然後女職員勁大聲喝住我哥哥「唔係呢度啊，唔係你揀位㗎」成件事已好街市Feel…我哋都無出聲，跟番女職員安排嘅位置坐低咁嘅價錢，食物都唔會高要求。期間食食吓，又其他客人入嚟，又係嗰個女職員超大聲咁大叫「係唔係5位啊？喂……呢邊啊。你哋係唔係5位啊？聽唔聽到啊？呢邊啊！」真係大聲到相信接近成間餐廳都聽到。呢D係咩服務質素？我唔明點解其他同事唔會出聲。唔指教吓呢位女職員。知道餐廳只有60分鐘時間，去到大約40分鐘，差不多食飽，職員已密集式過嚟收嘢。當然有問「食飽喇可？」收晒枱上D碗同碟，淨番飲品。我嗰杯都未飲完，又走埋嚟係咁望，個職員都要係咁易用手拎一拎嚟望「都唔飲㗎啦可？」！！！！！！！！！！我杯飲品仲有少少，唔可以俾我飲埋㗎咩？真係食到成肚氣。然後同個職員講「唔飲啦」呢D咁嘅服務態度簡直趕客走！於是同我哥哥即走！決定以後唔會再幫襯！…Read More

餐廳主打性價比高嘅路線，以前喺附近返工嘅時候間唔中口痕都會過嚟食個午餐價錢又唔貴，又可以食嚇燒肉不知幾爽。估唔到咁耐冇嚟，佢仲有keep住做優惠，本身價錢已經唔算貴落order嗰陣竟然見到惠顧一個套餐仲可以送多50 gram嘅肉。$100都唔使食到兩份肉又有飯又有湯又有前菜，呢個價錢都唔係好多間餐廳做得到。個人覺得黎到呢度，必點嘅係厚切五花肉，因為真係超級大塊，燒完之後爽口彈牙肉味又濃。另外嗰日另外印象深刻嘅係牛仔骨，又係一兜大大件，個份量係認真驚人。原條嘅鯖魚都有手臂咁長鋪滿曬成個爐。當日嘅炸物都合格，脆卜卜熱辣辣。每張枱嘅旁邊都有四款嘅調味料分別係麻醬、黑椒、巖鹽、同埋燒汁。我覺得基本上撒少少黑椒同埋巖鹽已經非常足夠。雖則佢每舊肉睇落去都好似雪住，但擺咗一陣解凍咗之後燒返起佢肉味都係非常之濃郁。總結：性價比非常高， $100有找仲要做埋promotion，無論喺附近返工定係住開嘅，得閒口痕想食嚇燒肉，過嚟呢度真係不二之選。可能餐廳選址比較偏僻，我個人覺得呢間餐廳值得更多人流。…Read More

服務態度差，食材好cheap，過燒爐超細燒緊三件肉已經燒唔到其他嘢，落咗單換罐可樂都唔俾，一句多謝，唔該都冇聽到，竟然有員工唔識講廣東話要搵第二個過嚟攞order。永遠都唔會再返去。 …Read More

上菜速度快，抵吃一人日式料理，擺滿全枱食物，炸物小吃，燒肉，甜品，全都做得棒，自助下單不怕麻煩呢。蟹肉薯餅外層脆卜卜，忌廉汁，熱辣辣質感很脆香甜甜！雞腿肉烏冬配上湯，一陣香味不需要再加其他調味料！雞肉類彈牙，配烏冬一流！牛小排套餐新鮮合理，牛份量大，套餐有不同之份量滿足生卵紫菜珍珠飯珍珠飯上滿紫菜飯素，生雞蛋，棒，滿是香氣，配高質嫩肉，經典日式小吃，仿佛吃了一個放題。 各式各樣的美味，從入口即溶的牛板腱，牛舌，安格斯肉眼，一人前日式燒肉！ 燒肉～小食～甜品。牛小排預先切割為小塊，油脂分佈均勻，肉質香嫩，牛小排輕輕燒炙便可，質感鮮嫩多汁味噌湯清新，有豆腐和紫菜片百香果梳打很美味，也解渴。雪糕甜甜的，送上的泡芙，煙靭有咬口。迷你汁燒牛肉當飯烏冬和牛肉飯份量多。滿滿牛肉薄片，醬汁惹味，份量亦多。燒肉之快樂在於自助，加醬油鮮味可口，不用太擔心…Read More

日式燒肉（日燒）同韓式燒烤（韓燒）最大分別應該係醃料同配菜。日燒一般都係冇醃製過，全靠本身原汁原味，所以肉質係關鍵。而另一分別係份量，日燒適合「孤獨的美食家」，韓燒就適合「合家歡」。今日嚟到燒肉一番就係日燒代表喇！佢哋主打平價親民，所以有好多學生幫襯。今次都係由家中後輩介紹過嚟。👍🏻燒肉一番嘅肉類分為100g / 200g / 300g，可以散叫肉類，或者加少少錢叫套餐，套餐包括前菜、麵豉湯、白飯（可加$升級丼飯，湯烏冬，加$享半價飲品），另外套餐包一款小食或者50g 牛胸腹。套餐價錢由最平嘅$49 起，自由配搭，豐儉由人。肉質方面，因為本身冇醃製過，主打一個原汁原味。老實講一分錢一分貨啦！牛小排，牛板睷雖然貴少少，但肉味比較濃郁。牛胸腹似一般肥牛，肉質較粗。推介係牛舌，厚切豚五花，五花腩肥肥地，燒起嚟好香脆。價錢唔貴$6X 就食到。環境舒服，空間夠大，唔會一屋油煙。服務一般般，唔好咁講究，主打一個輕鬆自在，嚟多幾次都唔會有負擔。…Read More

今日午餐想食燒肉又想經濟啲～近近地揀咗呢間位於葵芳日式燒肉餐廳，呢度出名燒肉套餐價錢親民，最經濟一人份燒肉套餐set 包白飯,湯同前菜，仲可以按自己食量喜好追加燒肉。餐廳有好多打卡位，一入門口已經見到大大隻龍貓超可愛，仲有好幾個日本動漫人物卡打。入坐後，掃QR code自助點餐好方便。厚切豚五花套餐（240g)每個套餐會附送多一份肉，揀份牛胸腹(50g) 厚切豚五花燒起來肉味香濃，超好食～套餐仲可以升級為生卵紫菜珍珠飯，滿滿嘅紫菜芝麻好香口，加埋生雞蛋撈飯食一流👍🏻配埋燒肉超正～牛胸腹&牛板腱&牛舌（300g)三食套餐 一個三食套餐已經包含有三款牛，牛胸腹油花均勻，燒烤後仍保留肉汁。附送多一份肉，我揀咗雞腿肉肉質嫩滑，非常美味。套餐仲可以升級鰹魚湯烏冬😋手打荔枝檸檬茶，相當十分豐富。追加•牛小排(50g) 牛味香濃,只需加一點點海鹽已經好夠味。•焦糖烈日窩夫建議燒一燒 口感更加香脆…Read More

餐廳位置多又寬敞，門口仲有打卡位畀人等候，佢地提供自助燒肉定食、丼飯、烏冬多種選擇，lunch set同學生餐都幾抵食，係唔繁忙時段兩個人食可以一人用一個爐🔥🍖檯面有喜馬拉雅鹽、燒肉、辣味醬汁，店員服務態度都好好，見我唔小心打爛咗隻蛋之後，佢都即刻補上一隻🙈大阪城二人前A $238 🏯呢個定食套餐係用大阪城盒子裝曬啲食材，非常架勢🏯 三層分別有雞腿肉、牛五花、豚五花腩各100g、牛油金菇，另外有飯、湯、沙律、炸餃子同蟹肉薯餅，仲可以加配蛋同紫菜係珍珠飯上面，紫菜份量好多🤭好值得加配，蟹肉薯餅擺咗一陣都好香脆。套餐附帶麵豉湯同中華沙律就表現正常，除咗本身套餐既肉，亦加配咗厚切五花腩肉，非常大件，要用較剪展開，燒出來肉香油多，非常飽足。另外亦叫左檸檬香草雞髀肉，燒出嚟更加出味😋燒肉一番 🏯🔥🍖葵涌葵芳葵義路2-10號葵芳好爵中心1樓人均消費~$150#foodie #hkfoodie #hkfood #bloggertony #JapaneseGrilledMeat #YakinikuExperience #燒肉 #葵芳美食…Read More

服務態度超差，野食又耐個員攞個兒童餐嘅烏冬倒瀉o的湯落屋企人件衫，問佢攞濕紙巾，佢就行佐去，又唔講話冇，要追問佢先講話冇，一句話冇就算，仲語氣唔好咁叫我地自己去廁所洗叫佐個兒童餐，栗米唔熟，烏冬又唔熟透，味道難食溫泉蛋牛肉湯飯冇乜湯嘅湯飯，味道已經唔係好，話明溫泉蛋，比隻早餐嘅烚蛋我入面嘅菇又唔熟成個湯飯冇乜食過食到成肚氣比錢個時同個經理投訴，佢只回覆我地一句：我唔知之後就唔再理會我地嘅投訴，無視我地真係貼錢買難受唔會再幫襯，永遠冇下次…Read More

今日和朋友到葵芳站附近的人氣燒肉店吃午餐。餐廳門前有隻大“龍貓”，很有特色，裏面裝修富日本風格：日式屏風，招財貓壁畫.....。餐廳的抽風很好，沒有油煙味，食得舒適。這裏用QR CODE 掃碼點餐，方便快捷。「大板城二人前B」套餐，服務員送來一個天守閣模型，拆開原來是盛載燒肉的。燒肉有：牛小排、牛板腱、厚切豚五花。牛小排肉質鮮嫩，牛板腱則有嚼勁，牛肉味都一樣豐富。豚五花爽口多汁，豬味突出。牛油金菇菜，烤香後甘香可口。前菜：中華沙律小食：芝麻雞翼、芝士年糕。芝麻雞翼新鮮即炸，外皮酥脆，雞肉鮮嫩。芝士年糕腍軟綿糯，口感不錯。麵豉湯、白飯、雪糕、罐裝汽水追加：手打百香果檸檬茶，一大杯，百香果味道突出，茶味濃郁，酸酸甜甜的，食完燒肉後飲用最適宜。Karubi精選牛，雪花紋理，肉汁豐富，口感腍軟。鱆魚丸燒，口感特別，軟綿綿丸子內有粒粒彈牙的鱆魚肉。吉列炸蝦，新鮮即炸，香脆爽口，蝦肉鮮甜。原條鯖魚，一大條鯖魚，肉質新鮮，烤香後加點日式芝麻醬及辣醬來吃，份外滋味。焦糖窩夫，烘得卜卜脆，加上甜蜜蜜的糖醬，是不錯的甜品。這裏的環境不錯，食材優質，性價比高，午膳時間其門如市。…Read More

可以火鍋和燒肉同時進行係幾好嘅食物質素一般，精選牛都好肥，有2cm嘅肥肉冇影相，因為本身冇諗住寫食評。不過最震撼嘅係個甜品見到可以半價14元食窩夫就打算試試落單只有名沒有圖，見到個名係“白雪列日窩夫”，自然聯想到係有雪糕。點知白雪原來係煉奶唔緊要！練奶都可以好食，好似格仔餅咁。窩夫份量似係被切開一半，好細塊。唔緊要，細塊好味都接受。點知！！！最大問題係：佢係一塊脆到好似炸過嘅餅乾質地嘅窩夫真係顛覆我嘅思想，所以寫食評，請大家千祈唔好食佢嘅窩夫，免得中伏！！！！…Read More