燒肉の牛太・本陣 (H8)

營業中

休息中

近年日式燒肉店在本地開得如雨後春荀，放題、貴價路線、fusion 路線的統統都有，適隨尊便。若你喜歡日本黑毛和牛肉燒烤，又想挑價錢相宜的，「本陣」可能是個不俗的選擇。與日式牛肉火鍋店「牛陣」同屬一集團的「本陣」，和牛由鹿兒島直送，價錢則走大眾化路線。「多脂肪新紐約流行沙律」$48先來個玩味十足的頭盤。此沙律在紐約流不流就不知道，但就一定是少脂肪；材料有新鮮青瓜、火箭菜、車厘茄、牛油果、蝦仁、雞蛋塊，全都是清新怡人的選擇，用來平衡燒肉的油膩最好。「特選和牛三點盛」$298有齊牛肋肉、牛肩脊及骰子牛排三款招牌款。「黑毛和牛特上牛肋肉」單點 $148「黑毛和牛特上牛肩脊」單點 $148肉質最好的是牛肋肉，雪花分佈均勻，輕輕一燒已是肉香盡出，口感雖未至入口溶化，肉質還是非常軟腍鬆化。牛肩脊是贏在肉味上，燒烤過後肉味是濃得化不開。骰子牛排的口感則最好，淺燙六面至焦香，內裡仍鬆軟多汁，三款各有棒場客。「日式冷麵三品盛合」$58若你是「奶皇包樹上的女人」，沒有澱粉質會死的話，可別錯過這道冷麵拼盤，有齊烏東、喬麥麵及拉麵，全部麵質彈牙有緻，冰涼爽口，在涼涼的冷麵汁的抱擁下，剛才燒烤的暑熱頓時消失於無形

同媽媽預先慶祝母親節, 因為上次同媽媽去盛八食過, 果度冇拉麵同其他小食, 所以為迎合媽媽喜好. 就選擇左呢度.因為呢度除左燒肉之外, 仲有小食沙律拉麵石鍋飯我地4個人叫左一個$388既套餐, 仲另外加左韓式豆腐,冷拉麵,水壺漬牛肋條,羊扒,豬頸肉,海鮮盛合韓式豆腐 - 都頗有豆腐味, 加上韓式辣椒醬, 食完好開胃羊扒 - 香草味超濃, 肉嫩多汁海鮮盛合$98(大蝦2隻, 魷魚, 扇貝2隻) - 魷魚就普通; 扇具好味; 大蝦好爽呀!d蝦膏仲好香!豬頸肉 - 雖然豬頸肉唔係咁健康, 但佢真係好香口, 充滿油份, 食完想再食.牛肉骰子$1xx- 套餐入面有4粒, 媽媽話入口即溶, 我地仲encore叫多一碟, 呢個真係不得不試燒糯米慈 - 套餐入面有2塊, 要好小心咁燒, 燒到外脆內軟; 出面脆卜卜, 有d似米餅咁既感覺, 加點附上既綠茶粉&紅豆. 可以中和返今餐滿口既肉味!Asahi$38 - 0.5l 杯裝, 獨有既啤酒味, 係燒肉既最好配搭!結果, 媽媽同我地都食得好滿足. 有機會會再黎

英國好朋友放假回港, 佢要求食韓國燒烤, 上年佢番嚟時同佢食過啦! 所以今次帶佢食日式燒肉。我哋訂咗位7點到, 老公上去攞位先, 我接埋佢哋先上去。去到時只有3枱客, 我哋坐window seat, 居位臨下, 幾好。我叫咗個$388二人套餐, 再散叫海鮮、野菜、什菌、牛肉、羊扒、雞肉同青瓜泡菜等, 散叫o既o野食每碟份量唔多, 所以價錢都係幾十蚊, 每人分少少, 試多幾款都得.上菜啦! 套餐有前菜枝豆同泡菜, 送啤酒一流, ASAHI大杯都係$38/杯, 抵飲。生料賣相一流, 雖然我唔食牛肉, 但見佢幾靚, 老公同朋友們都話好味, 厚切牛舌男友人唔食, 始總都係鬼仔, 怕咗牛舌, 老公同女友人就話牛舌冇咩特別, 似豬脷喎! 蝦超大隻, 雖然唔太新鮮, 但不過不失啦! 佢哋一致認為牛脊肉最好味, 而老公就超鍾意個青瓜泡菜, 所以第二round再encore。是晩傾吓食吓飲吓就到9點, o野食質素同環境都幾好, 而且又唔太貴, 好開心!

團購咗本陣優惠，$100當$200，好抵。一行三人，可以用3張優惠券。本陣處於高層，望出去個view 幾開揚。訂了12點，去到時，好像剛開，只有一個經理，連一個服務員也沒有。那個經理忙得不得了，有接不完的電話；見我們進來，也先安排座位給我們。環境不錯，窗口位，望到其他尖咀地標，幾開揚。個爐好高，同對眼同一高度，抽煙很好，但個爐太高，燒嘅時候有少少辛苦同攰。預先已上綱看了menu, 已想好食咩，一口氣點了很多，有salad, 牛脷、和牛粒、牛脊肉、醬漬牛脊肉、牛三寶、小牛排肉、石頭飯& 三色麵。唔知係咪時間尚早，廚房都未準備好，D 肉全部都未解凍，仲有雪同好硬。牛肉質素尚可，有牛味，油花均勻；但和牛粒，價錢貴，百多元先得6粒，質素完全唔係和牛，入口唔甘香，有根。牛脷最好味，又厚切，好香，讚！牛三寶最唔得，有牛胃、牛腸同牛柏葉，牛腸韌到完全咬唔開，差！三色麵幾好，清清地；個沙律都唔錯，好清新！至於個甜品，糯米糍，好似年糕咁，一塊塊。燒得要好有技巧，要不停反，但最好係離火燒，咁就唔會燶。配埋綠茶粉同紅豆茸，不錯，可惜份量太少, 只得兩塊！雖然用咗三張團購券，但都仲要補多成百蚊，真係有點兒貴~

是晚行街行到好肚餓，唔知呢棟大廈入面原來開左咁多家餐廳，所以決定入內試試去到廿一樓，見係烤肉但又唔煙，所以入內一試！叫左個 prime 乜乜既牛肉，肉好嫩，又好有牛肉味！正！！！！牛舌（洋荵），都可以，不過薄左少少...豬頸肉都好味，好嫩滑雜菇：係一個錫紙包住，放係爐上自己燒，好香同幾 juicy因為男友同我都頸鍾意食蒜頭，所以叫左個橄欖油蒜頭（小錫紙兜）：好味呀！！！又甜又軟鮮露筍就令我好失望：$18 咁平，都諗住唔會有好多條，不過兩條就真係過份左少少...小食：韓式辣豆腐，唔夠辣，普通豆腐，無特別韓式牛勒骨辣拉麵：唔似韓式既辣味，牛勒骨好老，唔好食！要提一提，佢地有三隻醬料，其中一隻係鹽為主要材料（唔記得叫咩），只要落好少已經可以帶出肉既線味，好唔錯另外，牛舌如果加買附送既洋荵一齊燒，會香口惹味 D

是次係生日飯！未講食之前先講服務！D人幾有禮貌，服務態度好好，我哋咁煩都可以保持笑容！今次因為一團9人，所以食到好多款牛，不過內臟就好多都無貨！D牛肉普遍好食！跟價錢相付！特別牛肉粒，真係有入口即溶嘅感覺！前菜同冷盤水準正常！

經團購買了半價的400元coupon, 可隨意在meun上點菜, 比起一般團購的set dinner 彈性得多, 可以點自己喜愛的食物. 這裡的服務很好, 不會因為你用團購而黑面. 因為聽過太多人用團購的不快經驗, 所以購買時都猶豫了一下.這裡主打燒物, 但我反而喜歡他們的其他食品. 泡菜拼盤及石鍋飯都十分出色. 但辛辣牛肋肉拉麵, 就不夠辛辣了.蔬菜很新鮮很甜, 但因為我不太懂燒蔬菜, 令到南瓜焦了, 茄子不熱, 紅蘿蔔乾了, 粟米黑了, 只有冬菇燒得最好. 所以我寧願吃現成的New York salad 吧.壺漬牛肋肉最抵食, 因為有牛肋肉之餘, 還有茄子, 冬菇, 大蔥……… 這裡價錢不是太貴, 每樣食物都是40-60元左右, 但份量只夠2-3人. 當日點了8樣, 都是400元有找, 用埋coupon即200元, 抵抵抵!!泡菜拼盤 ($38)New York Style Salad ($48)燒野菜盛合 ($38)壺漬牛肋肉($68) 上級牛肋肉-4件 ($58)法式和羊-2件 ($48) 辛辣牛肋肉拉麵 ($58)石鍋飯–小 ($38)

和友人在尖沙咀shopping，到了約11點大家雖然不算肚餓，但有點口痕想吃點宵夜。不知不覺走到厚福街H8這座食廈，很快，友人看到日式燒肉的招牌便被吸引了，便去看看！其實我們都是第一次在H8用膳，也是第一次光顧這家燒肉店。一打開電梯，整層21／F都是屬於這燒肉店，見還有約6枱客在吃飯，問好店員關門時間，原來收一點，太好了，一於坐低試試！店內空氣算'清新'沒有'烏煙瘴氣'，第一印象不錯。這時段原來有宵夜時段優惠，部分食物有半價的。我們共點了以下的3份肉和一碗飯：﹣極軟豬頸肉($38): 以這價錢算很不錯，肉質頗爽。﹣牛肩脊肉($48，有半價): 這個比較一般，肉味和調味也不夠濃。－秘制壺漬牛肋肉（$68，忘了有沒有半價): 最喜歡這個！肉香較濃，肉質也腍滑，不錯。而且壺底有很多蔬菜，如洋蔥，南瓜等等，正好平衡一下這多肉的一餐。－香蔥溫泉蛋玉子飯($28): 飯和蛋兩者都不夠香，如果再來的話，應該不會再點了。總括來說，以這價錢，得到這樣的食物水準，還有企理整潔的環境，而服務亦算快和有禮，算很不錯。下次如果在附近想吃吃燒肉做小點，會考慮再來。

首先更正以下SMASHING PUMPKINS食家的評語, 現在抽風系統完全沒有問題.呢間燒牛簡單地說: 環境: very good, 落地大玻璃窗, 記住早d訂位, 坐榻榻米位~食物水準: 大部份在menu上的食物都有試過, 除羊架外, 特別推介牛舌, 極上和牛, 虎蝦, 尤魚, 十分好味.價錢: 平平平2011年12月15日是我同女朋友拍拖3年紀念日, 上網查過好多燒牛資料, 如盛八, 伊呂波等等, 但最後還是選定尖沙咀H8大廈呢間本陣, 因為係新大廈新店關係, 而且search過好多資料, 呢間既環境係最好, 而且我早一星期已訂好位, 所以去到有得坐榻榻米, 仲有落地大玻璃窗係旁邊, 真係殺哂呀我地6:30pm上到去, 一食就食到9:00pm, 訂位時話只可以食2個鐘, 但實際都無人吹我地走, 加上服務態度又一流, 連個扇貝都幫手燒埋, 真係值得一讚

哈哈，食評上也有呆壞賬這一詞，即是，當你吃過餐廳／公關邀約的飯局，事後好歹也要留隻字，對方的原意就是如此。除非難吃得不好意思下筆，否則怎好意思白吃人一餐？早前出席過，在厚福街H8大廈內的燒肉の牛太・本陣，開業前的試食會。出席者大多是貴網內的殿堂／資深食家，亦有少數卓越級別出席，當中好些連燒肉也不知為何物，可見這次公關找人的範圍，是頗為廣泛。餐牌上有點似曾相識，與牛角有點像。燒牛舌很薄，略烤一下便成，入口爽脆，嫌調味不夠。厚切的感覺便好得多，入口帶有香甜的肉汁。美國上級滋味牛肋肉，肉質是不錯的，軟淋鬆化，醃味亦濃甜，烤一烤香味盡出。本陣秘製壺漬牛肋肉，敗筆在牛肋肉的質感很韌。骰子牛排燒是贏在起跑線上，牛排質素好，雪花分明，肉質鬆軟香甜，除非你燒燶，否則怎也好吃。海鮮是最失敗之一環，單是賣相已難以吸引人。石鍋飯是有水準，但無須搬出甚麼油泡而導致脫水之理論，說到尾只是班門弄斧，沒料充四條而已。啤酒是ASHII生啤，冰凍清爽順喉，是烤肉之良朋好友。當時餐廳的抽風系統極差，吃得一身油煙，這是我當晚最大的意見，半年過後的今天，相信應該有所改進。

是日公眾假期 (重陽節), 但店內不是很full。原本book枱時規定8點鐘交枱(6點半開始), 但可能我們後來追加了幾款燒肉而且又沒有人等位, 所以最後都坐到8點半才離開。我們5人點了飲品, 我叫了個蜜桃シャワー, 要了個沒有酒精的!都不錯,不是很甜, 有淡淡的果香~第一輪order了雜菜籃 (不太懂"燒菜"所以感覺味道一般), 先來一個厚切牛舌, 很香, 沒有"so"味, 點了自家製胡椒鹽很惹味 另外叫了牛肋骨和一口牛, 也很不錯, 牛肉不"un", 牛肋骨可以自己動手, 多數肉類都很不錯! 唯獨是其他煮物就欠缺味道, 較為清淡一點, e.g. 韓式冷面, 沒有泡菜味, 沒有辣味, 其實本身就很淡口... 再說那個石鍋飯亦好不了多少! 後來再追加雞肉腸(付雞骨)和魷魚, 都好味! 總括來說, 整體燒肉不錯, 但其他熟食就麻麻地~

今年正日生日留返同家人慶祝，因為爹娘都愛日式燒肉，所以就試試開業不久的本陣。因為一早訂檯時已要求坐Window seat，所以坐的位置蠻不錯！！！日式的榻榻米座位因為典非真的要屈膝而坐，所以蠻舒適的（不過大概不太適合沒腰骨的人~笑)前後要了兩客一口牛(圖左：$48)，蠻肥美，入口甘香，這樣的價錢很實惠了！另外圖右的厚切牛舌($58)，是每次吃燒肉必點的項目！入口的爽滑實在讓人吃得欲罷不能！其實一開始還點了一客上級牛肋肉，非常好味，肉味濃肉汁豐富，可惜的是忘了拍照！圖左是巨大牛排肉(燒汁)($68)，有點失望，燒汁比較咸，肉質也非常一般，有機會再來也不會再叫！圖右是雞腿肉(燒汁)($38)，這款反而OK，雞肉蠻嫩滑！火夠猛，傳來陣陣肉香！牛肉果然是燒烤的方法是最吃到其肉味！另外，也點了個海鮮盛合($98)試試，質素一般，最好吃的是魷魚，居然一點也不靱！！喜歡菌類的阿娘點了一客雜菌拼盤($58)，充滿了牛油香！而我跟阿爹怕不夠飽就點了兩碗玉子野菜湯飯($48)，清清地用來飽肚是非常不錯之選。這頓生日飯算是很不錯，價錢不貴就享用到質素不差的日式燒肉，她比起牛角價錢還要便宜(4個人吃才不過68

首次光顧, 沒有抱太大的期望, 結果, 下次光顧前真的要上 open rice了解六時半到場, 全場只有一枱客, 他們只得二人正在坐著ta ta mi. 還有約四張ta ta mi是空的.結果我和朋友二人被安排到了像最偏遠和暗淡的高枱四人座. 不久, 再有兩位情侶到場, 待應竟安排二人到我們同一張的四人座搭枱（震驚. 全場只得三枱客, 八成枱依然是空的）, 我也不禁笑了.點了食品, 還未有送上熱茶, 細問下待應竟說: 我們沒有任何免費茶或水供應的. 哈哈（心想, 這樣基本的服務, 茶餐廳也有, 在日本餐廳都很普遍, 本陣已收加一服務費, 但都沒有這種基本服務, 不禁令人失笑. 其實你隨便在餐牌的食品價錢上提高, 送杯熱茶給客人又何防, 哈哈）未幾, 又有六位客人進場, 再被安排在我們的鄰台, 突然燈光著了, 原來之前我們那邊還未開著燈的, 難道這是環保餐廳要慳電?鄰台六位客人同樣要求熱茶不得要領, 最好笑是他們的食物上了枱, 但久久未為他們開爐著火, 令她們相當氣結. 待待應行開聽到他們暗自咀咒由於我們那一邊的枱, 不知為什麼被一塊大木板隔著分開的, 每次要柯打的時候都無侍人理會, 需

今年七月中旬，有幸被邀出席一個試食活動，於尖沙咀厚福街H8裡面，一間名為牛太．本陣的烤肉店，品嚐日式的網燒，打後這餐廳正式開業，雖然繼後的好評不算太多，就個人而言，其整體感覺也是良好。正因如此，今次的舊同學聚會，決定移師那裡舉行，亦希望以一個消費者的角度，重新評價這間餐廳。附上上一次的食評，以作重溫及比較：http://www.openrice.com/restaurant/commentdetail.htm?commentid=2182019當晚共七位成年人，另加兩位小朋友，基本上是一張大檯陣容，其實是兩張四人檯並排而坐，體諒到爐具的設置，本身而言這問題也是不大。由於舊友早到，期間點了一些枝豆及冷麵等，方便年幼的小朋友享用，總算兼顧到不同口味的食客需要。當晚不太滿意的環節，原來這餐廳不設清茶奉上，心知肚明是怎麼的一回事，如果在燒烤途中不來一些飲品來解渴，享樂也會變成苦差，只是奉茶本身就是一種餐廳的禮儀，這樣的「強迫」方式，也未免小家了一點。至於飲品來說，除酒精飲品之外，一般也是俳迴於十五至廿餘元之間，基本的汽水之外，亦有一些冷凍特飲，例如巨峰葡萄及蜂蜜梳打等。自己點了一個蜂蜜綠茶，這

早陣子比較多空閒時間, 於是約左丶個喜歡不停吃喝既好朋友去試下新菜.其實一直都比較難搵到一間牛肉質素比較高既燒肉店見H8 就腳又是新大廈, 就去了這間本陣.有驚喜的是, 係尖沙咀都有小小海景睇, 唔洗去I SQUARE咁遠另外和牛粒同和牛片十分值得推介.以價錢來就, 物超所值, 相同既質素及價錢, 我諗係市面上既燒肉店比較難食得到韓式石頭飯同原創既三式冷面都有點水準如果厚牛舌可以大件點, 就比較多汁好味另外, ASAHI都好抵飲. 雖然地方細, 但係3 5 知己一邊吹水一邊食飯飲飲啤酒都不錯, 只係SAKE既選擇唔多, 有點可惜.抵讚既係, 個通風系統, 食完個身係無油煙味, 比其他燒肉店肯落心機做好個通風.