影片
以上資料只供參考, 請與餐廳確認詳情
舖頭開到2:00 嘢食方面我覺得中辣有啲辣，如果唔食得辣，最好叫本身嘅小辣 。價錢都食咗幾多嘢兩個人先食咗四百幾蚊都算叫做抵食，略嫌飲品選擇比較少，只有紙包嘢飲同埋樽裝。但係嘢食方面味道都叫做唔錯，非常之係港式嗰種串燒嘅味道，會落咗孜然粉同埋辣粉 。錯嘅就係佢嘅蜆粉，蜆粉都算幾足料，味道亦都唔會話好辣呀，都算叫做係鮮味嘅，啲嘢食都真係即叫即整。所有嘅嘢食呢都似係外賣嗰種style，全部都用錫紙兜送上。整體嚟講都算係合乎價值嘅。
繼續閱讀
今日同朋友去咗呢一間位於觀塘嘅串燒店食飯，餐廳嘅位置方便，只要由港鐵站步行一陣間，就可以到達。餐廳嘅食物主要分為幾類，一啲係海鮮類，蔬果類，同埋其他肉類等等。整體嚟講，每樣菜式都經過用心烹調，食物幾有特色。燒雞肉串 雞肉串本身已經經過調味，肉質彈牙，充滿肉汁。燒牛舌 大大件又夠味燒茄子 配上惹味嘅蒜蓉真係絕配！雞皮 邪惡必選燒雞心 好正好正好正好正~~~~~~~~~~~~~~~~~~~~~~串燒即叫即燒，食到焦香及火喉
繼續閱讀
一個讓人流連忘返的燒烤餐廳 營業到凌晨魷魚鬚外焦內嫩，嚼勁十足。再來是蒜蓉燒茄子，茄子的鮮甜在蒜蓉的襯托下愈加突出。串燒豆卜 外面卜卜脆，口感豐富，經過特別調味後，更是美味十足！！
繼續閱讀
睇住呢兩盒熱辣辣、香噴噴嘅犯罪證據，我個口水都忍唔住流晒出嚟，簡直係我深夜放毒嘅最高境界！首先拆開第一盒，嗰堆閃令令嘅串燒！嘩！一打開個錫紙盒，嗰股濃郁嘅燒烤香氣即刻衝出嚟，引誘我犯罪！幾隻金黃色嘅雞翼烤到油光發亮，上面仲灑咗啲白芝麻，睇得出師傅燒功一流。我急不及待拎起一隻，咬落去，哇！外皮焦香脆口，入面嘅雞肉仲保持到鮮嫩多汁，醃製得夠晒入味，鹹香中帶點甜，配埋陣陣炭火香，簡直係銷魂！隔離仲有幾條腸仔同埋啲蔬菜串，食肉之餘又可以「偽健康」一下，減輕罪惡感，高招！呢盒串燒絕對係我今晚嘅「宵夜主打」，邊煲劇邊食再嚟睇吓第二盒，嗰個鋪滿芝士嘅誘惑！「芝士焗茄子」！睇佢個樣，芝士熔到好似瀑布咁鋪晒喺茄子上面，金黃色中帶點點烤焦嘅痕跡，邪惡指數爆燈！未食已經feel到佢個軟綿綿嘅口感。一啖食落去，茄子嘅清甜同芝士嘅鹹香完美結合，口感豐富得嚟又超級creamy，真係令人食到唔想停！呢個簡直係宵夜嘅甜蜜負擔，食完我都唔理啦，今晚肥死都抵！下次會繼續肥落去！
繼續閱讀
觀塘區黎講，呢間真係唔錯，重點係唔”柴”，好怕食嗰啲乾憎憎嘅串燒，味道可以，講真，燒烤味來去都係嗰啲，冇咩好特別，亦唔太鹹，而且仲送左個小食比我哋試👍落單嗰個唔知係姐姐定哥哥，好好人，我行返屋企途中，我真係好怕一邊行一邊渣手機，仲要落單🙄一定落錯或者會x仆，但好彩佢肯幫我落，因為一早已經剔好晒影好咗張相，所以佢跟住落就可以，而且好配合我嘅起燒時間😂，因為朋友渣車去攞，驚塞車，所以到咁上下先至通知佢可以起燒，怕啲嘢嚟到凍晒。我係外賣自取，所以有折，算係幾抵，只係同出邊嗰啲貴價串燒舖比較，當然係唔好同大陸比較啦😂大致都係好評，下次會再幫襯嘅🙌🙌
繼續閱讀