燒味滷師 (安發大廈)

營業中

休息中

燒味滷師📍長沙灣🍗至尊燒鵝(半隻) $180燒鵝拎緊返屋企嘅時候已經一路聞到好香，食落好有鵝香，肉質唔粗鞋😋平時食燒鵝如果師傅手勢唔好好容易會有碎骨，但係呢個師傅手勢好好，骨肉分明，食落好舒服🥳🐖燒味佬叉燒 $40叉燒冇特登叫半肥瘦，一打開見到咁瘦本身都有啲驚會好乾🥴點知一食落口肉質好鬆軟，叉燒醬嘅味道甜鹹適中，一食就忍唔住係咁繼續食落去🤤🐣胡麻海蜇手撕雞(半隻) $65海蜇偏爽口同粗，手撕雞嘅醬偏濃味，如果單食嘅話就會偏鹹🥸但係配飯食嘅話，味道就啱啱好👻食耐咗仲可以配埋胡麻醬一齊食，轉下新口味🤪

長沙灣蘇屋邨前燒味滷師，叉燒切雞油雞燒肉燒鴨 燒鵝樣樣有齊而且價錢大眾化性價比高，平時唔煮飯，買隻雞番屋企做餸，或者切斤叉燒，都方便快捷，美味怡人。今次襯打風天前買左半斤叉燒半隻燒鵝比屋企加餸，大家食得開心，方便又唔洗煮。燒味佬叉燒紅噹噹外皮已經超誘人，而且仲閃著蜜汁的亮澤，微燶邊位散發著炭火的香，咬下去肉味香濃，超juicy又有口感，正。至尊燒鵝燒我一睇就知 夠大隻， 攞上手重甸甸 ，而且燒得夠火喉 ，皮脆肉滑多汁，吃落鵝味濃，而且肉質嫩滑，性價比超高原味手撕雞趁天氣仍然熱熱地，買盒涼菜都唔算過份吧！ 原味手撕雞， 麻油味與芝麻完善混合於雞肉之中，雞肉 質地嫩滑，一食就知。而且份量也無欺人，完全讓人食唔停啊！

早前在燒味滷師的葵涌分店買過燒味回家與家人慶祝中秋，覺得它的燒味質素不錯，今天經過它的長沙灣分店，決定再度光顧，買燒味回家加餸！長沙灣分店感覺比葵涌分店大，店內同樣掛滿各式各樣的燒味。上次嘗試過這裏的至尊燒鵝，味道十分不錯，今次決定回購，也買了家中小朋友最喜愛的叉燒，也新嘗試手撕雞，看看質素如何。捧着外賣袋子，熟悉的燒味香味令人急不及待想回家打開品嚐。原味手撕雞(半隻)($60)。手撕雞搭配着芝麻粒和獨特的醃料，分量豐足，雖然對本人來說味道略鹹，但肉質嫩滑，涼伴着飯吃，是一道不錯的開胃菜 。燒味佬叉燒(半斤)($40)。偏瘦帶一些些肥肉的叉燒，肉質不會乾，外層甜甜的，肉汁混著甜醬汁，讓人一口接一口。至尊燒鵝(半隻)($180)。大大盒燒鵝實在非常香，外皮煙韌，肉質新鮮不嚡口，肉油滿滿，配飯一流！再配上用袋子另外裝載的燒汁和酸梅醬，一整個芳香又滋味。今次的份量配着白飯和蔬菜吃，足夠滿足五個人，配著汽水喝，豐富又美味的一餐！

中秋節日特別多團年飯，又係時候要去買燒味，斬料俾全家人食。去完深水埗買蛋糕之後，就順便去埋長沙灣呢間燒味，當日買咗半隻燒鵝、半斤叉燒、半隻麻辣手撕雞。燒鵝一如以往地有水準，唔會太過肥膩，有鵝香。叉燒半肥瘦，肥瘦相間，更有口感。食到最尾依然可以醬汁撈飯！麻辣手撕雞份量好足夠，方便易食，有辣度但略嫌麻香感可以重返小小就更正！見到佢越開越多分店，真係不枉我成日都去支持！疫情之下價錢黎講真係非常優惠，你試過未？

「最後一分鐘！」耳邊傳來裁判響亮既聲音。今日係校際籃球比賽決賽，我地同衛冕三年既對手爭冠軍。到左保安道遊樂場，見今日比平時格外熱鬧，可能大家都為左觀賽提早黎霸定位。「點解好……仲落後緊一分……」眼見時間毫不留情地倒數，而我方落後緊，真係好唔甘心。「波！」隊友阿輝傳左個波比我。我一邊控球，一邊計畫點進攻。因為對手防守好耐，如果直接衝入去，一定唔夠時間得分。呢個時候，我係3分線外徘徊。「最後10秒！」歡眾既目光都放晒係我身上。「最後機會啦！博一博啦！」我心諗。於是，我瞄準目標，跳起射波。我仲未反應得切，球場外傳黎熱烈既叫聲同掌聲。「嗶！」裁判既哨子聲一響，比賽正式結束，因為最後一球三分波，我隊成功反敗為勝。到而家，呢場比賽都好似夢一樣。「點慶祝呀！」隊友望住我，暗示叫我揀今晚去邊度食飯。「我想食肉，補充返啲體力。」「附近有間燒味店，不如去試下？」到左之後，見店舖裝修新淨，係一間外賣店，外面有客人排緊隊。「唔該半斤叉燒、半隻燒鵝同埋半隻手撕雞！」話咁快5分鐘都未到，外賣就拎得。「叉燒咬落去好淋喎，而且好入味，個汁甜甜地。」「我又試舊先！」阿輝一定係太肚餓，食唔停口。「出面舖頭啲叉燒好多脂肪，

長沙灣區多食店就係人都知～響咁多競爭下竟然門口都大排長龍一係就好抵食一係就好好味呢度當然兩樣都做到😎😎樣樣睇落都好正～幸好屋企夠多人可以買多幾樣返去食買咗半隻燒鵝、一斤叉燒、麻醬手撕雞半隻夾埋先係$280我本身唔係好食燒鵝但屋企人就讚口不絕話燒鵝肉夠晒入味而且塊外皮唔算好多脂肪又燒到好香口大口大口食都唔會好有罪惡感本身想買麻辣手撕雞點知又係黃昏先去俾人買晒不過麻醬手撕雞一樣好食雞肉好彈牙而且醃得夠味食落唔會淡而無味叉燒我指明要瘦食落好香甜～瘦啲地又食得放心啲

今晚同家人聚聚, 唔知食乜好既時候最方便就係斬料加餸~~係家人屋企附近間叫"燒味滷師"買左幾味燒味....家人都未食過咁就一齊試下囉~~其實點解會買呢間係因為經過見到好多特價燒味價錢非常經濟, 而且見有人排隊買應該都冇死掛~~真係幾平, 一隻雞都係 $59, 半隻就$30單雙併飯盒 $22有冷盤賣~~至尊燒鵝 (半隻) $180見到掛住係道既燒鵝幾靚又係新解出爐就買左半隻~~燒鵝外皮亮麗有光澤, 食落口仲有微脆口感~鵝肉有濃郁鵝味, 肉質嫩滑, 肉汁香料帶出肉香叉燒 (半斤) $40叉燒外表橙紅色, 睇落都幾吸引....本身睇舊叉燒好似瘦瘦地, 好驚會乾同鞋~點知真係唔可以淨係睇樣, 食落又幾軟腍JUICY喎原味手絲雞 (半隻) $60手絲雞肉質都幾幼嫩, 一絲絲好易食又唔會痴牙~~個醬汁味道剛好, 唔會太咸或太淡

燒鵝下庄120$ 成盒野都係肥膏同骨 肉呢？兩啖都冇 唔怪得門口都冇人幫襯 成盒野得碗飯上面d野食得 真係未試過出食評 枉仲咁多正評呢間垃圾 大家去買外賣最好係門口開黎睇睇先 真係未試過買燒味係咁

最近新式裝修的燒味舖，把燒味漂亮地掛在玻璃牆上，吸引之餘，有更加衛生。經過長沙灣，唔到 #燒味滷師，今晚加餸簡單快捷。.至尊燒鵝 （半隻）$180 - 真的好耐沒有吃過燒鵝了，小時候覺得燒鵝只有深井才有，所以覺得燒鵝都是無比珍貴的。發現原來半隻燒鵝才$180，是每個街坊都能afford的小奢華！ 掛在玻璃旁邊的燒鵝深咖啡色，光澤亮麗，真的十分吸引。入口鵝香的油脂滿溢，肉質踏實，晚餐成為了焦點。叉燒 $40 - 講到燒味當然少不了叉燒。媽媽說近排物價貴買豬肉也很貴，感覺在這裏買叉燒比超市買豬肉更加化算。麻辣手撕雞 $60 - 最近很潮流吃手撕雞，麻辣不至於太辣，味道很香，又可以當冷盤食，份量不少，是隨時可以當加餸之選。

放工返屋企有時真係好攰，有時真係唔想煮飯，我就會去買燒味加料，今次係元洲村後面行入一條街就會揾到一間叫<燒味滷師>既燒味舖，門口係鮮黃色 好易見到，加上我收工去，佢地舖位隔離既舖都開始收工，都係因為佢門面好手搶眼，就試下，點知唔試唔知咁好食。 今次買左半斤叉燒，半隻燒鵝同埋半隻手撕雞，叉燒唔記得同師傅講想要半肥瘦，諗住一定好鞋，點知望落去既瘦叉燒咬落都幾軟熟。原味手撕雞，好滑餸飯一流。最後一定要贊既係燒鵝，油脂同肉都分佈均勻，咬落去冇成口油<肥滕滕>，超香，但係因為買多左食唔晒，留左d下欄位隔日煮米線食都依然又香又好味，食到成家 lam lam 脷，下次要買一隻先得。

有時屋企人諗煮咩餸諗到頭痕時，斬返幾盒燒味就最啱，燒味一年四季都啱食﹗長沙灣呢間顯眼黃色燒味舖—燒味滷師，而家分店越開越多，有時仲會排長龍，看來保質有一定保證，於是放心地斬料返屋企食！至尊燒鵝(半隻)$180：剛拎上手時熱辣辣，燒鵝汁貼心地分開袋裝，食前先淋上去。燒鵝肥瘦適中，皮澤光亮，皮脆夠油香，鵝肉嫰滑入味。自己最鐘意食燒鵝脾麻辣手撕雞(半隻) $60：表面有芝麻粒，份量都頗多，冷盤雞肉麻辣開胃惹味，雞皮脆口不肥膩。燒味佬叉燒(約半斤)$40：切得厚薄適中，香甜蜜芽糖燒得入味，叉燒肉淋口易咬。阿媽都讚呢個先係真實好食蜜汁叉燒，不會似前幾日阿爸買既難食乾柴硬口叉燒。呢間燒味滷師出品不錯，價錢公道，難怪咁多街坊幫襯！

門面 都算乾淨的，（本來想買 乳豬見到掛住好柴皮 顏色都邊，所以唔敢買）至於賣嘢嘅姐姐，斬料嘅師傅 態度則有啲欠佳，從佢地嘅態度嚟睇， 過去可能係某啲街市賣慣平嘢，比較鍾意呼呼喝喝。見到網上講呢間燒臘好多人買好好食，今日特登過嚟幫親下客觀來講：食物售價：對於半隻雞售賣30蚊港幣，叉燒40蚊半斤，相信會吸引唔少嘅市民，尤其係現在疫情底下，大家都生活相對計較節儉。味道來講：如果你對於「燒臘味道有追求」的話，咁我就可以同你講，你唔需要投任何嘅期望，佢只屬於街市級別 嘅燒臘而已。貴妃雞： 其實只不過係鹹雞嘅味道 非常鹹 ，雞肉好韌 好乾燒鵝：  八角，甜味基本唔平衡。（下庒 120）呢個價格不如俾多少少去 “棋哥”買 ，因為係外賣所以對於燒鵝 外皮 就唔評價了叉燒： 咬口比較柴，肉質好乾， 八角，燒酒味道好重

唔想煮飯嗰陣時就最鍾意斬燒味返屋企食！又方便又快靚正！最緊要一家大細都啱食！斜路呢間燒味滷師都幫襯咗好耐，一來就腳，二來價錢大件夾抵食！而且食物質素都OK。今次就買咗至尊燒鵝、燒味佬叉燒同埋原味手撕雞返屋企食！一打開燒鵝嗰盒已經聞到香噴噴，而且肥肥地有少少鵝羶味，皮下面帶少少脂肪，食落口勁香！最鍾意食佢胸位啖啖肉口感，鵝肉同雞肉唔同，肉質會嫩滑啲。呢度啲叉燒都唔錯，通常係半肥瘦，邊位仲有少少焦香，口感你好呀！手撕雞好香芝麻同埋麻油味，雞皮又夠滑，所以就算原味都好好食㗎！而且咁樣撕好嘅手撕雞唔使吐骨，小朋友自然食得方便！

今日屋企好齊人咁難得就決定斬料返去食餐好既第一時間就諗起呢間人氣燒味每次係店外見到d燒味都會流哂口水絕對係色香味俱全至尊燒鵝(半隻)燒鵝皮香肉滑外皮燒到香脆，將d油迫哂出黎食落一d都唔膩鵝肉好嫩滑，肉味好濃郁味道一絕呀燒味佬叉燒叉燒燶邊香口，肉質厚實有口感係高質既肉配上高超既技術先做到呢種味道家人都讚不絕口燒味佬果然名不虛傳推薦大家一定要試叉燒醬甜而不膩用黎撈飯先一流一啖接住一啖食原味手撕雞雞肉嫩滑加上醬汁食好惹味

今日做野好忙，冇時間煮飯，又唔想約人出街食飯。晏晝經過長沙灣，見到好多滷水燒味檔。突然好想食燒鵝，最後被呢間外賣燒味店吸引咗，顏色十分搶眼，裝修環境目測很企理衛生，而且價錢不貴。樣樣都想食，於是叫了半隻燒鵝，加多半隻辣手撕雞，同埋一份例牌燒肉，埋單吾使三百蚊，十分抵食。今晚就有簡單是日晚餐精選了，四人份量足夠有餘。反屋企開支酒，吮下骨骨先，十分滋味。燒鵝真係好好食，滷水香味好入味，鵝肉又唔韌，食到停唔到口。手撕雞有辣有唔辣，雞肉味濃而且不會好肥，香辣程度適中，同樣好味。至於叉燒因為不想吃得太肥，所以向店員要求要瘦义。食落也不錯。仲有其他小食可供選擇。真係行過路過，千祈唔好放過，推介大家值得一試。