熺會館

營業中

休息中

尖沙咀呢間熺會館原來除佐火鍋出色，小菜同樣有驚喜，水準甚高！打頭陣係主角糯米蟹，一大隻羔蟹在飯中央，十分吸睛，羔蟹鮮甜無比，橙黃色既羔香濃又綿，糯米煮得岩岩好，唔會太硬太軟，仲啖啖都有蟹香，超級好食，絕對堪稱世一🦀👏🏻😻然後小菜同樣有料到，黑松露蝦仁炒滑蛋～蝦仁既彈牙配上滑捋捋既炒蛋口感真係好好，仲有黑松露既咸香，出色滋味😽熺會小炒王～小炒王有滿滿既乾海鮮，咸香味十足，韭菜炒到岩岩好，唔會太老，加上脆脆既腰果口感好爽👅 生炒菠蘿咕嚕肉～調味豬肉先炸脆，配上新鮮既洋蔥青椒紅椒，仲有不可缺少既菠蘿，用酸甜汁炒香全部材料，開胃好食🤪

今日同事last day，我地一班放工就黎佐熺會館同佢farewell，一大班人食到好開心。👅熺會館足料雞吞翅原隻大大既雞煲出黎既湯鮮黃色，黃油雞啲油脂滲晒落香，成個湯都勁香，雞上面就係一大梳魚翅，仲有啲多籽係頂添，擺得好靚，啲魚翅配呢個湯非常入味，好好食，湯底仲有杞子大蔥呢啲香料，成個湯好正！🥟熺會炸黑松露餃呢個炸餃一上枱好快就被我地清晒，炸到好脆好好食，餃子餡好滿，皮又薄，黑松露味滲晒出黎，正！👍🏻桂花蚌鮮甜既桂花蚌好大隻，超抵食，食到好鮮甜好新鮮，口感爽脆，吸收埋雞湯精華，不得了！🥟熺會館四寶餃每款餃有兩粒，差唔多一次過試晒呢度既餃，好正，我最鍾意係魚皮餃，好足料真係用魚皮整既餃，果皮煙煙韌韌，啲餡都撈佐好多魚肉，成隻好香魚味，好正！🦑冰火魷魚凍食既魷魚用上辣椒去整，醬汁辣辣地，魷魚又凍，煙韌既魷魚口感好好，好惹味好開胃！

今日男朋友帶我食好野，去佐尖沙咀呢間熺會館食飯，呢度易搵又有裝修，店員又熱情，印象好好！我地先叫佐糯米蟹，一個絕對要打卡既菜式，大大隻既羔蟹放係糯米上面蒸，蟹油滲晒落糯米，每啖糯米都有蟹香，羔蟹啲橙黃色既羔香濃綿細，超好食🤤另外小菜先叫佐黑松露蝦仁炒滑蛋，蝦仁炒得岩岩熟，鮮嫩爽口，滑蛋真係好滑，滑嫩又有蛋味，加上黑松露提升整道菜既鮮味，濃濃既黑松露令成碟炒蛋都好好食，唔係炒蛋咁普通😋我地仲叫埋熺會小炒王，用料豐富既小炒王有魚乾，蝦乾，魷魚鬚，腰果，韭菜，口感好豐富，用薑片爆香所有材料，每樣海鮮既咸香令小炒王唔駛再點調味都已經好鮮味好好食🤩

今日叫嘅湯底就係👉🏻熺會館花膠雞湯鍋👈🏻，有冇人同我一樣係打邊爐好鍾意啊花膠湯底？感覺上好似健康啲補身啲🤣❣️熺會館四寶餃:大大粒好足料😎雖然皮薄，但係冇爆👍🏻包得幾好。平時好怕打邊爐食餃子🥟，因為怕佢爆到周圍都係🤧好彩呢一個四寶餃皮薄餡靚‼️仲要分咗四個唔同餡料，非常豐富。❣️鹿兒島日本黑豚肉:打邊爐一定要有辱啦！呢度姐黑豚肉我見都幾多人叫，來自日本嘅貨源一定有信心保證🇯🇵🪄食落去真係零舍鮮嫩無比。❣️鮮鵝腸:要讚！真係要讚‼️洗得好乾淨😘完全冇怪味。充滿鵝油香👍🏻總括嚟講今次嚟到呢間餐廳嘅體驗唔錯，下次會再嚟幫襯！

.･ﾟ🌙✨.･熺會館 (尖沙咀)尖沙咀山林道29-31號廣利樓1樓･ﾟ🌙✨.･Wohoo!天氣終於轉涼啦🍁🍂，可以約埋三五知己打邊爐🍲了😳我地一行5個人黎到尖沙咀呢間火鍋店一齊烚吓烚吓🤭因為有人食辣有人食唔辣，所以我哋叫咗一個鴛鴦湯底😚蕃茄菌皇清湯鍋 + 川式麻辣鍋。我幾鍾意蕃茄湯嗰邊有西芹😳我自己本身好鍾意食‼️麻辣湯底真係好夠辣🌶️另外，仲單點左一啲火鍋配料👇🏻·鹿兒島日本黑豚肉·桂花蚌·鮮鵝腸💁🏻‍♀️因為我唔食牛肉，所以大家都就返我食豬肉🐷呢度嘅豚肉片厚薄均勻，好有豬味！桂花蚌好新鮮，我彈牙嘅口感，令我一試愛上😳 打邊爐唔少得一定要有鵝腸🥰我知道唔係到到地方嘅火鍋店都有呢度有實在太好了✅

教咗我好多嘢嘅師傅即將退休，想搵間坐得舒服又有氣派嘅中菜館為佢送別，感謝佢嘅教導之恩☺️千挑萬選之下，我揀咗呢間尖沙咀嘅中菜館，座位好闊落同光猛，侍應嘅服務殷勤，第一印象感覺良好👍🏻我哋叫咗三款食物，包括有：🏅馳名水煮石斑 $448石斑魚肉新鮮，肉質結實，食得出魚肉微微嘅鮮甜味。水煮汁未到正宗，用咗適量嘅花椒、八角、泡椒等香料熬煮而成，特別足料惹味🌶🌶🏅熺會小炒王 $178材料豐盛，有炸魚仔、蝦乾、腰果、韭菜等等，加埋特製嘅醬汁快炒，果然係招牌小炒王！🏅鮑汁黑松露琵琶豆腐 $198琵琶豆腐加入咗黑松露，令到成件豆腐嘅香氣更突出，口感輕盈軟熟，啱晒老人家食☺️三款小菜都各有特色，師傅都好鍾意今日嘅食物，以及中菜館嘅環境，咁我都放心晒😚

Happy Friday 一早book定枱打邊爐，餐廳好好安排咗超舒梳化位俾我哋，同朋友就可以更盡興瘋狂打邊爐了🥳湯底點少得川式麻辣鍋加蕃茄薯仔牛腩鍋，鴛鴦鍋可以滿足唔同人嘅口味同需要，兩個湯底都越滾越濃，超夾新鮮嘅邊爐食材🥰第一輪叫咗熺會館四寶餃、養顏花膠、鮮鵝腸、鹿兒島日本黑豚肉同脆炸美味午餐肉🤩四寶餃有齊佢哋四款精選嘅餃🥟黑豚肉油脂分布平均，一啲都唔靭🐖第二輪就叫咗鮮雞子、極肥脆肉鯇魚腩、黑白栢葉雙拼、潮汕牛丸加熺會手打四寶丸😚食物依舊新鮮，份量冇得彈，特別係份鯇魚腩，絕對冇腥味，魚腩色澤有光澤，超正！呢個價錢、服務、環境，加埋上乘嘅食材質素，每個星期嚟一次一啲都唔過分🤩

爸爸生日，佢最鍾意就係打邊爐，啲料唔新鮮唔靚都唔食，好識食😆所以我哋去咗尖沙咀山林道嘅熺會館，全因兩個字：好食！⭐️湯底選擇都幾多，爸爸鍾意食辣，我同媽咪就唔食得辣，所以叫咗鴛鴦湯底，川式麻辣鍋拼蕃茄薯仔牛腩鍋☺️牛腩大大嚿，炆到好林身，超正😋🐃潮汕牛丸超級有牛味，彈彈吓非常有口感~🐓鮮雞子係爸爸嘅最愛，佢話每食一粒，鮮甜味就會從雞子入面湧出🙈🐃黑白栢葉雙拼洗得好乾淨，唔會有羶味，加上大大塊，吸湯一流👍🏻養顏花膠就專登叫俾媽媽，滋陰養顏，佢好喜歡💕🦐熺會鳳尾蝦多士嘅蝦膠鋪滿成塊多士，金黃香脆～🦑金沙椒鹽鮮魷魚就十分惹味，金沙椒鹽少辣但會令人想keep住食😙🐖脆炸美味午餐肉好邪惡，炸到表層脆卜卜，咸咸香香完全抵抗唔到🤩唔覺唔覺嗌到成枱都係嘢食，不過實在太好味，所少我哋全部都清晒😜😜

雖然天氣好熱，但係我對打邊爐嘅熱愛程度有增無減🤣咁啱今日經過尖沙咀山林道，見到呢間食肆嘅邊爐好似幾吸引，一於去試試😉📍｛鴛鴦湯底-川式麻辣鍋+蕃茄薯仔牛腩鍋｝兩個湯底都超級濃郁，真材實料，食得出冇乜點落味精，所以味道好自然，飲完碗湯都唔覺口渴，好有驚喜😋📍｛養顏花膠 $168｝花膠真係不得了，塊塊都發到又大又厚，入口黏稠度高，質量極好，係啖啖骨膠原嘅滋味😍📍｛鮮雞子 $138｝雞子吸滿哂湯後爆汁，就好似豆腐咁滑，而且一碟份量都幾多，最啱大家share食🤩📍｛黑白栢葉雙拼 $118｝黑白栢葉每日新鮮屠宰，口感不僅爽脆，而且有彈性，鮮嫩美味😚綜合咗湯底同埋食材嚟睇，呢間邊爐店嘅食物質素認真高質，見佢仲有好多海鮮同肉類賣相都幾好，下次必定會再嚟食🥰

終於就到時間可以同好耐冇見嘅朋友食飯，諗咗好耐究竟食小菜定係打邊爐好，最後決定兩樣都食晒，咁先夠盡興㗎嘛🤣我哋一行五人嚟到尖沙咀嘅✨熺會館✨，卡位好大張，環境都好乾淨一開始梗係整返幾個小食嚟食下啦，《香炸雲吞 $98》有6隻，雲吞嘅蝦肉同豬肉比例啱啱好，炸完都仲係好Juicy🔥 《熺會炸黑松露餃 $128》皮薄餡靚，油溫夠高所以炸出嚟金黃色，亦都唔會油冧冧🔥🔥食返件《酸薑糖心皮蛋》中和下先，皮蛋黃非常甘香，配合酸酸甜甜嘅酸薑一齊食，好Fresh💦💦既然佢哋嘅炸嘢咁好食，咁就一定要叫多碟《金沙椒鹽九肚魚 $138》，九肚魚好似棉花咁滑溜，每件都炸得外脆內軟，廚師果然高技術👨🏽‍🍳食完一輪小菜之後終於打邊爐啦，我哋叫咗《熺會館花膠雞湯鍋》，就咁睇相已經feel到有幾足料，味道亦都好有水準，配合新鮮嘅火鍋料簡直冇得輸👍🏻👍🏻

呢間主打精緻火鍋料理嘅餐廳我已經食過好多次，每次都食得超飽滿，連同行嘅朋友都大讚高質！👏🏼必食推介💁🏼‍♀️鴛鴦湯底（川式麻辣鍋拼蕃茄薯仔牛腩鍋）➡️麻辣鍋椒麻香辣，溫和不嗆喉，越食越上癮。蕃茄鍋用咗好多蕃茄煲，夠酸夠甜，淨飲湯都好正🙆🏼‍♀️有足料靚湯，當然要有精美嘅配料啦💁🏼‍♀️熺會館四寶餃大大隻，餡料足料；鮮雞子索滿麻辣湯，平時唔食雞子嘅朋友都食咗好多🙈；潮汕牛丸粒粒手打，超級彈牙；黑白栢葉雙拼同鮮鵝腸都處理得乾淨，口感爽脆可口🙊❣️另外佢哋嘅鮮製鯪魚滑、極肥脆肉鯇魚腩同熺會手打四寶丸都係我哋每次必嗌嘅嘢食，魚產每日新鮮由魚市場直送，十分滋味🙆🏼‍♀️最後嗌埋熺會炸黑松露餃同泰式凍鳳爪就啱啱好💁🏼‍♀️炸餃香脆惹味，凍鳳爪酸酸辣辣好開胃，perfect❣️❣️

老友生日梗係要好好幫佢慶祝，知佢最鍾意打邊爐，所以揀咗間食材湯底都好靠得住嘅中菜館，一班人一齊食餐好嘅！🎉侍應話今日嘅｛深海池魚刺身🐟｝好新鮮質素極高，侍應嘅介紹果然冇錯！池魚刺身充滿光澤，每片都切得厚薄適中，肉質爽口🥹我哋叫咗佢哋好出名嘅鴛鴦湯底，包括咗川式麻辣鍋周蕃茄薯仔牛腩鍋，麻辣鍋夠麻又香，火鍋配料朔晒湯底超級惹味🔥🔥蕃茄薯仔牛腩鍋材料十足，濃郁美味🥰老友大讚鮮雞子、潮汕牛丸同黑白栢葉雙拼好正，特別係雞子無腥味，超級柔軟，處理得非常好👍🏻重口味人士一定要叫脆炸美味午餐肉，表皮炸到脆卜卜，就咁食或者落落湯底度朔汁，都同樣合適😋熺會鳳尾蝦多士炸得乾身，蝦膠彈牙香口！呢度無論係火鍋配料，或者傳統小食都同樣做得好好，絕對唔會介紹錯😝

無邊爐不歡嘅我最鍾意就係周圍去打邊爐，呢間尖沙咀山林道嘅「熺會館」出名食材新鮮有保証，份量夠豐富，Cp值超高✌🏼🪄川式麻辣鍋拼蕃茄薯仔牛腩鍋：心思思想食唔同湯底嘅，就當然要揀鴛鴦湯～麻辣鍋花椒味突出，湯頭濃郁🌶；蕃茄鍋有好多蕃茄，越滾鮮甜味越出🍅🪄鮮鵝腸洗得夠乾淨，唔會有內臟嘅腥臭味，鵝腸充滿油香，好正喎！🪄熺會館四寶餃粒粒飽滿，餡料嘅調味啱啱好，係一碟非常有質素嘅水餃🥟🪄鹿兒島日本黑豚肉肥瘦均勻，黑豚肉入口爽口彈牙，豚肉味強烈，食得出新鮮嘅味道🐖🪄熺會炸黑松露餃脆卜卜，新鮮熱辣炸起一定好食！🪄黃金沙炸魚皮就咁食都已經非常邪惡🙈索埋湯底就更加上癮，所以我哋都encore咗一碟🙊新鮮嘅食材真係好加分，食過返尋味😍

疫情關係，多咗買外賣返屋企食，所以我好着重食物外賣後嘅質素，而呢間喺尖沙咀嘅熺會館就係我嘅外賣飯堂，皆因佢哋嘅小炒拎返屋企之後仍然keep到好似堂食咁新鮮好食，非常難得😋今日叫咗四個餸外賣，「紅燒豆腐煲」冬菇大大粒，炆得好林好香，送飯一流✨「鮑汁黑松露琵琶豆腐」啱晒老人家同小朋友食，鮑汁香濃又惹味，伴碟嘅菜心拎到返屋企仲keep到翠綠色🥬點少得叫佢哋嘅「馳名生炒菠蘿咕嚕肉」，咕嚕肉酸酸甜甜，個皮仍然好脆，同堂食嘅一樣好味🤩最後有「芥辣安格斯牛柳粒」，牛柳粒份量足料，仲有好多青瓜同埋三色椒一齊炒，都幾有鑊氣！如果你都想好似我咁偷懶唔煮飯，建議你哋嚟呢度買佢哋嘅小菜，一返到屋企就可以開飯，又方便又好食😚

一個靚嘅湯底絕對係打邊爐嘅靈魂，鍾意花膠雞湯做湯底嘅朋友一定要嚟依度打邊爐，我敢講係全港數一數二最好味嘅花膠雞湯😍🍲熺會館花膠雞湯鍋充滿骨膠原，雞肉味超濃，裏面仲有好多花膠，我哋仲額外加咗碟養顏花膠，成個湯底膠質豐富，花膠又厚又滑，齋飲湯都好滿足🥰我哋仲叫咗好多配料🤩有脆炸美味午餐肉、香炸魚片頭、鮮製鯪魚滑、鮮雞子、潮汕牛丸同黑白栢葉雙拼～每份邊爐配料賣相都好得，最欣賞係佢哋嘅潮汕牛丸，每粒牛丸都啖啖肉汁，必食！另外我哋都叫咗啲小食，金沙椒鹽墨魚咀夠哂香口，墨魚咀爽口彈牙，唔覺唔覺就會食晒🐙醉鴨舌嘅花雕酒味香醇，好適合佐酒食🍻今餐真係好飽，佢哋嘅花膠雞湯真係令人念念不忘☺️飲完當堂覺得自己皮膚充滿彈性✨