熟客

營業中

休息中

路過青衣城朋友選咗呢度食午餐～熟客。睇吓得唔得～叫咗二個海南雞飯，雞絲大蝦湯粉，檳城海鮮喇沙。先講海南雞，真係食過咁多次，真係好小見到啲雞係白色而唔係黄色，雞肉唔夠滑，啲油飯又無油飯應該有嘅味，如果以馬拉或新加坡餐廳嘅收貨嚟講，真係唔收貨，除咗唔夠滑有一二件啲肉有啲梅嘅感覺，即是新鮮度嘅問題。另外加了二個小食，以單邊雞翼比較入味，網蝦春卷一般。其他二樣湯粉同喇沙，我無份食所以評論唔到.但見二人都清碗，應該不錯。另外想講吓呢度嘅服務同工作態度～先講下服務嘅質素，二海南雞飯放底咗，個盤無飯嘅？我以為墊喺啲雞嘅下面，撩開啲雞～又無，如是者，等咗五分鐘，開口問侍應，佢至記得攞嚟，真係咁者得？到埋單俾咭，個四眼哥哥俾張單我嘅時候，好似我欠佢好多錢咁，除咗應有嘅笑容無之外，真係多謝都無聲。如果你屬於經理級，你公司真係多得你唔小，你如果係茶記或大排檔，我真係唔會有呢個要求，你間店係中上店，就應該有中上嘅質素。要記得，你公司係有加一服務費！係～服務費！！埋單連加一，410回頭度～4/10食物質素同服務有待改善。以上純粹本人分享食後感，絕無收取任何利益和優惠。

今天又是我可以做自由人時間，剛巧經過這間星馬泰餐廳，見冇乜人， 又有啲肚餓 ，就想試試佢哋嘅下午茶set! 看過餐牌後，覺得在青衣城來說，這裡的價錢算是合理，平均都是五六十蚊就有交易(未包加一服務費)，下午茶餐牌也有很多選選，包一個主食加一杯嘢飲，也可以額外追加其他小食!餐廳裝修不錯，見到主人家設計嘅心思，這裡主要是用木和藤等物料擺設， 環境很有馬來西亞風情!由於小妹很懷念以前一間位於灣仔的蝦麵店，所以見到餐牌上有一道「檳城濃湯蝦麵」，就急不及待 order了，這裡是用手機自助點餐，非常方便!蝦麵湯底尚算濃郁，麵條也可以，材料除了有蝦、蛋和配菜外，還有兩片豬腩肉... 肉質和味道OK，可能小妹比較晏先食野，所以略嫌份量偏少 😅! 縱觀而言， 這間星馬泰餐廳不過不失，性價比OK，大家可以不妨來試試!

最近我去咗青衣嘅熟客試下佢哋嘅新加坡菜🤩真係好開心😄 今次點咗佢地既限量特惠二人餐😋餐入面又有肉骨茶、沙嗲牛肉串、炒通菜同青木瓜絲沙律仲有甜品🥹整體人均只需$120🥳真係平靚正💰青木瓜絲沙律清脆可口🤩有D蕃茄絲配😋整體搭酸酸甜甜嘅味道非常開胃😋搭配埋個咖哩雞連埋飯加牛油餅真係一流🥗 肉骨茶嘅湯底味道濃郁☺️有豐富嘅藥材香氣🤩飲落去暖和又滋補 🌿肉質非常軟嫩🥹 沙嗲牛肉串都算唔錯💖配上香濃嘅沙嗲醬🥳食得我口水直流 😋炒通菜就炒得恰到好處🤩個味唔會太咸😝真係好岩配飯 🍚呢間餐廳上菜速度快😆等候時間唔算耐☺️服務態度亦好好🥰整體用餐體驗我非常滿意🤩下次再來試其他菜式🌟

平日的午市，靑衣城都不會冷清，正常不錯的食店一般都會滿座的。這附近有多間食品菜式相若的食店，最後我選擇了這。首先，它有細枱，自己一個人都不會搭枱。上菜速度算快，自己掃描下單也方便，讚的是，內容可作自選。例如：炒飯可走葱，走洋蔥等。如果咖啡可選少奶、濃啲更好。我最後叫了椰香咖哩牛腩飯，飯粒粒不明，不會過軟。牛腩軟林，件數不少啊！椰香味不重，汁味道正常，不過鹹。食完閒坐一會，不錯。這商場除了快餐店外都要加一，埋單$86。

🥰店員大叔貼心安排行李放店外在我哋視線範圍內的位置。（已經晚上8時，速食先回家😛）🥰店員大叔彈性處理改套餐串燒由牛變雞（不用加$）🥰隔離枱女仕花生敏感，想汁分開上碟，大叔話擔心肉類處理可能有花生，要入廚房查詢清楚，非常有責任感。5分鐘後，結論是只有沙爹醬有花生🥰套餐食物質同量，都👍🏼👍🏼👍🏼🥰店員自動添加暖水🥰二人套餐份量（1）青木瓜沙律（2）沙爹牛串（3）咖喱雞（4）肉骨茶（5）炒通菜（6）白飯一碗（7）油酥餅一件

剛經過青衣,都會想起之前8月初食過既熟客,剛好假日再一次去翻e間鋪頭再食下,去到門口,未食已經好似有d中伏感覺,員工換哂d老年大叔,經過已經一大陣煙味,食慾大減,之前d員工去左邊？入到店坐低,想搵個員工問下有咩推薦,眼見2到3個大叔圍哂爐喺門口傾計,唔望客,唔會俾你地有眼神接觸到佢地,只有佢地繼續好似係度談笑國家大事,算吧自行手機點餐,問員工攞杯水飲下,嘩插哂d手指落去嫁？聞下杯水都喺煙味,點搞？水都唔想飲一啖.肉骨茶完全同之前唔同味,怪味成枱每人兩啖就放下,雞肉串燒轉成迷你版,外燶內生抱歉,其他未到既食物即時想取消唔食走人,大叔二話不說替我哋取消,問都無問食剩一半既原因,收走還在枱上直接當在我哋前面疊疊疊層層疊收走,嘩,唔通ed係新入行嘅大叔?無經驗可言,都算,食左兩樣野都想叫埋單走人,結果國家俾左好多任務佢哋,繼續被無視,我哋怕左佢地了.總結大叔們俾我哋既感覺,你入黎就入黎食啦,個人衞生欠佳,經驗與年紀不對等,想行一步係一步都唔想,個個企哂喺度等出糧,一班薪水小偷.食物都可能因為e班大叔們搞成這樣.

呢間應該係新開 個人鍾意食星馬菜 。幾推介呢間 ～ 先叫左窩蛋肉碎炒老鼠粉 。小朋友好鍾意食呢個 。再叫左老隆藥善肉骨茶 係胡椒口味 。似胡椒豬肚湯 個人鍾意藥膳味重啲 。再點左海南雞 雞好滑 皮薄 新鮮既 。仲有椰香馬來咖哩牛腩 ，味好濃好好味 少少辣 主食份量好足 我地4個人食都好夠。唯一覺得我地點2人套餐配飯+薄餅。薄餅其實太細塊 ，又冇得再加點 。不如直接套餐配兩個飯更好 。仲有蝦醬雞翼都好食 ，可以試下 .價錢唔算貴 ，下次會再去🩷

嗰日咁啱接朋友收工，經過依家餐廳見未食過，就入去試，我覺得性價比高，價錢合理，一個午餐只係$78再另外+1，當日一入到去，好少人，只有幾張枱有人坐，可能唔係午餐時間，環境適合朋友團聚，唔會太嘈雜，員工親切友善，經理有禮貌，落力又有效率，order 有問題亦會好主動即時幫你解決。下一次再嚟青衣城會再試其他嘢。😋

放假日唔知去邊度好順便去青衣搵朋友食飯🙋🏾‍♂️第一次嚟青衣唔知食咩好無意間行到去二樓眼見這間餐廳裝修幾靚地方睇黎寬敞又舒服，我好怕去一啲餐廳一坐落去嘈冤巴閉 好似街市咁嘈跟住我哋就入去食飯喇一坐低已經有人即刻畀水同埋畀餐牌啦服務並不錯跟住叫職員推介我食海南雞飯油飯真係幾好食雖然未去到好似出面完全係黃色但係性價比高👍👍個雞串又好食 好有口感仲要睇到門口最近有外賣有88折臨走前用外賣個海南雞比阿媽食先下次嚟青衣都會再記得熟客 隔離仲有間越南餐廳都係同一個集團下次都試埋先#原來間餐廳開張咗三個月下次再嚟青衣會再幫襯帶埋阿爸阿媽過嚟先

呢間店好似開左2，3個月，成日收工出地鐵都經過，今日約埋朋友仔一起，試左海南雞，肉骨茶等一眾菜品，朋友都話好食，特別海南雞，除左有雞味外，皮肉之間居然仲有啫喱，嫩滑得黎口感恰到好處，肉骨茶味道好濃，但可以將藥材和骨湯融合，相當唔錯！雞髀飯就不過不失，可能因為海南雞太驚艷領，不過隻雞髀都大到離譜，食完超滿足，隔離檯有店員推薦麵包蟹，講到我哋都想加多份，無奈肚仔唔爭氣，上菜之後發現抵食到離譜，咁大隻蟹$198，聽講係每日限量，希望唔好咁快落畫，等我試左先

係青衣城買完嘢坐低食個飯 呢間熟客真係唔錯👍環境應該係新裝修嘅 坐落好舒服服務員會主動俾水同遞上餐牌🍴舉手會即時響應 又會主動加水 蝦醬單骨雞翼熱辣辣好好味個菠菜湯好飲 Ｄ菜唔老烤雞肉串OK

商場內已有類似東南亞菜式餐廳，照計應該做得更好才能生存。睇裝修已預算定價中上，出品會否有少少質素？ 冇諗到新開張已經可以菜式味道唔得，份量又極細，食物賣相惡劣，侍應連南洋咖啡都唔知係乜，主管態度唔好，真係匪夷所思嘅存在

食lunch, 兩個人叫咗兩個lunch set. 叫咗肉骨茶，海南雞飯，咁啲味道正常囉，啲肉唔滑嘅，同一般食記無乜分別，個甜品細都呢，咁就收多咗10蚊。今時今日唔算cheap，抵食。服務就嘩嘩聲唔點囉，又唔夠人手，有位都要等佢收哂錢先，又寸嘴。要自己QR落單，埋單要自己行去門口比錢，但收你加一，又唔夠人手又無服務又無禮貌，茶記都無收加一啦，你憑什麼收加一呢？簡單黎講又貴又唔值囉。我就無乜興趣再幫襯佢啦。

青衣城新開東亞餐廳7 點前到唔使等位之後都成間坐滿食物既份量不算太大青檸酸辣汁深海蒸魚$208幾好味，不會蒸過龍酸辣汁好醒胃，少少辣黑松露炒飯$86炒得不錯，幾乾身，粒粒分明熟客海南雞飯$88普普通通

我係食夜晚嗰餐嘅，諗住掂冇乜人，同埋間嘢佈置得幾靚，咪試吓囉，啲嘢食係正常水準嘅，但衛生麻麻地，我見張枱仲有之前D客食剩ge 野。同埋如果客人對食物上有少少特別要求就唔好喺度食，我嗰時我見到有個職員同另外一個職員講話個客想走芫荽同埋多洋蔥，然後另外一個職員不停質疑個客嘅要求，好似講到個客ge要求好唔合理，仲懷疑佢聽錯Tim，最後另外一個職員返佢去問多次⋯另外一問題係間嘢係好嘈，唔係因為太多人，而係有好多職員同埋管理層好大聲咁樣喺度一齊吹水，係話啲上次D客叫得少嘢，佢大概係咁樣講「人哋一兩個人都叫四支紅酒飲啦，佢哋四個人竟然淨係叫一支紅酒」，其實究竟我係嚟食飯定係嚟聽你哋吹水？跟住我仲見到有個客想叫職員，但佢哋掛住吹水睇唔到，最後要個客好大聲咁叫先有職員過嚟，新開已經搞成咁，之後發展成點真係唔敢想像，btw我唔會再去食