路過青衣城朋友選咗呢度食午餐～熟客。睇吓得唔得～叫咗二個海南雞飯，雞絲大蝦湯粉，檳城海鮮喇沙。先講海南雞，真係食過咁多次，真係好小見到啲雞係白色而唔係黄色，雞肉唔夠滑，啲油飯又無油飯應該有嘅味，如果以馬拉或新加坡餐廳嘅收貨嚟講，真係唔收貨，除咗唔夠滑有一二件啲肉有啲梅嘅感覺，即是新鮮度嘅問題。另外加了二個小食，以單邊雞翼比較入味，網蝦春卷一般。其他二樣湯粉同喇沙，我無份食所以評論唔到.但見二人都清碗，應該不錯。另外想講吓呢度嘅服務同工作態度～先講下服務嘅質素，二海南雞飯放底咗，個盤無飯嘅？我以為墊喺啲雞嘅下面，撩開啲雞～又無，如是者，等咗五分鐘，開口問侍應，佢至記得攞嚟，真係咁者得？到埋單俾咭，個四眼哥哥俾張單我嘅時候，好似我欠佢好多錢咁，除咗應有嘅笑容無之外，真係多謝都無聲。如果你屬於經理級，你公司真係多得你唔小，你如果係茶記或大排檔，我真係唔會有呢個要求，你間店係中上店，就應該有中上嘅質素。要記得，你公司係有加一服務費！係～服務費！！埋單連加一，410回頭度～4/10食物質素同服務有待改善。以上純粹本人分享食後感，絕無收取任何利益和優惠。…查看更多
叫咗一個海鮮喇沙非常足料，有兩隻蝦，豆卜魷魚芽菜之類，而且湯底都好濃郁，少少辣，但係椰漿味都夠重，一個人或者分享嚟食認為都好滿足。檳城海鮮鴨蛋炒貴刁超級推薦大家食呢個
因為用鴨蛋炒，所以比本身嘅蛋更加香，河粉係泰式河粉同香港一條條嘅唔同，食落去更加煙靭又咬口，仲有臘腸魷魚芽菜青口同埋蝦做配菜，口感更加豐富同埋豐滿，而且份量好多我一個女仔食唔晒可以同人分享一齊食！佢嘅午餐套餐仲可以價錢配唔同嘅小食，但係我去到嘅時候就有好多都冇得揀，所以揀咗椰汁西米糕試吓，紫色應該係芋頭類做嘅，入面亦都有粟米粒同埋芋頭粒，造型嗰度有心思，唔算太甜都幾好食，注意份量如果已經嗌咗兩個午餐主菜有機會食唔晒哈哈
下次有機會都會試吓晚餐同埋其他菜式。
