熊貓冰室

營業中

休息中

星期日朝頭早十點幾都幾多人 早餐好多嘢揀我最鍾意食沙嗲牛肉麵 唔錯！ 唔會太咸又唔係好大塊好厚個啲牛 凍奶茶好好飲 之前食過一次晏晝蔥油雞扒飯都好正 😊而且性價比高 呢個晏晝仲係做緊48-54真係少之又少 仲要坐得算舒服

今日偶然入咗石硤尾呢間小店茶餐廳，佢既西多士外層酥皮內裡軟綿，好食！加埋杯凍奶茶，好滿足。咁啱個老闆喺度仲傾咗幾句，好好傾😂一位力求上進既年輕人💪🏻呢度啲員工都好友善。大概只有呢啲小店先散發著濃厚既人情味🫰🏻另外，我朋友叫左個蛋腸豬扒飯(唔記得影相)，好足料，豬扒ok鮮嫩多汁，蛋同腸仔都正常發揮啦！整體都好食抵食。下次經過可以再試！

尋日去食晚飯，食物質素不能接受，英國唐人街仲好食。睇下好多垃圾，杯水仲要有蟲。唯一係有位年輕服務員。我叫左碟蒸魚，見到啲煙都知肯定係非常熱，但係呢位非常有禮貌嘅年輕人，睇得出佢好唔容易都頂硬上，非常值得尊重。另外，見佢都不斷攞布抹枱，但係唔知點解冇乜嘢做嘅老細都要訓話佢，好似話佢抹枱唔啱，唔知而家啲老細點解要針對啲員工，咁好嘅員工根本就唔應該受咁樣嘅對待。

叫左咖哩雞扒飯，一上枱就覺得伏伏地，見到個汁透明嘅食落完全冇咖啡味，同鹽水埋芡冇分別！諗住撈下辣椒油送埋d飯，個味道都非常獨特，我就真係唔識欣賞咁嘅味道真係食唔落

蔥油雞扒煎蛋飯？係是日精選每日都有嘅餐，本以為係餐廳嘅拿手菜式。。。。。。蔥油雞扒飯最重要係個“蔥油”呀！求其hea 放幾粒蔥花，d蔥仲要冇烹調過！極其量只可以叫雞扒煎蛋飯，咁hea 嘅餐收$48蚊！？乾炒牛河，冇驚喜冇鑊氣，求其炒熟左就上碟嘅快餐感覺。凍飲細杯到得兩啖，最討厭呢種又厚又細嘅凍飲杯，夏天見到都唔想再幫襯總結：以食物嘅質素同份量，價錢係呢區嚟講算係貴，冇乜必要暫時唔會再去，除非見到其他食評見到有改善⋯⋯

估唔到行過一間街坊茶餐廳 會有咁特別嘅西多士食 我一直都好鍾意食西多 炸雞髀呢啲超高熱量既食物 雖然明知係肥 但又好怕啲野一擺上枱已經油淋淋咁 呢兩樣嘢要做到食同睇落唔油 確實唔容易 首先佢呢個蘋果做西多士餡已經好有誠意 裏頭啲蘋果粒粒用肉桂煮過 唔會話太淋 變左蓉 保持到爽口 蘋果既果味同時都食到 唔會煮到太甜 比較傳統花生醬西多士 確實多左份清爽口感 支持小店新有創意！

放工路經石硤尾見到啱啱開張無耐，目測都有好多人幫襯，就入去試吓新開張新裝修 環境好乾淨企理！店員好主動招呼，落order上菜都好快手。餐牌都幾多餸揀，家常菜款式，我揀咗梅菜蒸鯇魚，$88，熱辣辣，超大條魚尾，幾新鮮，又唔會蒸過火 送飯一流。仲跟埋例湯 熱飲 其實如果女仔2個人share食都夠哂飽…另外，老闆好social 又會落手落腳幫手落單執枱 睇落好有heart🔥 Overall 性價比都OK, 晚餐諗唔到食咩，可以嚟試下

夜晚啱啱去完石硤尾按摩中心按摩，經過咗間新開嘅餐廳，有啲肚餓，順便買咗個芝士蕃茄焗豬扒飯返屋企食。嗌咗外賣幾分鐘到就已經有得拎，速度都算幾快☺️返到屋企打開個焗豬扒飯，有驚喜❤️❤️勁香嘅焗飯！！！特濃嘅茄醬配搭creamy 嘅白汁連芝士超級match！！！呢個配搭中和左蕃茄醬嘅酸味，芝士蕃茄味都好突出，加咗小小白汁味道仲提升左成個層次，主角豬扒都好好味，加埋焗豬必有嘅炒飯底，鍾意食焗飯嘅人一定要試😚

見新開即刻入去試食！坐低之後感覺都幾舒服，好適合一家大細去食飯。環境都好乾淨。加上環境好光猛D員工都好快上前招呼，叫左個椒鹽魷魚同菜心炒牛肉，兩樣都好好食！好有鑊氣，又唔會特別鹹。仲有好多唔同嘅小炒可以揀，都好快上菜。感覺上老闆都好親力親為，都有問吓我哋啲餸好唔好食☺️而且價錢都幾合理，以後去石硤尾有個新嘅食飯。搵日試埋佢個早餐～真心推介，大家都可以試下。下次都會帶埋屋企人黎食♥️♥️♥️♥️🥳