煌成燒鵝

今日嚟番啅呢間位於堅尼地城既煌成燒鵝，上次已是两年多前光顧，今次嚟想食佢個乳豬五寶飯。午餐時份到店，店內食客頗多，好不容易找到一個搭枱座位，坐下就即點呢個乳豬五寶飯，五寶即叉燒，油雞，乳豬，红腸同埋半隻咸蛋。叉燒熱辣辣，肉嫩又淋，最好食，乳豬肥瘦相間，红腸口感豐富，咸蛋香口好餸飯，係油雞比咗個翼位比我，有d唔開心。整體滿意。[米饭]口味：🥚🥚🥚[薄荷]环境：🥚🥚🥚[服务铃]服务：🥚🥚🥚[糖果]性价比：🥚🥚🥚…查看更多

呢間店有好多附近返工嘅人食，基本上都坐滿人，見到燒鵝比較多人嗌，所以嗌咗燒鵝瀨粉試下٩(｡・ω・｡)و#### 1. 煌成燒鵝瀨粉- **價格**：$62- **食評**：呢碗煌成燒鵝瀨粉，燒鵝皮脆肉嫩，都幾好味，油香四溢。另外，瀨粉口感順滑，湯底清甜，帶有淡淡嘅鵝油香，同燒鵝好夾(๑•̀ㅂ•́)و✧### 總結整體而言，煌成燒鵝瀨粉嘅表現正常，價錢合理，推薦俾鍾意食燒鵝嘅朋友｡:.ﾟヽ(*´∀`)ﾉﾟ.:｡…查看更多

入舖後有位不能坐還叫我們出門口等，二位女員工態度勁差，呼喝客人，非常無禮貌，不停催促落單，整體食物質素差，乳豬皮是淋的，燒鵝肉勁鞋，瀨粉暖的，不會再去這店舖，勁不推薦…查看更多

經過西環入內試吓燒味，剛見老闆娘吃飯中，可能我阻住她，所以令她態度黑臉，我話燒味走背都立即話唔可以選擇，情願食返大家樂，可以走背又唔需要照人面色！同時午市套餐$75 雙併飯份量超級少，燒味少連飯更少，另加$13 一碟菜少到得2條，男士必須打孖上可能先夠，我吃完好似沒有吃過一樣，咁就$88 ，唉！這間燒味店午市份量少到咁，下午茶是兒童餐？肚餓真係唔好走入去，試過一次永遠唔再去，西環咁多好食店，大家小心選擇！…查看更多

前兩日特登去堅尼地城海旁個到打卡，打完卡見肚餓，就求其入咗一間餐廳食嘢，咁就嗌咗個燒腩燒鵝飯，賣相又平平無奇，仲以為正常，一食就知出事，我平時食飯無影相嘅習慣。一食啲燒腩就覺得好奇怪，點解得d醬嘅味道？再食埋個燒鵝，都係無味，我個下仲以為係我條脷無味，飲翻啖檸茶，甜架喎，再食啲燒腩同燒鵝，又真係無味喎，淨係得d肉嘅質感同d醬味，連燒腩皮都係冧嘅，都唔知擺咗幾耐。間餐廳又好唔衛生，見到有隻螞蟻係張枱到爬，我知係食肆見到好正常，但至少都唔好比我見到啊🙏🏻而且仲見到個女人好寸寸共，似係老闆娘，聽唔清楚講咩，反正就係到寸緊個客，淨係記得個客話老闆娘大晒咩，之後冇食就走咗。呢間真係要落入黑名單，以後唔會再嚟。…查看更多

很久不吃燒鵝啦，之前在open rice上就有收藏過這家，上禮拜行完山之後就帶上小伙伴們一道過去了，店家服務態度很好，燒鵝很大一份四個人吃肯定夠了，而且味道很正！…查看更多

係呢間買過兩次外賣 第一次雙拼飯嘅叉燒好柴好瘦 豉油雞得雞翼尖冇乜肉燒鵝就中規中矩啦 幾香但啲肉好韌 不過乳豬就幾脆 味道唔錯 第二次嗌乳豬依然咁好食 比第一次更脆更香 如果份量可以多啲會更好同埋值得一讚嘅係外賣送到嚟都仲算熱 黑叉燒例牌亦同上次嘅叉燒差好遠 肥瘦均勻 十分惹味 雖然呢間雙拼飯有啲失色 不過黑叉燒同乳豬的確係值得試下嘅 …查看更多

今日出完西環見客，身水身汗，行咗咁多路個人真係好肚餓，經過見到呢間燒味鋪，首先最吸引我係好似開行冷氣，咁我就衝左入去坐低。咁肚餓就唔代薄自己，叫咗個燒鵝叉燒雙拼飯！覺得質素嚟講中規中矩啦，絕對唔可以話佢難食，但係非常之surprise呢又唔講得上叉燒都屬於半肥瘦嘅，味道就一般水準燒鵝個皮都算薄，而且油香都幾重，係肉質少少韌，但整體味道唔錯送飯都係非常好嘅選擇。燒味飯食完充滿力量，又夠鐘去做返公狗啦😂😂😂😂…查看更多

食過這間燒味店幾次，堂食、外賣都試過。尤其推介叉燒及燒鵝，非常好，回味無窮！上次買了燒鵝飯外賣做午餐。返到屋企先發現，師傅斬咗隻髀俾我。😊 係燒鵝髀啊！🪿開心了一整天！！！😋今晚無時間煮，買了燒肉及切雞做餸。燒肉皮拎到返屋企仲係脆，肉質嫩滑。有少少鹹，送飯啱啱好。切雞肉嫩，皮同肉中間仲有層啫喱添！喺呢區嚟講，呢間燒味算好好食！值得推介。鋪位入面座位唔多，所以通常都係買外賣，返屋企舒舒服服咁食。…查看更多

燒味味道好差。又難食 只會幫襯一次 冇下次 連埋水吧 燒味品質好差 維持唔到燒味水準 出品同賣相又差 可能係唔夠員工問題 見到燒味師父每次都唔同人 可能入面啲人士關係複習 難以理解 …查看更多

西環燒鵝美食推介😂😂😂燒鵝四寶超好食😋燒鵝半肥瘦👍🏻👍🏻👍🏻肥而不膩😊😊仲有食咗個燒鵝瀨，瀨粉嚟講份量十分充足41蚊呢個價錢可以俾到呢個份量完全仲好抵食問咗老闆先知用咗獨門燒烤方法同秘方醃製先到令燒鵝外脆內嫩特別入味👍🏻👍🏻堂食環境又好乾淨服務態度非常好👍🏻價錢好合理呢間野好值得推介下次可以再試吓🙆🏻‍♀️🙆🏻‍♀️🙆🏻‍♀️🙆🏻‍♀️大家經過都可以入去試試…查看更多

今日路過位於堅尼地城嘅煌成燒鵝，見幾吸引就入去食個tea 先。下午茶嘅選項簡單，來到無理由唔食燒鵝，就當然叫咗一份燒鵝瀨。佢哋喺menu 有個佢哋嘅燒鵝嘅介紹。呢個價錢，俾到呢個份量完全抵食，仲要係燒鵝唔係燒鴨，金屬杯嘅檸茶都靚仔，唔會話太細碗。燒鵝嚟講，今日非常lucky，俾嘅位淡淡肉，皮脆羔香，肉質亦都唔會話韌。瀨粉嚟講份量充足，口感之類正常發揮。湯底唔會話太渴口，搭咗幾條菜送吓口。俾埋其他menu大家參考吓。…查看更多

其實好少會寫這些，朋友在這新開店鋪高興地買外賣加餸開心Share，點知一打開，…其實1/4的燒鵝用細盒放，或者佢係BB燒鵝，真係未試過買燒鵝的份量係咁！當人地少食燒鵝嗎！？圖片已經夾咗兩三件，只係兩三件，佢係唔係整錯咗燒鴨呀！燒鵝（剛切開當然唔會乾）肉質都軟淋唔鞋硬。旁邊係叉燒…今次睇落算靚，今次叉燒味道還可以的…（之前已經買過…d叉燒肉少少黑的唔係燒燶香嗰款黑…）。如果買1/4隻燒鵝，唔切件係唔係會大份點架，間舖新開無幾耐就這樣做生意！街坊點好呢！希望下次唔會這樣啦！仲有下次？！未知喎！…查看更多