煌宴酒家

暑假期間，我們一家每逢週末多次光顧共6次或以上，皆因有白切雞、海蝦、片皮鴨優惠；發現酒樓內的餐具衛生依然沒有任何改善（好明顯）已通知員工，大部分也知道，習以為常！至於點餐的食物味道可以，點了蒜蓉炒菜、蒜片秘汁牛柳粒、海參野菌豆腐，鮮果咕嚕肉，腐乳炒通菜，都很大碟而且熱騰騰，員工服務態度也有待改善，部分很細心，收銀員亦很熱情有禮貌；但亦有些樓面面容不佳，需要加強培訓！希望下次光顧各方面均有進步，大家安心。…查看更多

以親民價格提供完整宴會體驗亮點在於上湯焗龍蝦伊面 分量實在蝦肉彈牙，雖非頂級鮮甜但勝在醬汁濃郁伊面軟硬適中，吸飽龍蝦汁後風味更佳鮑魚火候剛好套餐搭配的清蒸海斑 大大條 唔會蒸得過火 滑嫩無比又無骨燒臘拼盤，叉燒偏瘦 白切雞肉質比較柴的確有點失色，但價格實在 無投訴整體菜式傳統扎實，無花巧但夠體面環境典型酒樓格局，服務效率尚可週末較擁擠人均約$200性價比在街坊酒家中屬上乘適合家庭聚會或想實惠吃海鮮的食客如果唔食套餐，單點堂食仲送一隻雞真係抵到爛…查看更多

平常都係飲茶多 因為點心真係好抵食今日行過見到做港人留港消費優優套餐或者晚市送小菜 但全晚生意都係得一半 飲食業寒冬。。。煌宴以親民價格提供完整宴會體驗亮點在於上湯焗龍蝦伊面 分量實在蝦肉彈牙，雖非頂級鮮甜但勝在醬汁濃郁伊面軟硬適中，吸飽龍蝦汁後風味更佳套餐搭配的清蒸海斑+鮑魚火候剛好燒臘拼盤，叉燒偏瘦 白切雞肉質比較柴整體菜式傳統扎實，無花巧但夠體面環境典型酒樓格局，服務效率尚可週末較擁擠人均約$200性價比在街坊酒家中屬上乘適合家庭聚會或想實惠吃海鮮的食客…查看更多

今日2點幾去寶琳新都城煌宴撳飛等位（2人，不搭枱），跟住門口職員阿姐俾張大枱我哋，開茶寫點心紙後，有位職員著西裝肥大叔講咗2次我哋嘅枱號，我聽到跟住問佢咩事，佢話無事，之後就安排2位客人嚟搭枱（當時格離枱係無人坐嘅），我即表明我哋撳飛係唔搭枱㗎，佢哋就即刻安排果2位客人坐格離枱，但佢哋張咭就用我哋枱號加上D，當時覺得有啲奇怪，但算啦，係酒樓嘅內部運作，可能酒樓唔想改咁多嘢。。。等吓等吓見到格離枱嘅食物都到，但我哋一啲食物都無，我就追其中一位女職員，佢查都唔查就答我蒸嘢係耐啲，咁我哋唯有再等，又等咗一段時間，點心阿姐攞嘢食嚟我哋張枱，但係話係D枱嘅，咁啱我哋都有點果款點心，所以我又追另外一個女職員，佢先至同果個肥大叔講，跟住肥大叔攞張新嘅點心紙嚟話要重新落單（時間相差咗40分鐘），我問佢點解要重新落單呀？等咗咁耐先重新落單？？？佢無解釋。。。真係太離譜啦，唔係廚房漏單，係佢要我重新落單，之前追單唔理我，40分鐘之後要我再落單😤😤😤呢間酒樓嘅員工手法好差，平時我哋撳咗飛，喺門口等位時，睇見啲門口阿姐竟然即時安排枱俾啱啱嚟到撳飛嘅熟客，其他攞咗飛嘅茶客就要眼白白繼續等位。。。平時呢個情況都算啦，今次個肥大叔掉咗我張點心紙，仲要40分鐘後先嚟重新落單實在太過份，我以後唔會再幫襯煌宴😤😤😤新都城仲有好多茶樓選擇，新都城三期有將軍會館，新都城一期有海港，新都城二期有海皇漁港，稻香，添好運👍🏻👍🏻👍🏻…查看更多

今日去飲茶，叫待應落單要“乾炒牛河”，首先同一個阿姐講，佢聽完無反應，再同佢講又唔出聲，之後再同佢講要個乾炒牛河，見佢拎個餐牌睇乜嘢號數，以為佢終於肯幫我哋落單，點知其他點心食完，再叫另一位阿姐幫我哋check單，至知之前個阿姐係無幫我哋落單🙃…查看更多

今天中午飲茶點了八個點心，除雪山叉燒包似樣一點外其餘全部不好食。。。。值50多元的掌翼是最差最失望一樣，味道極咸，數量極少，像下欄食淨的餸頭餸尾一樣，真的想叫回水。。。。椒鹽魷魚鬚等於一碟炸粉漿，極難食！埋單300多完全不值，不會再幫襯，相信如果不作改善應好快收檔！…查看更多

在附近逛街，嘗試一下加入名單很久的一間酒樓的下午茶。服務態度：大部份有禮，還算可以。環境衛生：餐具有油污，而且看到有蚊子。食物方面：蝦餃應該是預製菜，我發現很多酒樓都是這樣質素和味道，整體一般。燒賣味道可以，但不夠熱，可能遲了上枱？牛柏葉非常韌，而且份量很少，味道偏淡。家鄉煎餅一般般。口水雞用冰鮮雞，骨中有血，也是一般般。鮮竹卷味道清淡，也是一般。整體來說，衛生和食物方面都有很大改善空間。唯一能說好的是可以選擇不搭枱。…查看更多

我今日去左將軍澳行山，落山後，跟著隊友去左將軍澳新都城中心的煌宴酒家飲午茶。我點左煌宴蝦餃皇（2粒）x 6 $52.8，家鄉煎薄撐$16.8，香煎蝦米腸x2 $33.6，蠔油鮮竹卷x2 $35.6，涼瓜班頭腩炒河$78，菠蘿雞粒西炒飯$68，茗茶每位$9。我們行完山都會肚餓，想吃熱食，飲茶是最好的，點心好食，飲飽食飽，人生樂事！…查看更多

冇時間煮飯，放左工去買外賣，6:58買左個兩餸餐，最後7:40 先拎到。😭我個no. 係5 號， 等左好耐，佢出到廿幾號都未有，其實好明顯係漏單或pack錯之類啦。 我前前後後搵左5 個員工幫我跟，最後拎個外賣出黎既阿伯（部長/經理），同我講我叫既野係即叫即整，係會耐啲。其他人叫咕嚕肉，落汁兜一兜就搞掂，梗係快啦。如果係甘，奉勸大家如果真係甘有需要去食，淨係叫咕嚕肉就好了，叫其他野分分鐘要等40分鐘以上😞不過我見佢現場的客人，睇落都好多時間hea,又唔會睇 食評，所以仍然有捧場客。…查看更多

5月11號晚6點半同兩個老人家1個細路到門口,俾口門幾幅大海報吸引左埋去,行埋櫃台打算問野門口個大沈聽緊電話,我已經坐定定唔出聲等佢講完先問,個大沈叫我行開.......心諗都聽聞服務差聞名不如見面,好意思晚市收客加1服務費再加每位12蚊茶錢…查看更多

記得有一期超鍾意食乳豬，當時一癮起就去太興整返個乳豬飯，超級好味，實有保證。近期再去太興已經唔再做乳豬飯/例牌，要食就要早幾日訂，要訂仲要係訂一隻。唯有附近巡吓睇下邊度仲有得買喇。行過呢間煌宴，睇到外賣燒味有乳豬😍😍😍乳豬有得揀一隻/半隻/四份一隻咁買，人少少買住四份一隻試試味先。買之前都係窗口問定師傅先，係咪有得買四份一隻，同埋最重要嘅係啲乳豬夠唔夠脆🤣🤣師傅話：梗係脆～好，有呢句我就放心。呢度就係四份一隻嘅份量，承惠$188啲脆豬都算長同大件，個皮敲落都卜卜聲，係脆嘅。啲乳豬肥瘦都均勻，啲肥係爽口嘅。原本望落覺得唔係好多，但用黎加餸呢個份量夠晒皮。食幾件都已經好飽肚。一望個外賣袋底下啲乳豬醬多到浸C你。😝😝😝其實兩至三包都已經夠晒數。仲有啲燒味外賣雙拼都幾抵食。下次癮起可以試下呢間乳豬飯先，$58好似好抵食。以今日呢個水準都可以再回頭。…查看更多

呢度攞位，是睇下你係邊位，正所謂識人好過識字，識就直入，唔識就只有呆等，執枱重好野，睇心情，唔係我負責呢枱，你等下啦！唔知咩人負責喎，落單?我唔得閒，你等下啦，轉頭去其他枱吹水，無論價錢多少，飲食服務業最重要的禮貌，相信你呢到唔係好做到！…查看更多

酒家門口的招來廣告實在好吸收：四十蚊有半隻、而六十八蚊就有全隻片皮鴨子。再發現（晚飯自選位餐）十分抵食，每位有（原隻鮑魚扣花菇）和（紅燒竹笙海皇燴雲燕），要兩位起@$138鮑魚普普通通，少少煙韌，鮑味也算有的，而花菇夠厚身，點住鮑魚汁食就好啲依個湯係合格的，竹笙和帶子係確認的食到的，其他材料就不清楚了。肉質軟滑，但無咗皮脆口感，相信油炸後放置得耐咗。皮厚肉滑的魚，加上豬肉絲和冬菇絲的古法蒸製，似有少少蝦醬味，如果伴隨白飯吃就一流呀！四十元半隻片皮鴨可以試吓，食晒就唔使食飯了溫馨提示： 另一優惠：免費紅燒皇子鴿，每位半隻。…查看更多

從未想過2022年香港餐廳可以如此惡劣，可以想像到的衛生問題樣樣齊。一入座，發現位置對正茶水房，地面滿佈茶葉，污垢，用過的枱布埋積如山，門口大開無遮無掩，客人可以自行入內添水甚至沖茶。然後一位貌似部長的男人怒氣沖沖比碗筷，將碗筷用力推到我地面前直至撞到我媽的手，撞完就走，然後剛剛扔完餐具的疑似部長直接在我們旁邊拿點心食飯，各種各樣問題，漏餐出錯餐都不在話下。以上都只係服務，衛生才是大問題，坐下不久，我爸說茶水房內有“寵物”，我一轉頭，就見一隻老鼠屁股一閃而過，全程飯老鼠在裏面走出走入數次，還穿過大堂到另一邊再回來，還不只一隻。臨走時，另一名疑似“部長”的西裝男在茶水間對住沖茶的熱水器吐痰，再於旁邊洗手盆‘’啷‘’口，再無戴口罩走到我們枱旁看著大堂，然後施施然戴口罩。食到一半發現碟上有頭髮，上菜員沒有戴手套，大堂地面遍布垃圾，所有都令我嘔心想吐。至於食物，只能說偏鹹，食完想不停飲水。但只能說我永遠都不會再食這餐廳。…查看更多

今日family day同爹地、媽咪去咗寶琳🛍shopping。夜晚經過見到好抵食，又送乳鴿就入去坐低咗。😜我地叫咗個”龍蝦鮑魚2人餐”。😌🦞 上湯焗波士頓龍蝦伊麵龍蝦肉彈牙。😙雖然話係上湯，但我地食到有芝士味。😎🦪 果皮蒸南非鮑魚2隻大大隻嘅鮑魚。🤓🐟 清蒸沙巴魚 (1條約1斤)略嫌唔夠新鮮。😫🍗 叉燒皇拼貴妃雞 (例)瘦叉燒，雞肉夠滑，比較多骨。🤨🥬 薑汁炒芥蘭 (例)普普通通，食唔到有薑汁味。🧐🫘 精美甜品 - 紅豆沙味道唔算太甜。🤓🦆 紅燒皇子乳鴿 （半隻)雖然係送嘅，但乳鴿味道不錯🤩。肉質頗嫩滑。🤭2人餐份量好多。足夠我地3個人食。😮$388+10%，另加茶芥。呢個價錢食飽3個人，👨🏽👩🏻👧🏻又食到龍蝦同鮑魚確係抵食。😬但味道同質素就一般啦。🙂…查看更多