無限ラーメン

來自大阪嘅「無限拉麵」落戶灣仔區，今日專登過嚟試！一入門口已經聞到陣陣牛骨湯香。店舖裝修完全係典型日式拉麵店風格，麻雀雖小五臟俱全，夠晒乾淨企理，真係有秒到日本嘅感覺～特製和牛牛骨白湯拉麵 $168真心無介紹錯！每日限量200碗真係有原因，個湯用牛骨熬到奶白色，濃到黏嘴唇，原來店家仲要用日本儀器測濃度，難怪咁足料！塊和牛慢煮10個鐘，入口即化得嚟又有咬口，油脂分布靚到似雪花。麵條指定粗度硬度，掛湯能力一流，每啖都係享受～日式拌麵 $108個人私心推薦！醬汁撈勻之後每條麵都掛滿蛋黃同特製醬油，食落鹹香帶微酸，好惹味開胃～最驚喜係店家提供一次性圍裙，唔怕撈果時彈到成身汁，超細心！餃子 $45煎到金黃蕾絲脆底，咬開肉汁爆出嚟，點埋醋食真係停唔到口～青森蘋果汁 $20 / 烏龍茶 $20食完濃味嘢飲返支冰凍嘅青森蘋果汁，或者烏龍茶解下油膩都唔錯～總括嚟講，呢碗「特製和牛牛骨白湯拉麵」充分展現咗日本過江龍嘅功架。今次唯一遺憾係兩款人氣產品 —— 「雞皮餃子」同「牛骨麻辣叉燒拉麵」都早早售罄，唯有留待下次約埋朋友再黎闖關！…查看更多

<無限拉麵> @mugenramen_hk#mochicouple_hk灣仔搵食團〈無限拉麵〉主打多款濃厚系拉麵，用上和牛牛骨、魚介、豚骨等湯底長時間熬煮，湯香濃郁又唔油膩😍店內以木系設計配柔光燈，日式感滿滿🍜～每碗拉麵份量爆多，視覺滿分，啱晒打卡＋慰勞打工仔放工心靈😋💖⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚1️⃣特製和牛牛骨白湯拉麵($168)濃厚奶白湯✨～原來係用大量牛骨長時間熬煮出嚟，香滑又有層次🤤。啖湯落口濃而不膩，牛骨香氣滿滿，飲到停唔到口😍。🔥碗邊圍滿9大片粉嫩和牛，薄切得啱啱好，輕輕沾湯後嫩滑入味，牛味濃郁💗叉燒燒到焦香，邊脆心嫩，加埋糖心蛋、筍、蔥花、洋蔥粒同幼麵條——掛汁力強，每條麵都吸滿牛骨湯精華🧡2️⃣醬油魚介拉麵($95)湯底走清爽風💦，魚介香氣十足～第一啖已經感受到海味同醬油融合嘅深層鮮甜🐟。湯濃而不鹹，飲落舒服唔滯。和牛片＋叉燒組合，鹹香得嚟帶少少甜味😚麵條幼滑彈牙，吸湯能力爆強✨～3️⃣餃子($45)煎到金黃燶面✨，一啖咬落超脆！外皮香脆微煙韌，內餡肉汁滿滿～🤤內餡比例完美～肉香中帶菜甜，點少少特製醋汁更清新開胃！💚4️⃣雞皮餃子($45)呢個超創新🔥！居然用雞皮做餃子皮～炸得金黃香脆🤩外皮薄而脆，一咬即爆汁💦，入面肉餡軟嫩多汁！想食啲特別嘢，呢個必點！5️⃣清森蘋果汁($20)呢款日本清森蘋果汁🍎包裝超可愛～紙筒裝新奇得嚟又環保💚果味天然濃郁，酸甜比例啱啱好！✨6️⃣波子汽水($20)罐裝版波子汽水好罕見😳，雖然冇玻璃瓶版咁有氣，但味道仍然香甜清爽，啱晒配拉麵飲一啖解膩💦⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚🌟想知道更多美食🤪記得follow@mochicouple_hk啦😍🎉📸📍灣仔皇后大道東130號地舖🚇灣仔站B2出口，步行約6分鐘🕒 Mon-Sun:11:30-15:00,16:00-21:00#無限拉麵 #灣仔美食 #香港拉麵 #和牛拉麵 #牛骨白湯 #魚介拉麵 #拉麵控 #拉麵打卡 #香港美食 #香港打卡餐廳 #日系餐廳 #灣仔打卡 #香港好去處 #食好西 #美食推介 #拉麵日常 #牛肉控 #和牛控 #深夜食堂 #拉麵控集合 #煎餃 #雞皮餃子 #香港拉麵店 #美食分享 #食評推薦 #灣仔探店 #牛骨湯 #濃厚系拉麵 #日式拉麵…查看更多

📍G/F, 130 Queen's Road East, Wan Chai 灣仔皇后大道東130號地舖---Tucked along Queen’s Road East, Mugen Ramen 無限ラーメン delivers a bold, beefy punch to Hong Kong’s ramen scene. Their Rich Beef Bone Ramen 牛骨白湯拉麵 is a silky, collagen-rich broth that clings lovingly to springy noodles—comfort in a bowl. For spice lovers, the Rich Beef Bone Spicy Ramen 牛骨麻辣叉燒拉麵 turns up the heat with a fiery kick that doesn’t overpower the beefy depth.Don’t miss the Chicken Skin Dumplings 雞皮餃子—crispy, juicy, and addictive, they’re a standout side that deserves main character status. Wash it all down with a refreshing Aomori Apple Juice 青森蘋果汁, or go retro with a fizzy Ramune 波子汽水, perfect for cooling off after the spice.A must-visit for ramen fans craving something beyond the usual pork broth.---Quick Bites Summary🍜 Rich Beef Bone Ramen – creamy, beefy bliss🌶️ Spicy Beef Ramen – bold heat, deep flavor🥟 Chicken Skin Dumplings – crispy & juicy🍏 Aomori Apple Juice – sweet and refreshing🫧 Ramune – nostalgic soda fizz…查看更多

好耐無食拉麵，有d掛住，知道呢間係過江龍店，今晚又唔洗排隊，就即入小店好有日本feel，係入座前要喺部點餐機落單付款先，然後入座，都幾好，可以食完走人，唔洗等人過黎先埋到單1）特製和牛牛骨白湯拉麵初初有小小擔心d和牛會唔會好似餐牌既圖片咁，d和牛係鮮紅色，好彩上碟時係剛熟的暗紅色，好好多😆😆😆 即刻飲啖湯先，好鮮甜、唔鹹，仲想飲多幾啖的感覺，拉麵掛汁，材料豐富，仲有燒到焦香既叉燒、同1隻開邊糖心蛋，超滿足！圍碗邊既和牛夠薄切，唔「溜」👍🏽👍🏽2） 牛骨麻辣叉燒拉麵 呢個食得小小辣既一定要試，就算我去日本，都未食過麻辣湯底既拉麵，而且湯底都係掛湯，叉燒雖然肥美，但一d都唔膩口，仲係燒到有微焦👍🏽👍🏽3） 迷你火炙叉燒丼飯 呢個火炙叉燒飯好好食！新鮮熱辣奉上，而且有炭燒焦香味，叉燒切到細細粒容易食，真係非一般的叉燒飯哦，係食唔夠喉的感覺～4）特製和牛丼飯呢個和牛配上日本生蛋黃撈汁咁食，濃香蛋汁同和牛都係咁夾，一啖肉加啖飯，呢個有超滿足的感覺！蘋果汁係日本架，圓筒紙盒包裝好得意😄聽住日文歌喺bar檯食拉麵，真係好似喺日本咁呀！服務好貼心，每張櫈下面都有個籃可以擺嘢，亦都唔催人食完就要走，咁就食得唔洗趕#無限拉麵 #灣仔拉麵 #日本過江龍 #牛骨白湯 #日本拉麵…查看更多

餐廳：無限ラーメン地點：灣仔皇后大道東菜式：日式拉麵餐牌：四款拉麵、迷你丼飯、小食、飲品特製和牛牛骨白湯拉麵 $168特製和牛牛骨白湯拉麵賣相一流，一共有9大塊和牛圍喺碗邊，粉嫩又淋，牛味好濃，點少少湯食超正。個奶白色牛骨白湯起嗮白泡，好好飲又唔覺有味精或者油膩，牛味唔錯，好厚身又滑溜。其他配料仲有甜甜地好香口既火炙半肥瘦香脆厚切叉燒兩塊，糖心蛋一開二，扁筍，洋蔥碎，蔥花同菜苗，材料豐富。麵條係幼身，有咬口又有蛋香，好味。牛骨麻辣叉燒拉麵 $108呢款牛骨麻辣拉麵好特別，湯底一樣用牛骨湯但加入麻辣風味，麻辣味勁香，辣得過癮。其他配料有一件叉燒，肉碎同蔥花。好有中式風味。特製和牛丼飯 $28特製和牛丼飯細細碗，飯面加有好多粉嫩和牛片，溫泉蛋黃一隻同蔥花配七味粉。整穿隻溫泉蛋黃先，撈埋和牛同d飯，和牛汁少少甜甜地，原來加有少少日式芥末，加埋蛋黃汁入口更滑溜。餃子 $45餃子一客5隻，皮煎得燶面，口感又脆又帶少少煙韌，咬開入面有肉有菜，點埋枱上面既餃子醋食更加好味！青森蘋果汁 $20從來未見過呢款蘋果汁包裝，好新奇。今餐拉麵好正，真心推介牛骨白湯拉麵，其他食品質素都好高。餐廳環境乾淨衛生，坐得都舒服。…查看更多