無老鍋

在某外賣平台訂購了【招牌】無老獨享鍋，單憑平台上的圖片，展示的新鮮食材和豐富配料確實令人垂涎，令人期待一頓美味的獨享鍋體驗。然而，送到的食物卻完全令人失望，與廣告圖片嚴重不符，簡直有違商品說明條例！收到的所謂「獨享鍋」不過是一碗平平無奇的湯麵，食材份量稀少，質素低劣，完全沒有圖片中那種新鮮豐富的感覺。更加離譜的是，食材全都被過度烹煮，牛肉熟到變成硬邦邦的牛𦟌，口感極差，令人難以下嚥。如果這樣的品質也能稱為「招牌獨享鍋」，那麼譚仔、三哥、南記等知名食肆的招牌菜豈不是都要改名？過去曾在無老鍋堂食，當時的味道和質素令人滿意，食材新鮮，湯底濃郁，令人回味。但這次外賣體驗完全是對品牌招牌的侮辱，與宣傳的品質天差地別，讓人懷疑是否同一間餐廳。這種誇大宣傳、貨不對板的做法，不僅辜負顧客的期望，更有誤導消費者之嫌，實在令人極度失望！希望餐廳能正視問題，改善外賣品質，否則只會繼續流失顧客的信任。…查看更多

這間火鍋店真心不錯，用料超新鮮，味道又好，價錢又合理，超有性價比。湯底選擇多，不管你鍾意麻辣定係清甜，都啱你胃口。肉片切得啱啱好，唔會太厚又唔會太薄，煮完肉質嫩滑，海鮮都好鮮甜，啖啖肉啖啖海鮮都好滿足。配料好豐富，蔬菜清新，豆腐同餃子都好正。店舖環境寬敞舒服，員工服務都好貼心，食材補得快，周圍都乾淨。最重要係價錢好抵，可以食到咁好嘅火鍋真係好難得。總括嚟講，想食好火鍋又唔想花太多錢，呢間真係一個好選擇。…查看更多

台式火鍋嚟講，未食過都一定聽過無老鍋，雖然價錢唔平，但佢真係好好食！除咗食物質素，佢都sell服務，除咗可以無限refill湯底包嘅鴨血同蜂巢豆腐，仲提供叉電位、外賣湯底等等嘅服務，令人覺得成個用餐體驗都幾好~相信唔少人都係為D鴨血同蜂巢豆腐而嚟，所以毫無懸念叫咗無老辣香鍋，湯底係乜料都有，連豆豉、蒜頭都有，鍾意佢湯底香濃得嚟又唔係好辣，D鴨血超級滑，覺得好食過鼎王嘅，蜂巢豆腐真係世界級，吸曬湯底好好食！同埋佢嘅白飯唔知點解都好好食，配埋鴨血同蜂巢豆腐其實已經好滿足，另外求其叫咗個普通嘅肥牛質素都好好，唔會好肥，D丸都幾唔錯，好彈牙，識食一定要叫個公仔麵埋尾，吸曬D湯味好正~最尾送埋個水蜜桃沙冰，好香水蜜桃味，清涼又Fresh，由頭食到尾好圓滿~💰價錢參考：- 無老辣香鍋 $78/位- 安格斯肥牛 $288- 綜合丸類 $128- 唐生菜 $68- 不倒翁拉麵 $48…查看更多

90分鐘限時打邊爐，要食得好快先可以黎，人均消費600位都不停被催交枱，難怪要番大陸打邊爐味道正常，食材正常，環境正常但真係要同時間競賽食到夠鐘，員工就會開始催你交枱…查看更多

我最鐘意無老鍋的麵包豆腐白湯鍋，今次當然都係會叫依個湯底，湯頭鮮甜且層次豐富的口感，每一口都帶有回甘的餘韻。每次打邊爐都一定會叫竹笙，清香與湯底完美結合，帶出自然的鮮味，份量也相當充足，令人感到滿足。特別值得一提的是手工瑤柱滑，滑嫩細膩中蘊含濃郁的瑤柱鮮味，燙煮後仍保持細膩的口感，讓人感受到食材的用心與真材實料。脆脆炸魚皮為整鍋火鍋添上酥脆口感，在軟嫩與酥脆間形成有趣的對比，令味覺層次更加豐富。至於牛肉的油花分布均勻，涮煮後肉質柔嫩多汁，入口即化，和濃郁的白湯相得益彰，令人回味無窮。…查看更多

無老鍋以台式火鍋聞名，湯底選擇豐富，招牌「冰淇淋豆腐鍋」濃郁甘甜，帶淡淡清香，搭配鴨血和蜂巢豆腐無限續加，非常滿足。肉類推薦牛小排，油花均勻，涮煮後嫩滑；手工丸類如花枝丸彈牙鮮美。醬料區提供特調沙茶醬，搭配蔥蒜更提味，但略嫌選擇較少。環境寬敞，裝潢帶東方禪意，座位舒適。服務貼心，店員會主動加湯、換碟，亦會送上水蜜桃沙冰解膩。人均消費約$400以上，價位中上但物有所值，適合喜歡精緻火鍋體驗的食客。整體而言，雖然價格偏貴，但是香港難得的高質台式火鍋之選！…查看更多

暫時無機會飛轉台灣，係尖沙咀食下無老鍋一解相思之情😝 無老鍋真是一個火鍋愛好者不能錯過的地方！這裡的食材質量一流，豆腐和鴨血特別好吃，吸滿了湯底的精華。肉類的品質也相當高，選擇多樣，讓人可以隨意搭配。他們的麻辣湯搭配白飯味道非常好，讓人感覺有點像日式咖哩飯，既香又辣，搭配白飯更是絕配。此外，服務態度非常好，環境也相當舒適，坐下來可以好好享受一頓火鍋。總體而言，這裡的「一分錢一分貨」體現得淋漓盡致，是個值得回訪的火鍋店！…查看更多

第一次食無老鍋在台北。驚為天人。 Covid 後香港開了分店。 說實話巳經覺得味道同台灣不一樣。 今日天氣凍諗住去打邊爐。 點知等了個半鐘。覺得唔對路。入去点店中發現有吉枱. 都唔俾你，你戇居居. 今次食發現味道差更多! 鸭红無味. 冰琳豆腐 唔点。 其實見佢地不停promotion 的已经觉得可能係最後一次食。 今晚之後幾sure 無下次🤬🤬🤬🤬🤬 $1000 套餐2人餐野食以少。 又唔夠人做嘢， 這個價个錢大巴地方食火锅…查看更多

無老鍋係大陸冇分店，特登來香港食。最近光顧頻率實在是太高而且用餐時間只有90分鐘但是依然值得強烈推薦！！！很好吃！好吃到每次都忘記拍照！我同老婆每次黎都能炫好多牛肉🐂🐂吃的我哋非常之開心😃鍋底：很乾淨！通常會點鴛鴦鍋！有股非常淡的中藥味讓人感覺很健康很養生，哈哈哈～鍋裡的鴨血和麵包豆腐，不限量供應，很入味必點：無骨牛小排雪花牛肉手切牛腹肉海鮮拼盤水蓮我哋兩個人飯量好大，通常人均500hkd…查看更多

雖然食物質素好,但服務真系唔得,這日星期四,客人唔多,話可以食野唔使計時,我6：15 pm 點餐,食到7：30 已問再有無加,無就埋單,就算經理都話無問題,真是無下次…查看更多

無老鍋好耐之前已經喺台灣食過，嗰時真係覺得好好食，之前喺香港試過鼎王，同台灣食嘅爭好遠，所以雖然知道無老鍋喺香港開咗好耐，都唔敢去試！費事失望！但今日朋友話好想去試吓，咁就晏晝一齊去食！當然價格就比台灣貴好多，當日中午去到，完全唔需要訂位，成間舖頭得兩三台人客，睇今日情況就知道而家飲食界真係好難捱！用OpenRice訂位，仲有啲折頭添，大家都記得要用吓！去到見到有啲午市套餐，但一心嚟到，就梗係想食佢啲豆腐同埋鴨血，如果跟餐嘅話，就冇得任食，所以我哋決定唔跟餐叫！直接嗌鍋底！叫咗個鴛鴦鍋底，一個係麻辣，一個係無老鍋湯底，再嗌埋個冰淇淋豆腐。坐低一陣，湯底就到！出邊亦都有自助嘅調味料，當然冇大陸嗰啲選擇咁多，正正常常！呢度嘅白飯係任添嘅，配豆腐送白飯都唔錯！而我亦都有嗌下啲小食同牛肉，始終要幫襯一下！坦白講，啲鴨血同豆腐真係好好食，勝過其他小食同牛肉，所以呢餐我可以係食豆腐食飽的！呢度嘅冷氣都好充足，食完唔會一陣味！服務方面都算幾好，整體係唔錯！食過一次之後對佢嘅信心返晒嚟，一定會再試！…查看更多

尖沙咀這家店環境裝修都很不錯，走進來有種溫馨的感覺。台式鍋底也超級讚的，我點的是鴛鴦鍋，冰激凌豆腐口感都超級綿密，入口即化，非常之好食物。牛肉拼盤588hkd都超級抵，肉質鮮美，口感好。還有必備的鵝腸，酥酥脆脆，每次必點。最有特點的還是水蓮，第一次吃，太驚艷了。…查看更多

台灣無老鍋同埋上海鼎王無老鍋都食過好多次，香港第一次食，不過覺得貴好多同埋冇咁好食。我哋四個女仔叫咗個牛肉拼盤，四款每款四片，一個海鮮拼盤，三款，每款三四件，一碟丸，一個菜籃，一個老油條，四杯嘢飲，2千幾蚊埋單。$58杯飲品味道麻麻地，杯檸檬茶，唔知點解有朱古力味。海鮮拼盤，急凍未溶雪，無味。老油條超硬，好似粥舖朝頭早賣剩咁，連我最鍾意飲嗰杯沙冰都麻麻哋，應該係碟丸最好食了。有啲失望，應該唔會再考慮過黎。…查看更多

火鍋店設$750最低消費，服務員堅持二人枱給四人坐; 有四人空桌，卻只可留給六人座。 有空桌也不安排，車已泊入停車場🥶現場多張6人桌卻坐了4個人，不解！服務員只重覆這是公司規定。…查看更多

麻辣鴨血湯底同安格斯牛肉都好好食仲有大大杯日本生啤環境唔錯，窗景欣賞倒K11，店內裝修都好簡約時尚最後送左個蜜桃冰沙，好清爽雖然有d貴，最後三人埋單二千蚊但對得住價錢既，可以再戰…查看更多