無極冰廳 (樂居樓)

營業中

休息中

瘦得黎又有肉脂味嘅叉燒 ～～～有一排冇食茶記，今日突然間想食叉燒蛋飯，所以就嚟咗朋友屋企附近嘅呢一間茶餐廳食晏。～～～餐廳座位頗寬闊，幾好坐。餐牌選擇亦多，本來想食叉燒蛋飯，點知睇完餐牌之後三心兩意最後變成揀咗鰻魚滑蛋飯同埋叉燒米常餐，再配合返一杯檀島咖啡同埋凍檸茶，簡簡單單就滿足左我成日嘅茶記癮。☺️～～～鰻魚滑蛋飯嘅鰻魚非常滑嫩肥美，鰻魚都好大條，滑蛋嘅份量亦都多，貫徹茶記一向嘅抵食形象，食完之後令人感覺非常飽足。再配上一杯冰涼消暑嘅凍檸茶，就更加係解膩又舒服。🍋～～～而叉燒米亦都冇令人失望，叉燒同平時食開嘅港式叉燒有少少唔同，比較瘦，但係又keep到個肉脂味，令人食得唔會好內疚之餘，又可以食多幾件，另外佢哋嘅米粉比較幼身，有啲似台灣嘅新竹米粉，個人亦都好鍾意。🍽～～～最後檀島咖啡亦都係焦點所在，香濃非常，飲半杯已經成個人醒晒，打工仔lunch time飲番杯確實幾適合。☕️～～~無極冰廳 (灣仔)灣仔謝斐道118號樂居樓地下D-F號舖

而家好多餐廳都唔開，又冇得wfh，我都係想食個飯啫，好彩仲比我搵到呢間坐得舒服，食品款食又多嘅冰室。好，坐低睇吓有咩好食先。麻辣雞絲撈手工麵，碗麵舖滿雞絲，份量都多，個辣醬非常麻辣，因為辣醬都多，最好試少少先，唔好一次過撈晒。麵質都爽口，唔錯！名古屋牛肉炒稻庭烏冬，大大塊牛肉食落都軟熟唔韌，烏冬炒得幾好夠乾身，雖然個名好日本feel，依然做到港式味道。滷水雞翼醃得入味，食落肉質有咬口。精選午餐仲送湯或者飲品，叫左凍檸水同，凍奶茶。

無極冰廳 地址: 灣仔謝斐道118號樂居樓地下D-F號舖電話: 36197563=====================係電腦中心過條馬路,好多唔同架款式, 中午價錢又經濟。$80 鰻魚炒滑蛋飯, 蛋好滑，原塊鰻魚唔係切碎$56 咖哩豬扒飯豬扒大塊岩喜歡食肉架人, 煎到香香地, 豬扒肉嫩又醃得入味。個咖哩汁偏向葡汁，唔辣。野飲就跟飯加$6因為散點要分開點啦，奶茶濃郁好香。無極冰廳 地址: 灣仔謝斐道118號樂居樓地下D-F號舖電話: 36197563=====================係電腦中心過條馬路,好多唔同架款式, 中午價錢又經濟。$80 鰻魚炒滑蛋飯, 蛋好滑，原塊鰻魚唔係切碎$56 咖哩豬扒飯豬扒大塊岩喜歡食肉架人, 煎到香香地, 豬扒肉嫩又醃得入味。個咖哩汁偏向葡汁，唔辣。野飲就跟飯加$6因為散點要分開點啦，奶茶濃郁好香。

今日黎到灣仔開會，見到間新既冰廳，感覺坐得舒服左入去試吓，見到餐牌好多嘢都有，但令我最特別嘅就係雙拼麵竟然可以揀豬扒，因為多數豬扒喺出面食都係單拼，所以我就試吓，叫咗個豬扒牛肉出前一丁點知有驚喜！豬扒好新鮮，好鬆軟，又夠大塊，沙嗲牛肉，除咗沙嗲香味仲唔係鹹，係帶甜味幾特別，出前一丁夠晒新鮮，煮得夠透，份量都非常充足，而且只需要$46，喺灣仔來非常係高質，因為平時開會都經常去灣仔食早餐，食過其他都一般，而呢間無極冰廳絕對會再幫襯！👍🏼除咗嘢食之外樓面嘅服務態度都非常之好！有禮貌又爽快，見到都好勤力周圍走👍🏼喺疫情之下能夠見到一間做得好嘅冰廳好難得👍🏼所以大家可以去試吓👍🏼

今日要食個快飯，再趕返去office開會。講到食快飯，就一定係去快餐店或者茶餐廳啦！路過灣仔，見到無極冰廳嘅選擇都幾多，又有越南嘢，又有川式小食，當然唔少得茶餐廳必備嘅常餐啦！之不過，咁多選擇，個廚房得唔得架？口水雞脾雞髀預先切件，食起上嚟夠晒方便，亦都容易同其他人share。雞脾上面放有好多香料，加上麻椒油，令雞髀少少辣，夠晒惹味。沙嗲牛肉麵配北海道牛乳滑蛋及牛油麵包茶餐廳嘅靈魂，當然唔少得常餐嘅沙嗲牛肉麵。呢度好似用福麵做麵底，沙嗲味香濃，而且餐廳一啲都唔孤寒，牛肉份量勁多，仲好入味添！至於北海道牛乳滑蛋嘅蛋味香濃，炒得非常嫩滑。越式肥牛河至於同事就叫咗越式肥牛河，首先一讚係個河粉好滑溜，「𠽌」一聲就食咗喇！湯底夠晒清香，帶有淡淡的牛肉味，濃得嚟又唔會油膩。但就略嫌肥牛熟咗啲啲，食嘅時候就唔夠軟腍喇。

前幾日係灣仔附近行諗住食lunch，發現好多店都冇開，於是搵到呢間餐廳。侍應都好有禮貌，會主動上前落單～叫左個椰香咖喱豬扒配腸仔飯，上餐時間都快，嚟到嘅賣相已經好靚，塊豬扒好吸引好大塊😍係熱辣辣，睇得出係即叫即整👍🏻👍🏻因為出面好多都係預先整好咗…食落都非常之鬆軟，唔會鞋！同埋啲咖喱汁都好香，夠撈晒成個飯，正～腸仔應該炸過嚟，唔係白烚，出面茶記好多都係白烚。價錢都非常之抵食，下次經過會再試下佢其他！