為食仔海鮮火鍋專門店

營業中

休息中

今次去咗旺角食呢間好出名嘅黃店，亦都係我第一次接觸任食蜆仔嘅打邊爐，夜晚9:30過後就會有$98任食蜆仔嘅優惠，本身想買黃金卜卜蜆乾鍋，但了解過後發覺後加既蜆會再加水煮沖淡左個味，所以最後都係叫左原味卜卜蜆鍋，我地2個人食 refill 左3 round 左右就開始叫餸打邊爐lu啦🥰叫左個黃金響鈴，脆肉鯇魚腩，韭菜餃，同埋豬八戒。豬八戒有少少特別係豬內臟嘅拼盤，所以真係要食到嘅人先好嗌😂不過食物嘅份量真係好多，多啲人嚟食會開心啲，而且人流多食物去得快，都覺得佢特別新鮮。每次refill蜆既數量都好多，同埋無乜沙又大粒，所以最後我地refill左差唔多總共5次先走🤤

朋友介紹呢間為食仔有得任食蜆，即刻搵人陪我食，book左31號晚，九半後就有得$98任食蜆，係$98成枱任食，只需要每人嗌任何一款火鍋配料就有呢個優惠。不過可能因為除夕夜所以限時90分鐘。我地揀左黃金卜卜蜆乾鍋(咸蛋黃)，咸蛋黃既味道非常濃郁，滿滿包圍住啲蜆，蜆肉不過不失，味道搭夠！之後再加蜆會有另一番風味，因為會加左湯，蛋黃嘅味道變淡左，但係會食到蜆嘅鮮味，變相又食到多種口味，而且滾起嘅時候真係會聽到卜卜聲。本身想食蟶子但已經賣哂，所以嗌左兩隻鮑魚試試佢，因為店員話好大隻好新鮮，食落都真係幾正，爽口彈牙，比較軟唔會覺得"韌"。唔知係因為除夕夜定平時都咁多人，如果想食嘅話最好book位就唔洗等咁耐，佢樓上仲有得坐，所以應該都幾多位下。

weekend 同成班朋友一齊，一定想搵個地方聚下，又有一間房，所以我地選擇左e間卜卜蜆😍9點半後又有任增加蜆，我地咁多人就岩哂叫左兩個煲，兩個都係原味卜卜蜆，一開就比人搶哂，我地加左4輪先夠食，兩邊都加埋姐係8輪，基本上都無沙，放心食用，服務員好快上菜，又幽默😂我地又叫左竹生，准山，午餐肉，凍豆腐，萵筍，牛肉，全部都係食火煱必叫ge野竹生好食鮮喜歡食的朋友一定要點。有紫色准山，不過同白色無太大分別，都可以試下

諗住親星期二晚少d人去為食仔試下，但係都好多人排，好彩有book位。一入到去就叫左佢地招牌既18禁卜卜蜆，蜆，有大中小bb辣，我地叫左個小辣，都幾辣，所以唔係好食得辣既人可以試下bb辣先。我覺得4個人食最岩，但係兩個人都食得哂。好入味！得幾隻有沙！ 新鮮依家仲有$1甜蝦刺身好大隻好多膏，但個人麻麻地蝦膏👅除左個卜卜蜆，我地仲叫左碟羊肉，黑豚肉，蝦滑，黑松露墨魚丸同鮮蝦雲吞。兩款肉都好好食，最特別係墨魚丸，好重黑松露味，又好彈牙，值得一試。邊爐點少得啤酒！好滿足嘅一餐

同友人慕名而來試下佢最出名既卜卜蜆卜卜蜆煲一黎到既時候入面既卜卜蜆仲係閉口煮左一陣就已經開哂口食得喇入面既肉都幾厚實，唔會覺得係食緊空氣而且都幾入味！！基本上唔洗點醬汁就已足夠！份量都幾多下，不過淨係食蜆就唔會飽既！開始火鍋時間美國黑豚肉近期豬肉貴，當然要食下豬肉啦！呢個豬既肉質都幾高級，厚薄適中，一客有十幾片而且都幾大片下點我最鐘意既沙菜醬食就fit哂黑松露鮮蝦餃超香口既鮮蝦餃，黑松露包埋係餃入面，所以鮮蝦吸收哂佢既鮮味，不得了咁好味！！入面既材料係超豐富的！少貴但值得一試自家黃金炸響鈴呢個我認為係最特別既一道餸既可以就咁食，又可以落鍋煮幾秒幾秒好喇但我極力推薦係就咁食！！因為上面既蛋黃醬先係主角會覺得自己好似食緊新加波最hit既蛋黃薯片一樣非常之咁脆口同好味！！食極唔停！一客有7條，我地個個都爭黎食

食卜卜蜆最出名就係呢間好彩早左些少去，否則就要等位了一坐底就即刻叫左個蒜蓉卜卜蜆煲因為同行有人唔食辣所以就叫左蒜蓉味一黎到個鍋係超多卜卜蜆仲要係每一粒都有肉架唔似出去食個D食殼多過食肉！！超好味，即使係蒜蓉都已經勁出味食完個卜卜蜆就到打邊爐時間了叫左好多野食，不過我最愛都係呢個安格斯肥牛價錢唔算平，但係一分錢一分貨淨係睇個樣都知係高級貨雪花分明，只需要落鍋10秒就已經食得味道好嫩好有牛味！！再黎就係西洋菜而家係當造既季節，佢同個蒜蓉卜卜蜆鍋湯底隻味好match!!!份量都算多，反而呢個唔算貴

今日約左讀中學既老朋友聚會一下，帶佢黎為食仔試下蜆煲，上次我同媽黎食都覺得好正，希望佢都鍾意 !! 我地有訂位，好快就可以入座，勁多人 !! 但二人枱唔太多地方放野，OK 啦 !! 呵 ~~ 我地叫左個 BB 辣蜆雞煲，侍應姐姐推介，本來我都真係諗住叫個蜆煲再加半邊湯底打邊爐，但姐姐話真係好好食 !! 我就聽下佢話 ~~ 果然係唔錯 !! 個味道對於我唔鍾意麻味既岩岩好，辣度我都可以接受到，果然係 BB 辣 !! 個蜆我地以為好細粒，入面D肉都算肥大，又甜 !! 唔錯 ~ 雞應該有半隻，個肉質唔會霉，都係爽口 !! 雞味都有，唔會好似麻辣味蓋哂咁 ~~ 驚喜呀 !! 成個煲最好味一定唔會係雞同蜆啦 ~ 識食既你，一定將洋蔥蒜清左佢先打邊爐 !! 哈哈哈 ~~我地冇飲汽水，叫左兩支烏龍茶，一凍一常溫，好貼心 ~~ Thanks !!我地話左黎豪一豪佢，叫左個近江和牛上肩甲肉 (小)，姐姐又話我地識食，哈哈，梗係啦 !! 近江牛算有牛味架喇，呢個滾佢3秒入口即溶，仲配埋店家自家制既酸汁，果然冇咁滯 !! 唔錯 ~~自家制紫菜響鈴勁脆，都真係就咁食都 OK，正呀 ~~見到有我最愛梗係唔好放過

經朋友介紹，我終於趕上潮流尾班車，黎到為食仔食返個係香港紅咗好耐嘅卜卜蜆煲卜卜蜆煲嘅湯底選擇極多，更有平日唔常見嘅叻沙湯，不過既然第一次黎嘗鮮，當然揀個最原汁原味嘅湯底啦，蜆嘅份量驚為天人，多到擔心叫咗其他嘅野都食唔曬，全部都洗得乾淨無沙，肉易拆又鮮甜食完蜆就繼續打邊爐，我地叫咗碟近江和牛肥牛片，肉同脂肪比好平均，涮幾涮擺入口中，肉質滑嫩，牛味超濃郁，香到覺得有淡淡嘅牛油香係口中擴散，鍾意牛嘅話可以一戰我地仲試咗鵝肝蝦丸，非常彈牙，又唔太韌，內裡有一小塊嘅鵝肝，好食又夠曬特別五色餃子盤同樣值得一讚，香港地嘅火鍋店通常都外購食材直接供客，但餃子明顯係人手逐隻包，非常難得嘅新鮮而非冰鮮餃，味道亦非常出，當中最鍾意嘅就係黑松露餃，黑松露落得好重手，味道極香，可謂不惜工本仲有如果你同我一樣鍾意香口野，黃金系列都值一得一試嫁，黃金魚皮同黃金響鈴嘅鹹蛋黃味好惹味，每片都被包覆到，保證啖啖都食到鹹蛋味店員們服務亦非常好客友親，當中有位仲好鬼幽默成日搞下gag，帶俾客人歡樂

雖然銅鑼灣店執左，但冇阻我地去食卜卜蜆。今次試胡椒雞湯卜卜蜆煲，未開煲蓋已經聞到好香胡椒味，冬天食暖笠笠岩晒。我自己覺得胡椒雞湯煲好味過招牌煲。今次唔係任加蜆，不過太好味所以加錢都加左一次蜆。另外叫左近江和牛，一睇色澤就知係質素好，入口即溶咁滯，份量都唔少架。930前仲可以以$1/隻無限任叫甜蝦刺身，我地叫左10隻咋，因為要留肚食和牛！因為上次食唔晒黃金響鈴，今次叫黃金雞翼，不過都係響鈴好味d。黑松露芝士蝦丸中間有好大舊芝士，黑松露味夠濃，值得試。最特別係有咸檸7，好解膩。上次亦係最後一次係銅鑼灣食係930後時段$98有得任食卜卜蜆，但規定要每人叫1個主菜。第一次食試左佢個招牌湯底，幾好味不過會愈食愈咸，最後食烏冬會太咸。我地另外叫左羊肉同埋自家黃金炸響鈴，羊肉夠羶。炸響鈴個黃金汁超邪惡勁好味！不過我地2個人食唔晒因為好膩，如果多人一定要叫黎食，因為響鈴本身都炸得好脆～一定會再黎

話說呢位朋友好耐無同佢聚過啦！又知佢最鐘意hotpot，佢建議試下呢間，而我又未黎過，一於去試下。我交左比朋友負責點野食，我就坐响度等食😆😆首先叫左個卜卜蜆雞煲，未食過卜卜蜆煲嘅我覺得幾好，而雞都幾滑，但越食越咸😅😅 越食越辣。但已經係BB辣一人一枝烏龍茶唔少得紫菜響鈴 第一次食唔係原味響鈴，又可能我地放耐左，裡面有啲”un”近江和牛上肩甲肉 (小) 入口即溶 再配以佢個日本醋 口感唔錯 但我個人喜歡牛味重啲，所以都係牛頸脊好味啲本地新鮮牛頸脊 (小) 牛味濃，我鐘意黑松露鮮蝦餃 食左啲先至醒起未影相😅 呢個好大隻好足料 好香松露味 推介👍白鱔片新鮮程度幾好，下次試下脆鯇魚腩先唔少得叫返個西洋菜啦 呢個季節西洋菜當造整體都幾好味，佢9:30後$98任食卜卜蜆煲，我覺得都好抵。佢啲蜆唔會得返堆殼，值得一試👍👍

天氣開始凍凍地好想食暖身嘢食，  專程黎熱一熱身！卜卜蜆其實係為食仔海鮮火鍋專門店的招牌菜 ，但仲就咁食卜卜蜆就算？而家當然並非一般火鍋咁簡單！今日我就想挑戰18禁卜卜蜆雞煲 ： 一個又食到蜆又食到雞既火鍋 ！ 18禁既辣係由唔同既椒製成，只係嗌左BB辣但係BB辣都已經夠曬刺激啦喂！仲要份量超超超多！睇住一隻一隻卜卜蜆打開，好過隱嫁！  蜆開殼後，就可以開始夾夾夾，手快有手慢無嫁啦，蜆肉非常新鮮香嫩！ 只需要 $138 就唔使去街市唔使去洗碗！好抵食！食完曬BB辣雞就可以叫哥哥仔幫手落下湯啦，再加入其他火鍋配料，記得落埋好多好多蒜蓉，個湯又有D蜆汁留係個火鍋湯底入面，正呀！（不過食完好口臭）火鍋配料方面我地首先叫咗碟日本鹿兒島A4和牛：油花就係咁靚仔，脂肪比例平均，牛肉香味入口感到很重，食過就知道厲害。另外餐廳有附送花生醬，花生味好重應該係自己整嘅，唔似係超級市場買既個D日本麻醬，絕配！另外見到個餐牌有黑松露鮮蝦餃覺得好特別叫咗嚟食，以為會好奇怪啦又估唔到竟然好好食，如果你係鍾意食黑松露一定要叫黎食下。

窮遊香港-$98任食卜卜蜆鍋最近呢間做緊優惠21:30後入座可以$98任食卜卜蜆21:30前入座$1一隻任點有頭甜蝦（餐牌睇圖）.平時食開都係 麻辣 清酒原來咸蛋同卜卜蜆都好夾比滿滿咸蛋包住（可睇圖）.除此之外仲叫左⭐️近江和牛後腿$288睇圖都知咩程度 唔多講⭐️流心蝦膠奶黃丸$78咬開入面爆咸蛋汁 蝦都彈⭐️菠蘿沙冰用左真菠蘿打成既沙冰 冬天飲冰好正⭐️酸梅湯$13呢個酸梅湯 好足料 偏酸 酸酸甜甜好開胃.整體是日 火鍋料 高質 服務環境都唔錯唯一可改善既係蜆有小小沙 但合理程度晚市任食優惠都勁抵.#為食仔海鮮火鍋專門店 (旺角) （仲有幾間分店）地址：旺角白布街4號地舖.⭐️評分：味道：4.5/5環境：4/5服務：4.5/5抵食：4/5.

最近天氣開始凍，最岩就係打邊爐，今晚就約左信朋友去到旺角打邊爐，好彩都算早到，7點後基本上就full左。餐廳就推介18禁卜卜蜆煲，我地㨂左中辣，但如果好食得辣的話應該會唔夠喉，不過真心個煲真係好多蜆，同埋食落都算新鮮的。餐廳有好多手制品，我地點左兩樣，黃金炸響鈴同手打四寶丸，包括牛丸、豬肉丸、墨魚丸同蝦丸。個人真心認為非常高質，響鈴入面加左咸蛋，估唔到係非常夾，而且係我食過最鬆化的。而四寶丸亦都非常彈牙，我另外點左黑松露墨魚丸，食落真係好有分別，所以我我suggest大家來到最好點手打丸。我地仲點左近江和牛下牛腿同美國黑豚肉，質素都非常高，值得一試。

為食卡比今次去到為食仔到搵卜卜靚蜆。今日可以話係近排最為嚴寒既一日，除左岩哂十下十下，食卜卜蜆都系十分吾錯既選擇，食完仲可以十下十下，一舉兩得。🔷招牌卜卜蜆煲(蒜蓉) 💰168 💙80/100招牌口味即係蒜蓉辣椒，要吾要辣就自己話事。份量係超級重手食到手仔都軟，煮左一陣之後聽到D蜆陸陸續續咁開哂，搵吾到有邊隻無開到所以話D蜆都真系幾新鮮。size上邊中規中矩但份量真系贏哂，飲左啖湯，香辣味較重。🔷本地新鮮吊龍伴(小) 💰228 💙82/100雖然係小size但一啲都吾小，吊龍伴又名肉眼邊，因為佢係肉眼扒外圍既肉黎，肉味偏濃而貿感有咬口卻不韌，比起常見既肥牛，更為建議可以試下吊龍伴。🔷桂花蚌 💰98 💙80/100切既大細恰到好處，望落好乾淨好新鮮，果然不出所料食落高質，爽甜爽口。🔷手打牛丸 💰58 💙75/100牛丸系新鮮手打，夾起去煮都要小心啲。味道有啲似平時飲茶食開既牛肉球，幾特別。🔷自家製酸梅湯 💰13 💙75/100酸梅湯系自製飲得出好重梅味，會系偏酸既酸梅湯，欣賞糖份落得不算多。🔷題外話走果時見到店鋪原來做緊9:30前入座有$1一隻有頭甜蝦，可以卡比為時已晚無嘗到，唯有留反下

呢幾日咁凍，打邊爐是常識吧！一於揀間多人排隊嘅滾，實有品質保證~位置偏離旺角中心㸃小小，但都門庭若市，而且四周也是食店林立，唔難搵，所幸兩丁友，不用等好耐便能入內，分上下兩層，地方不大，雖然的的骰骰，但店員服務周到，仲善用空間，在櫈底整咗個籃放袋，由於朋友不好太辣，所以揀咗個麻辣鮑魚雞煲，呢個係乾鍋，吃完後先再加湯打邊邊~由於制作須時，所以叫咗小食醫下肚先～黃金雞中翼，炸得香脆，也不油膩，外脆內嫩滑的表表者，食到咁上下，主角終於出場，麻辣鮑魚雞煲，有四隻鮑魚，爽口鮮味，四只也不夠喉，而雞肉主要係雞髀位，既啖啖肉又嫩滑多汁，佢嘅麻辣亦好到位，又香又惹味，而且做得好利落，不但沒有過多的辣油，且不像平時吃的雞煲，有過多香料同配料，避免不慎吃到花椒那些香料。食完D雞，店員就幫我地放上湯作第二輪任務，我地叫咗頂級安格斯肥牛丶美國黑豚肉同墨魚奶黃包。肥牛油脂分布均勻，牛味香濃，入口即化，不用沾任何醬汁已經好好味，黑豚肉夠淋滑，配埋自家制xo醬食更好味，而墨魚奶黃包係店鋪特色手打丸之一，內裏係包心 咸蛋黃，是近期吃過最高分的手打墨魚丸，好爽實，Q彈，而且咸蛋黃味道適中，不會過咸，不膩，好出色。吃麻辣