為食仔海鮮火鍋專門店

營業中

休息中

員工服務態度十分好，都會主動幫手加湯，見到我地個火咁耐唔滾都好主動幫我地換！食物方面都無令人失望！試左bb辣雞煲，再叫左唔同食物，當中超級推介豬牛羊，特別係羊肉，超級驚喜！其他食物都有中上水平！調味料/飲品都有唔少嘅選擇！可惜當日試唔到佢地自家製薏仁水，希望下次試到！當日可能係提早訂位關係，老闆都有提供房間比我地 （5人），房入面都有電視，座位尚算舒適。最後好想再一次感謝當日嘅員工 你地嘅態度好好！ ！

先講下呢間店嘅好嘢， 首先每個位下面都有個籃畀你裝袋， 另外店員嘅服務態度幾誠懇， 食物嘅質素係高嘅， 特別係響鈴墨魚丸同埋牛肉， 響鈴唔係一般出街食嗰種又薄又鬆， 呢間店響鈴係有紫菜喺入面而且口感好紮實， 唔會好似食空氣感。 傳一個好處就係如果唔係繁忙時間， 雖然佢就話最多食一個半鐘， 但我哋最尾都 由七點半坐到十二點半。 同啲朋友吹水傾計一流。缺點就係嗰日我哋冇海鮮， 即係冇蝦冇魚嗰啲， 另外整體嘅種類唔係太過有特色， 但係價錢都比較偏貴， 如果人數太少嘅話好容易食下食下就會 超出budget， 結果我哋最尾冇人埋單都要成四百幾蚊。

心血來潮想食卜卜蜆，當然係認起旺角白布街嘅為食仔仔海鮮火鍋專門店啦。天意弄人，去到先知今日無卜卜蜆食，但都嚟到喇，就照樣入去食啦。為食仔出名卜卜蜆相信大家都知。除咗蜆煲，佢哋仲有雞煲、龍蝦鍋、魚鍋、雞煲翅。店員就介紹我佢嘅新推出嘅蟹雞煲（大、中、細、BB辣）同埋龍蝦雞煲。不過我今日唔想食雞煲，所以最終揀咗招牌龍蝦海鮮鍋。依個招牌龍蝦海鮮鍋俾咗我意外驚喜，大大隻嘅龍蝦，旁邊仲有幾隻大蝦相伴。鍋底仲有豆腐、蛙蛙菜、冬菇、雞髀菇，十分足料。個煲一滾起，龍蝦都差唔多熟透。先試個湯頭，湯吸收咗龍蝦同大蝦嘅鮮味，非常鮮甜。龍蝦夠哂大隻，非常好肉，而且好新鮮。大蝦亦同樣新鮮。煲底嘅菜同豆腐吸哂湯嘅味道，成個煲都好正。食唔到卜卜蜆都唔係一件壞事嚟喎。齋食招牌龍蝦海鮮鍋又點會夠、所以點咗封門柳、彈牙香口嘅鵝肝墨魚丸。為咗唔好浪費咗龍蝦海鮮鍋嘅鮮味，再加點咗雜菜同薯粉。一份封門柳嘅份量都幾多，不過封門柳唔同肥牛，佢無肥牛個種油香，取而代之嘅係濃郁嘅牛肉味，而且比起肥牛有𡁻頭，所以大家諗清楚想食牛味濃定油香味，唔好浪費食材呀。

朋友果然冇介紹錯，呢間食打邊爐果然一流！地方大坐得又舒服，嘢食好味不在話下，連餐廳嘅服務員都一流！有賓至如歸嘅感覺我哋叫咗個龍蝦🦞海鮮鍋，主打龍蝦大大隻，仲有8隻大海蝦添，湯底十分鮮甜，配有娃娃菜、豆腐同雜菇，配菜入晒啲鮮味，連我呢個唔係好鍾意食菜嘅人都食晒呢度食近江牛，出名牛味濃郁，聽店員包包推介左食「邊抓」，係我哋第一次食，果然無得頂，唔止擺盤靚，煮熟後好有咬口，食落非常之有質感，真係大力推薦再黎叫左個黑松露蝦丸，鍾意食黑松露嘅人一定唔可以錯過，蝦丸彈牙兼充滿黑松露香味！嘢飲方面就叫咗一杯鹹檸七同埋菠蘿沙冰，菠蘿🍍沙冰非常之特別，飲得出有鮮菠蘿粒，真材實料！不得不提醬料方面，必試自家製XO醬，呢個係廚師獨家秘製，充料又惹味，出面一定食唔到！哈哈😄，我又忍唔到想約朋友再食啦！

聽過好耐為食仔呢個名，但係從來都未食過，知道佢最出名嘅係卜卜蜆，一心想黎試吓，可惜卜卜蜆唔當造，要去到7月先有，聽職員介紹之下，今次叫咗招牌龍蝦海鮮鍋。湯底上到嚟嘅時候我哋都嘩然左一聲，因為我哋得兩個人，但係個煲就有好多料！龍蝦、蝦肉、娃娃菜、豆腐、菇等，好足料，$298來講都算幾抵！海鮮唔會俾平價貨，食得出唔會有雪味或者啲肉好霉，反而肉質彈牙、鮮甜。每隻蝦都好大隻，蝦膏多，一鍋應該有8至10隻蝦。龍蝦開邊好易起肉，食落啖啖肉又夠鮮甜！仲叫咗皇帝菜同脆鯇腩，打邊爐必備！鯇魚腩啖啖肉，夠晒脆。另一個推介之處係呢度有各式各樣嘅牛肉選擇，我哋叫咗 邊抓。脂肪特別多，牛肉味好香，亦都有咬口，重點係唔係好多地方有得邊抓！飲品叫咗柚子沙冰同菠蘿沙冰，兩款都透心涼，夏天飲超消暑！

除左卜卜蜆為食仔 既麻辣雞煲都好唔錯🌶🤪黃店雞煲💛同埋幾抵食🤪🐽 麻辣雞煲🐓 ($118)因為個fd唔太食得辣 揀左小辣🤣辣味唔太重 但都好香🤪🤪d 洋蔥蒜 一齊炒 超惹味🤤個煲一上既時候雞件已經熟曬稍為炒香下 就食得🤞🏻岩曬餓鬼😼雞件入曬味 而且嫩滑 棒!🤪🐽 池板牛肉🐮池板係牛前腿既肌肉😗比較薄身 多脂肪🤤🤤牛味十足啊!😻🐽 芝士墨魚丸🐙 & 娃娃菜🥬好彈牙! 好大粒🤤🤤入面有少少芝士唔會太漏🤪食完雞煲店員會加雞湯for打邊爐🍲煮菜勁正! 吸曬d湯🥳🥳🐽 菠蘿沙冰🍍 & 椰子沙冰🥥食雞煲唔少得飲番杯野🌿兩杯都好fresh! 爽!🥳

之前見到卜卜蜆煲好似好正咁 今次專登過嚟食 不過咁啱今日無得食卜卜蜆呀 唯有食其他啦 一上枱有得自助加左調味料先 叫左個藥膳醉雞鍋 先上左碟雞個煲入面都好足料 滾左之後個職員有過嚟幫我地倒d雞落去 終於熟啦 飲啖湯先 飲落d湯好養生嘅感覺 雞可以唔洗煮咁耐 如果唔係會好老仲有叫左個池板近江牛肉 原來池板係牛嘅前腿 比較瘦嘅 啱我d唔鍾意食太肥嘅人跟住有原隻花膠筒 平時花膠湯就有飲過 成隻用嚟打邊爐真係第一次 煮完佢會縮哂水變一pat軟林林嘅野點可以少左個菜 我地有叫油墨菜 野飲方面 想無咁熱氣就叫左杯咸檸7 仲有試左杯菠蘿冰 好清新好fresh嘅感覺全程職員服務態度非常好 不停有過嚟問下我地有無其他需要 下次再嚟要試佢地個卜卜蜆先

熱辣辣的天氣都無阻我食麻辣雞煲的心情。揀左bb辣，初時食，只是感覺到辣味而已，但愈煲愈耐，麻香就出哂黎，好爽。雞肉方面，雞肉是較為實淨，肉質都嫩滑，份量適中。食完雞煲，就打邊爐。叫左一個邊抓（小），邊抓即係係牛的肋骨位附近，包住牛腩的肌肉，如圖中，邊抓會多小小脂肪，所以食落更有肉香！btw牛味真係好重特式四寶墨魚丸，分別係有黑松露，鵝肝，芝士，奶黃包口味。至愛當然係黑松露！柚子沙冰，波蘿沙冰。柚子沙冰好濃味，不過個人認為稍為略甜。

友人帶路試下新嘢，今次嚟到旺角呢間個名好得意嘅餐廳試下。餐廳主打係食卜卜蜆，宜家仲有個優惠係喺每晚九點半前1蚊1隻無限任叫甜蝦，之後就轉做卜卜蜆無限refill，超抵食。一場嚟到梗係要試下招牌卜卜蜆，我哋揀咗18禁卜卜蜆雞煲小辣。蜆肉大粒肉厚，每粒都無沙，味道辣辣地好鮮甜惹味。雞肉唔嚡整得好入味。食曬就可以入湯轉打邊爐。我哋點咗份牛肉邊抓，脂肪比較多肉質結實，口感韌韌地好重牛味。五色餃子拼盤每款有兩粒，分別有芫茜豬肉餃、鮮蝦雲吞、鮮蝦水餃、韭菜餃同埋黑松露鮮蝦餃，每款都各有特色，個人最鍾意係黑松露好香濃嘅鮮蝦餃。油麥菜清新爽甜。另外每人都點咗杯鮮果沙冰，菠蘿味飲落比較清甜，柚子味就帶少少酸，同打邊爐好夾。

之前聽朋友提過為食仔呢到九點半後有卜卜蜆煲任食，原來依家九點半前同樣有卜卜蜆(細煲)任食嘅優惠；又或者可以叫卜卜蜆(大煲)，就可以無限任叫一蚊一隻甜蝦。✨18禁卜卜蜆煲(bb辣) $178叫得18禁，就知唔簡單，穩陣嘅我地為安全起見，叫咗bb辣，點知都幾辣下😂好彩冇叫太辣😂卜卜蜆份量好多！蜆肉飽滿鮮甜！冇沙。好有蒜香，味道香辣，而且唔會好油。湯底味道濃郁得嚟帶甜，有好濃郁嘅蜆味。✨近江牛池板 $298近江牛被譽為日本三大和牛之一，既然呢到有，緊係要試下啦！池板則係牛前腿嘅肌肉，比較薄身，油脂較多，肉質較有𡁻口，而且牛味十足。✨美國黑豚肉 $118肉質嫩滑，肉味濃，油脂甘香，好有彈性。✨黑松露墨魚丸 $88好香黑松露，墨鮮鮮味，真係落足料！入口非常彈牙，令人回味呀！✨雜菜拼盤 $58打邊爐咁多肉，點多要叫番份蔬菜平衡下，雜菜拼盤就啱哂喇！蔬菜乾淨新鮮！✨菠蘿鮮果沙冰 $42✨柚子鮮果沙冰 $42兩杯飲品的確有驚喜，味道清甜，沙冰夠晒透心涼，好適合打邊爐飲。

夏日炎炎 最啱打邊爐今日去咗為食仔打邊爐煲低嗌咗十八禁雞煲卜卜蜆-少辣我個人覺得呢個辣度好惹味 又唔會好辛苦雞肉好多汁juicy好快已經ko咗成個煲之後就加雞湯打邊爐我地嗌咗近江牛嘅邊爪牛肉脂肪特別多 鍾意食肥嘅不能錯過而且好重牛肉香味 好有質感特色四寶墨魚丸四款唔同嘅墨丸 有原味 芝士 黑松露 同鵝肝我最喜歡黑松露味黃金炸響鈴 響鈴淋上濃濃嘅鹹蛋黃醬就咁食又得加上雞湯湯底就更好味鹹蛋黃浸晒成條響鈴娃娃菜好新鮮 而且洗得乾淨 無黑點黃金炸雞翼呢個要即食 熱辣辣 脆卜卜送酒一流飲品方面 叫咗柚子沙冰同菠蘿沙冰幾大杯下 飲一杯都夠值得一提食野時見到姐姐好有心教新人好有耐性 感覺間野同事關係幾唔錯

卜卜蜆真係好好食，好新鮮，湯好正魔鬼🌶小辣帶出蜆既鮮味真係令朋友讚不絕口，係咁畢嚟飲，蜆冇乜沙，叫咗兩碟牛都好食，但係一坐低叫咗1蚊蝦職員完全時運高冇幫我入到，直到埋單只係同我講聲唔好意思，係因為特價所以選擇睇唔到嗎？其實招呼係幾好，但係人手嚴重不足，食得1.5小時真係食得好急好趕，從未試過打邊爐食到咁急趕，原本想叫個大既近江和牛上肩胛肉，諗住乜都有可以試下，叫完職員埋嚟唔知同我朋友講乜又叫我轉食第2樣，想再嚟幫襯但係真係食得太急趕喇…🤦🏻‍♀️

今次總共叫咗大一盆「特級牛肩脊」，一盆細既「特級牛肩胛」，「黃湯豬潤」，「自家鯪魚麵」配上「18禁卜卜硯」。兩人食埋單共約$1300。一見到個火鍋湯底就係要勁讚，約$180，呢個湯用既係魔鬼辣椒，會越煮越辣，所以配個小辣試下，剛剛好既辣味不會太麻，仲要辣得好香，初時啲硯新鮮到不得了，會開口吐水，小辣得宜，絕不搶味亦不蓋過所有肉味，我不停畢黎飲但都唔會覺得口乾，真係想一口接一口，呢個湯係高度推介必試！最大盆既牛肩脊，約$500，真係香甜又濃味既牛肉，分怖平均既雪花，入口即溶，絕不油膩，不過要食飽就真係價錢唔平，但如果好喜歡食牛又有要求既話，都不仿一試！食完大盆未夠喉就叫咗個小既牛肩胛，約$140，可惜無影相，雖然$140一碟，但個量都不少，而且味道不會比牛肩脊遜色，肉質較鞋但味道都好香，下次再去既話我會揀叫三碟呢個，因為真係好食，三碟加埋$420，一定夠一定食量既女士食。豬潤，約$40，我會形容同就咁街市買返黎就撈咗生粉就算，無咩味，落水後生粉溶開，豬肉立即變回鞋身，唔值。但最難令我接受既係鯪魚麵，唔記得幾錢，好似約$60，唧袋開口剪到好大，好似唧緊條便便落煲咁，而且打圓咁唧就變成咗大型

舊年有一日無意中經過呢間鋪，唔知食乜好，見佢夜晚九點半後$98一煲卜卜硯，可以無限fill，所以打算試下。點知試過一次就停唔到口，成日都想過嚟食，尤其係我地d女仔，覺得食蜆唔會肥，舊年係$98蚊一煲，但係要另外嗌多兩份其他餸，今年可能因為疫情關係，取消咗呢個規矩，又或者係因為我哋嗌咗其他嘢食，又或者係佢哋已經認得我哋，所以冇提到。裏面啲人個個都招呼得幾好，多數都有禮貌，仲成日同客人講笑，呢點係好加分嘅。之前都係食十八禁煲，因為鍾意食辣嘢，今次試咗招牌嘢，好似都係十八禁好食啲。另外叫左碟牛展，可能係部位嘅關係，比較硬同鞋。雞腸鵝腸好味，冬瓜都好味，不過記得唔好擺太耐，會好鹹，因為d硯本身好鹹，湯底會越煮越鹹。佢嘅招牌黃金響鈴定唔知叫咩響鈴，炸得幾好，但好似唔岩擺落硯煲度，因為會好鹹，可能比較適合雞煲。

入店時 店員細心地提供了膠套讓我裝着口罩 我們點菜時 店員介紹了可以選擇優惠一人小鍋 $68 可以追加蜆 或者選擇$1甜蝦任食 看到別人枱墊了滿滿的甜蝦 很豐富！不過我和朋友選擇了一人鍋 胡椒雞湯和招牌鍋各一鍋 蓋上蓋子要等待一會兒才令湯滾起來 等待蜆都打開了 就拿開蓋子開始吃 蜆肉鮮甜 熱吃很美味 大蜆和迷你蜆都有 估計是把不同的size混合了一起還點了其他菜 有牛肉、羊肉、紫菜響鈴、魚子墨魚滑、皇帝菜、芋絲、腐竹 牛肉肉質鮮嫩 脂肪比例分佈平均 牛味濃郁 但羊肉沒什麼羊味 沒有特別～ 覺得吃火鍋也要點一些菜 所以點了皇帝菜 好吃👍🏻👍🏻因為點了太多肉 所以只追加了兩次蜆 兩次都是店員主動問需不需要加及提醒我們有一個筒可以放蜆殼 服務態度很好！（友人建議廁所加強清潔 有很大味道）