点寿司 (一門町市場)

6-10-2025（Mon）中秋節正日晚，同老公去睇戲後食飯，點知冇戲啱睇，咁嚟到呢個商場，就搵啲嘢食，行完一輪後，就決定食呢間。我哋被安排坐迴轉位，我哋喺平板電腦落單，要咗。1. 6-10-2025至12-10-2025，做特價$10.00一貫明太子三文魚腩壽司，要兩件呢個明太子醬係冇辣味，薄切三文魚腩好油，味道有啲怪，難食。1分2. $10.00嘅巨峰提子新地呢個正常冇問題。3分3. $14.00嘅壽司三色盛有玉子，仿蟹柳同腐皮，呢啲我冇食，全部由老公食晒。4. $38.00嘅蘆筍牛肉卷4件蘆筍去咗皮好嫩，但我覺得太腍；牛肉肉味夠，口感都唔錯，有啲驚喜，只係略嫌唔夠鹹，要自己加少少七味粉。4.5分5. $34.00嘅鹽燒多春魚好記得爸爸生前，我買過多春魚返屋企做餸，佢煎到脆卜卜後，就愛上呢樣，自己成日買嚟煎。呢個一客5條，食落，唔算好脆，亦唔係好鹹。3分6. $16.00嘅松葉蟹肉軍艦見佢有兩件好抵，所以要呢個，嚟到睇對版，食落，味道普通，好似"爭‘’咗啲嘢咁，係咪因為唔夠新鮮？2分7. 壽司薑片免費用豉油碟裝住，爽口，呢個都幾辣。3分9. $36.00嘅惹味牛舌串燒（微辣）見蘆筍牛肉卷有驚喜，所以就要埋呢個，睇見一串串兩件大塊嘅，一串串四件細塊，好均真，但見到落咗幾多七味粉，食落唔熱又唔爽但幾辣吓，落咁多七味粉係微辣？而且以為微辣係佢哋調味，例如黑椒，但原來只係落七味粉，咁不如客人自己落啦。同埋我撥走七味粉，再撈啲下面老公食嗰件蒸扇貝上嘅蟹籽沙律醬食至唔辣。1分8. $34.00嘅芝士蒜蓉扇貝嚟到睇，點解兩個都唔同？一個係淨芝士，一個有蟹籽但水汪汪咁，老公食後者，我食前者，撩起睇，竟然搭件偽蟹柳，食落，感正常嘅，但味道就只係芝士味，𠲖o家至睇返，原來冇蒜蓉味。老公嗰隻應該係蟹籽沙律醬（？）2.5分環境：新淨，迴轉座位闊度係啱啱好，但冇勾掛袋，攬住坐張凳故然會移後啲，令通道窄啲，有時店員行過都會碰撞到。冷氣已經係向住我哋吹，但我都可以食到成頭汗。其他：用豉油碟裝住薑片，好放心，唔怕好似之前壽司郎咁，會數埋裝免費薑片嘅壽司碟，不過呢間唔玩數碟，係自己喺板腦喥check單。呢嚟設有洗手盆。服務：但呢喥冇乜服務（碟都唔使數），只係帶位同收嘢，就要加一服務費，有點兒那個。抵食係2.5分…查看更多

湊左小朋友學興趣班有啲肚餓見到呢間壽司店價錢唔貴好似好吸引🤩就入左去試叫左呢一set下午茶 都只係$38加埋一都係$42 重點係食得夠飽同埋啲野食質素都唔錯👍🏻最開心既係竟然有玄米茶飲😍終於唔洗飲綠茶粉，加分呀😄下次再試下其他 絕對值得推介～…查看更多

荃灣最近新開的點壽司初體驗，旋轉壽司店品嚐了新鮮的壽司，整體體驗非常愉快。三文魚壽司：肉質鮮嫩，油脂適中，口感滑順；三文魚花卷款式多，創意豐富，美味可口。而牛油果炸蝦，壽司卷的搭配也很出色，外皮酥脆，十分美味。炙燒壽司：➖三文魚炙燒：外皮微焦，增添香氣。➖吞拿魚炙燒：肉質鮮嫩，味道更豐富。這些壽司種類各具特色，可以根據自己的口味來選擇。服務態度友善，環境雅緻，讓人感覺放鬆。總體而言，這次用餐體驗相當滿意，值得再次光顧！…查看更多

不過不失，多選擇，幾特別，但唔算好新鮮。唔會有意慾想再有下次～雪糕好難食，似放題果種唔係奶味重又唔實在嘅口感。間舖勁難搵🤓，個入口勁隱世，兜左成個地下先搵到。…查看更多

碰啱星期日在如心廣場搵食, 發現了多了很多新開食店, 又在下午茶時段見到這間店有下午茶, 竟然壽司店都有下午茶, 於是就入去試試。坐低後見到有電子餐牌點餐, 原來下午茶好多都是套餐, 但睇落就唔多太吸引, 最會吸引反而係三文魚壽司 $22/三件, 三文魚總算合格, $22蚊有三件就的確抵食。另外點了珍寶帆立貝, 但實物就唔太珍寶, 只是比一般帆立貝大少少。所以最後我都選擇主供三文魚壽司, 環境總算舒適, 可能是下午茶時段, 人流比較少, 所以坐得特別舒服。…查看更多

星期三晚上6:45，本來諗住去食晚餐，朋友仲有5分鐘就到，諗住先入去坐低等，全場得2枱客，職員霸氣地問我到齊人未，限時1小時，我立即傻眼了🙄咁大個場，咁多空位，仲要限時🫨本來已經坐低，既然你生意咁好，我唯有門口等。結果朋友到了，已經影響光顧心情。其實荃灣仲有好多餐廳選擇何必苦了自己。…查看更多

今日同女朋友去荃新天地分店食，夜晚時間鋪內面都唔係多人。後生女職員一開始攞位時態度已經不好，全程黑口黑面，本身安排坐門口位，見到舖頭裏面有好多吉位，人客也不多，我們要求坐卡位她不肯，最後唔想俾錢受氣所以走了。希望貴公司會處理下，黑口黑面的是後生的女侍應。…查看更多

我們一共3人，點了食品，但有些厚切刺身和普通刺身一樣大小但點解厚切要貴D,之前食過不是這樣，所以向待應投訴，跟住我之後的壽司可以遲遲未到，原來我的壽司是廚房送錯枱還有我order壽司他故意加魚子在壽司上面，我當然再向果位帶眼鏡女待應投訴，隨即我將餘下的食物遲遲未送來，所以我取消餘下的食物，賣單走人。其實呢D行為係咪佢對公司不滿而向顧客發洩，所以我作為一個消費者我可以選擇光顧還是其餘的食店。…查看更多

.ᐟ.ᐟ 荃新天地二期新開壽司店🍣 .ᐟ.ᐟ原來 @mtsushihk 已經邁入七周年啦🥂🎉最近仲推出咗新menu，用唔同嘅刺身配搭出精緻嘅壽司🍣！！私心推薦極上滿載三文魚層層疊($26)口感豐富多層次，三文魚籽多到滿瀉(⁎⁍̴̛ᴗ⁍̴̛⁎)由即日起至到8月31號仲有勁蠔祭🦪蒜香燒半殼蠔($16)😳✨逢星期三仲有特別優惠$18/兩隻•$48/六隻另外佢哋啲甜品都做得好精緻，可以一試✨要讚一讚餐廳環境坐得舒服闊落🆙✨📍MT SUSHI @mtsushihk荃灣楊屋道18號荃新天地2地下一門町市場內J43及J44號舗屯門屯門鄉事會路2A號愛定商場(H.A.N.D.S) S區1樓S120號舖天水圍天華路33號T Town North 2樓NG201及202號舖將軍澳唐明街2號TKO Spot 1樓101號舖元朗又新街56號置富中心地下1-3號#香港美食 #香港好去處 #hkfood #点壽司 #點壽司 #mtsushi#七週年 #優惠 #期間限定 #周年祭 #三文 魚 #日本菜 #刺身 #壽司✧˖° ✐⋰ ⋱✐⋰ ⋱✐⋰ ⋱✐⋰ ⋱✐⋰ ⋱✐⋰☁︎ 𝐁𝐞𝐥𝐥𝐲𝐰𝐨𝐧𝐠𝐬 - 𝐓𝐡𝐞 𝐖𝐨𝐧𝐠𝐬' 𝐅𝐨𝐨𝐝 𝐚𝐧𝐝 𝐓𝐫𝐚𝐯𝐞𝐥 𝐃𝐢𝐚𝐫𝐲 𓌉𓇋…查看更多

等個外賣等左差唔多20幾分鐘唔講以為叫左好多野所以等咁耐實際叫得兩個飯加3件三文魚壽司個飯少到傻 得果兩啖 到底係輕量餐定係兒童餐啊？ 咁嘅價錢食其他野好過啲樓面又唔好態度 唔想理我咁款黑口黑面又白眼我搵人幫我又無人理無下次 狗也不吃好彩open rice冇0分 如果唔係一定係俾0分 …查看更多

午市有定食選擇，價錢相宜！但單叫自己㩒開心啲😃而食物好快就會送到👍🏻壽司不過不失，但勝在款式夠多。最鐘意就係呢度嘅火炙壽司！！因為火炙後仲會加芝士/香辣醬/香蒜/三文魚籽🤤最難食係中拖羅壽司，完全貨不對辦，食落仲未完全解凍嘅感覺🤢唔會再係呢間食吞拿魚🙅🏻‍♀️🙅🏻‍♀️🙅🏻‍♀️🙅🏻‍♀️不過，呢度嘅熱食相當出色！點咗呢3款：1）明太子薯條夠熱夠脆冇得彈。2）鹽燒三文魚鰭一放入口，魚油香即刻湧入口腔，魚肉好滑，非常唔錯，重點$13好抵食！3）惹味烤雞全翼 呢隻真心係全餐飯最驚喜！勁大隻烤得夠金黃，表面脆身入面肉係嫩拎上手夠哂熱辣辣，要嘆一嘆先食得❤️‍🔥❤️‍🔥❤️‍🔥🌟下次要試埋甜品，好似都幾吸引🤭…查看更多

和風牛肉烏冬$60昆布湯底，肥牛肉是甜燒汁煮成，嫩身大塊，烏冬十分爽口彈牙！配菜有酸筍、溏心蛋、栗米，非常豐富！豬軟骨烏冬$62三大件豬軟骨，酸甜軟爛香濃，肉容易可以離骨，再加上清湯烏冬，是一道親民美食！赤燒芝士三文魚腩$16芝士燒得香氣撲鼻，與半熟的三文魚腩互相配合，令人食指大動！鹽燒三文魚鰭$13鹽燒令魚油充分流出，入口油香滿溢，魚肉脆香而不膩！蒜蓉牛油迷你帆立貝$12蒜蓉牛油非常香口，帆立貝質素很不錯！黃金蟹風味船$16蟹柳、蟹子、栗米沙律，甜甜的腐皮，是小朋友的至愛！軟殼蟹卷壽司$28外形已經非常吸晴，軟殼蟹炸得酥脆，脆口鮮嫩的生菜，糯香的珍珠米，口層次豐富，令人回味！日式炸豆腐$23紅紅的蟹子，飄動的柴魚片，脆香的外表是嫩滑的豆腐！#点寿司 #一門町市場#荃灣#日式#日本#豆腐#三文魚#烏冬#牛肉#平價日式#相機食先…查看更多

荃新天地二期，最近開咗間迴轉壽司，見佢有午餐供應就一於試吓豐盛什錦刺身定食 $64刺身有三文魚，赤蝦同北寄貝，厚切好肥美鮮甜仲有個鰻魚壽司都好好食套餐仲有沙律麵豉湯同烏冬，烏冬都好彈呀，食得出係日本烏冬👍🏻五色海鮮丼定食 $62海鮮丼有赤蝦帶子鯛魚北寄貝蟹籽，樣樣刺身都好新鮮鮮甜，仲要係厚切，食完好滿足套餐仲有沙律麵豉湯同蟹籽壽司，個湯都好足料有三文魚同蜆唔會好鹹幾好飲…查看更多

📍点寿司 (一門町市場) (荃灣)荃灣楊屋道18號荃新天地2 地下一門町市場內J43及J44號舖==============================荃新天地二期，最近新開了一間迴轉壽司店，除了一般壽司外，還有烤物，丼飯，麵食，甜品等等種類非常多==============================五色海鮮丼海鮮丼有赤蝦、帆立貝、鯛魚、三文魚、蟹籽，刺身十分新鮮鮮甜，而且份量很多每一片刺身都是厚切的😍特上吞拿魚丼吞拿魚當有拖羅，另外配上吞拿魚蓉還有一隻赤蝦，拖羅非常肥美，吞拿魚蓉亦非常鮮味整體配搭非常不錯👍🏻帆立貝茶碗蒸茶碗蒸蛋味濃郁海鮮非常新鮮，沒有怪味鰻魚壽司鰻魚十分新鮮厚度適中，入口非常軟滑，配以醬汁非常美味比利時朱古力雪糕🍦朱古力味非常濃郁，雪糕不會太甜非常好味…查看更多

今日嚟到荃新天地二期新開嘅食街一門町市場，頭頂上有一個非常日式嘅河豚燈籠，滿滿日式風情。簡介🧐我哋試吓其中一間嘅点壽司，呢間壽司店並唔係啲咩日本過江龍，而係土炮壽司店。一樣係用iPad落單，但佢又唔係迴轉壽司，好得意嘅係食物係由列車送達。壽司/炙燒壽司🍣咁我哋叫咗一啲魚生同炙燒嘅壽司，例如三文魚、中拖；炙燒香辣赤蝦、火焰帝王佢口蟹柳、牛油蒜香帶子等等。魚生方面其實唔錯，有魚味亦有油香，但就中規中矩。炙燒嘅款式好多，但整體來講口味都偏重，例如芝士、柚子胡椒太鹹，令到醬料搶過魚生嘅味道。反卷🍤🥑我哋仲叫咗牛油果吉列炸蝦反卷，佢唔同壽司郎得三四件，一叫就嚟六七嚿。佢咁做應該係因為啲蝦同牛油果係即叫即炸同切，所以一定要叫一定嘅份量先會整俾你，個反卷味道唔錯，炸蝦牛油果非常脆同新鮮，唯獨是壽司飯壓得太實，影響口感。炸物/煮物🍜🥟我哋講吓特別嘅嘢，例如椒鹽避風塘鮑魚，鮑魚係炸過嘅，上面會有椒鹽炸蒜調味料，味道似椒鹽鮮魷，但比較韌。明太子薯條幾有誠意，用咗長形帶皮嘅薯條，可惜明太子醬亦都比較鹹同膩，唔會好似壽司郎咁追住食，食唔到太多。帆立貝茶碗望落幾足料，入面有帆立貝蟹鉗仔等等，但蛋唔算滑，亦都冇乜日式高湯味。最後甜品都係啲來貨貨色，認真麻麻，例如蜜桃芭菲，用罐頭蜜桃，真係一般般。總評😅佢同藏壽司一樣，食夠某個金額可以玩遊戲，但我哋真係唔識玩，所以一次中獎都冇。最後埋單400頭，整體食物款式特別但偏港式，味道亦都偏重口味。…查看更多