炸雞兄弟

心血來潮想食炸雞, 難得柴灣區新開左呢間韓式炸雞店, 即刻用外賣APP叫番黎食。落單後十分鐘就已經送到, 我地都好驚奇咁快就做好訂單。我地叫左蜂蜜牛油炸雞, 芝士雞肉紫菜包飯, 小食拼盤, 甜辣炸雞配飯, 加加埋埋大概4百蚊。一打開有好香既炸物味, 但見到炸雞個樣覺得好似炸過龍, 黑左D。小食拼盤諗住係有幾款唔同既小食, 但原來係得薯條同魷魚圈。蜂蜜牛油炸雞味道香甜, 蜜糖味幾重 , 而甜辣炸雞辣味唔太出, 岩唔食得辣既人。但兩款雞炸得太乾, 皮好硬, 雞肉冇哂肉汁,  我相信唔炸過龍係會好食既。芝士雞肉紫菜包飯味道不錯, 芝士可以輕微拉絲, 但包得唔夠實, 夾起會散開。…查看更多

同事話柴灣有間炸雞兄弟，個樣好似幾吸引於是約埋全部人都唔帶飯叫外賣黎食我哋叫咗個10人餐食完都真係好飽，有沙律三款唔同嘅炸雞薯條湯年糕炒年糕仲有一款不知名嘅炸物。為咗宗門炸雞嘅由來，啲盒沙律係好重要㗎，都幾新鮮嘅芝士薯條-如果芝士粉可以再落多少少會更好食甜醬炸雞辣辣地幾惹味個人來講最鍾意呢一隻蜜糖炸雞，食嘅時候仲係熱辣辣㗎炒年糕，年糕口感都幾好，好怕太硬或太淋既，仲有一款人蔘雞湯年糕，但係太好食唔記得咗影相呢個就係不知名嘅炸物啦，都唔知要點咩嚟食亦唔知係咩，似係麵粉炸出嚟嘅。同埋咬落去感覺好油膩，所以最後大家試咗一口就唔再食啦。整體來講，覺得絕對值得一試，尤其係殉道過嚟仲係熱嘅呢一個值得一讚。至於炸雞方面，都好juicy外脆內軟，喺附近返工真係可以叫一次外賣嚟試吓😎…查看更多

諗住同朋友一齊食好小小, 咁就唔成日叫kfc/m記呢d野食喇...諗住呢個價錢唔會中伏啦..而且有同區朋友推薦呢間店 話炸得唔錯唔知道係唔係外賣問題 完全食唔出好好食…真係無下次😔要雞無雞味, 要甜辣無甜同辣味, 要蜂蜜只有少量蜂蜜味…食食下仲要有咖哩味, 唔止仲要好咸好咸…圖片入面係完全未食過即影左面份雞係1-2人份, 右邊係2-3人份2-3人份仲要小過1-2人份😤都唔知一隻雞有無?? 竟然入面4隻雞翼…其他都係細細舊…查看更多

某天心血來潮超想食炸雞，小西灣chick chick很高質，可惜太辣不能走辣，頂多買它的招牌飯餸，於是！餐牌上炸雞沒了！！難得search到有同聲同氣炸雞店，見到大家反應正面，仲有至愛炸魷魚（$52），連大份原味炸雞一齊買($128)！雞切得比一般細件，大概兩啖就食晒嘅份量，問題係都要炸成十分鐘，果然肉汁都流失了，所以有四份一係太乾、已經收縮晒所以冇食。調味正常、基本。魷魚非主角但勁出事。首先個樣已經睇得出脆漿太稀依付唔到魷魚。第二，過晒火所以冇晒鮮味同膠。雖然$52唔係貴，但當份量同酒樓嗰個大豉油碟差不多，出面一般只賣$38，CP立即見拙。忠言逆耳，唔想其他為食一族經歷好恨食炸雞嘅失落😅希望今次大廚只係失手，難得有間炸雞小店，請努力維持水平、作出改善。好想再幫襯！加油…查看更多

之前foodpanda 叫過2次都覺得唔錯今日再叫 估唔到個份量一下子少左咁多大家睇返3月個食評 個魷魚圈係用大方盒裝今次我再叫己經變左用圓小桶裝我開頭以為會唔會係店員以為我係加錢小食唔知我係單點所以比少左 打返去問 佢話係轉左包裝 盒雞索價$157魷魚$58 依度埋單要$215 比啲咁既份量我覺得真係有少少過分 當然份量多少係見人見智但如果係我$215 我一定唔會買佢 唔會再有下次 …查看更多

柴灣即叫即炸炸雞外賣I ordered takeaway fried chicken at a restaurant called "Chicken Bro" (炸雞兄弟) located in Room 309, 3/F, Decca Industrial Centre, 12 Kut Shing Street, Chai Wan(柴灣吉勝街12號達藝工業中心3樓309室)I ordered 4 different flavours of fried chicken and a snack..."Original crispy fried chicken"韓式兄弟炸雞HKD$128 (2-3 ppls)The classic is my favourite!! . .flavourful seasoning batter!!..Crispy, crunchy yet not oily at all！..Without any unpleasant frozen meat flavour!..Moreish!! Highly recommended!!"Volcano crispy fried chicken"火辣熔岩炸雞HKD$148 (2-3 ppls)..Mouth Watering,tantalizing complex spicy kick!!..Definitely can satisfied spicy food lovers：p..Mix and match fried chicken半半炸雞HKD$148 (2-3 ppls)"Honey butter crispy fried chicken"蜂蜜牛油炸雞..Subtle aromatic buttery taste with sweet, nectarous after tastes.+"Cheese seasoning fried chicken"雪山芝士炸雞..Generous cheese power looks like snowflakes coverng the montain providing sumptous tastes.Deep fried squid ring炸魷魚圈HKD$52..Nice, savoury seasoning. Large portion!..The freshest fried chicken you can get as they aremade to order!! ..Nice and piping hot, generous portion , economic prices! Highly recommended!Japanese beer 日本品牌啤酒HKD$12/can 罐…查看更多

我們大約6:30度叫餐，大約半個鐘可以拿。建議大家提早打電話落單再去拿，不用行兩轉。一推門嗅到滿滿的炸粉味就知自己冇入錯門口。半半炸雞 $148韓式甜辣炸雞蜂蜜牛油炸雞餐廳名叫兄弟炸雞，梗係要試吓佢嘅炸雞。炸雞即叫即整，拎到返屋企仲係熱辣辣，值得一讚係佢開咗個口，令到蒸氣唔會倒流返去，影響雞的外皮。炸雞用牛油味做底，加埋韓式甜辣醬，辣到適中，不太食辣的都可以享受。年糕魚糕湯 $72煙煙韌韌的年糕加上一片片的魚糕。從上面望好像不多，其實入面是滿滿的年糕和魚糕。韓式豆腐青口清湯 $96加了豆腐青口的湯很清甜，豆腐嫩滑，青口都幾多下，夾極都仲有。燒五花肉(1-2人份) $108本來想叫無骨豬手，可惜賣曬，唯有下次再試。改了五花肉，五花肉用辣醬醃了，比韓式甜辣炸雞要辣一點，很入口。韓式炸甜薯條 $47叫左咁多野都係大約$400，而且每樣都好足量，4個人食絕對夠。P.S. 滿$300免運費，不過外賣自取有9折。炸雞兄弟在地鐵站附近，返屋企順便拎埋都幾抵。…查看更多

店舖位於工業大廈內，距離柴灣站唔使5分鐘路程，由年輕男士主理，每位都有禮貌，耐心解答客人問題；無論外賣速遞丶電話丶walk in落單都有，同一時間已經有4組客人等緊，大約等咗30分鐘，店員都有同我講唔好意思，所謂慢功出細貨，見到小店好生意，真係唔怕等多陣 😉蜂蜜牛油炸雞 $148必食推介，crispy crispy 雞皮，好香牛油味，啖啖蜂蜜脆脆，份量足夠2-3人食蔘雞湯(全隻) $96包裝好，份量足，暖胃，有全隻雞，雞肉嫩滑，連雞骨都已經腍到咬得開，雞內釀滿糯米，仲有紅棗丶蔘粒丶大葱粒，只可惜無乜蔘味。明白新店營運不容易，需要俾機會去改善嘅～ 加油！紫菜包飯 $68有牛旁丶醃蘿白丶甜蛋丶火腿丶蟹柳，味道都似韓式飯卷，鍾意夠麻油香，屬飽肚之選大蝦牛油果沙律 $88…查看更多

誤打誤撞搵到工廠大廈既外賣韓式炸雞店.入到門口見到開放式廚房，見住店員整炸雞，係衛生乾淨既！.半半炸雞 $148一次過試晒兩隻味最好不過！.韓式甜辣炸雞- 炸雞炸到好香脆但肉質唔會好鞋，加上甜甜辣辣既醬汁好夾好好味.蜂蜜牛油炸雞 - 同樣都係炸雞，呢款係好重牛油味，加上大量蜂蜜，鍾意甜既朋友一定岩.韓式無骨豬手（二人份）$178去首爾必食既豬手，冇得去旅行，止住癮先！滷豬水咸度剛好，啖啖肉冇骨，皮既骨膠原又重.炸魷魚圈$52本身見佢賣相以為會好硬好油膩，點知一食發現有驚喜！炸粉唔厚而且唔硬，中間魷魚圈唔靭，不錯…查看更多

細佬做問卷得到一個外賣app優惠，今晚沒有煮飯，決定叫外賣送上門。開心大發現柴灣區竟然有韓式炸雞店，平時在家很少自製煎炸食物，決定一試。等了約30分鐘，香噴噴的食物送上門，初時還很擔心煎炸食物在外賣後會打折扣，結果驚喜的發現，食物仍然香脆，大讚！當然有點炸雞，要試功架，就試原味炸雞，絕對是皮脆肉嫩，主要是雞槌和雞件，雞件是無骨的，調味好，大愛！另外點了的炸魷魚圈，薄薄的炸粉，炸得不老而且彈牙的魷魚圈，也屬可推介的項，不是說笑，連凍食也好味。也點了沙律，羊肉沙律，完全是肉多過菜！羊肉味濃，配上清新的沙律菜，讚，由於肉太多的關係，我更要在雪櫃拿出沙律菜自行"加料"！最後要講的是韓式紫菜包飯，就是韓式的壽司，喜歡香味十足的韓式麻油，知道那是正宗的韓式紫菜包飯的造法，吃得高興。自從COVID，多了使用外賣APP，但多數是在公司內用，這炸雞店只於晚上營業，應該是針對住宅市場，以後東區居民宵夜有多一個選擇了！…查看更多

今日行去柴灣工廠區，見到工廠區內藏炸雞店，個肚即刻打哂鼓想買返屋企食。呢間炸雞店係冇堂食既，專做外賣生意。同時亦好似一個間蛋糕學堂店咁有好多整蛋糕既工具和材料。首先點了份炸雞雙拼，當然係今日既主角：蜂蜜牛油炸雞芝士炸雞； 上面滿佈芝士粉小食拼盤 ：有墨魚卷，薯條，薯角等羊肉卷內有椰菜，羊肉粒和滿佈醬料雞肉沙律黎返個健康既沙律，很不錯菠蘿汁最後以菠蘿汁作終結。炸雞兄弟地址：柴灣吉勝街12號達藝工業中心3樓309室…查看更多

上星期五要開夜簡直係black friday，好想食炸雞慰勞下自己～但係柴灣簡直係美食沙漠，最近都要筲箕灣先有～唯有上網睇下有咩新嘅小店未試啦，點知柴灣居然開咗間炸雞外賣店！！！即刻行去工廠區睇睇先～除咗炸雞之外，仲有好多韓式小食，例如烤豬肉、炒年糕、沙律、炸物等等～而我就order咗一份半半炸雞、燒五花肉、大蝦牛油果沙律、炸魷魚圈，店員好快幫忙落好單，廚房就即叫即整！其實唔止到店落單，如果住得近近地都可以提供到外賣服務，柴灣人有口福啦！！！大蝦牛油果沙律等緊外賣期間，見到店員攞咗原隻牛油果入去廚房切，果然足料！而且啲大蝦並唔係白烚，係有烹調過，配合埋酸甜醬汁十分夾！半半炸雞揀咗蜂蜜牛油同埋甜辣2款口味，店員好好咁分開2種味道，值得稱讚！如果鍾意牛油香味嘅呢款味道必食！因為牛油嘅香味濃郁，即使凍咗少少都唔會結咗啲油～而且蜂蜜落得適量，唔係嗰種死甜！至於甜辣嘅醬汁夠稠身，掛汁做得好好！甜味較重，都幾適合香港人口味，唔算太辣～最值得一讚就係呢個燒五花肉啦！豬肉醃得好入味，而且一啲都唔韌～份量十足，簡直係白飯小偷呀！總括而言，呢間可以encore～…查看更多

呢間位於炸雞兄弟柴灣工廈，唔識窿路嘅朋友都好難搵到呢間餐廳。呢間餐廳嘅廚房睇落細細，但係食物種類非常多，主打有炸雞，韓式湯，kebab，仲有好多小食例如魷魚圈芝士薯條等等。佢哋嘅炸雞有五種口味，包括原味炸雞，甜辣炸雞，蜂蜜牛油炸雞，雪山芝士炸雞同辣味炸雞。每款口味都各有特色，個人比較鍾意雪山芝士炸雞，芝士味好足夠，雞塊有啲係連骨有啲係無骨，可以食到啖啖肉。小食我叫咗芝士炸薯條同炸魷魚圈，佢哋嘅佢哋嘅炸魷魚圈非常出色，炸得啱啱好，熱辣辣食就更正。由於餐廳不設有堂食，依家天氣開始變熱，食物好快會變淋，建議朋友係食物變淋前食用。佢哋每一份嘅食物份量都非常多，仲有好多款套餐俾你地揀，買夠指定金額仲可以免費送貨添，開party叫炸雞兄弟就一流。…查看更多

疫情下,市面多了很多專做外賣既專門店柴灣呢度有間專做韓式菜,炸雞,燒肉,雞湯,沙律價錢抵食,份量十足,仲要即點即做好新鮮食過幾正推介下支持小店炸雞有韓式原味,甜辣,牛油蜜糖,芝士,辣雞超誇張,我地叫左一份半半炸雞,即係兩款口味佢會將唔同口味分開盒裝!2-3人夠食!$148另外叫左一份薯條同沙律甜辣炸雞口味,皮夠薄脆,辣醬勁度小辣最大賣點佢地係重蒜,超重口味,食得好爽 !最正配埋韓國酒！風味十足夠辣夠甜仲要重味道，雞肉夠嫩滑多汁無骨雞件好大件，好抵食薯條用粗薯條，炸香再加上大量沙律醬仲有大量肉碎肉粒～主食好飽!另外加左份沙律,燒雞肉切成粒放沙律菜上都係加滿沙律醬,沙律醬可以少d更好！份量都係好足，夠２人吃！雪山芝士炸雞原味炸雞加上大量芝士粉，沾滿芝士粉炸雞雞肉本身已調味，唔點醬都夠味！炸雞皮薄肉嫩！相比之下甜辣好食少少！炸雞兄弟　Chicken Brothers柴灣吉勝街12號達藝工業中心3樓309室Room 309, 3/F, Decca Industrial Centre, 12 Kut Shing Street, Chai Wan…查看更多

星期六回港島區陪媽媽，但有唔想媽媽煮得咁辛苦，跟手網上 Openrice揾下有無什麼選擇，突然想食韓國野，比我揾到柴灣工廈專門做韓式炸雞外賣，可以外賣自取或選送貨嘅，打電落定訂 order, 去到等一陣就有得取，超方便快捷，不過要試埋食物質素先。滿$300 就免運費添! 還有其他多人套餐都可以揀。位於工廈三樓都容易揾，Menu唔選多選擇，不過主打想食韓式炸雞，價錢可以接受，半半雞一分2-3人份 $148 任選2款，原味一定要試啦，另一款就心大心細，媽媽唔食 cheese同辣，所以就她，最後揀左蜂蜜牛油味。老公就想食韓式豬手，話啖啖肉喎。我想小食炸尤魚圈。回到屋企約15mins 內，開出來都還微熱，而且值得一讚係用紙盒兼透氣高，唔會令倒汗整淋晒。先來件原味炸雞，味道不錯，連媽媽都話好味，無諗過似韓國街鋪買會酒店食，蜂蜜牛油較多層次，甜蜜蜜帶點牛油香，包住雞件雞亦雞腿同雞件，香脆滋味兼份量不少，抵食。豬手2人 Set, 入口重膠質，肉質有彈性無豬臊味，跟醬汁食特別醒胃，仲要又係大大份，三個人都食唔晒，大啖啖肉無骨。炸尤魚圈 $52就因為倒汗水唔太脆，但味道依然咁夠惹味，回家用 Are Fryer整翻超脆又彈牙有嚼頭。Leo話物超所值又經濟又好味，下次試埋其他食物。韓國米水 味道甜甜地 第一次飲覺得無乜特別 不過未飲過咪試下囉！ …查看更多