炑八韓烤 (青衣城1)

營業中

休息中

又食，又食，又再食～呢個6月食盡chill熱點今次去韓燒，特別重點係隻超大八爪魚🐙，最愛嘅韓國地道感覺～烤蛋+芝士粟米，完全食到停唔到口。唔飲酒嘅我，都忍唔住叫左茘枝米酒，真係好甜好好味🤤加埋肉🥩肉🥩真係冇得頂👍🏻

✅韓國醬油蝦配紫菜飯 $138醬油蝦超大隻呀 鮮味十足 而且仲爆晒膏添 拆肉撈埋落紫菜飯到食 好美味呀✅特級牛肋骨 $288今日MVP 🏆牛肋骨雪花分明 油脂分布平均肉質軟嫩 而且分量超多 用咗韓國醬油醃制高達10個小時牛肉軟腍 且帶有醬汁甜味及鮮味 豐富肉汁在口內四濺 ✅韓式豬皮配炒芝麻豬皮厚切 燒過後豬皮變得卜卜脆 加上有豐富既油膩 好張口 好野味✅炑八厚切五花腩$138真係超厚切呀 肥瘦均勻 一層肥一層瘦肉 啱晒用黎韓燒 ✅甜辣炸雞半份$118即叫即炸既炸雞 外脆內嫰 爆哂汁 好juicy , 配埋個甜辣醬 好開胃 加埋即炸粗薯條 大人 小朋友都鐘意食✅夾心棉花糖配朱古力威化餅有得玩又有得食 好有去camping 燒棉花糖嘅感覺🤭✅馬格利生米酒 $98食韓燒同炸雞 米酒是必須😊一大碗2個人清晒好鐘意呢間主打食韓烤嘅餐廳 一黎夠乾淨 二黎任食爐邊蛋 芝士粟米 泡菜 醃菜任食 性價比超高 推介👍📍餐廳資料餐廳：炑八韓烤(青衣店)地址：青衣青敬路33號青衣城一期1樓119B號舖

今日又同朋友去炑八韓烤食韓燒一入到去店員就上左多款前菜, 爐邊蛋, 同粟米芝士, 全部都可無限添加, 非常豐富 🤣我地就叫左特級牛肋骨, 超級大條,用咗啲燒汁醃, 肉質口感結實, 非常香口👍仲有原味牛舌, 牛舌厚薄度適中, 輕輕燒熱2邊就食得, 牛味香濃👍炑八厚切五花腩🐖 油脂分布平均, 先烤香豬皮, 將油份逼出來, 燒燒下嘅時候仲幾搶火, 食落外層香脆但肉質Q彈, 再沾醬食, 幾惹味飲埋馬格利生米酒, 由韓國新鮮釀造, 酒精濃度唔係好高, 味道非常清甜, 幾易入口另外我都叫咗韓國醬油蝦配紫菜飯醬油蝦好新鮮, 蝦肉爽甜, 一剝開超多蝦膏, 配埋甜甜地嘅醬油撈飯啱啱好👍同炒芝士年糕拉麵面頭超多芝士碎, 同埋魚糕, 年糕煙靭, 拉麵掛埋辣醬, 口感豐富最後仲叫埋夾心棉花糖配朱古力威化餅將棉花糖外層燒到金黃色再放上朱古力威化餅, 外脆內軟👍

父親節同新手父親去慶祝，近近地去附近食個烤肉。入到去環境都算寬敞，帶住個豆叮都唔洗閃右避，我地午餐牌叫左兩個套餐再單點兩碟韓牛，其中一好似係肉眼，價錢都等於一個午餐。當然會好有期望，因為好懷念去韓國馬場洞食韓牛，點知來到好似舊石頭甘未解凍…..食舊口完全無牛未又硬，好失望。相反午餐勝價比好高，得得得，杯特飲又好似，如果唔計兩碟單點韓牛，午餐兩大一細應該$400左右，絕對ok

韓燒界入面，炑八係我近期最愛，之前去完佢既親子餐廳覺得好正，今次唔帶小朋友，再黎佢青衣分店食，呢度坐得舒服食完冇油煙，抽風系統做得幾好。我叫左個醬油蝦配紫菜飯，隊友就叫左炒芝士年糕拉麵，另外再叫左燒肉豬同牛。我最鍾意食呢度既爐邊蛋，芝士粟米同前菜，由其係泡菜，醃得好好味，芝士粟米燒到燶燶地脆口惹味，攞黎包肉嗰啲菜又新鮮又靚，重點係無限添！特級牛肋骨-牛肋骨醃好咗，另外再有一隻大紅蝦，南瓜同菇，調味剛剛好，唔使再點其他調味料。隻蝦燒到啲殼脆脆地既時候勁香勁惹味。原味牛舌-牛舌都靚，輕輕燒下就食得。炑八厚切五花腩-店員提我地如果燒五花腩記得叫佢地換左鐵板，咁樣會好燒啲，唔會俾啲豬油搶火，舊肉好靚，一層一層肥瘦均勻。韓國醬油蝦配紫菜飯-啲蝦又大隻又多膏，鮮甜，撈飯一流，如果多啲紫菜會更加好，同埋個碗大就會好撈啲。炒芝士年糕拉麵-呢個要快快撈左佢然後襯熱食，精粹係個汁，又唔會太酸太辣。馬格利生米酒-食韓式燒肉必飲，米酒香甜易入口，裝酒既碗仲勁有feel。

一來到餐廳就來了數碟前菜, 免費無限添加前菜, 有泡菜、涼拌豆芽、醃蘿蔔、涼拌海帶及爐邊泡菜蛋、粟米芝士, 非常豐富✨我們點了特級牛肋骨整條牛肋骨上碟非常吸引, 韓燒醃料比較濃郁, 肉類新鮮足料, 牛肋肉口感豐富結實, 油脂分佈平均, 肉味香濃嫩滑, 食肉獸的朋友必點推介😍厚切五花腩香氣十足、油脂夠香口但食落並不油膩, 肥肉同瘦肉的層次分明, 燒烤後微微焦香, 有脆脆的口感原味牛舌牛舌厚薄均勻, 經烤過香味十足, 牛舌爽滑有咬口, 表面輕輕燒一燒已經很軟腍, 非常惹味燒肉必食之選👍🏻韓國醬油蝦配紫菜飯四隻醬油蝦啖啖肉、調味略帶點甜, 鮮蝦肉結實且肉質爽口彈牙, 配上紫菜飯一流炒芝士年糕拉麵🍜韓國道地的經典味道, 年糕口感ǫ彈, 鮮香的魚餅, 香氣十足, 每啖沾上醬汁很開胃😍夾心棉花糖配朱古力威化餅店員隱藏玩味食法 將竹韱拮上棉花糖, 在爐邊慢慢烤著, 直至烤至外皮金黃帶脆, 再夾上兩塊朱古力威化餅, 脆口的餅乾配上熱辣辣溶化的棉花糖, 外脆內軟, 非常好味道😍飲品🍹馬格利生米酒是韓國米酒, 顏色帶奶白色、喝起來帶點甜, 還有淡淡的酸味, 味道很特別, 酒精不算太高非常適合女任飲用, 配

一落完單侍應就會送上韓燒嘅前菜，包括泡菜、蘿蔔，爐邊芝士及泡菜蛋，仲提醒可以無限添加！由於友人未到，佢哋會等埋人齊先幫我哋開火👍餐廳以木色簡約系為主調，環境寛敝和舒服👍👉🏻 特級牛肋骨（$288）好大條牛肋骨，必食推薦👍醬汁醃得好入味，牛味濃郁😋👉🏻 月見韓牛前胸肉（$128）超好食嘅前胸肉，香口入味，燒完後撈埋溫泉蛋食口感更豐富，想食多幾片😍👉🏻 炑八厚切五花腩（$138）侍應會好主動咁幫我們轉一個鐵板燒，並幫手燒五花腩👍啲五花腩的確切得好厚，但燒完後皮脆肉嫩，肥瘦適中😋可以用生菜🥬包住完就無咁油膩，就咁齋食都好好味🤤👉🏻 韓國醬油蝦配紫菜飯（$138）醃製過程令蝦吸收曬醬油的味道👅，蝦肉亦鮮甜，係韓國🇰🇷菜必叫菜式之一！👉🏻 芝士熔岩飯（$128）侍應會將鐵板拎出嚟，係我哋面前加芝士🧀️和粟米🌽，然後熱辣辣哋撈埋飯，見到芝士拉絲好邪惡，份量太多😂👉🏻 夾心棉花糖配朱古力威化餅（$68）第一次食棉花糖夾威化餅，幾得別😂棉花糖就咁食又得或燒來食又得，任君選擇！👉🏻 皇牌士多啤梨🍓乳酸梳打（$48）酸酸甜甜幾開胃！

韓燒黎講 我比較鐘意炑八 主要晤多晤小都係為左免費任食爐邊泡菜蛋同粟米芝士而黎 超級大方 芝士控必食！❤️韓國醬油蝦配紫菜飯 醬油蝦 手掌禁大隻 啖啖肉 爆晒膏 味道啱啱好 晤會過咸 撈埋紫菜飯 必點！❤️特級牛肋骨 好足料呀 勁長又大份 仲有大蝦 同雞脾菇 牛肋骨 用左秘制醬汁醃過 甜甜地 肉質嫩滑 無根 夾埋生菜 蒜片芝士 一齊食 正❤️月見韓牛前胸肉 牛前胸肉 牛味特濃 雪花分明 油脂分布平均 入口即化 值得叫❤️炑八厚切五花腩 超巨厚切 油脂大爆發 包埋生菜蒜片韓式辣醬 雖然係厚切五花腩 但係一啲都晤會漏 ❤️棉花糖配朱古力消化餅好有初戀嘅感覺 哈哈 用枝竹籤吉住粒棉花糖 係爐上烘到漲大半溶 夾埋朱古力消化餅 一齊食 異常地夾 必食！📍 炑八韓烤 (青衣城1) (青衣)青衣青敬路31-33號青衣城1 1樓119B號舖#炑八 #炑八韓烤 #Meokbangbbq #먹방 #韓燒 #燒肉 #韓國菜 #韓國餐廳 #韓國燒烤 #韓國料理 #韓牛 #無限添加爐邊蛋 #韓國直送食材 #koreanfood #韓國美食 #香港美食

光顧過好多間炑八餐廳，唯獨是青衣城呢一間職員同經理都非常殷勤體貼。完全唔使叫會自動睇吓我哋需要啲乜嘢同埋添加小食。有求必應！每一次光顧呢一間都有賓至如歸嘅感覺！係因為佢哋服務非常之好，我先會寫食評。極度讚賞!

我哋今晚去咗呢間喺青衣城嘅炑八燒烤食嘢，真係食到好滿足！🤪特級牛肋骨煮得好入味，肉質又嫩又多汁，食落真係好香！😍不過，我覺得韓牛前胸肉更加出色，口感好嚟好彈牙，而且配上韓國醬油蝦配紫菜飯，真係絕配！👍🏻👍🏻🤭另外，炑八厚切五花腩都唔錯，肉香味十足，脆皮外脆內軟，好食到停唔到口！😚加埋啲山菜一齊包，仲有芽菜等小菜都係無限可以加，配埋啲大醬汁一啲都唔覺得油膩🥰🥰🥰我哋都叫咗杯果柑橘鮮橙果茶，同埋藍天使😆😆 氣泡啱啱好，真係好開胃！😙兩款都非常吸睛😎😎同埋食咗個芝士熔岩飯，真係好好味！😘芝士熔岩飯個芝士真係熔到好流心，配上飯粒真係好好食！🤪加埋啲蛋餅，同埋牛油🧈芝士，又係可以無限加，自行加料！最後甜品叫左夾心綿花糖配朱古力威化餅，好好玩啊，綿花糖一邊係爐上燒焦，外脆內軟，加埋塊餅，就甜度啱啱好，超級滿足！😆💕今晚嘅食物真係令我好滿足，下次可以嚟試試新款呀！🤪😍

今日心血來潮就近近地同媽咪去在青衣城嘅“”炑八“”食韓國燒烤。餐廳環境舒服，座位枱面夠大，可以舒舒服服慢慢燒。我地叫左五樣野加一個甜品。先拔頭籌就係“”醬油蝦配紫菜飯“$138，性價比極高，有四隻大大隻既醬油蝦，蝦頭有好多膏，入口膠膠嘅口感真係非常好食。 第二樣野就係“”芝士熔岩飯“$128，大大碟熱辣辣，員工會係你面前加埋粟米芝士新鮮即撈，每一啖都充滿邪惡感，同樣充滿著滿足感 。 然之後就到“”月見韓牛前胸肉“”$128，一碟有四塊，喺咁二擺上去燒幾燒已經食得，入口充滿著牛肉味，每一啖都係一種享受。之後就到“”牛肋骨“$288，大大條，切到好多件， 口感比較鬆軟一點，而且好多肉汁，仲會送多一隻大蝦。之後店員好貼心主動咁幫我地換個一個燒烤版轉食“厚切五花腩”$138。同樣地都係大大條，脂肪同肉嘅比例均勻，包菜或者點醬汁食任君選擇。入口完全無豬騷味，加分加分。最後我地就嗌左一個好經典嘅甜品“”棉花糖夾餅“$69。”食翻啲甜嘢就可以平衡番。另外兩本梳打都10分落重本$38，好大杯，我飲個杯荔枝薄荷幾特別，薄荷味非常refreshing。最後埋單見到個數目比我想像中細，可以再會。

入左青衣搵朋友食飯聚下舊，其實之前都聽過青衣有美食沙漠之稱，所以係無乜期望之下去入左間韓燒。但估唔到，癲覆左我對青衣美食沙漠的誤解。呢間韓燒韓燒餐前小菜全部都係可以免費refill，選擇都唔少，有泡菜、芽菜、海帶、醃蘿蔔、生菜、爐邊蛋、芝士粟米等等特級牛肋骨食得韓燒，牛肋骨就當然係必叫啦，呢個牛肋骨不得了，大大舊，食落真係啖啖肉，好有牛香，傳統韓式食法一塊生菜再加小小配菜，個口感就會唔同左，同埋食落無咁油膩炑八厚切五花腩 小小插曲，以為都係用網燒，點知一放落網度，店員就走過來話五花腩一定係用鐵板燒，結果店員仲好細心幫手燒埋，五花腩最perfect食法係一定要係埋配菜一齊食，咁先唔會油膩月見韓牛前胸肉見到餐牌寫住月見，但又用韓牛，少有的日韓混式食法，唔好以為得4大片，但牛肉真係超高質，可以話係值回票價韓國醬油蝦配紫菜飯醬油蝦用ge蝦望落唔係一般用的海蝦，應該係用刺身蝦，本身唔係太好韓式生食食法，但估唔到呢碟醬油蝦令我有改觀，單食唔會腥，同埋撈埋飯食，真係一流

Blue Monday，放工想去食下好西慰勞下自己，就去左食韓燒。月見韓牛前胸肉，韓國菜有月見式食法好少見。韓牛本身已經好靚，蘸埋個蛋槳又滑又Juicy，絕對值得一試。醬油蝦有別於一般海蝦Size，食落啖啖肉，一D都唔腥，配埋白飯一齊食一流。牛肋骨係每次韓燒都會必叫，一貫甘好味。厚切五花腩雖然油脂多，但邪惡得黎又幾惹味。最後叫返個懷舊甜品，韓燒但又有BBQ食法的綿花糖，夾埋朱古力餅一齊食，有得玩又好食。

我在周五晚上點了一個牛肉和豬肉的烤肉套餐，以及一個蟹羔炒飯。這個套餐還附有數個小碟和放在爐旁的泡菜蛋和芝士粟米。整體而言，我們非常滿意這頓晚餐，因為我們吃得很過癮，而且沒有浪費任何一道菜。牛肉的肉質很不錯，口感鮮嫩，燒烤得剛剛好。豬肉的質地稍微硬了一些，可能是因為它被燒烤的時間有些長了，變得有些過熟了。但是，豬肉的味道還是很好的，所以我們還是吃得很開心。蟹羔炒飯是侍應向我們推薦的，他說這是他們餐廳的招牌菜。果然，這道炒飯非常美味，香氣四溢，味道也非常好。其中的蟹羔味道鮮美，米飯口感也很不錯，讓我們一吃再吃。除了主菜之外，餐廳還提供了數個小碟，包括泡菜蛋和芝士粟米等。泡菜蛋很開胃，口感酸辣可口，芝士粟米則是甜中帶有一點的咸味，讓我們吃得非常過癮。總的來說，我們對這頓晚餐非常滿意。雖然價格不算便宜，但是我們吃得很過癮，而且沒有浪費任何一道菜。如果你想吃好吃的烤肉和炒飯，這個餐廳是一個不錯的選擇。

收工想去食得豐富開心d，近近地去左青衣城食 韓式燒肉！喜歡佢地無限任fill芝士粟米同泡菜爐邊蛋，口味好好！另外韓式小碟唔少得，亦有沙律菜同生菜包肉食！另外亦經常轉換menu今次添加左 醬油系列韓國醬油蝦配紫菜飯 4隻鮮味醬油蝦一定要連同白飯配醬油一齊食。特級牛肋骨 必點top1，牛肋骨質地好好，入味又勁juicy!厚切韓國梅花肉 炑八厚切五花腩 店員會換上鐵板幫忙燒，剪成一啖一塊大小！芝士熔岩飯 夾心棉花糖配朱古力威化餅 配合bbq嘅甜品！用左朱古力威化餅夾住燒至溶化嘅棉花糖夾住一齊食，香甜又有口感！冰涼薄荷梳打薄荷梳打清涼唔會太甜！皇牌士多啤梨乳酸梳打士多啤梨口味乳酸很好飲，唔會有藥水味！