炑八韓烤 (青衣城1)

營業中

休息中

平時好鍾意食韓燒，食過好多間，但係呢間依然都比到驚喜我。我特別鍾意食佢嘅黑毛豬，睇落去嘅顏色好靚，一睇就知好新鮮。燒落去就更加正，店員好好咁幫我哋燒咗，燒得啱啱好。啲肉肥嘅部份同瘦嘅部份分布得啱啱好，係最完美嘅比例啊！咬落真係好彈牙，尤其是係有肥膏果一part，真係忍唔住講一聲零舍唔同跟住帶咗個海鮮醬豬肉撈飯，唔好以為佢剩係得啲餸，佢個飯上面都好有誠意咁樣加咗隻溫泉蛋，吉爛佢撈埋一齊食，真係好有風味

下個禮拜就要返番Office，為咗要紀念下最後一日可以留係屋企攤攤抖，一定要去食返餐好嘅。 見到呢間韓國燒烤開到成行成市，趁而家有咩人就去咗試下。 我試咗我都幾鍾意食嘅大醬湯，Feel到佢係新鮮整嘅，熱辣辣好好飲。 裏面亦都好多唔同嘅材料，一的都唔孤寒架。 基本嘅豆腐，絲瓜，都有齊曬，另外仲有幾片豬肉。另外都嗌咗燒肉。 佢有串串嘅燒肉，係將啲大蔥同肉串起來，燒起上嚟嘅時候就更加香。 呢個串燒豬肉都唔錯，啲肉都幾嫩，食起嚟好香口，非常之好食。我都嗌咗個佢哋嘅特飲，係士多啤梨熱茶，成左咁多肉之後，飲返呢個茶，清清佢，非常之舒服。 你杯茶同出邊有啲唔同，佢唔會話特別多醣漿，感覺非常之健康。

今次同一家人決定要食一食韓燒。講起韓兆就想食呢間木板啊未試過㗎。首先我就叫左店員推介嘅3秒燒。3秒燒賣相非常之好，油脂分布平均，而且塊肉都夠薄。將塊肉放落獲到少3秒真係即刻食得，估唔到呢塊肉真係仍然保持到好新鮮嘅肉汁。將呢塊3秒少浸埋落啲蛋汁簡直一流，成個食飯真係好似去咗韓國咁，好有當地嘅風味。除咗3秒笑我哋仲叫咗大醬湯，呢份大醬湯真係估佢唔到咁大煲，湯入邊嘅材料都非常之多，其中我最鍾意嘅當然係佢塊肉同埋豆腐啦， 成塊肉都充滿着大醬湯嘅味道，同埋豆腐真係非常之嫩滑😊。

呢間炑八韓烤已經係我第二次食，上次新年同男朋友食完之後，一直都記掛着佢。所以我哋決定再嚟食一次🙈🙈雖然係唔同嘅分店，但係質素完全一樣，令我哋非常之滿足。一坐低當然唔少得店員為我地係燒板隔離倒入芝士粟米同埋泡菜湯啦。其實我之前都冇乜特別鍾意食呢個芝士粟米，但見到男朋友係咁食，所以試咗上，估唔到真係好好味。好香口，芝士亦都可以拉得出絲。 入正題，我哋同上次一樣都嗌咗3秒燒，因為實在太好味，上次食完之後一路都想再食返呢隻味。我哋今次係自己燒嘅，牛小排一放入燒板，就已經開始變色。數着3秒，攞上嚟食就啱啱好。佢嘅油脂分布非常之均勻，唔會太油膩，牛味好香，位列我鍾意嘅榜首👍🏼我哋嗌左好多唔同嘅嘢食，不能盡錄，但係值得一提嘅亦都有呢個黑毛豬五花肉。唔好睇佢薄薄一片，因為佢有啲脂肪嘅關係，擺入口係非常之有咬口嘅。無論佢有汁定係冇汁，都好好味。

平時黎到呢間餐廳，都係叫燒肉多。不過今日行過見到佢個午餐set 都幾多選擇，就試下啦！先來前菜。麻油大豆芽，幾香口。泡菜正常。人蔘清湯，人蔘味幾出。最好食呢個，五花腩配上泡菜芝士蛋已經好香。韓式粉絲吸哂啲味，非常好食。為咗穩陣，叫咗呢個咖喱炸豬扒飯。咖喱比起平時食既日式咖喱唔同，比較辣。厚豬扒炸得有少少硬，唔算特別好食。期間限定，草苺牛奶梳打，幾特別。經典飲品，柚子蜜檸檬梳打。諗唔到飲乜可以飲呢個，穩陣之選！

3條友係青衣城搵食，大家都無idea 就入左間食韓燒既餐廳，假錢唔平嫁三個人食埋單每人都要差不多4百蚊。貴唔緊要，冇驚喜都唔緊要，但同我期望既差得遠。首先大家望吓張枱，韓燒基本嘅海鹽同埋蒜頭都無，正所謂吃肉不吃蒜，香味少一半，啲海蝦同埋豬頸肉都無乜味，豬頸肉脂肪比例較少，燒左好硬，海蝦d肉有幾隻梅既，新唔新鮮唔洗問啦燒汁又唔係果回事，似溝稀左既鼓油，d前菜少到呢。。。。我寧願你唔好俾我，個沙律無乜醬，雖然係健康但係感覺上好似呢間餐廳好吝嗇咁。。。爐則嘅芝士粟米係幾好食嘅，不過好無技巧可言(可無限追加）前菜可以用唔好食來形容，泡菜有陣怪味，唔知點形容，辣唔係好辣，酸就一d都唔酸。中間果碟成碗油我完全唔想食，而芽菜就無乜事既，但無乜麻油味，整體前菜不喜歡👎呢條牛肋骨好似都唔平，講明牛肋骨，就預咗多骨少肉嫁喇，色澤暗啡，牛味唔太濃，肉質比較實淨，個汁甜甜地唔錯既不過太大件比較難燒同埋熟得唔夠均勻，都係細細件既肉比較好燒。飲品都算大杯既，三十令蚊左右，類似柚子茶咁全場最好食嘅就係呢個芝士生蠔，燒溶左既芝士拉絲咁配搭生蠔鮮味，口感更有層次而且味道好夾，生蠔甘甜配芝士鹹香最後呢個都係牛，唔記得左係

同二位好姊妹補祝我生日，比我揀梗係食韓國燒烤。我地有二個人住青衣區所以選擇去青衣城。而且我一早用open rice book 定位可以儲分。原來啱遇著有推廣，每日推廣優惠不同。好好彩我地係可以全單75折，所以索性叫左個全牛餐，不過遺憾無晒龍蝦闪而改左牛扒。另外再叫多個我至愛辣豆腐海鮮湯飯。整體d牛都好新鲜，食得好滿足。職員服務態度都好好，定時定後黎换爐板。最尾有得扭蛋抽奖。我地抽中雞扒蛋包钣一客，可於午膳時間享用。

起初覺得這家餐廳的名字怪裡怪氣的，後期才知道原來「炑八」一詞之韓文發音為「meokbang」，寫法為「먹방」，而「먹방」意思為吃貨，果真沒有取錯名字，吃得我們位位飽滿。雪花牛紋理均勻，燒的時候油份走出來十分香口!鍋邊還有無限量提供的蛋餅，焦焦地很好吃。豬肉的醬汁又辣又香花甲十分新鮮!醬油蟹簡直是一流! 吃數碗飯也可以，是撈飯一流的美食!多春魚燒上來也十分美味香脆~整體食物十分有質素，裝潢有點型格之餘又有情調，坐下來也十分舒服~

好少可會下午就放得工，即刻同同事去食餐慢活lunch，無乜幾何可以lunch慢慢燒下肉，嘆下😛估唔到連鎖店會有咁貼心既野提供，圍裙😮，唔怕啲油彈到都身都係🤗不過個二人午餐set 黎到嗰下有啲失望，個份量有啲.....少😅連我算細食都覺得唔夠，再望住我對面隻食肉獸，注定我今日無食神啦😂啲肉其實無乜肉味，牛既雪花亦都唔多😅非常一般🤷🏻‍♀️再加上個份量咁，真係好麻麻😭唯一可取既係佢爐邊可以烤蛋，而且係無限refill 👍🏻

早排在青衣城與家人試左新開的炑八韓烤，當日係星期五，所以都幾爆場，好彩大約等左15分鐘倒就有枱，環境唔錯都幾大，坐得舒適，跟住點野食，叫左過夢幻飄飄套餐加埋王者牛肋骨、魚糕串㷛同牛肋骨㷛，整體食物都唔錯，侍應有空閒亦會來協助燒烤同剪切比較大件的肉類，都幾貼心的，整體質數及服務都唔錯，而價錢就略為比一般韓燒貴小小，始終一分錢一分貨，但都值得一試的。

年紀大，怕熱氣，很少吃韓燒呢！難得另一個比我更怕熱氣的朋友邀約，就試試這間吧！晚上六時入座，沒有太多人，亦沒有時限，是我喜歡的原因。（結果我們吃到十時才離開，大滿足😄😄👍🏻👍🏻）三個人，點了一份二人餐外，還多點一條牛肋骨，炒粉絲，炸雞，海蝦及飲品三杯。果然是大鄉里出城，沒想到前菜、菜、兩邊的芝士和蛋，都是無限供應的；更沒想到，二人餐材料新鮮、份量充足......結果，慢慢燒、慢慢喝、慢慢談，便渡過了一個愉快的晚上。😄😄🌙🌙值得一提，職員會替客人處理某些「難搞」的肉類，免得造成浪費，亦可以讓客人品嚐到真正的美食。（😅😅如果由我烹調，應該是食「炭」呢！）😄😄

已試過兩次呢度嘅午餐， 質素好好! 👍🏻 今日終於來試燒烤餐，見佢都幾抵吃！價錢的確比晚餐時段相宜好多！我哋叫咗一個黑毛豬套餐同埋一個牛五花套餐！個黑毛豬拼盤， 放到落嚟已經眼前一亮，擺盤10分精美， 而且即時被油脂分布平均嘅豬腩肉吸引住！牛五花睇相嘅份量都知好多。實在對得起呢個價錢！所有肉類嘅質素都係好好，牛亦十分香口阿媽表示10分滿意！最正係有啲好新鮮嘅生菜俾你夾住啲肉嚟食！ 另外只係加咗$8，就叫咗個柚子冰茶，簡直同燒烤係絕配，必點！前菜有泡菜同芽菜，令到成餐變得更為豐富！ 仲有無限添加嘅爐邊蛋。一邊有泡菜一邊冇泡菜，幾得意！幾香口！ 都有食晒。午餐冇加一

係8號風球遇上一班優質服務既staff，仲有好味既韓燒!!心情超靚係呢到一定要大讚今晚所有既staff,每次一食完粟米cheese and kimichi egg都會即刻主動問我地仲洗唔洗refill. 仲會主動幫我地燒或者提醒我地點樣燒到最好!!深深感受到你地既熱心❤❤今晚點左高質夢幻韓牛餐同厚燒五花腩，但石鍋飯有d乾左少少，overall 🌕🌕🌕🌕🌖

很久沒有吃燒肉，這次來到炑八燒烤，剛好有新推出的套餐，感覺很適合夏天吃，於是一嘗。泡菜是一道很美味的開胃菜，醃青瓜也不錯。前菜還有一個沙律，上面有一個哈哈笑的紅蘿蔔片，相當有趣吸引。燒肉當然不少得爐邊蛋和芝士粟米粒呢！一出場，相當有feel haha，有好多仙氣籠罩著鮮肉。這個套餐很豐富，其中有大八爪魚，春川雞腿，牛胸腹，五花肉等。牛胸腹經過燒烤後十分惹味，醬汁味道香濃。想不到燒肉還有墨魚片等海鮮呢，很足料。牛肋骨煲香甜又濃郁，肉質厚實，配上白飯十分滿足。甜品還有白桃冰沫，表面很多白桃粒，而且份量很大，吃完燒肉再吃冰沫，真的超爽！透心涼呢！飲品方面也是以白桃為主題，我們點了白桃冷泡烏龍茶，味道很清新，裡面還有一些白桃粒。總括而言，燒肉套餐以二人share來說超滿足，最喜愛是以白桃為主題，感覺很清新。

同時兼好姊妹相聚，揀我哋至愛嘅韓燒；青衣城炑八韓燒新開，一至四不限時兼又可以訂位。我地3個人叫左一個套餐，有牛前胸，梨汁豬梅肉，厚切五花腩肉，牛肋骨，2件春川雞腿，一大隻八瓜魚，一些细墨魚，一些菇。仲有任添加芝士粟米(芝士慢慢燒至凝固再加少少燒焦，真係好好味，店員見我地清哂都主動帮我地加左2次)，泡菜蛋，前菜，沙律等。有 d 食物服務員會幫你燒，例如大八爪魚及五花腩肉，佢哋既服務態度好细心。因為我地超愛豬皮，所以叫左一份，烟烟un un 真好味(不過店員冇比黃豆粉我地，我地要主動問佢，而且佢好似對我地問佢拎黃豆粉有d疑惑)。另外我又好想食海鲜豆腐湯，所以都叫了一客。至於饮品我試了新款白桃沙冰，不過稍為淡左d。其實整体感覺好好，又有貼心即棄圍裙，又有餐車擺放生嘅食物，吾会感刭張枱好迫夾。唯一希望加設一個枱钟，因為地方大，職員又好繁忙，我地好幾次舉手好耐都冇人睇到呢