炑八韓烤 (青衣城1)

營業中

休息中

炑八呢間餐廳對我黎講是好神的，因為次次未食完已經覺得好飽。😊 今日的下午茶我叫了雞扒蛋包飯，顏色好靚又能引起食慾！ 雞扒 - 共有四塊，去了皮、煎得岩岩好、一點也不燶！ 我食到三塊半已經飽了！ 蛋 - 煮得好靚擺起飯上面😉； 飯 - 是茄汁飯， 我本人很喜歡食蕃茄，所以覺得很好食！ 沙律菜 - 很新鮮，大小切得岩岩好，食落口唔會論盡。職員方面 - 帶位職員很有效率及禮貌，安排我坐近門口很舒服的梳化位； 用手機落單時，我選飲品的選項要問職員，職員也很快當到我面前幫助直到我成功落單。音樂 - 聲量可以，感覺到職員有把音量較細，不煩擾客人進餐。燈光也不錯 - 光猛而不殘眼。如要說不足的地方只是在飲品上吧！本想叫熱奶茶但職員說只能小冰， 而小冰對我來說也不少，這是美中不足的地方吧！很抵食！我會再來！

晚市時段臨急經openrice都訂到位而且有75折😋晚市繁忙時段門口一堆人，個個都爭住盡快入座，店員都好有禮貌回應每位客人。入座後另外有店員簡單介紹除沙律外其他配菜都可以添加，同時加泡菜蛋汁&粟米芝士。等上菜期間發生小插曲（1）有位女店員係我地張台側邊失平衡將托盤上湯鍋等餸菜跌落地倒瀉曬（好彩人無事），其他店員即刻過黎幫手清理，有位疑似係店長先生不慌不忙指導同事們，仲走埋黎關心有無嚇親我地同小朋友（因為我女猛咁話倒瀉曬🤦🏻‍♀️）。小插曲（2）當時仲未趕得切清理完，接住即刻就有另一位上菜店員經過爭d跣親（好彩都係人無事）⋯告一段落之後無諗到疑似店長先生居然送飲品俾我地+鞠躬😱 話係唔好意思嚇親我地。公道講句食物味道質素不過不失，值得呢個價錢。不過疫情期間大家都不容易，整個服務團隊態度正面，令客人食得開心，呢方面我認為絕對值得表揚👍🏻

時晚不用等，但其實都滿座，冇得去旅行食下燒肉都好吖。 記得以前有好多set 簡依傢反而少左。希望有多點選擇～重點入黎係要讚下個金髪後生仔，態度好好，好攪笑。令大家都好開心，又會幫手燒你唔識燒既野，依傢好少有d咁好態度既後生仔，仲有個四眼妹女侍應都好好（佢聲稱係佢助手）。好耐冇寫食評，為左佢地專登入一入黎寫。 個燒鰻魚因為佢地變得好好味～ 冇得去韓國食呢度都好味～建議燒熟左條鰻魚之後再沾醬再燒一燒，又脆又入味。

上次係炑八韓烤荃灣荃新天地分店食過小王子🤴套餐想再回味一下，今日就黎到位於青衣城一期嘅青衣分店。當日是公眾假期，好旺場，好彩用左OPENRICE訂座很快被安排入座。食客好多，但員工人數少，比例不符。一入座連醬油都無😅芝士粟米🌽同蛋可無限添加，可惜舉左手好耐都無人招呼。就算有人招呼你，黎黎去去都係同一個人，做到黑面同扮睇吾到都好正常。明明有吸油煙機，整間店都可煙霧離漫。前菜方面，泡菜有陣怪味，又吾辣又吾酸，應有既甜味又無，有點失望🙍我地簡左2人獨一無二燒肉套餐Le Petit Prince & Rose❤️（HKD 498 ）：-半節手臂咁長嘅特級牛肋骨，肉質軟腍帶甜超長超大塊可惜醃得好甜。色澤暗啡-豬五花及豬背肉🐖：燒到脆邊，放落生菜🥬中配上適量蒜片同大醬，好香口-梨汁雞肉： 雞件好細件，又係甜甜地-大紅蝦 ：好梅🥲套餐跟配迷你泡菜煎餅或飲品五選二，我地簡左柚子檸檬🍋梳打，底部有韓國柚子蜜，配上清熱解暑。明明係梳打，但竟然可以無氣泡，仲要好似無落糖漿咁，完全吾夠味又吾夠氣。🤨總結：有地區差異 荃灣個間中上水平青衣分店整體食物質素都是一般偏下水平

套餐包括龍蝦， 多種牛，豬肉類， 白鱔。味道好。但龍蝦肉比較濃，不作 醃製會更好。 前菜款式多 ，可以提供無限添加十分贊。 芝士粟米芝士味香濃粟米爽甜。沙律菜都可以無限添加就會好啦。

今日應約來到青衣店，店舖非常旺~幸好很快就可以入座。我步入期間已經拎定紙巾…但出乎意外的枱面非常之乾淨，無我想像中的醬汁在枱邊或其他位置(紙巾慳番~讚)我地叫左份韓牛套餐/王者牛肋骨/鰻魚正當我再加一蚊點韓式炒粉絲，落單員竟提點我套餐已經有炒粉絲，要唔要試下其他(真細心!唔講都唔知會重覆) 後來推介豬皮話女人至愛骨膠原,我馬上叫好啦…但老實講…我睇見鰻魚同王者牛肋骨，我馬上口木遮呆，因為我地唔識燒， 但唔知係唔係店內嘅同事見一直燒牛小排啊果啲輕巧嘢，佢竟然主動過嚟邊同我哋講解食品肉質與烤法邊幫我哋燒(最搞笑就係將我原本以為裝飾的一條草放埋一齊燒， 佢話畀我聽佢係帶出肉質味道嘅幕後功臣) 我相信佢係店內有位男經理，實在太資深啦! 我個人比較鍾意食芝士粟米，所以每次都清得好快…但其他嘅同事都會主動問我哋需唔需要加芝士或者蛋(你都知啦不段舉手好尷尬㗎嘛)，呢一餐我真係食得很滿意…希望保持住落去

今日去馬灣 順便黎表白青衣城食飯見依間韓國餐好似幾正宗咁 又試吓入面多數人BBQ 不過我地黎食lunchLunch餐牌選擇唔算多 所以一揀就揀牛肉石頭鍋飯包湯同前菜個湯都唔錯 好清淡 前菜就大豆芽菜好食 其他兩個都辣牛肉石頭鍋飯 ($82)一黎到覺得好吸引 份量大 而且望落好豐富有青瓜 紅蘿蔔 紫菜 菠菜 菇 白蘿蔔 蛋 牛肉仲要超熱 撈嗰陣‘za za’ 聲然後都要等咗陣先食到不過味道上就麻麻地😟🐂牛肉望落好似好多 但其實全部係根黎 完全咬唔到...然後個飯自己冇乜味 唯一係好多油所以感覺係食緊油撈飯??頗為失望😔雖然飯係好多 但係唔好食 基本上冇實質食得到既牛肉 仲要$82... 唔抵食服務亦唔特別好

今次4個人食，好彩可以坐埋一台，仲要2個爐，可惜其中一個爐火力唔夠，成晚都燒得好慢，最後侍應先幫我地換左一個爐。本身爐邊有芝士粟米，同埋蛋，仲好多side dish，泡菜、生蘿蔔等等，全部都可以免費任添，非常抵，之後我地都叫左唔同牛、雞，但味道比較重，好快就飽，唔太開胃，反而蛋、芝士就幾好食。

上星期與朋友叫了最強肉食套餐（$當時折上折最後四百幾蚊）回家吃，份量十足而且味道好好吃，肉很新鮮，睇得出很有心機整，很滿足之餘份量亦都有剩，會再次幫襯。誠意推介。

今晚路過見到佢餐牌有四八折，當時冇乜人，諗住幫襯佢啦， 7:03落單，佢話30至40分鐘有得攞，諗住行開一陣，半小時返嚟攞啦，點知返去嘅時候，已經對滿晒人，有啲丑號先過我，有啲遲過我，但係一而再再二三俾外賣公司Deliverxx, fxxdpanda嘅單做先！當時只係7:30 ，諗住佢話要30至40分鐘，咪乖乖地喺度等囉，點知越等越唔對路，去到7:45 ，我問佢有得攞未，佢話啲雞要炸咗先有，不過我睇到嘅係嗰啲外賣公司嘅單不斷上好多好多盒炸雞，最後到8:00 ，我忍唔住要大聲鬧佢地先至肯做我張單先！等咗成一個鐘，大人可以，小朋友頂唔順！仲要花時間返屋企先有得食，激死！如果你做唔到好趕嘅時間，你不如話俾我哋知你要一個鐘頭，我咪唔幫襯你囉，仲有我知道你地要做咗啲外賣公司嘅單先，但係街客都係客，你咁樣做令到大家以後都唔會再幫襯你，你淨係做嗰啲客啦！

今次即日係openrice訂位，見到正餐牌有85折就訂左位。需然呢間係偏貴，但食物質素不差。而且所有嘅小食都係可以叫侍應加配嘅，不用收錢。以下就係韓牛餐（有韓牛，龍蝦， 鰻魚 ，牛肋骨， 五花肉， 牛舌，煎餅等。）每次嚟到都會叫鰻魚， 因為真係好新鮮， 啲肉係唔會淋既（唔知係咪2次食都咁好彩），我食鰻魚係唔鐘意有任何醬汁，咁樣先食到鮮味。牛肋骨都係好好味，keep到水準，不過今次個汁偏甜左少少。龍蝦食落口都好彈牙，唔似雪左好耐咁。韓牛有3片，食落口都有油脂浪下浪下個口咁。所以，夾埋落酸蘿蔔一齊食就岩岩好。(呢個食法係韓國學返泥，有興趣可以試下。）個餐係包埋個煎餅，所以2個人食既話淨叫呢個餐都飽晒。再來，就係加左半隻人蔘雞湯。之前食係只有一隻叫，依家有半隻叫真係好好多， 可以食多其他唔同嘅嘢。今次嘅人蔘雞湯比上次食嘅時候，真係清甜好多。雞肉就偏淡，要求不能太高。但湯頭幾甜，食烤肉，飲個湯都幾解油膩。人蔘雞湯入面有少量糯米＆栗子。仲包埋個白飯。當然，緊係唔可以同韓國相比啦。韓國就會比埋杯人蔘酒你。

我地4個人入黎，不斷sell 895蚊套餐，我地唔想叫，係咁不斷轟炸895蚊。之後我地唔係叫895蚊餐，態度極差。其實呢，我地有我地嘅選擇同concern,4個人唔代表一定要叫895蚊套餐呱。呢種服務態度，真係不敢恭維

今日要一個人去青衣城食午餐，加上好掛住韓燒，所以揀呢間。叫左個全牛燒午餐，有数件霜降小牛排，牛舌及牛五花，配湯及飯。前菜(泡菜及芽菜)任食(我食左3碟芽菜)，仲有爐边泡菜蛋及原味蛋。個全牛set雖然每款份量吾太多但質素都吾差，而且仲有其他配餸基本上lunch係已經好飽。職員服務態度都好好，而我透過Openrice訂位仲有85折，埋單免加一折左都係83元。

相隔數月，再來燒一燒，仍覺滿足。2人點了一個600多元的全牛餐，當中包括1客牛骨湯及2杯飲品。對我這個「怕」韓燒的人（😅好矛盾），簡單品嚐了牛的不同部分，吃吃傳統的前菜（無限添食），飲飲冰凍的荔枝梳打......每個人標準不同，但於我而言，「滿足」了！

外賣自取* 職員態度惡劣我哋由落order到拎到野食等左接近一個鐘。喺我哋等左40分鐘後，發現後面10幾個號碼嘅單都拎曬，都未到我哋，於是問第一名職員仲有幾耐，職員入左廚房後無回覆番我哋，再第多10分鐘問第二位職員，職員話：「炸雞係要等耐啲，我依加俾你哋都得，不過唔熟囉。亅好懷疑究竟乜雞要炸成一個鐘，其實漏單可以老實講，隱瞞加咁既態度真係好差。 食物質素味道相比以前都差左好多，真心失望。 。。。。。。。