炑八韓烤 (青衣城1)

營業中

休息中

炑八韓燒應該個個都聽過，係香港真係開左好多分店，不過我淨係食過一次，價錢黎講因為肉類要散叫，如果大食小小，叫得多真係幾貴，但係❗️我留意到佢地岀左個慶州燒烤套餐，一個套餐只係$498，就有7樣野食，好似幾抵食就去試左🤪🤪。✨期間限定咖✨另設加一-🤍慶州豚肉的神話套餐 $498放題既肉有分別，好高質，唔止係肉類，連仼添既芝士粟米同泡菜蛋都好正🤪🤪-環境：8/10服務：8/10好味指數：8/10回頭率：8/10

早排去咗青衣行街經過見到呢間韓燒就入咗去食啦我地叫咗$498既套餐首先頭盤有 韓國餐廳必備嘅前菜有泡菜啦，芽菜啦，蘿蔔啦仲有沙律添沙律有埋酸酸甜甜嘅麻醬勁開胃除左沙律外嘅前菜仲要係無限添加最好食係個泡菜雖然應該唔係好正宗因為唔係好辣估計係為香港調教過口味，nice~主菜- 肉都幾豐富㗎有一條都好長嘅五花腩唔算好多脂肪，都幾多地方係食得到另外有3舊連皮雞肉幾嫩滑我諗係因為我燒得好講笑姐🤣🤣係d 肉真係幾唔錯另外有2塊牛舌我自己就唔食牛舌嘅但朋友話幾有牛味另外中有3舊豬肉無加任何醬料調味料都幾有肉味另外就仲有d 冬菇南瓜食下啲菜冇咁濟嘛😂😂最後一定要提嘅就係個爐係包埋燒蛋同 芝士粟米仲要係任refill個芝士真係好好好好味食到停唔到但店員好好見我地差唔多食晒會主動問我地洗唔洗添加十分之好服務👏👏👏咁就緊係食到夠為止啦

最近好似食韓國餐食上癮咁今次依舊同朋友去食韓國菜平時就食得多炑八既午餐呢次就試下佢晚市有咩菜式提供?我同朋友都覺得夜晚就唔好食咁飽啦來個慶洲豚肉的神話套餐過下口癮就足夠例牌的有圍邊蛋，不過今次驚喜的是另一邊係淨芝士加粟米仲要食完可以再添，滿足曬我喜歡拉絲的惡趣味芝麻醬沙律菜夠曬fresh有我喜愛的芽菜同泡菜之餘，仲被我食到一個醃得好好味又帶辣的蘿蔔完全解曬食完肥膩野的滿嘴油淋淋的感覺叫左杯菠蘿soda, 裡面仲有兩塊菠蘿，有得飲有得食啦~~果然一大堆野既餐桌先有滿腹感見到都流曬口水，瘋狂燒完食完先講野慶洲五花肉燒到火花四起架D油脂燒得卜卜聲，肉汁非常豐富當然只要用菜包肉方式，成件事平衡左掛住食食食牛小排、牛五花、牛舌、護心肉已經速食完，連幅相都無真係有點失禮個餐仲有大八爪魚同雞肉，就知呢個餐種類多

炑八喺香港有勁多間分店，原來其中一間係喺青衣城第一期商場裏邊，於是今日放工同朋友過嚟試吓，睇吓質素係點先😆一嚟到人氣已經好高，不過好彩好快有得入，而且職員嘅態度全程都好好，呢度裝修仲好乾淨，企理闊落，而且上菜時間超快，唔使等到好肚餓！我哋叫咗一個慶州豚肉神話的套餐上菜速度真係好快，職員即刻幫我哋送上沙律、生菜、泡菜、白蘿蔔，仲可以無限添加㗎😆另外最鍾意係爐兩邊既泡菜蒸蛋同埋粟米芝士，好有韓式嘅風味，好食👍🏻材料真係超級豐富，有霜降牛小排、蔥蒜牛五花、薄切牛舌、特製護心肉、慶州五花肉、雞肉、大八爪魚🤩全部都好高質，肉質鮮嫩，一開即溶，仲可以點住燒汁食，味道勁夾，好香嘅烤肉😛另外仲叫咗一杯袖子檸檬梳打，同埋荔枝梳打兩杯都超級多果肉，一啖燒肉，一啖嘢飲，感覺勁爽，勁清新解喝💕

朋友係青衣城番工，話見到炑八做緊慶州燒烤套餐幾正咁，今晚就約埋一齊食啦～.一心想食期間限定餐，叫左$698 慶州勝利豚套餐。.前菜小食無限refill😳 食呢d都食飽！泡菜、芽菜、醃蘿蔔條及蘿蔔片.芝士粟米&泡菜蛋我好鍾意芝士粟米，係咁添加左幾次！第一round 泡菜蛋，第二round淨蛋，份外香滑！.飲品：神石榴柑橘梳打 及 夏思菠蘿梳打加錢叫左兩杯梳打特飲，前者有石榴粒，唔算好甜；後者有菠蘿片。.韓牛前胸肉、醬油牛小排、薄切牛舌、慶洲五花肉、慶州豬梅肉、韓風墨魚.呢個烤肉拼盤都好多野食！先燒左薄切牛舌，兩邊烤一陣好快熟。.牛小排用左醬油醃製，烤完加埋新鮮生菜、秘製麵豉醬同埋生蒜片一齊食，正。.韓牛前胸肉牛肉味濃郁！.來自慶州既五花肉肥瘦均勻，好食。.豬梅肉相對就重肉味，唔多油脂。.墨魚好厚身！好爽口彈牙。.辣炒年糕醬汁唔算辣，小朋友都食得，有年糕、魚糕片同雜菜。

天氣乍暖還寒，趕緊吃暖笠笠的韓國燒烤。勝利豚套餐除了美味的韓牛，還有肥美的慶州豚肉，很適合食肉獸的胃口。環境寬闊舒適，很適合一大班人熱鬧的圍爐而坐，十分溫馨。很喜歡無限refill的泡菜爐邊蛋，加上泡菜，微辣惹味；芝士粟米燒到半溶狀態，香甜邪惡。——🌸慶州勝利豚套餐 $698 •韓牛前胸肉、醬油牛小排、薄切牛舌•慶州五花肉、慶州豬梅肉•韓風墨魚•辣炒年糕——🐮韓牛拼盤拼盤以牛肉架盛上，份量十足，十分吸晴。牛肉鮮艷奪目，誘人雪花密佈，前胸肉燒至褐色網紋，入口油脂豐腴，沾上燒肉汁，肉汁縈繞於舌，鮮嫩可口。牛小排釋出香濃牛肉汁，口感軟腍，濃郁細膩。薄切牛舌輕烤至兩邊金黃，邊沿焦脆，細滑口感中，微微焦香，肉汁鮮香美味。慶州五花肉厚身肥美，放在爐端上，肥油促使熊熊烈火，傳來陣陣肉香撲鼻。用較剪剪成一口size再快炒，四面均勻受熱，口感外脆內軟腍，肥膏位置香純而不油膩，包在清新的生菜中，夾入蒜片，別有一番滋味。慶州豬梅肉豬肉迷人雪白，久煎不老，梅肉油光亮麗，鮮嫩豐盛，脆中帶嫩，口感鬆軟，十分惹味。韓風墨魚墨魚已經𠝹花，肉身燒至卷曲，鮮香彈牙、帶嚼勁，啖啖惹味。辣炒年糕橙紅色的年糕，酸甜開胃，韓國年

同朋友慶祝生日，一身韓look嘅靚女，鍾意食燒肉，就佢發板，揀左呢個勝州勝利豚套餐。食韓式燒肉最開心就係多款前菜同肉類擺到成枱都係，個餐七彩繽紛，壽星女好開心！韓牛前胸肉同薄切牛舌勁好味，點調味簡直係嘥咗塊肉，油脂超香口，牛舌較牛肉味好重好juicy。Order兩杯嘢飲，加$20就有梳打，檸檬柚子梳打同菠蘿梳打顏色好靚，冰冰涼涼， 同燒肉Perfect match ！壽星女最鍾意食慶州豬梅肉，話好淋又有肉味又嫩口，我就鍾意醃過嘅醬油牛小排，惹味到不得了！個餐仲有魷魚、韓風墨魚，辣炒年糕、沙律等等，而燒肉有生菜、蒜片、胡椒鹽、大醬、豉油伴食，令我地可以短暫催眠自己身在韓國咁呀～油脂旺盛嘅五花肉喺爐火燒到咋咋聲，脂肪位唔油膩而且有彈性，超正！呢個餐絕對可以encore ！話時話，呢度有個店員非常熱情，加埋d音樂充滿正能量，氣氛好好！

見到呢個新推出嘅套餐「慶州豚肉的神話」，$498，有七款食物，個配搭都係我喜歡嘅，所以就試吓～七款食物包括有霜降牛小排、蔥蒜牛五花、薄切牛舌、特製護心肉、慶州五花肉、梨汁雞肉同埋大八爪魚。首先就有一大堆唔同種類嘅前菜，有兩款唔同嘅醬蘿蔔、泡菜同埋芽菜，全部都係任添㗎！泡菜唔會太辣，仲有少少魚香～啱晒唔係食得太辣嘅我～另外仲有一個芝麻醬沙律，全部都清清爽爽感覺唔肥膩。爐邊泡菜蛋同埋芝士粟米都勁好食！好想encore！肉類方面，個人就最鍾意慶州五花肉，肥瘦比例非常好肉味濃，點埋啲醬汁包生菜一齊食yummy~~牛舌同埋護心肉都好好食！飲品方便就嗌咗青檸梅子梳打同埋有子檸檬梳打，配燒肉食一流～

諗諗吓都有成好幾年冇去過韓國啦🙉一直對當地嘅烤肉念念不忘，行街見到呢間燒肉店推出左慶州五花肉套餐，都幾抵食，就去咗一解鄉愁🌙慶州豚肉的神話（ $498）慶州五花肉、霜降牛小排、特製護心肉、薄切牛舌、蔥蒜牛五花、梨汁雞肉、大八爪魚🍗🍖🥩🥓除咗慶州豚肉之外都包括左有幾款牛肉同埋海鮮架，呢個set嘅性價比都幾高！而且肉嘅份量比想像中多🤩🤩開頭都諗住唔夠飽就叫啲飯麵，但點知係食完肉都已經超級飽主角慶州豚肉仲有張卡片認證㗎！✨✨長長一條五花腩，可以剪成十幾塊，首先試下就咁食品嚐下肉味，比平時豬肉彈牙，肥瘦均勻🥓🥓肥肉部份入口即溶，要用鮮甜去形容呢隻慶州豚肉，然後我再用生菜🥬包住燒到燶邊嘅豚肉再加埋泡菜蒜頭等配料一啖食落口，好滿足啊💦💦八爪魚夠新鮮🐙🐙燒完咬開皮香肉嫩有水份，唔會好似香口膠咁霜降牛小排賣相靚仔🐂燒到半生熟粉粉地色就啱啱好食得，牛味濃梨汁雞肉我燒好後用爐邊芝士包住🧀🧀同時想念下喺韓國食芝士炒雞既味道🤤🤤蔥蒜牛五花口感扎實🥩配埋燒肉汁好啱送飯食😋😋另外店員嘅服務態度好好🧏🏻‍♀️時不時都問我哋需唔需要幫手或者見到我哋搞唔掂就幫手燒肉，唔知下次會推出咩新款式呢？期待🤩🤩

今日生日，老公話先同我行吓街，然後話帶我食地道韓國燒烤。呢間餐廳門面好大，裡面同樣好有空間感，燈光光猛帶點柔和。韓式裝修，木製枱櫈。座位寬闊，坐得好舒服。老公就叫左個期間限定嘅慶州燒烤套餐 「慶州豚肉的神話套餐」，套餐有霜降牛小排，蔥蒜牛五花，薄切牛舌，特製護心肉，慶州五花肉，梨汁雞肉，大八爪魚同埋南瓜冬菇薯仔等配菜，另外仲有個蔬菜沙律。上餐前先黎個前菜小五碟，有泡菜，醃蘿蔔，芽菜，蒜頭同埋酸蘿蔔，前菜可以任食。 我就比較鍾意食芽菜，所以就 encore咗好幾次。燒烤爐旁邊分別有燒芝士粟米同泡菜蛋，呢個都係可以無限添加。芝士粟米燒完勁有拉絲感，而泡菜加蛋估唔到呢個mix & match係咁夾，d蛋熟左仲勁滑。呢度d牛味道好濃，霜降牛小排肥瘦均勻，軟熟。蔥蒜牛五花脂肪就比較多少少，但食落就唔覺得滿口油。薄切牛舌雖然薄薄，但口感幾好，仲一d唔韌。特製護心肉就比較瘦，口感就厚實一點。梨汁雞肉肉嫩，味道都幾特別。大八爪魚真係好大隻，調味調得幾好。南瓜冬菇薯仔原來燒咗佢係咁好食，帶小小脆嘅感覺。 慶州五花肉有認定證，油脂同肉汁豐富，滿口油香，肉有彈性，配埋生菜一齊食，覺得無咁油膩。最後仲叫左兩杯

是日經開青衣城，打算醫埋肚先返屋企，朋友話不如食韓燒。見呢度有一間炑木。而我自己又從來未食過。咁就唔好講咁多啦，即係入去試吓先。星期四嘅夜晚唔算太多人。基本上我哋一入到去就已經有位坐。餐廳面積都算幾大。而且都坐得幾舒服。急不及待望吓有咩食先。其中一個餐牌嘅期間限定慶洲韓烤套餐好似好吸引。最後我哋叫咗慶州豚肉的神話套餐，另外單點左兩杯梳打。分別係柑橘士多啤梨梳打同藍天使梳打。落完單之後，侍應即刻為我哋準備泡菜爐邊蛋同埋粟米芝士。然後一碟碟嘅配菜都準備上場，分別有沙律菜，芽菜，泡菜同蘿蔔。另外亦都有韓燒必備嘅生菜同蒜頭。先嚟嘅係兩杯梳打。梳打賣相非常之靚。而且飲落口勁清新。又唔會話太甜。我自己本人係幾鍾意嘅。喺飲飲吓嘢嘅途中， 侍應突然拎咗一碗炸醬麵俾我哋，佢話因為尋日係韓國嘅黑色情人節，所以每一台客都會送一碗炸醬麵。而呢個優惠今日亦都會繼續。所以我哋都獲贈一碗炸醬麵。炸醬麵味道偏甜。而且配料勁多。撈住啲麵嚟食，非常出色。主角套餐終於嚟喇。成個套餐嘅靈魂，首先先講五花肉。五花肉夠肥，包住生菜同夾住蒜頭嚟食又唔會話太漏🤤八爪魚都勁新鮮。而且勁爽口。雞同牛都唔錯。最後就係爐邊蛋同芝士粟米。朋友

呢排勁鍾意煲韓劇🤩唔知點解...好自然鍾意埋韓燒，仲越嚟越鍾意食😬呢間炑八係朋友食過都話CP值高！今晚一於去試吓🤩餐廳唔覺得大油煙，每個爐頂都有個獨立抽氣，多卡位而且仲好闊落添！左諗右諗...散叫定叫set好呢🤔最後叫咗期間限定$698「慶州勝利豚套餐」套餐有...辣炒年糕：個汁好惹味！年糕唔韌幾好食😋韓風墨魚：墨魚兩味有辣有唔辣，原味嘅係厚切，仲厚過塊午餐肉，燒完之後口感淋淋地好正！醃咗辣嘅好夠味，燒完已經唔洗蘸調味👍🏽韓牛前胸肉：脂肪分佈均勻，牛味較重，烤到脆香加埋配菜包住生菜食，正😎醬油牛小排：油花好平均，入口有溶化嘅感覺☺️薄切牛舌：單邊燒30秒左右已經very good，兩邊都燒可能會太熟😛慶州五花肉、慶州豬梅肉：係最期待嘅慶尚北道豬🐖具有黃金比例口感，肉汁豐富肉質又有彈性，烤完果啲油脂真係香到冇朋友！仲有認定証比你睇😎咁先係品質嘅保證！爐邊有蛋同芝士粟米，前菜生菜，以上全部都可以refill，飽到抱住個肚走😂

青衣城餐廳唔多，想搵間好少少既餐廳都吾容易，呢間位於青衣城既連鎖韓國燒烤一定要試下。佢店舖門口唔算大，但一入到去原來舖面好大，好多位，但佢抽風系統應該做得幾好，因為油煙唔算大，食左成晚都唔覺得身上有太大臭味。佢唔似其他韓燒店小菜refill要加錢，呢間炑八韓燒既小菜、生菜同蛋都係無限添加，非常正，因為韓燒除左食肉，當然要食佢每一小碟既韓式小菜，全部都葉得好入味。而佢啲肉聲稱係來自韓國，但點樣認證真偽就無從稽考，不過啲肉望落色澤係幾靚。燒完加生菜配埋佢啲醬汁係出色既，但價錢就偏貴，如果你大食既話，可能就點好多啦，可以選擇佢啲套餐再單點加啲肉。

第一次食見到食評也不差，今次帶父母三人行，見到可以在 Openrice 有得訂枱，免得老人家企響度等位，去到亦立即安排入座，位置舒適嘅！環境亦好好！服務員態度和藹親切，不會因忙碌而唔理人客，前菜是任食 （refill), 份量足夠，我們亦不需要再 refill 喔！一個套餐、可以加$188 叫一份牛肋條，亦是最好味的食物❣️，半份鱔（我燒得香又皮脆），一杯飲品（梅酒 Soda) 特別又好味!仲有殷勤店長，氹氹轉熱情招呼最後埋單好彩望下張單，原本$188的牛肋條，計❌左$268，當然更改番啱的，所以大家留意下！

近排突然之間好鍾意食燒肉😋😋😋嚟到青衣城就，見到呢間裝修好似幾靚，就入咗去呢間韓國燒肉舖頭食啦！見到佢推出左兩個新嘅套餐，就叫咗佢其中一個:慶洲勝利豚套餐🥳🥳又方便，又多嘢食，又唔使諗，最緊要係價錢又唔貴🤑🤑🤑成個套餐又有肉又有豬又有海鮮🤩🤩仲有炒年糕🤩🤩加埋都淨係唔使$700 🤑🤑仲可以任添泡菜蛋同埋芝士粟米😍😍😍😍食到我同男朋友都飽晒🥳🥳🥳😋一個套餐有嘅肉包括:韓牛胸前肉醬油牛小排博切牛舌慶洲五花肉慶洲豬梅肉韓風墨魚兩個牛肉果然係韓牛😍油脂分布好平均，燒起上嚟勁Juice😋😋😋個墨魚食落超彈牙，證明一定係新鮮🥳🥳最有驚喜我覺得係個博切牛舌，食落好鮮甜，連本身唔食牛舌既我都接受到！🥳🥳辣炒年糕最口意食年糕😍仲要係好入味既年糕😍😍😍而且唔算好辣，平時食唔到辣嘅朋友都唔使驚🥳🥳總括來講，呢個套餐份量足夠，仲有得任食前菜同埋爐邊蛋，性價比來講算係好高！🥳🥳🥳