炊公館

今天到炊公館high tea炊公館提供中式或西式下午茶套餐,價錢一樣都是HKD 298 這次選了中式點心下午茶，整個set 只有六款點心,味道不錯,但不夠飽茶味道略淡，幸好有海景window seat，可以坐足整個下午…查看更多

今天成班朋友想找一個有景，有食物亦可以夠舒服環境下傾計的地方。所以上了去銅鑼灣（炊公館），炊公館所有都符合，happy hour又由12:00-21:00。食物德國脆皮鹹豬手⭐️⭐️⭐️⭐️豬手皮脆肉嫩，鹹香惹味，配合酸椰菜，所以吃多了也不用怕油膩。黃金炸薯條⭐️⭐️⭐️⭐️牛油和鹹蛋黃，鹹香惹味。炸薯條香脆。洋蔥圈⭐️⭐️⭐️炸得好金黃,大大圈的洋蔥圈,咬下去,好香口。太白醉蝦🦐⭐️⭐️⭐️蝦肉鮮味爽口炊公館沙律🥗⭐️⭐️⭐️⭐️沙律蔬菜鮮甜新鮮Mojito🍸傾計happy hour 一個好好的地方，坐下食下飲下就幾小時。…查看更多

💓2018-7-30💓 晴天☀️《好姊妹 x 佳餚 x 美景 = 幸福生日夜》。環境。🌃❣️📸餐廳的佈局是半露天式的，分為室內和室外露台區。大部份客人都選擇坐在室外與美景共進晚餐，當然我們也不例外。由於天色很好，維港美景盡收眼底，作為拍照背景更是一絕。。菜式。1.田螺肉配蛋黃多士 ❤️5/5《配搭創新，出呼意料》🍠🍞🐚🧚🏻‍♀️這道前菜揭起這次生日飯的序幕，當中所用的食材更是我們幾位女士的摯愛。一般焗田螺肉多是用黃蕃薯襯底，但這道菜用了紫薯相配，螺肉入味，薯蓉入口即溶，尤如雪糕般既甜且滑。另附上的蛋黃多士，更是本人大愛。金香的蛋黃配上口感十足的麵包底，果然一絕。2.黃金炸薯條 ❤️5/5《蛋黃愛好者必試》💓😃👍🏻重點的事情需說三次，好吃，好吃，還是好吃。厚切的薯條外層沾滿蛋黃，炸得又熱又脆，比一般更野味可口，齒頰留香。由於薯條份量不多，我們又想多吃幾口，最後決定返點了一次。3.泰式香辣炸雞中翼 ❤️3.5/5《開胃小食》在我印象中，凡是雞翼類的小吃幾乎沒有太難吃的情況出現(快餐店的劣質製作除外)。雞翼分半製作，外皮炸得金黃香脆。配上正宗泰式醬料，相當野味開胃。4.白酒煮紐西蘭大蜆 ❤️4/5《蜆肉愛好者必選項目》這款菜式所選用的大蜆都是來自紐西蘭，肉質鮮甜結實。廚師利用白酒和洋蔥去提升蜆肉的鮮味，一口便可吃到海鮮的珍味。看似一道簡單的菜式，時間火喉的控制相當重要，實考功架。5.西班牙海鮮飯 ❤️2/5一提起西班牙海鮮飯，腦海中浮現出來的影像都是一個盛載著滿滿海鮮和西班牙飯的平底鑊。當然，理想和現實經常會背道而馳。無論賣相和味道，這個飯和我吃過出色的西班牙飯還算有點距離。海鮮份量少，飯質比較濕，唯獨是蕃茄香十足。6.加拿大天然穀飼厚切豬鞍扒 ❤️3.5/5《不過不失之作》🐖🐖🐖對於一個不嗜扒肉的人來說，我認為這道菜屬不過不失之作，驚喜欠奉。肉扒厚切，煎得油香。吃前淋上特製醬汁，肉香再配上襯底薯蓉的薯香，作為主菜也算不錯。《飲品有優惠》總括來說，蛋黃的菜式值得一讚，成為必點項目。另外環境和服務態度也是水準之上，是慶生聚會的好地方。…查看更多

書蟲了幾小時餓了找一下空中食府讓肚子好好享受才可以點了個一人餐五款菜獨自享受先來一杯開胃飲Lemon Tree微酸帶清甜味道很像菠蘿清清淡淡冷冷的蟹鉗沙律野菜蕃茄玉米再加上沒殼的蟹鉗飯前菜是很重要的然後有海鮮濃湯接著出現的是海鮮鮑魚燴飯細細份好好味不怕太飽鮑魚一點都不韌青口帶鮮味再來一個牛油燒龍利魚配上兩粒熟蕃茄和玉米牛油醬汁好香耶底底有幾條豆+一篤薯泥薯泥沒特別調味正能品嚐到原味薯仔最後的甜品時間淡淡的提拉米蘇因為大多菜色都沒很濃味食完也不會有渴的感覺同時有著相當的飽感（因為那篤薯泥啊）今天也是大滿足食完後靜靜在一角看剛買的書看看搖遠的香港夜景（因為在下座在室內，所以風景好搖遠）輕輕鬆鬆的一天又要結束了........慘！…查看更多

原來呢間餐廳係隸屬啊一鮑魚架，怪唔之得一出lift嘅時候爭啲入錯門口。其實用餐位置都好細，有分outdoor indoor，我同朋友見今日天氣咁好，梗係唔好嘥，一於坐出邊欣賞風景，坐落25樓，欣賞藍天白雲，微風吹過，真係可以hea一個下午🤗🤗🤗我同朋友嗌咗半打生蠔，開咗支白酒，同埋嗌左黃金薯條兩round，生蠔好新鮮，好肥美，個黃金薯條唔使講啦，嗌左兩次。係25/F用餐真係感覺不錯！感恩今日天氣晴朗☀️…查看更多

係銅鑼灣世貿中心旁邊係個新嘅大樓，以餐廳為主嘅大樓，乜都有，呢間 炊公館餐廳 以Outdoor 為主， 人唔算多，最重要唔會擠迫感，有多款多國美食，有牛排，意粉，意大利飯，但居然有皮蛋酸薑，哈哈，差別好大呀！所以唔知朋友約會想食咩唔洗怕，呢道一定有啱食嘅嘢👍🏻我覺得所有嘢食都ok 唔錯，由其係酸薑皮蛋🤣⭐️Happy Hour 飲料有半價，紅酒白酒都有架，真係勁抵，傾下計，飲下嘢真係唔錯！但.....除左甜品，啲蛋糕真係差左啲！…查看更多

今年生日第二餐飯，朋友又叫我自己揀，有要求的我，必須有好環境、有景觀、就腳、不太高收費，最終選了收藏食店中的炊公館。到達食店，環境很光猛及潔淨，位置能望到海景，但距離稍遠。坐戶外座位應是最正，但4位小姐怕大風，所以選擇坐室內。點餐選了set lunch，主菜4人選了3個龍蝦餐，另1個選牛柳，餐附湯、沙律及甜品。食物無論味道，擺盤都覺有心思，惟食物份量不多，要食完整個餐才會有飽感。甜品是🍰，朋友要求食店，將其中一件加上生日字句，食店很貼心，除加字句，亦跟住我們🐷組公仔，劃了出來！整餐生日飯，大家感到很開心，在我的回憶中留下美好的一頁📝個人評分食物：B環境：B服務：B抵食：B…查看更多

The view of the harbour on the patio is stunning. However, the food can only be said to be mediocre. It was terrible tasting but it wasn’t that great either. I probably wouldn’t come back seeing as there are tons of choices in HK with the same great view.…查看更多

今日同幾個同事齊齊準時5點收工，大家都唔想咁早返屋企，想搵個地方食下野傾下計，於是就揀左呢度飲酒食好野，最開心係有得坐outdoor位，望住個咁開揚既景觀，居高臨下，心情真係即刻爽晒，令大家傾得食得同飲得更開懷~呢種氣氛下最適合歎新鮮海鮮，order左個Seafood platter($888)4個人開心share，有生蠔、扇貝、波士頓龍蝦、海蝦同蜆，份量十足，賣相吸引，一上枱梗係要相機食先啦！生蠔好肥美、蠔味濃，口感creamy，一食就知係來貨靚；扇貝超級大粒又爽脆，味道鮮甜；波士頓龍蝦都幾大隻，肉質嫩滑細緻；海蝦味道鮮咬落脆；蜆鮮甜得黎最重要唔會有沙。大家一邊食一邊飲酒，真係好relax~之後再黎一客Cheeses board($ 240)，有3、4款芝士再配麵包或餅干食，小女子見識唔多，咁樣食芝士真係第一次，原來芝士既味道可以咁多元化同咁多層次，同紅酒特別夾，出乎意料竟然唔膩~4個人，每人$350，食得滿足、傾得盡情，望住個靚景3粒鐘，成個人叉返足晒電！…查看更多

第一次去既時候，以為貴夾唔飽地方為左伴侶生日，一生人點都試一次對住海景食飯，氣氛特別正情談說愛或者同三五好友聚會好地方中午12-晚上9點 Happy Hour食物同飲品價格中等價錢有室外座位開放，如果想在此欣賞煙花，要提前半個月預約2位套餐有優惠，有2個套餐無生蠔 平均每位大約400沙律、鵝肝、黑松露湯、腸仔薯仔、青口海鮮飯、甜品另一個生蠔餐，要睇返你食咩牛就食咩價大約每位600-1300貴價有神戶牛食3隻蠔、鵝肝、湯（龍蝦湯同白色湯-忘記名）大蝦、牛肉、青口海鮮飯、甜品我建議龍蝦食物水準不錯！價錢中價…查看更多

嗌左Boston lobster set, 但啲龍蝦啲肉係溶晒個啲 連朋友份steak 既大蝦都係個種啲肉霉晒個種。龍蝦湯同野菌湯都ok既，算合格。不過上菜上到亂晒，人地啲餐食到main ，有幾位先開始上頭盤。啲服務生幾好禮貌既 不過真係有啲慢。因為本人唔食牛肉 所以唔知牛扒好唔好味 但佢地話好普通。不過環境幾好 for飲野ok, 個景幾靚outdoor又有得食煙。 7個人每人一千蚊埋單，感覺佢啲食物加埋個環境都唔太值呢個價。…查看更多

一年一度的父親節, 仔仔選擇了銅鑼灣謝斐道535號 Tower 535 炊公館,  這座新廈在怡東酒店旁, 餐館位於 25 樓, 面對燦爛的維港景, 仔仔真有心思.  我們訂了露台位, 美麗夜景, 令人陶醉. 爸爸更開心.天氣好, 看見尖沙咀, 更清晰.餐廳內設計以半酒吧半餐廳形式, 燈光浪漫.酒款琳琅滿目, 餐牌食品種類也不少,  有沙律, 小食, 湯, 蠔, Pizza.也有 set dinner:   Boston Lobster Menu, Steak Menu.Tapas & SnacksMain Course, Rice & Pasta  & dessert.我們開始點菜,    先來:Caesar Salad  凱撒沙律 $138-這個沙律份量較細, 只有羅馬菜, 煙肉, 麵包, 芝士粒, 簡簡單單.  賣相調味一般.Lobster bisque 龍蝦濃湯 $138-濃湯上檯夠熱, 龍蝦味重, 頗滿意, 只是伴碟麵包太普通, 沒特式, 也沒烘.Jamon Croquettes 火腿玉餅 $128- 玉餅原來是三個是炸薯波, 有點失望, 火腿也只是少少的幾片, 太簡單了.烤美國安格斯肉眼 12 oz. $596- 這塊牛扒夠厚切, 肉質鬆軟, 炭燒 , 5成熟沒有過火, 牛味濃, 有肉汁, 伴碟薯蓉夠滑有牛油香味, 西蘭花及紅蘿蔔都爽甜.西班牙海鮮飯 $208-賣相及食材算單調,   欠些西班牙特式.   有點失望 海鮮有蝦, 青口, 墨魚.  海鮮不多又沒有沾上惹味的醬汁, 飯入口OK,  但味道一般.侍應生服務 OK,  新餐廳有新環境, 價錢中等, 銅鑼灣區算不錯.  只是食品份量細, 也未見精彩.下次會來吃個 afternoon Tea set, 看看黃昏景像.…查看更多

老公成日話我亂咁碌卡，今晚帶佢黎呢度食完呢餐之後佢完全收晒聲，因為呢個兩位起嘅波士頓龍蝦套餐優惠係HSBC信用卡卡主專有嘅，原價每人$520，而家每人$338，有成65折，所以老公都話今次碌得精明！嘢飲可以揀鮮搾橙汁、紅酒或白酒，我地兩個都要左白酒，白酒同龍蝦夾嘛。首先食左個龍蝦鉗沙律開開胃，龍蝦鉗剝好哂殼就咁用手攞住食就最過癮。沙律好清新，酸甜度適中。食完light野就可以食番heavy少少平衡番，呢個香煎法國鵝肝配意大利香醋，賣相吸引，完完都問到果份焦香味，鵝肝油脂豐腴，伴埋酸甜嘅意大利香醋黎食，完全唔覺膩滯。松露野菌湯好足料，啲野菌blend到溶晒，口感好rich。登~登~登~櫈~輪到主角出場！龍蝦一向都係我地兩口子嘅至愛，呢度嘅出品亦都無令我地失望，隻波士頓龍蝦肉質勁爽勁彈牙，新鮮程度更加唔洗多講。老公話靚龍蝦用烤去整就最好，又可以食到海鮮嘅原汁原味，又可以鎖住肉汁，講到好似成個專家上身咁款，真係畀佢笑死！紅酒燴牛尾我之前都試過喺屋企整畀老公食，咁同呢啲大師傅級出品梗係無得比，但就知道呢道真係一道功夫菜，要好花心思slow cook先可以令牛尾入味同腍，呢度就整得好有水準喇，個紅酒汁充滿酒香，味道令人陶醉！食埋個西班牙鮑魚海鮮飯同脆麻花後，仲有透心涼嘅蜜瓜西米露作結~老公話要介紹畀啲fd黎食喎，個餐做到6月底咋！…查看更多

女仔搵地方傾計從來都特別講究，要有好嘢食，要有少少酒飲，環境要夠靜夠舒服，仲要有情調有靚view，當然最好仲唔係好貴啦，咁就perfect晒喇~好開心畀我地三個女仔搵到呢個位處鬧市嘅Girls’ Talk好地方，實在難得，所以一定要分享下~呢度好啱談心，佢嘅Happy Hour時段由中午12點去到夜晚9點，嘢飲$38起，小食$48起，望住個靚view吹吹風，我覺得係物有所值~食物方面我地點左個Happy Hour Set，有牛柳肉串燒、鷹咀豆醬配彼德包、XO醬煙三文魚配多士包同埋香草蒜蓉炒西班牙腸，個set包一支大西班牙啤酒, 大家開心share~之後再追加一客泰式雞翼。講下個set先，牛柳肉串燒微辣帶甜，咬落夠淋肉汁多；鷹咀豆醬係中東地區料理，營養價值高，口感黏黏滑滑，味道清清地，夾落彼德包一齊食好有風味；XO醬煙三文魚配多士包味道比較濃，後啲食就啱喇，XO醬味好出；香草蒜蓉炒西班牙腸最濃味，所以最後先食，好鬼惹味，西班牙腸勁有嚼口。泰式雞翼香脆無比，點少少酸辣醬食好開胃，一個人食一碟都無問題，哈哈~坐坐下就過左3、4粒鐘，下次再黎傾過~…查看更多

之前黎過呢度食semi-buffet，今日再同兩個同事黎，原來轉左餐牌，變左食set lunch，都無所謂，最緊要有個舒服地方比我地take a break，仲要坐到balcony位勁開心，啲風吹埋黎勁好feel！望望Menu有近20款選擇，都幾多元化，三個人口味各有不同，所以分別點左三款唔同嘅main course。由於大家都無食早餐，所以齊齊加十蚊配凱撒沙律，再加十蚊配埋蘑菇湯，兩樣野都係正常size，唔會因為跟餐而變細左，抵讚！同事A揀左Carbonara， 佢話濃濃嘅芝士味同忌廉煙肉mix埋，入口好rich，條條意粉都勁掛汁，見佢食到"雪雪"聲，搞到我都好想食~同事B食咖喱牛尾，平時牛尾通常夾紅酒，夾咖喱係完全唔同風味。我忍唔住叉左少少黎試，個咖喱汁香多於辣，送飯一流，牛尾咬落幾有膠質，脂肪少而肉嫩。哈，點解次次我都係隔離飯香？至於愛牛如命嘅我就毫無疑問點左安格斯肉眼扒，見到扒面頭好深嘅坑紋，果種坑燒味真係超正，油脂同肉汁都頗豐富，所以入口好juicy，終於唔洗葡萄人地個餐！下次再黎，想試下呢度啲牛柳………查看更多