炊公館

營業中

休息中

母親節, 正日太多人。 所以翌日同媽媽食好d. 炊公館有靚景, 又好食, 一於帶媽媽食好西。午餐有片皮鴨套餐, 幾豐富。估唔到, 星期一lunch都幾多人。差唔多坐滿。點心都幾ok. , 算大粒。不過我地對鮑魚都一般, 所以鮑魚撻覺得冇咩特別。 不過係幾稔既。片皮鴨都幾好, 唔會好肥。 皮夠脆，肉都好味。 真係好耐冇食過片皮鴨啦。 媽媽都好滿意。佢片皮鴨第二食係酥皮包肉碎。 雖然幾特別, 但有d膩, 同太飽。 我寧願炒返小菜或用生菜包會好d.佢既龍蝦麵都好出名。 佢用幼麵煮都ok. 因為食到後面都幾飽, 幼麵易食d.最後叫埋媽媽最愛既小龍包。 幾大粒, 皮夠薄。 好味。 最重要都係媽媽食得開心。

優惠下午茶四人餐$988 免茶芥 免加一 免切餅費，以環境/地段黎講的確係抵，有鮑魚酥，有龍蝦麵，又有片皮鴨二食，仲有點心，同熱湯，多到食吾晒要外帶。片皮鴨外帶，幫你pack埋盒，俾埋獨立包裝醬料，吾錯吾錯。食物味道中規中矩啦，吾會太有驚喜。個人覺得最好味係黑松露餃。望住海景食tea, 望住半島頂樓直升機升降。天朗氣清，係好正。2:30坐到5:00，可以慢慢聊天，慢慢歎茶。開左壺菊花茶，清香淡甜，幾好飲。

帶亞媽嘆靚中菜，今次揀左炊公館，原來係阿一飯店集團成員，除左飲茶仲可以點阿一飯店嘅鮑魚同小菜！地點喺Isquare 29樓，店內裝潢開揚濶落，坐位舒適！圍住餐廳有特大嘅窗，坐邊都可以睇哂成個無敵靚靚維港景色！ 午市套餐$998 (四位用) 高質點心🥧點心拼盤包括:一哥鮑魚酥、蟹子西班牙豚肉燒賣皇、筍尖鮮蝦餃、焗菠蘿叉燒包、野菌黑松靈餃同蜂巢香芋角！每款每人一件啱啱好, 咸甜點都出色, 朮其香芋角炸至酥脆嘅外皮配香口軟綿綿嘅芋頭蓉太好味! 鮑魚酥都係必食之選! 鮑魚汁香鮑魚彈牙配埋酥皮香而不膩! 🍖🔥北京片皮鴨: 超水準嘅北京片皮鴨, 遠遠已經聞到勁香！烤到脆卜卜嘅烤鴨皮薄, 肥瘦均勻, 肉質香濃, 包烤鴨皮特別煙韌, 加埋香蔥,青瓜同醬汁超!級!正!  🦞🍜唐人街龍蝦麵 : 龍蝦極鮮甜爽口, 上湯香濃配埋撈粗麵食落更入味!跟餐仲有抗疫湯-清甜嘅鱷魚肉湯🥣有一小片鱷魚肉喺碗度，亞媽話係好嘢，滋補潤肺！ 

名廚效應, 慕名阿一 又到出糧嘅大日子！辛苦工作咗一個月，梗係唔好虧待自己，豪一豪食餐好！！！今次lunch嚟咗iSQUARE 29樓 。阿一海景飯店同炊公館都係同一層，屬同一集團。阿一以食鮑、參、翅、肚同埋小菜為主，而炊公館價錢親民少少，而且佢哋兩間嘅點心都係一樣，所以今次我哋就決定去試炊公館。入到去環境唔錯，清靜、寬敞，而且對住個海景，環境真係好舒服。今次我同同事叫咗3個炊公館嘅點心套餐。五香素鵝拼蜜汁西班牙叉燒素鵝有濃濃嘅煙熏味，腐皮入面包住好多菇，口感清新；而叉燒肥瘦適中，味道唔錯，但缺少一陣燒過嘅香味。懷舊脆蝦多士酥脆鮮甜，蝦鮮味爽口又彈牙，好食！一哥鮑魚酥·筍尖鮮蝦餃·蟹子西班牙豚肉燒賣·蠔皇叉燒包其實揀呢個set，其中一個原因道係為咗個鮑魚酥，好彩無令我失望，鮑魚炆得好好味，真係冇得輸。蝦餃同燒賣都唔錯，用料新鮮！龍蝦海鮮灌湯餃先嚐啖湯，鮮甜無比，但係個灌湯餃就冇乜特別。香煎腸粉、迷你珍珠雞、香滑芝麻糊呢三樣嘢都係正常水準，冇乜特別。整體食物質素都唔錯，加上優惠，其實都幾抵食，但侍應人手唔夠，服務認真麻麻。

清年假，剛好遇上2021春季香港餐廳週 (3月18日~4月11日)，預訂了尖沙嘴炊公館，和媽媽來吃午餐(148元/位)：#普洱茶，另收茶位20元/位#筍尖鮮蝦餃，蝦肉Ｑ彈爽口，好吃！#蟹籽燒賣皇，豬肉有鮮味，好吃！#焗菠蘿叉燒餐包，酥皮鬆化，不錯！#鮮鮑文思豆腐羹，本餐驚喜！鮑魚非常好味！#回味鴨鬆包，味道不錯！#四川擔擔麵配紅油抄手，點了小辣，但媽媽還是#蓮子紅豆沙，好好味！大愛！！服務比預期差，當天午餐時段，大堂坐滿，還有包房，樓面人手不足，上菜慢！

1500蚊四人餐有鮑魚、扁皮鴨、蒸魚、湯餃、炒飯，炒飯嘅黑松露好香，扁皮鴨好飽，有夜景有分加。睇評價以為服務麻麻，但可能成夜成個場得我地一枱客（隔離阿一仲多人...），服務都算ok，整體唔錯。

朋友約食晏補祝生日，訂了炊公館，喜歡餐廳環境濶落又有海景看。那天上到去見炊館見門口豎立了餐牌擋著入去的路，旁邊的阿一鮑魚待應告訴我們今天炊公館不開，食客轉到阿一鮑魚那裡用餐也一樣的。因為是同一個集團，也供應炊公館食品，一樣有海景位。於是我們就去了阿一鮑魚的餐廳叫炊公館的食物。炊公館的午市套餐有多款選擇，我們點四道菜套餐，包括三款點心和抗疫湯水，另外有六款自選主菜可選擇，我看唐人街龍蝦麵配郊外油菜是兩人份量，所以直接點這個。首先來的是抗疫湯水，整個湯味道濃郁，不過完全沒有湯料，不知道是用什麼材料煲的，向待應查詢說是用鱷魚肉煲的，怪不得叫抗疫湯水，可潤肺。湯夠熱又滋潤，不錯。再來就是點心，全都是美味的。荀尖鮮蝦餃：漲卜卜的蝦餃，一咬下去感到爽口彈牙。蟹子西班牙豚肉燒賣皇：蟹子很多，豚肉嫩滑容易咬。焗菠蘿叉燒餐包：包面焗得鬆脆，包身軟熟，內裡叉燒汁多淋滑。點心要趁熱吃才滋味，在享用點心時龍蝦麵和油菜已放到檯上，目測龍蝦應該是一隻，蝦殼顏色鮮明，賣相可以。由於怕弄髒雙手，要了一對透明膠手套幫助進食，這樣就吃得痛快。蝦殼不太硬很客容易咬開了，蝦肉爽口鮮甜，醬汁豐厚。麵底不是常用的伊麵而是粗身的撈

今下午去炊公館食下午茶，食物及價錢也合理及好食。可惜服務真一般，特別人手不太足，部長不太理會，枱枱前後入座也到了點心食到一半，我哋落了單20～25分鐘吹了未有回覆，再問另一個侍應才有回覆有落單做緊及提及後面枱仍未到，但我哋回人家遲我哋20分鐘入座㗎。。若大家好有時間等也可試下。。(之後也有一兩枱吹完再等。。。)

本身都唔期望佢做緊優惠會有啲咩服務，不過都冇理由訂咗枱都要我哋係出邊等咁耐，我追咗佢兩次佢先比到枱我，入到去嘅感覺其實已經唔多良好。整體點心都算ok，加上做緊優惠其實都算幾抵食。可惜嘅係佢全部嘢食都係唔夠熱，拎到上嚟枱面有好多都已經凍咗。如果你只係要求高層有海景睇，傾下偈，環境都算可以嘅。

行開尖沙咀，上左去炊公館食個中式點心下午茶。上到餐廳都差不多四點，一眼望去都有唔少食客，大家都是兩人一檯。待應說要快D落單，因為四點半截單啦。我好快就叫左個下午茶點心拼盤，再加個五香煙燻素鵝。落單後等食，不久待應拿著一個中式提藍放到檯上，打開蓋，原來裏面有兩層，第一層是蒸籠，內有蝦餃、黑松露餃同埋燒賣各兩粒，拿開蒸籠下面又有三款點心，竽角、菠蘿叉燒焗餐包、原隻鮑魚酥，都係各有兩件。蝦餃蝦肉滿滿，皮唔係很薄，但味道好好。燒賣大大粒，面頭放左蟹籽，豬肉也爽口，黑松露餃就有好香的黑松露味，三款點心都熱熱的，即叫即蒸。竽頭外皮炸得好鬆化，竽蓉多多又有Ｄ肉碎，好食。菠蘿叉燒焗餐包裏面醬汁多，叉燒好味，包面個層酥皮一咬即化，夠曬鬆。原隻鮑魚酥，重點係鮑魚，原隻入口，超彈牙，撻底也好鬆化。總括來說，三款都有鬆化的部份，全都做得唔錯。五香煙燻素鵝唔同京式素鵝，唔用油炸，用煙燻把腐皮入味，腐皮裏面有好多菇，口感清爽。今日陽光普照，望住海景嘆番個中式點心下午茶真係好寫意。

嚟炊公館都係為咗個下午茶🫖點心tea set打下卡依家個下午茶點心套餐七折後$208/2位，其餘點心都一樣有優惠。登登。。。登登。。。！點心拼盤主角就梗係鮑魚酥😋熱辣辣趁熱食，成set點心嘅精髓就係個鮑魚酥，黑松露餃都有驚喜，其餘嘅點心中規中矩，餡料夠新鮮。另外叫咗一個古法馬拉糕，不過完全冇特別，同埋比較實唔夠鬆軟🤨其實食嘢之餘都係食個境啫🤣29/F景觀係唔錯嘅！冇茶位！可能係嗌咗下午茶點心拼盤就免茶位。點解主打係鮑魚酥？一睇張單就知，因為佢係阿一鮑魚旗下集團嘅成員😂而隔離就係阿一鮑魚😆

這間餐廳地點交通方便，環境舒適優美，点心精緻而且美味，招呼也不錯。今日三人選擇了2人下午茶套餐兩份，吃得飽飽的，套餐点心款式多也美味。特別是鮑魚撻吃得很滋味，鮑魚味道非常好，而且煙韌易入口。電話訂位下午茶優惠時段不可以指定窗口位置，但是安排對海窗口位置，環境舒適。為朋友生日帶了一個小蛋糕，更免收切餅費，招待亦很好。服務員樂意為我們拍照，更用心地舒適為我們選擇位置影得很好。會再去用餐的餐廳，總括來説非常滿意。

4人下午茶餐｜💰988湯好好飲鮑魚好大隻好厚身，牛油撻好香又夠趣脆.叉燒包菠蘿包面好酥脆，叉燒餡好多，個底仲要係脆嘅.黑松露餃好香黑松露味，好多野菌又夠薄.芋角芋頭餡好多，比較乾身比平時食既少啲汁，但就冇咁油幾好.燒賣隻蝦好爽口，肉好爽但就比較多肥豬肉 .蝦餃好實在，好多蝦仲有荀，皮好薄又有咬口，可惜冇乜汁-片皮鴨喺你面前切，仲好貼心會幫你去少少肥膏好多塊皮俾你包，青瓜同蔥嘅份量都好足夠.龍蝦面個面用咗幼麵就冇咁油膩而且啲肉都好易食，唔使左摵右摵.最後仲有個生菜包鴨肉鬆，炒到好香.可以由2:30坐到五點幾，又望住個靚景食到飽飽，仲要咁抵好滿足

性價比高既海景午餐😍海南雞新鮮好食👍🏻如果無骨同多D肉就正啦🤣龍蝦鮑翅湯飯岩哂我❤️係飯底略為偏軟身🙊龍馬精神隻龍蝦果然好精神🤣仲有馬蹄片👍🏻最後用十勝紅豆雪糕作結😍正呀喂👍🏻

今日本來即興想去海運大廈食西式下午茶，不過已經滿座。所以即刻搵過另一個地方，朝早十一點打去約兩點半，仲有位。最後重要係仲可以有窗口海景位坐，至於野食方面，雖未至於超級好，但絕對對得住個價錢。點心一上枱好夠熱辣辣，酥亦夠香脆，現在仲有七折，真係已經無得輸，正！