火鍋頭

營業中

休息中

去九龍城食泰國野就食得多，今次就試下打邊爐，雖然呢間火鍋店主打新鮮牛肉，(見佢牛肉嘅選擇幾多，睇落都好新鮮，值得試下)不過我地就唔係好想食肉，反而想試佢D特色湯頭，叫咗個冬瓜盅湯頭，店員會幫手切開冬瓜，再煲多10分鐘左右，冬瓜盅料好足，有金華火腿、花膠、冬菇、瑤柱、蟹柳，樣樣食材都幾好，煲到個湯好入味、鮮甜，佢地唔少火鍋配料都好少見，例如墨魚麵，食落墨魚味唔算好出，但麵質都OK，係有咬口果種，最出色係配埋個XO醬！好多蝦米瑤杜，好香又辣辣地，好好食， (本身醬油每位要$20，但用XO醬嚟做邊爐醬仲好食)，另外蝦丸都好出色，咬開見到一粒粒蝦，食得出好新鮮，仲有個和牛餃，入面係調過味嘅牛肉，都幾多牛肉，都幾好食，係出面未食過嘅味，仲叫咗個落足料嘅竹蔗茅根，都幾大枝，整體野食都高質！P.S. 環境都乾淨，仲有二樓；店員服務幾好，係咁幫手加湯

睇完五月天演唱會同成班朋友過黎吃宵夜，食材新鮮，價格合理，大家都吃得好滿意！服務員態度又好，熱情又周到👍👍最正係嘅沙爹火鍋底同番茄牛腩湯底，下次睇完演唱會必選這一家

冬陰功湯底 👏👏花膠雞湯底👏👏值得推介小食麻辣雞翼，椒鹽九肚魚 🥰🥰唔食材新鮮、暫時未食過一樣嘢係唔好食環境同氣氛都好舒服，朋友聚餐一流 🎉 8人可以有 VIP 房、門口泊車超方便 $320 2小時下次要 skip lunch 留肚去

今晚又一次想打邊爐即刻訂位去食，食物仍然美味，材料例如魚片同菜都好食。炸魚皮仍然好食，羊肉同丸普通。叫咗蜂巢豆腐，沒有來，追咗一次，無影，最後埋單同佢講冇黎過。自家竹蔗水好味。

打邊爐我唔係咁鍾意食和牛，因為我覺得太肥！反而鍾意食本地牛頸脊會覺得多啲肉味，這火鍋頭我是熟客，他們的牛真係好靚，好少有咁靚嘅本地牛頸脊而好有肉味！湯底也好好飲，餐廳氣氛好好，可能我是熟客，和夥計已變了朋友，成日開間房一路打邊爐一路傾計！

📍火鍋頭今次二訪九龍城一間地區最強嘅單點火鍋店，大概半年前食過，一路都心心念念佢哋嘅湯底同埋豆腐紙，今次同朋友決定再食😙湯底我哋揀咗香甜椰子雞湯（$188），入面有三黃雞，雞肉新鮮，有肉唔會全部都骨，湯底好鮮甜，店員即場開椰青倒落湯㡳，仲會刮埋入面嘅椰肉，夠哂香🤤配料叫左招牌手打黑松露墨魚滑（$88），豆腐紙（$32），手切新鮮本地牛頸脊（$308），日本廣島蠔（$88），招牌鮮炸金響鈴（$58），野生竹笙（$58），萵筍（$42）同埋自家製竹蔗茅根（$78）豆腐紙真係呢間舖既名物，好過癮，放落湯淥一下就食得，好甜好香豆味，又吸到湯底精華🤤另外佢哋嘅墨魚滑好爽口彈牙！如果兩個人都可以食碟牛頸脊，絕對夠晒滿足～

依度地方環境裝修時尚，坐位舒適，又夠空間感，同埋打邊爐張檯最緊要夠大，放晒d火鍋料。1. 藥膳醉雞窩中意食藥材味既一定好喜歡，一放低還未水滾都已聞到一陣陣藥材味，好香好濃，煲裡材料十足，跟一碟花雕醉雞，酒味好濃郁， 雞肉嫩滑。2. 手切牛肉特盛有5款各式牛肉：安格斯牛小排，雪花牛立方，牛胸肉，手切本地牛肉，手切本地牛舌肥瘦均勻，少少油花，食落去有油香兼牛味好重，好有口感，上佳之選。3 . 墨魚油炸鬼鮮炸熱辣辣，墨魚滑鮮味彈牙，點甜酸醬食惹味，另一種食法就放落湯輕浸幾秒，半軟半脆，一樣好味。4. 新鮮肥鵝腸真正鮮鵝腸，絕對無雪藏味，味道鮮味有油香 5. 豬潤拼粉腸 豬潤好爽滑，粉腸夠粉好香滑6. 酸梅湯一飲就知足料煲，酸甜味適中，好解渴去油膩整體環境食材，都係有讚無彈, 再加上侍應殷勤款待，價錢都非常合理。

火鍋時時食去邊間好？最緊要食材靚，材料特別，我哋今日特登去九龍城，係因為有好嘢食。個名叫做豆腐做的紙，聽到已經鍾意，其實有啲似腐皮，就係一張好大塊嘅紙，完全是豆腐做，灼1秒就食得，晒啲湯汁好好味！騸牯牛超好味，質感棉密，好有肉味。極上手切牛肉盛 $498日本飛驒和牛安格斯牛小排本地手切牛肉雪花牛立方牛胸爽各有特色，我始終最鍾意最肥美的日本飛驒和牛，灼完仲見到雪花。牛胸爽實在是奇，明明是脂肪，但食落一啲都唔膩，配火鍋食最正。湯底方面點了：花雕藥膳三黃醉雞湯 （配狀元醉雞半隻） $168雞肉很軟滑，有半隻雞，抵食。仲叫咗兩款菜：油麥菜 $38娃娃菜 $38非常滿意的一餐。

九龍城呢間火鍋頭好近🚇宋皇台站出口，佢有兩層十分之大🤩，又有代客泊車服務🚙，而且用料高質👍。秘製😍香濃沙爹湯真係堅香濃🤤，加個即食麵🍜落去真係一流，而且入面仲有🐖豬皮、腐竹同埋🦆鴨血，煮腍咗之後👍好好味！小食墨魚🦑油炸鬼可以就咁食，亦可以放落🥣湯沾上少少🤏沙爹湯味，入口香脆又😋鮮味。🏅招牌鮮炸金響鈴🔔超級鬆化，就咁食或者過一過湯🥣都係咁正！🥰極上手切牛肉盛有🇯🇵日本飛驒和牛、🇺🇸安格斯牛小排、🐂牛胸爽、雪花牛立方同埋手切🇭🇰本地牛肉，十分之豐富，尤其係🏯日本飛驒和牛超級肥美入口甘香❤️，另外牛胸爽又爽又滑🤤好啱我口味，而手切🇭🇰本地牛肉就味道濃郁🤩好腍好滑。🌊珊瑚蚌灼一灼就食得😍爽口彈牙又鮮味👍。🧀芝心騸牯牛肉丸用騸牯牛🐂肉打成，入面仲有流心芝心🧀，係雙重享受之選！

Happy Friday約埋朋友去打邊爐，黎咗呢間位於九龍城嘅火鍋店，裝修型格簡潔，而且仲有自設水缸，海鮮就夠哂新鮮。香甜椰子雞湯 $188湯底揀咗呢款椰子雞湯，店員仲會將原個椰青嘅肉同椰汁倒入鍋底一齊煲，湯底飲落超級清甜，仲有香濃雞鮮味，岩哂夏天飲。雞件份量都唔少，而且用上三黃雞，雞肉嫩滑鮮甜。手切本地三式牛 $388打邊爐當然要叫返碟靚牛肉，呢到除咗平時打邊爐常見嘅牛小排、牛肩頸、牛頸脊之外，仲可以食到唔少稀少部位。我哋就叫咗碟本地三式牛拼盤，一次過食到3款牛肉，有牛頸脊、牛邊爪同匙肉。牛肉非常新鮮，厚薄切得岩岩好，輕輕涮吓就食得。牛頸爽肉質最腍嫩、牛邊爪食落口感偏爽身、匙肉肉味就最香濃。紐西蘭羊肉片 $72除咗牛都叫咗碟羊肉片，羊肉肥瘦適中，羊羶味唔算太重。白鱔片 $98白鱔肉質爽口彈牙，而且冇咩碎骨，味道鮮甜。我哋另外仲叫咗娃娃菜($38)、稻庭烏冬($22)同招牌鮮炸金響鈴($58)。。火鍋頭 (九龍城)九龍城龍崗道17號地舖及1樓。。

去開九龍城通常都係食泰國菜, 係九龍城嘅美食天堂入邊, 就有一間高檔嘅火鍋店。今晚朋友同我食飯, 我地特登去食; 見到佢裝修設計都幾型格, 設計以黑白金為主, 店舖分上下層, 樓上主要提供多間VIP房, 整體感覺好特別, 好高貴。環顧周邊食客枱上, 見到食材新鮮, 店員服務友善, 而且餐牌上火鍋料選擇多, 最適合一大班朋友上去一邊談心, 一邊打邊爐打邊爐。花膠冬瓜濃雞湯 - $298打邊最緊要個湯底, 我地要個滋補花膠冬瓜濃雞湯。店員細說食法, 將半隻攞起, 分件再放入湯中再滾, 約幾分鐘, 湯滾起後, 雞件開始熟, 可以食了, 隻雞超好食, 幾滑, 啖啖濃雞味。但個湯未開始打邊爐已經每人飲咗大半碗湯, 好濃雞湯味, 仲好多骨膠原, 飲完都有啲黏口。個湯有半份娃娃菜及冬瓜, 好養生, 好啱我。 手切新鮮本地牛肉(例) - $288牛肉新鮮, 厚切, 肉味濃郁, 片片都色澤均勻, 手切牛保留牛肉本身嘅筋, 食落好有口感。北海道帶子 - $78新鮮又大粒, 都幾鮮甜, 輕輕滾兩滾就啱啱好。廣式鮮蝦雲吞 - $78雲吞內的蝦大大隻, 雲吞皮夠薄, 好正!四寶丸 - $98四寶丸好高質, 梅

同事約埋一齊去九龍城食飯，以為食泰菜唔係，他推薦一間火鍋店，裝修設計都幾型格，設計以黑白金為主，店舖分上下層，樓上主要提供多間VIP房，整體感覺好特別。椒鹽串爆九肚魚$78 呢個九肚魚即叫即炸，天婦羅做法，食落去外脆內軟，椒鹽味剛好。沾酸汁更顯風味。宮廷滋補天麻魚頭燉湯$298店內有幾款特別湯底都是限量供應，我哋今晚order咗宮廷天麻魚頭湯底，一個水庫大魚頭之外，呢個湯底真係好足料㗎，入邊全部都係滋補藥材，川芎，白芷，黨參等等….味道超濃郁，飲咗啖湯即時感到暖笠笠。手切本地三式牛$388擺盤好靚，用上竹牌仔分開三種不同的手切牛肉，匙肉、吊龍及牛頸脊，牛肉都幾新鮮而且每一款都有唔同嘅口感，肉味濃郁。爽脆鯇魚腩$78一碟已包括鯇魚腩同鯇魚片，口感爽脆，特別係鯇魚腩大大件厚切，食落感覺好有肉汁。招牌鮮炸金響鈴$58六大件炸得金黃酥脆的響鈴，沾湯食超正。

餐廳位於九龍城，有了地鐵站更方便。火鍋以花雕藥膳三黃醉難湯作為湯底，味道濃郁香醇，食指大動。手切的頂級安格斯牛小排肉質鮮嫩，入口即化，讓人回味無窮。珊瑚蚌、四寶丸、豆腐造的紙（腐皮）等配料也都非常新鮮，口感豐富。稻庭烏冬的口感和招牌鮮炸金響鈐的酥脆口感相得益彰，增色不少。值得一提的是，還加入了脆炸午餐肉，食材在火鍋中也能大展身手，令人驚喜不已。炸的十分酥脆，外皮金黃色誘人，內裡嚼勁十足，入口即化，讓人一吃難忘。

⭐️香甜椰子雞湯 配三黃雞半隻 湯底滾起後 店員會幫手倒椰子水同起肉放入湯底湯底足料清甜 椰子唔算濃雞件嫩滑 有淡淡雞味 算唔錯⭐️手切新鮮本地牛頸脊呢個係大size 牛頸脊肉質軟嫩 油脂分佈平均 肉都算唔錯 但略嫌薄左啲 口感差少少⭐️特級雪花牛立方雪花牛立方 肉質軟腍 肉味香濃油花唔錯 帶油脂甘香 有一咬爆汁效果⭐️牛胸爽牛胸爽 偏薄切 口感爽脆 甘香十足⭐️珊瑚蚌珊瑚蚌好爽口 份量都唔少 ⭐️桂花蚌桂花蚌 大大條 口感爽脆 ⭐️芝心蝦丸揀左雙拼 兩款各四粒蝦丸爽彈 加埋香濃芝心 唔錯⭐️手打粒粒墨魚丸墨魚丸彈牙 混左墨魚粒口感豐富 但味道較淡⭐️陳皮鮮牛肉滑陳皮味欠奉 牛肉軟彈 肉味幾香 帶少少油脂 如果個名冇陳皮兩個字的話係唔錯的 總結：食物可以 配料選擇都唔少環境正常 卡位闊落好坐 服務唔錯 價錢可以

九龍城出名多打邊爐餐廳，今次響OpenRice誤打誤撞隨便揀咗呢間火鍋頭。人唔多，餐廳有兩層，樓上係有間隔嘅大枱，每台有板隔開，私隱度較高。湯底入味，嗰晚九個人，叫咗兩個雙拼湯底，杏汁豬肺拼冬陰功湯，四川麻辣平蕃茄牛腩，淨係飲湯都覺得好掂。火鍋材料新鮮真係好有驚喜，連蔗水都煲得好好味。