火鍋頭

喂！最近真係成日見到好多人拎住《九龍城寨》劇照嚟九龍城打卡📸！講開又講，雖然呢區好多老字號，但今次介紹嘅「火鍋頭」其實係新派代表，同啲老字號拍得住！雖然唔係老字號，但佢哋個豆腐木棉魚燉湯$398真係落足料！原條木棉魚加水果粟米，個湯煲到奶白色，鮮甜到連飲三碗都唔夠喉！老闆仲好細心教你點樣起魚肉配普寧豆醬，體驗感十足！🔥新派湯底推薦：「金華火腿冬瓜盅$298」用上新鮮冬瓜，店員即場切開，金華火腿嘅鹹香滲入湯底，味道平衡得剛剛好！「每日鮮熬魚湯鍋」堅持每日用新鮮魚骨熬製，零味精，飲完成個人都好舒服！🥩肉類主打：「本地手切煽牯牛肉$438」雖然係新店，但對牛肉品質要求極高，油花分布均勻，牛味濃郁得嚟唔會太膩！「西班牙黑毛豬$88」選用優質黑毛豬，肉味香濃，口感嫩滑🦐海鮮每日新鮮到：海鮮拼盤(時價) 虎蝦、鮑魚、蟹都係每日新鮮入貨，保證生猛！🍡手作特色：「手打粒粒墨魚丸$78」真係食到粒粒墨魚肉「梅菜王豬肉丸$78」鹹香惹味「羊肚菌蘆筍帶子餃$78」創意配搭「招牌鮮炸金響鈴$58」即炸上枱🌿清新配料：新鮮淮山$42、皇帝菜$48、唐生菜$38，全部乾淨新鮮！溫馨提示：雖然唔係老字號，但水準絕對拍得住傳統名店！建議早兩日book位，特別係周末好快full！（後記：新店都有舊區人情味，老闆成日同客人吹水，呢種感覺先係最正！）…查看更多

以前成日經過沒試過真心支持香港小店 食物高質素 價錢合理 服務態度真係好 本來對香港食店死心。但食個一次改觀。推薦龍蝦湯底 味道濃 其他食物海鮮好新鮮。聽講老闆捱過新冠以家又要面對北上消費， 有機會會再支持牛肉新鮮， 龍蝦正。 …查看更多

去九龍城食泰國野就食得多，今次就試下打邊爐，雖然呢間火鍋店主打新鮮牛肉，(見佢牛肉嘅選擇幾多，睇落都好新鮮，值得試下)不過我地就唔係好想食肉，反而想試佢D特色湯頭，叫咗個冬瓜盅湯頭，店員會幫手切開冬瓜，再煲多10分鐘左右，冬瓜盅料好足，有金華火腿、花膠、冬菇、瑤柱、蟹柳，樣樣食材都幾好，煲到個湯好入味、鮮甜，佢地唔少火鍋配料都好少見，例如墨魚麵，食落墨魚味唔算好出，但麵質都OK，係有咬口果種，最出色係配埋個XO醬！好多蝦米瑤杜，好香又辣辣地，好好食， (本身醬油每位要$20，但用XO醬嚟做邊爐醬仲好食)，另外蝦丸都好出色，咬開見到一粒粒蝦，食得出好新鮮，仲有個和牛餃，入面係調過味嘅牛肉，都幾多牛肉，都幾好食，係出面未食過嘅味，仲叫咗個落足料嘅竹蔗茅根，都幾大枝，整體野食都高質！P.S. 環境都乾淨，仲有二樓；店員服務幾好，係咁幫手加湯…查看更多

睇完五月天演唱會同成班朋友過黎吃宵夜，食材新鮮，價格合理，大家都吃得好滿意！服務員態度又好，熱情又周到👍👍最正係嘅沙爹火鍋底同番茄牛腩湯底，下次睇完演唱會必選這一家…查看更多

冬陰功湯底 👏👏花膠雞湯底👏👏值得推介小食麻辣雞翼，椒鹽九肚魚 🥰🥰唔食材新鮮、暫時未食過一樣嘢係唔好食環境同氣氛都好舒服，朋友聚餐一流 🎉 8人可以有 VIP 房、門口泊車超方便 $320 2小時下次要 skip lunch 留肚去…查看更多