火鍋煮場

營業中

休息中

🌟紫菜響鈴我係一個打邊爐一定要食響鈴既人🤤響鈴食得多，紫菜響鈴真係第一次食！呢到既響鈴係即炸，新鮮滾熱辣！而且份量夠多，又大條！又脆又香😻推薦👍🏼🌟鮮准山份量多之餘，仲好新鮮，好鮮甜！🌟脆鯇片呢到既脆鯇片又新鮮又大塊，食落口好啖啖肉超滿足！🌟安格斯牛打邊爐邊可以少得牛肉？呢到既安格斯牛都好大塊，油脂分布均勻，見到啲雪花已經好吸引😻🌟手打蝦丸食過平時街市買既丸就知道手打丸係新鮮好多入味好多，仲彈牙好多🥰🌟黑豚肉豚肉唔單只肥美、份量夠多，而且一啲唔會偕！我覺得呢到既食物份量多、價錢都唔會好貴，而且選擇都好多，仲會有小食前菜可以點！

公司開年飯有人提議打邊爐，於是我就建議黎呢度。老老實實，$500人頭喺深水埗真心唔平，但係d料嘅質素就好明顯好過出面好多地方，今次食阿公梗係有大食大啦，點了象拔蚌刺身、活魚刺身兩食，即係先食刺身，之後就炸脆骨，另外必食自家製水餃雲吞蝦丸墨魚丸。呢間野嘅老闆仲叫我地食平d嘅安格斯牛，唔好叫牛頸脊，因為佢話安格斯嘅質素穩定d，本地牛頸脊就時得時唔得，真係第一次有老闆或者伙記叫我食平d嗰隻。佢仲叫我地試吓德國啤酒，又真係好飲過X妹同X島好多，仲要買二送一，真高興😍😍PS：呢間野做老闆好飲得，佢同我老闆互隊5支，全無醉意，我老闆就已經要我哋幫手頂🤣🤣🤣

夜麻麻嚟到深水埗，又唔知食咩嘢好，之後上網check下OpenRice，跟住就發現呢一間食火鍋好似唔錯，而且好多好評，跟住就入咗嚟食。三個人食咗大概千一蚊左右，叫咗個沙嗲湯底，叫咗啲肥牛，鵝腸，蝦滑，黑柏葉，萵筍，芝士丸。個湯底都好夠味，但係個鵝腸咬極都咬唔到，而且好苦，所以唔好配沙嗲湯底食。對呢間有啲失望，因為啲料唔算好新鮮同特別好食，甚至係唔好食，因為鵝腸真係太多肥膏同埋好韌好苦，根本食唔到落肚。而且價錢偏貴，同埋入去嘅時候冇乜人，感覺一般

冬天到了,最岩食咩,當然就黎個暖昱昱既打邊爐啦,今次就去到呢間係深水埗既火鍋小店,呢間鋪位置算挺方便,離深水埗地鐵站5分鐘腳程就到。今日人流都算多,等左一陣先有位到我地。我地點左個皮蛋莞茜鍋,皮蛋莞茜味道十分突出,呢個湯底算係幾特別。火鍋配料我地點左一大堆。以下重點介紹幾款食物。首先是手打墨魚丸,口感彈牙,每一粒都像乒乓球大;然後是脆鯇魚,鯇魚味道鮮美,唔會有很腥的味道;再來是廣島蠔,口感肥美,放入口的大小剛剛好。最後埋單大約五百幾蚊,以這樣的食物質素,性價比算是挺高。

同屋企人慶祝生日，成日都係屋企食蛋糕都有啲悶，不如嚟啲新意啲架啦！之前係深水埗返工，lunch都係同班同事出去食，基本上啲餐廳都食得熟曬，不過唯獨有間火鍋店冇去過，因為打邊爐都需要幾長時間，lunch time都冇咁耐啦。今次同屋企人一齊嚟試下啦門口放咗好大個魚缸，都知呢度食海鮮嘅咁就先叫咗魚皮餃同廣島蠔，個魚皮餃咬落去好正，廣島蠔個口感滑溜溜咁然後又叫多咗個炸紫菜響鈴，佢個形狀好特別，中間捲住咗塊紫菜，淨係望中間個部份有少少似蛋卷，咬落好脆好好食主食當然係肉～叫咗兩碟羊肉片，羊肉嘅味道好濃郁，本日食開牛，所以覺得食羊好稀奇，但是味道一樣正！

難得交通正常，打算今晚睇完戲先食飯，上Openrice竟然見到屋企附近呢間火鍋店宵夜送鮑魚，咪返到深水埗先食law，本身想應該都係送D細隻的大連鮑，點知伙記拿來時是那麼大隻，真的比想像中大，仲要一人一隻，最重要係食落都算新鮮，估唔到老闆落重本。另外叫了炸紫菜響鈴、一碟牛、三寶丸同鱔片，咁多樣我覺得最正係個三寶丸，好好食。另外呢間野生啤買二送一，唔係平時飲開D牌子，麥啤來的，好正，會再黎。

最近天氣開始轉涼了,最適合就是一家人去食火鍋,而我屋企人完全係火鍋愛好者,大家都熱愛打邊爐,冬天係可以日日食的,哈哈!而我地今日就襯住涼涼地去左屋企附近既火鍋煮場打邊爐,呢到環境吾錯,坐得吾會好迫,真係可以好嘆咁慢慢食。我地點左火鍋既主角(牛肉),今次吾係普通既雪花肥牛,而係安格斯牛肉,賣相已經好吸引,紋理好靚,有入口即化既FEEL,再點左花竹蝦同龍蝦, 花竹蝦非常巨形, 龍蝦就好彈牙,新鮮度滿分,而鳳城水餃&海蝦雲吞,皮又薄又滑,最特別係海蝦雲吞食落係好鮮甜的,而我地都點左個熟食炸蝦餅,估吾到都幾吾錯,好彈牙脆身!

落完雨之後，天氣明顯轉涼已經慢慢有入冬季感覺，一到呢個時候就好想打邊爐，暖粒粒！呢間好近地鐵站既火鍋煮場，見到佢一圍一圍咁，空間闊落，但系坐位唔多，都要排一陣隊先入到去！最中意佢既本地手切牛頸脊，牛頸脊系全隻牛活動得最多既地方，而我就中意呢d好有咬口既牛肉，成日食肥牛太悶啦！佢切到好薄雪花都分部得好靚 。中規中矩既水餃，索曬湯底用來墊肚一流！脆炸午餐肉(小食)，邊個話午餐肉只可以整餐蛋麵,就算係炸物都好正嫁！外脆內軟,熱辣辣食，午餐肉更加突出見到”蝦膠釀鮮冬菇”幾得意,所以叫來試下新鮮冬菇味香濃，蝦膠爽口彈牙三寶(手打蝦丸+墨魚丸+鲮魚球) 打邊爐最中意彈牙又新鮮既丸!

一行三個人食左超級多野，捧住個肚走！雖然唔喺大街，但交通方便，最緊要係野食超正，勁新鮮！淨係個湯底已經係真材實料 我地叫左個鴛鴦鍋 (清湯加沙嗲) ：個清湯好清甜，又多菜；個沙嗲係有粒粒小花生，唔係死咸同係堅濃！ (我其實以前一星期至少打一、兩次邊爐，梗係識食啦！嗰度仲有好多款唔同德國嘅手工啤，但因為嗰日中午已經飲咗酒啦，下次我一定會試㗎 我一定會返去encore ！師傅實在太有心機同老闆實在好有良心啦！我好耐都冇打過咁有質素嘅邊爐啦必食推介：蝦滑、蝦丸、蟶子、花竹蝦、雲吞、水餃、午餐肉、響鈴

鋤禾日當午汗滴濕晒我件衫天時咁熱, 真係唔會想係室外食飯今日其實係第二次黎食呢間因為覺得佢材料新鮮廢話少講, 即入正題湯底環境服務個啲全部省略打邊爐最緊要係咩?係個爐??你估你係滔滔咩係材料呀重點一 : 手切牛頸脊唔洗講野入口即融, 牛味濃, 正重點二 : 竹蝦刺身蝦肉鮮甜, 熟左之後好爽口, 明顯係即叫即劏, 鮮重點三 : 炸魚片頭呢樣真係周街都見到, 仲多過七仔, 不過食落非常彈牙, 而家你會食到魚味, 呢下先難得, 證明係手打唔係機打, 食神如果唔係有手打牛丸火雞姐都翻唔到身, 我相信呢個魚片頭絕對可以省靚招牌呢餐飯就係咁, 完, 消費絕對係最直接既好評

放工去深水埗搵朋友食飯, 等佢期間上網做下功課, 搵到呢間都幾多好評嘅火鍋店, 推薦話材料新鮮, 價錢又合理, 冇理由唔試下😁湯底有好多選擇, 我哋兩個女仔食, 諗都唔使諗, 有選擇困難嘅我哋即刻揀咗鴛鴦湯底, 一邊係清湯, 一邊係沙嗲😊湯底本身都幾足料, 而且夠哂濃郁👍🏻我哋叫咗安格斯牛, 花枝片, 手打三寶(有蝦丸, 墨魚丸同鯪魚球), 枝竹同唐生菜😛食材份量都幾足, 我最鍾意佢嘅安格斯牛, 油脂分佈平均, 一啲雪味都冇, 而且牛味好濃😋非常推薦! 另外手打三寶都好出色! 入口結實彈牙, 而且鮮味十足! 😋餐廳環境都幾寬敞, 好適合三五知己打邊爐傾計敘舊😊 下次有機會一定要再嚟!

今日同朋友來到火鍋煮場吃晚餐,一聽餐廳名就知道是打邊爐😛😛咁岩我地又想食😝😝😝所以我們就選擇左依間餐廳吹下水慢慢食下野。因為我們都好遲先食野,所以都非常餓,看見餐牌竟然有熟食,所以就決定先點了椒鹽脆骨腩,邊吃邊等我們的主角(火鍋)😝😝賣相好吸引啊,椒鹽脆骨腩炸得脆卜卜好香口,上面很多炸蒜所以好惹味啊😛😛😛然後我們點了些火鍋配料, 有脆肉鯇魚片、安格斯牛、烏冬、手打蝦丸併墨魚丸😝脆肉鯇魚片很新鮮,切得很薄,放落火煱到只需煮很短時間就可以吃, 安格斯牛的紋路很美,脂肪分佈得很平均,牛味好重,而手打蝦丸併墨魚丸很彈牙,兩個人來說真的超級飽!!!食完好滿足😋😋😋😋😋😋😋

咁多人等嘅情況下根本就冇可能慢慢坐係裡面食著吹水係呢個時候 畀我地發現咗呢間火鍋店見裡面冇其他餐廳人流咁多 就入左去間店好闊落 抽風系統做得好好唔會有煙霧彌漫既情況打邊爐都幾開。除左有打邊爐必備的肥牛之外，也有羊肉。雪花肥牛的雪花差少少，雪花分佈都唔夠平均，但肉質都唔錯。刺身海鮮都有唔少選擇，當中試左廣島蠔，隻隻都好大隻好肥美，鮮甜。我地叫咗個豬骨湯底，因為我最鐘意豬骨湯底陣味啦～打邊爐我諗主要都係食肉多過食菜架啦，同朋友一齊瘋狂叫咗好多唔同肉。

同朋友好耐冇見 好難得先約到聚一聚 當然要搵番間可以長坐嘅餐廳吹水啦深水埗呢邊人好多 好多餐廳都逼爆曬一等就要等好耐 咁多人等嘅情況下根本就冇可能慢慢坐係裡面食著吹水係呢個時候 畀我地發現咗呢間火鍋店見裡面冇其他餐廳人流咁多 就入左去間店好闊落 抽風系統做得好好唔會有煙霧彌漫既情況打邊爐都幾開 可以慢慢吹 坐好耐都唔驚叫左勁多野食 叫到成枱都係 好豐富呀 其中我最鍾意手打蝦丸 炸蝦餅 墨魚餃 同牛頸脊手打蝦丸真材實料！粒粒都好大粒呀 用全蝦肉製因為人手打成既關係 真係好彈牙好爽食落好似感覺到d蝦好生猛 係口入邊跳跳下食完一碟都唔夠 我地再加左單呀 蝦蝦蝦！炸蝦餅一間好既火鍋店除左要材料新鮮 熟食都好緊要我地叫左個炸蝦餅試試佢呢個蝦餅炸得岩岩好 炸得外脆內軟蝦味好重 又好鮮味 墨魚餃餃黎講 最緊要就係皮薄餡靚 咁岩我係火鍋煮場就食到靚餃D墨魚好爽滑彈牙 而個皮真係好薄牛頸脊呢碟牛頸脊係手切既 切得好薄 浸落個湯底索曬啲汁 牛味又濃郁 係夠好食

深水埗呢頭都有好多間食肆，好多選擇，一時之間揀唔到要食啲咩，咁啱又經過咗間火鍋店，發現佢依加做緊優惠，好似好抵，就決定嚟打邊爐。店內環境幾乾淨，可以放心去食。除左有打邊爐必備的肥牛之外，也有羊肉。雪花肥牛的雪花差少少，雪花分佈都唔夠平均，但肉質都唔錯。刺身海鮮都有唔少選擇，當中試左廣島蠔，隻隻都好大隻好肥美，鮮甜。另外有響鈴。細問之下先發現原來老闆每日都去街市新鮮買材料， 所以海鮮，肉全部都咁新鮮好味。