火山燒

本身朋友話想試好耐，咁就去試一試，又睇openrice咁好評，咁心想食放題燒烤都唔會有咩問題啦！點知一上到去坐位都幾大，坐企左，咦，有小強，細細隻 咁我同侍應講，佢都有禮貌幫我掉位！好 坐底 有個大抽油煙機，一望上去，嘩 好似成個月冇洗過咁，d油仲會滴落來，咁算 都坐底左 我地照叫野食，野食都算快來冇漏單，可能得3枱，首先食小食 刺身 、螺肉、支豆.....大獲 一食個雪藏味勁重口味，咁心想算啦都係唔係主打食物 可以原諒，之後叫牛 豬 ....一燒 ，個爐細細個，但竟然有一邊燒野勁快濃 ，一邊有火但燒3-4個字都唔熟，一燒燒左2個鐘都係頭一轉d野食，個爐勁唔掂！總結係下次唔會再去！…查看更多

見到openrice好似幾多人like，所以就決定同男友擇哩間黎食啦，點知一上到去，好似包場咁，一個客都冇，得我同男友兩個，心諗咁靜，都有D伏🤔第一次寫紙叫嘢食，有叫到嗰冷麵，但D嘢食上唒都未上嗰麵，好啦我地心諗係甩單啦(得我地兩個都甩單？！)，於是又寫紙叫第二次，點知嗰侍應依加先至同我地講話冇，咁點解唔一開始落單嗰時話冇呢？🤗唉，最後哩餐俾咗$612/2位，真心5覺得5值哩個價錢，寧願食漢和都5食哩間😡😡…查看更多

首先星期五夜晚去到無咩人都知道應該係個伏.. 點知真係中左伏😰去到個爐好細，我地8個人分得2個細爐， 燒唔到好多野食，同埋好難控制個爐既火，好易燒到變炭。 刺身唔係太新鮮...生蠔有酸味 ..... 野食選擇多 但質素麻麻...唔會有下次😕…查看更多

好垃圾！嚴重漏單，叫咗十幾樣嘢食，漏足一半，原本諗住係店員太忙做錯嘢，跟住我再寫三、四次一樣嘅單，點知愈漏愈多，我懷疑間鋪根本就冇個啲食物，仲有個啲串燒，寫明係一串串，例如:雞肉(串)，點知將啲肉散開上比你，根本就冇竹籤，仲有個店員一直逃避問題，每次問佢都話「嚟緊」，仲有個火鍋，個鍋係張長枱嘅最入，根本就用唔到！300幾蚊一個人咁貴都咁x差！以後唔會再去，同埋呼籲大家都唔好去！希望唔好再有人比火山燒間垃圾騙錢！…查看更多

終於可以試到這間火山燒食放題了，原來真的好多人，味道也可以，其實平時食得韓國燒烤多，未試過自己在爐邊自己燒自己食，當然是自己煮比自己食是比較好食啦！你又覺得如何呢？不過地區比較遠。…查看更多

個概念幾好，我自問都鐘意食日本野，串燒我成日食，好耐之前去過幾次，又介紹朋友去食，啲朋友話好食好玩，所以都帶啲小朋友再食，但果日同老婆行過，諗住再食下，老婆都話好，但今次去已經兩回事，啲嘢唔新鮮，飲品得返啲不知名飲品，以前有好多選擇，唔試好過試！啲所謂和牛，我唔知食緊乜，啲日式串燒變大陸串燒，大陸串燒我食你咩，貼錢買難受，喺佢fd比意見後被禁言，好食唔使人吹，唔比人比意見就咪開fd，垃圾等執...........!!無下次…查看更多

第一次食評，因為真心伏頂唔住先要寫出嚟，食品質素非常一般刺生冇味、牛肉冇味，終於海鮮有味不過係雪味，只有火鍋可以食得，唔好問點解冇相因為根本唔想影，可能新年假期服務一般，但加二收費。一次浪費人生嘅選擇。…查看更多

見到營業時間至02:00當晚11點入場1點前離開人數2人眼見果層重有2台客食物可以，服務員工態度就五星差刺身點左5轉 漏左1轉每轉每款離少2塊得4塊第3轉miss單第4轉每樣離2塊第5轉員工直情話無曬谷氣 唔夠或者無點解坐低前唔講12半 最後叫野12點9員工隊張單埋離講左2隻字（埋單）全程無換過鐵網頭頂抽油口舊油不停跌落爐上食物度仲話放題…查看更多

有時候約朋友吃飯，真要花點腦筋，當朋友A話想吃刺身，朋友B想吃燒肉，好吧，最好的解決方法就是可以同時滿足到，我帶了他們來「火山燒」吃刺身燒肉放題。入到餐廳，職員安排了我們坐卡位，座位都幾寬敞，面前放置了網燒烤爐，我們在點餐紙點了想吃的食物，包括刺身、燒肉、雜菜。刺身，有北寄貝、魷魚，色澤新鮮，爽甜。生蠔，每隻如手掌般大，在烤爐上飄來陣陣蒜香，口感軟滑。燒肉，牛柳條、牛肩，脂肪和肉比例平均，在烤爐上發出吱吱聲，甘香的牛油香味。另外魚餅亦不錯，很厚身，有口感。雜菜有茄子、秋葵，搽上醬汁，很惹味。甜品時間，取了榴槤雪條和黑糯米芋香雪條，榴槤味非常之濃郁，還有點點榴槤肉，很有口感。邊吃著，朋友們似乎都很欣賞這裡的食物，還說新年飯再來吃多次。…查看更多

呢間野既店主真係花貴左唔少功夫係marketing上面上到去見到無乜客 心中已經頓時感到不妙首先 講一講服務方面呢間野既服務可以話係零一坐低 無人幫手開爐 又無人介紹下三兜醬汁係乜黎亦都無任何標籤去show out果三兜係乜黎啦然後, 帶子刺身無貨又唔出聲上完一次刺身之後 又成日借d易漏單唔再上刺身落左2次都唔上 要個客出聲先肯上廚房班友仔成日掛住打機唱歌玩電話以致上菜速度極之緩慢 relax還relax 搞掂張單先玩啦食物方面 款式多 但質素麻麻同果d平價港式偽韓燒差唔多肉既油花少 無油脂 肉味淡 靠果3兜汁黎吊味燒完出黎好似全部都差唔多味係牛舌好d 好多汁海鮮方面 不算新鮮 無乜鮮味 但可以接受蠔睇落好似好大隻 但燒完縮曬水 變曬5蚊銀size呢間野除左食物&服務唔掂之外 個抽風系統亦都極為惡劣成間鋪都蔓延住一鼓強烈燒烤燶味最入果枱客 仲食到煙霧離漫 唔單止咁 第一次食日式燒肉個爐可以咁差個爐既火力嚴重不均 燒到d野一忽忽個尾熟曬 個頭就仲係生既到埋單 好搞笑 店員居然話唔可以碌卡omg第一次食放題會聽到話唔可以碌卡當然 我地企硬最後咪又係有得碌呢餐飯700幾蚊 真係一d都唔值其他鋪頭同一價錢 質素卻係差天共地呢間野唯一既好處係可以唔洗等位&可同時食到燒肉+刺身+火鍋…查看更多

幾個朋友約埋唔知去邊，有個話想BBQ，另一個又話要打邊爐，唔通真係要拎住個湯煲去透爐？！最快方法緊係搵間烤肉火鍋混合體，仲要有埋刺身，地點就腳，咁就無得輸上到去係裝修係好日式居酒居，但地方就好寬敞抽風就普普通通，不過又因為咁，環境好有氣氛，好有老舖風味，每個角落都係燒烤味黎得放題，就緊係全力開動，呢度所有野食加埋，有6、7張紙有得到揀首先緊就食幾碟刺身充肌，刺身上碟都幾新鮮，三文魚和北寄貝最好味燒肉先係主角，長方形的燒爐，的的骰骰，加上陳年的醬汁漬在爐底，好有風味，好襯居酒屋的格調。（燒網緊係好乾淨啦）所有野都調好味，唔會好咸，非常推介秋刀魚和雞柳，好食到相都唔記得影，都數唔到叫左幾多rounds唔少得燒菠蘿、蒜蓉包、帶子等醬汁有三款，唔夠可以加同場仲可以有邊爐打，一次過滿足你三個願望，張枱夠位擺就得飲品選擇都算多，唔會只得韓國汽水，仲有雪糕有得揀，最後緊係食到捧住個肚走！…查看更多

呢間就係個多元化嘅餐廳！喺銅鑼灣行完街可以過嚟試一試！又可以燒嘢食又可以打邊爐！想食刺身都有！地方都算九大嘅！飲嘢就另計！玉子燒好香蛋味，金菇肥牛好好味，雞翼淹得好入味！…查看更多

今次去完展會一於到搵食，見Openrice 讚好爆燈，加上老公大人喜歡BBQ，決定去試試。如圖，前菜，刺身，鍋，海鮮，肉類，飲甜，雪糕，全部齊全，怎點都能滿足大家各自喜愛的食物。店內有卡位，坐得舒服，有私人度。醬料有3款，燒汁，蜜糖，辣汁。連生蠔都有，雖然不是好大隻，但味道鮮甜，牛肩牛舌，滿口油香。帆立貝大大粒，配燒汁一流。還有魷魚，很惹味，最好配辣汁。串燒選擇怎能缺少，好多款肉類，內臟配搭，一個字食到7成飽就開始燒蔬菜，我的最愛就是菠蘿，茄子同秋葵。最後臨走前去門口附近的雪櫃取雪糕消一消熱氣，阿波羅雪糕一向是我的至愛。有我最愛的榴槤味添。…查看更多

同朋友過生日就選左呢間火山燒試下，一黎到已經覺得呢度既環境好有氣氛，到處都係壁畫，好有日本既感覺，菜式款式多，又有打邊爐，又有刺身，又有串燒同煮食。一開始肚餓一定係點個刺身頂頂肚先，三文魚都幾厚幾新鮮，唔會好似岩岩雪櫃拎出黎未解凍咁。重有其他沙津小食選擇。燒物款式多，見到都已經流晒口水，無加調味既亦唔洗擔心，因為呢度有幾款醬料，可以一邊燒一邊加。肉類方面我特別欣賞牛同五花肉，加少少海鹽黎食真係一流，燒出黎比較煎更加香，肉豬亦肥瘦適中，女仔亦唔會覺得好肥。最後甜點就係雪糕啦！我特別推薦檔槤雪條，真係好濃郁既檔槤味，正呀～！…查看更多

女友一向認為放題會中伏，但本人生日堅持指明試呢間，平日無book枱行入去都有位，裡面得另一張枱，食到一半開始多人落單食物好快到，望一望都ok ，除左帶子比想像中小，豚肉我叫左少少但佢比左超多我，我都唔係想食咁多，但又唔浪費局我食哂牛仔骨用左鬆肉粉，破壞左肉質唔好食，牛肩肉就無用鬆肉粉，ok好食嘅食完燒嘅，食火鍋，不過不失埋單時先告知卡機壞左只收現金，我唔明點解我入座時你唔講囉，無比選擇權我。由於我倆都唔係一個帶好多現金嘅人出街嘅人，最後女友好狠狽衝落樓禁錢，我好無奈一個人坐係到等…查看更多