灑家粥麵

今日2月14日諗住同老公兩人食晚飯. 晚上7點幾到，那時都沒人等、我排第一、排隊中那個女經理問我會不會搭檯、我說不想、所以佢就比左一張四人卡位比我後面剛剛來的兩人、說開張搭檯比那兩個人、後來我看見有兩張卡位有人埋單、跟住有一個人排係我後面、過了一陣我同那個女經理說我可以坐入面卡位嗎？ 她好快便跟我講未有位住. 我話前面那張卡位吾係清潔完嗎？ 她又說要搭檯、你搭不搭？ 我話你比我坐先啦、你先前都開在張搭檯、有人你都可以比佢坐果張先、點知佢話你肯搭檯咁你跟後面果個人一齊坐好嗎？我吾明點解果個單丁人吾安排坐係先前比左兩個肯搭檯果張檯先？ 點解係要安排同我一張檯？ 擺明玩野？ 一點應有既尊業態度都沒有，好失望！…查看更多

呢排臨近新年諗住食清啲所以揀灑家粥麵，一入到去間餐廳啲員工望住我同友人企喺門口都冇理過我哋。又冇登記又唔指揮排隊淨係由得啲客人喺門口度等，過咗一段時間先至有一個侍應埋黎問係咪兩個。諗住算啦，之後坐低叫嘢食，叫左全日套餐。個全日套餐包左一個湯兩個小菜，跟住可以揀飯或者粥，再送兩個甜品，但係我哋唔想食甜品嘅關係，就轉左兩杯飲品。個湯幾夠料，無花果味好重，好清甜，但好似細碗左少少如果2個人。個粥係明火米王粥，幾綿，幾好食。之後講下啲小菜個花菇什菜煲分量恰到好處，味道清清地，粉絲分量好夠，菜嘅種類都唔少。個啫啫滑雞煲啲雞都做得幾嫩滑，豬潤份量都好多唔會好鞋而且切得幾厚。但係略嫌佢係有啲鹹。整體上味道幾好只係服務態度欠佳。…查看更多

Apm食市間間都係連鎖食店，價錢點都有返咁上下。呢間麵食，睇佢裝潢，第一眼都以為係嗰啲貴價兼唔飽嘅米芝連食府。但睇真啲原來唔太貴！我同屋企人，有老人家，最岩有飯有麵有粥，當茶餐廳食又得；佢有小菜，當茶樓食又得！價錢仲要唔貴。有獲氣，好似出去食大排檔咁，但係坐得勁舒服。推介個粥，粥底好綿好好食，仲有個美極魚雲煲，魚炸到脆卜卜，配上美極調配嘅醬汁（重要嘅係，佢仲係乾身！），好食！…查看更多

觀塘APM番工，最好午餐係APM食最方便，同事介紹食灑家粥麵，係創紀之城5期3樓。入去環境唔錯，食十二點唔算多人。見到有灑家全日套餐，唔同配搭，兩位同事都讚成叫$258全日套餐，因為係最抵食！可以自選點心或腸粉兩款，精選小菜一款，生滾粥或湯麵兩碗，油菜一碟，兩杯野飲！哩個份量真係足夠三位用餐！我地最後決定叫蝦蛟+蝦腸粉，蝦蛟皮薄好味，蝦腸粉就太厚。叫左一碗水蛟雲吞麵+艇仔粥，小菜方面揀左炸魚腩，大件抵食。叫左熱檸檬茶同熱豆漿！…查看更多

最近有d凍，就諗起想食碗熱辣辣嘅生滾粥，但觀塘工廠區又冇咩粥店選擇，所以就去左呢間出名貴嘅粥店，一切伏嘅開始！先小人後君子，講講佢地嘅安排座位機制，兩個字：混亂！🤦🏻‍♀️既無登記、亦唔指揮排隊，任由客人係門口等，客人出聲查詢，仲被侍應當場叫「咪嘈」見客人面有難色，就180°轉變態度，其實就係驚被投訴，咁嘅服務態度真係唔掂！雖然侍應服務態度好有問題，但佢地嘅粥品腸粉的而且確唔錯。粥品都係生滾粥，可以從半開放式廚房睇到所有粥品都係即叫即煮。粥底非常綿滑，艇仔粥亦係非常足料！魷魚、豬皮、魚片等配料樣樣齊，我甚至懷疑料比粥更多。同樣地腸粉亦係廚房即叫即煎，所以等耐少少。腸粉皮食得出有米香，雖然係幾滑口，但略為太厚。叉燒餡料又非常足料！整體味道係唔錯，但服務有待加強！…查看更多

朋友係台灣返黎香港住幾日，話掛住香港ge雲呑麵，真係唔知觀塘邊度有雲呑麵食，結果係apm行左陣，見到商場ge廣告牌先見到原來apm裡面就有一間粥麵舖，所以就開心地上去食啦。上到去有幾個人排隊等入座，等左10分鐘左右就有得入去食，叫餐牌都好多粥品選擇，仲有唔少抄粉炒麵炒飯食，仲有多款點心可以揀tim，最後我地叫左2碗雲呑麵(大)同一碟蘿蔔糕食。個雲呑麵偏細，已經叫大size，但都係好細碗，男仕一定食唔飽，不過味道都5錯，鮮蝦雲吞都幾彈牙。蘿蔔糕既味道都ok，但冇乜餡。價錢係粥麵舖黎講偏貴。…查看更多

灑家嘅潮洲麵食同粥品質素一直都唔差。不過foodamin覺得佢地嘅晚飯小菜亦都相當唔錯。最最最欣賞嘅就係佢地嘅鯇魚腩。無論配搭粥品抑或小菜都非常好食。前者鮮甜。後者惹味開胃。今晚叫左一個薑葱焗美極鯇魚腩煲。魚腩略為炸過。薄薄一層炸粉包著嫩滑鮮甜嘅魚腩肉。再以大量薑葱配合美極鮮醬炒勻。十分香口。配一碗靚仔白飯食。非常滿足。煲仔熱辣辣。6 大塊魚腩肉肥美香郁。進入秋冬時份。食個魚腩煲又暖粒粒又夠飽足。確實係好不錯嘅選擇。讚讚…查看更多

apm去過好多次，成日都要諗食咩。今日睇水牌，見到有間灑家粥麵。咁啱唔想食好多嘢，結果去咗會會佢。環境格局舒適。坐低後慢慢睇菜單，粥粉麵飯點心樣樣齊，好難決擇😅。最終都要叫一碗雲吞麵試吓佢哋的功夫。幼麵彈牙，雲吞細細粒但好味，個湯係重點，加咗蝦籽好好味。好耐冇遇過好味的雲吞湯底，我成碗湯飲晒😋。另外吃了：叉燒腸（好滑👍）炸醬麵（幾好）炸雲吞（不錯）干蒸牛肉燒賣（我喜歡）以後apm有多一個選擇，我會再幫襯。…查看更多

用餐不限時，店員態度親切，座位舒適，星期六午餐時段都不用等位！食物有飯有粥有麵有小菜，還有少量中式點心供應，真的會有選擇困難症！在大商場很少有這類的食店，令人驚喜的是粥品款式更超過二十款！！最重要的是，現今很少餐廳是不限時，這已經值得加分～…查看更多

今日中午係APM揾食，突然想食粥麵。係個水牌上望左－陣，見到有間粥麵店。宜家係商場粥麵食店真係絕無僅有，有質素的粥麵店更加找唔到。入到店叫左二個套餐 :-鯪魚球粥，蠔油菜心及－杯飲品 - 粥底好棉，鯪魚球有咬口，菜心好新鮮。不過我覺得這個套餐配搭不太好，粥加菜及飲品，全不飽肚，食完碗粥已經唔想飲杯飲品。如果粥配腸粉或炒麵就正囉。另一個套餐係鳳爪排骨蒸飯，蝦子蠔汁鮮竹卷及飲品－杯 - 飯蒸得好靚，軟硬適中及排骨好味。鮮竹卷皮炸得好靚及包滿蝦肉，這點心比－般酒樓正好多👍…查看更多

今日想為大家推介嘅係觀塘灑家所製的生脹及第粥。先講粥底，表面有層淡淡金黃色，應該係精華所在，粥底好棉，好有油香。生腸煮得剛剛好，好有咬口。豬潤好粉，正！至於豬肉丸，好彈牙！值得推介…查看更多

路過APM, 適逢已過午市，又唔想食tea，就黎左灑家粥麵。價錢唔算大眾化，一碟雲吞撈+油菜，承惠$98。不過收得呢個價錢，又唔會做得太差嘅一上枱我見到粒超級迷你雲吞，心沉咗一下，因為真係有啲肚餓。試左一粒，又明白食野，應該重質不重量。雲吞爽口彈牙、濃淡適中。好想試埋呢個皮蛋姜炸蝦筒，但係今日喉嚨痛，下次再嚟覆桌參考一下餐牌…查看更多

位於觀塘apm的灑家，是場內少數的中菜館之一，最耍家的是雲吞麵。座位非常闊落，與一般雲吞麵舖相比可以話係差天共地除了麵食以外，灑家仲有點心同埋小菜，選擇眾多！灑家鮮蝦雲吞麵（大）：一上枱俾佢個淨麵賣相嚇親！反一反，有六粒雲吞同埋少量韮黃。麵質爽而彈牙；湯清而香；雲吞皮薄餡靚，蝦肉味鮮彈牙，呢碗雲吞麵真係無得頂呀！京都香炸醬撈面：麵底一樣爽夾彈牙！炸醬甜度適中，辣味慢慢滲出來，惹味非常！附送的上湯加入了蝦子，咸鮮味十足，正呀！瑤柱真料裹蒸糭：大過我兩隻拳頭加埋！入面除左有瑤柱之外，仲有腩肉、咸蛋黃、花生、蓮子等等，真係足料！豉油同糖另上，餐廳安排夠細心。味道亦都好好，依家食糭應晒節。金菇鮮牛肉腸粉：牛肉餡料混入了金菇碎，多了一份爽口的感覺，唔錯。腸粉皮夠滑，不過厚咗少少，整體來說不過不夫吧。三個人飽到上心口都唔洗300蚊，而且質素很好，值得再次幫襯！…查看更多

每次行APM諗唔到食咩都會揀佢——灑家。餐廳係米之蓮推介，有粥粉麵飯，又有點心，又有小菜，真係一次過滿足晒幾個願望今次晚餐就點左小菜。兩個人三款小菜配白飯風沙焗魚腩，魚腩做法有啲似椒鹽，先將佢落鑊炸，然後灑上蒜，食落十分香口，而且魚腩啖啖肉，啱哂唔識挑骨嘅我菠蘿生炒骨，炒得幾有鑊氣，咕嚕肉食落仲係脆嘅，一碟大概有8、9舊。欖菜炒四季豆，送飯一流，餐廳加埋香桃一齊炒，味道幾夾，不過略嫌有點油，食完碟底成層油…查看更多

今晚我們首先喺觀塘apm食完雪糕之後就去咗「灑家」食晚飯！我們叫咗灑家雲吞鷄煲嘅湯底味道好清甜，感覺唔會好油膩，鷄肉嘅肉質都幾鬆軟，唔會好「粗嚡」，雲吞亦幾大粒，而且材料非常足料豐富！灑家鮮蝦雲吞麵嘅麵質相當爽口煙韌，而且一啲鹼水味都無，雲吞好滑溜薄身，蝦肉亦好爽甜彈牙，真係好正呀！黃沙豬膶拼薑蔥汁爆魚腩粥嘅粥底煲得好綿，豬膶相當爽滑，而且唔會有「臭壓」嘅味道，而魚腩就係首先用薑蔥汁爆香過，所以食落比較香口，肉質比較結實彈牙！臘腸臘味滑鷄煲仔飯嘅鷄肉肉質非常嫩滑，而且吸收晒膶腸同臘腸嘅惹味油香，份量亦相當多，真係好正呀！…查看更多