瀧宴日本料理 (北京道)

結婚紀念日當然要同老公食好D啦，今次就黎到呢間位於尖沙咀北京道1號嘅日式鐵板燒餐廳，一入餐廳門口，就已經見到一大個維港景色，我地安排坐係吧枱位置，所以見到廚師即席係面前烹煮。Lunch時段嘅套餐都幾抵食，而且仲有開業激賞有8折，吸引不少客人前來品嘗。今次就試左佢地嘅「瀧」及「宴」set，前者有前菜、刺身、鮑魚、蝦、牛肉、炒什菜、炒飯及面豉湯，而後者有前菜、刺身、壽司、鵝肝、蝦、牛肉、炒什菜、炒飯及面豉湯!前菜，當日前菜係高野豆腐配上菇，味道清甜。刺身，當日嘅刺身分別有碟魚、油甘魚、牡丹蝦、馬刀貝，刺身新鮮鮮甜，十分厚切!壽司，壽司分別係牡丹蝦壽司及馬刀貝壽司，壽司飯不會大過刺身，食落岩岩好!香煎鵝肝伴自家制醬汁，鵝肝面層煎到脆身，味道濃郁甘香，十分惹味!野生南非鮑魚，鮑魚用上黑椒調味，帶有微辣，口感爽口彈牙!野生大虎蝦，廚師先整開虎蝦的頭煎香，蝦頭多膏，蝦肉鮮甜彈牙!米國頂級牛肉，牛肉有薄燒同埋厚切，薄燒牛肉包有蔥絲及炸蒜，牛肉味道濃郁，而厚切牛肉好juicy!炒飯，炒飯加上櫻花蝦同埋太陽蛋，食嘅時候刺穿蛋黃加入蛋汁，令飯更滑身，口感更豐富!…查看更多

媽咪鍾意食日本菜，但近兩年腸胃唔好唔敢食刺身及油膩的肉，後來想到話想食鐵板燒，我選擇位於北京道1號的「瀧宴日本料理」，首先是地點取勝，位於高檔的食廈，門面、佈置及開陽景緻先得分。鐵板燒桌滿了，我們坐在廚師發辦一樣可以食鐵板燒套餐，對媽咪來說更好，少啲油煙，吃得舒適，反正手起刀落的鐵板燒工藝已經看過無數次，靜靜地與廚師發辦的師傅傾談，更好享受！意料之外，餐廳經理非常貼心，得知媽咪怕腸胃接受不了魚生，熱誠地解釋，告知只要是材料上乘，是不會引起不適的。之後每一道菜都走到媽咪面前解釋及看看是否合胃口！餐廳經理非常聰明，子女帶長輩出來吃飯，最緊要就是他們開心，我哋就開心。他非常明白這一點，值得俾讚！幸運地遇上優惠，「瀧宴宫崎和牛龍蝦套餐」原價$1580，現在可以優惠價$980享用，見到材料更加覺得 CP值高。靜岡蕃茄．福岡水雲．北海道蟹肉 以這個次序吃，靜岡蕃茄香甜多汁；福岡水雲酸香滑溜；最後吃蟹肉，口感變得特別鮮美。鰤魚．牡丹蝦．拖羅刺身踏入冬天，終於等到我喜歡的時令鰤魚，其實三款刺身都是我的至愛，見到色澤亮麗，已經知道非常新鮮，入口啖啖肉，軟綿綿，美味盡在不言中！瀧宴特色散壽司名為花錦壽司，雞尾酒杯子盛載，玻璃杯子透出紅紅綠綠的食材，三文魚子、什錦魚肉及青瓜粒，口感鮮美卜脆，下層是赤醋壽司飯。海鮮茶碗蒸這個時候來一道熱菜暖暖胃，是窩心的好配搭，香滑熱騰的蒸蛋，吸盡了香菇及海鮮的精華，十分滋味。白合昆布蜆湯非一般的蜆湯，精心地配合白合及大蒜，湯清味鮮醇。汁煮爱媛縣鰤魚鮫調味出色的湯汁，渾身解數發揮在鰤魚鮫、蓮藕及蘿蔔上，味道豐富。鐵板燒野生生猛龍蝦以蝦頭的膏煮汁，食味更加豐腴，肉質有彈性，啖啖滿足。嘗試加些檸檬汁，效果奇妙，多了一份清新感，平衡肉膩。地瓜漬物中場休息，吃一些酸甜爽口的漬物，胃納果然充足電，準備好重新迎戰。鐵板燒南非鮑魚燒得香，鮑魚片厚薄適中，只用了牛油及黑胡椒調味，已經足夠。鐵板燒日本宫崎和牛肥美的厚切和牛粒，脂肪瘦肉相問，五五比例，焦香烙印，非常吸引。 煙肉香蒜炒飯非一般的鐵板燒炒飯，太陽蛋鋪面，份外吸引，櫻花蝦份量足，食前才攪勻，效果最佳。炒什菜香菇與芽菜，亮點旁邊的脆醬。紅豆抹茶奶凍符合期望的味道。這個套餐可以優惠價$180追加清酒300ml，值得考慮！#瀧宴日本料理 #尖沙咀 #日本菜 #鐵板燒…查看更多

同老公一直都想試吓一齊食Omakase，今次搵到間性價比超高嘅Lunch set，我哋之前幫襯過銅鑼灣店嘅鐵板燒，尖沙咀新店一樣有水準，呢度望到文化中心一帶的海景，如果唔係落雨景色會更美。坐喺吧枱前面，一路睇師傅專心處理食材，一路同老公吹下水享受美食，好好feel～成個體驗都非常滿意💕✨✨Lunch sushi Omakase ✨✨每道菜都感受到師傅嘅心思，師傅亦會細心介紹。🍁季節前菜·高野豆腐｜高野豆腐好似充滿孔洞嘅海綿，吸滿清甜嘅高湯。🍁北海道鮮蟹肉醋物｜超多蟹肉，鮮甜得嚟帶微微酸香，好開胃～🍁日式蒸蛋｜蒸蛋好嫩滑，每啖都好鮮味暖胃。🍁什錦壽司 7 貫｜◾️真鯛｜噴上松露油+白雪鹽，松露嘅香氣帶出真鯛本身清淡嘅鮮味。◾️深海池魚｜配上三星漬，魚肉結實爽甜。◾️北海道赤蝦｜超級肥美！赤蝦黏口甘甜。◾️秋都魚｜正值當造季節，加少少薑蔥蓉令魚的鮮味更突出。◾️銀雪魚BB ｜用火炙過迫出油香，入口即化，加上烏魚籽，魚油嘅甘香充滿成個口，超滿足！◾️醬油漬 油甘魚腩 ｜油脂豐富，用醬油輕漬過鹹鮮味提升。加上柚子胡椒，平衡咗油膩感。◾️超拖羅 ｜粉嫩色澤紋理極靚。入口融化油脂甘香💥！師傅配上紫蘇葉同wasabi漬，令成件事更加昇華，一點都唔油膩。🍁角切魚生飯｜多款角切魚生舖滿飯上面，各種鮮味同口感融合。🍁漬物手卷｜最後食埋呢個魚蓉手卷，好滿足！🍁昆布麵豉湯｜食完刺身壽司，飲返碗熱湯真係好舒服。湯底清甜好暖胃，完美作結。…查看更多

北京道一號好多美食😋早幾日老公帶我去撐枱腳💕好耐冇食過壽司，我哋揀左瀧宴🥢好期待啊😍餐廳有吧枱，可以一邊享受美食一邊望住師傅整壽司🍣飽覽維港美景🫶🏻瀧宴lunch omakase 😋而家仲有開業激賞8折🎉 超抵食啊🔥🔸季節前菜用上高野豆腐漬物，豆腐豆香厚實，加上菇菌，好鮮甜🔸北海道鮮蟹肉醋物好多蟹肉，非常新鮮，底部係海帶漬物，仲用上花花裝飾，好靚🔸日式蒸蛋雞蛋超滑身，入口即溶🔸什錦壽司 (7貫）-真鯛，肉質清淡，配上酸汁啫喱，口感提升-深海池魚，肉質厚實，面頭有柚子胡椒-赤海蝦，好大隻，加上馬糞海膽同拖羅蓉，好爽口又甜-金目鯛，燒過魚香更口-銀鱈魚BB，第一次食，好滑身香口，配上醋漬物，好夾-中拖羅醬油漬，大件油脂豐富，加上wasabi醬同魚子，想encore -左口魚裙邊，用上自家乾葱蒜頭醬，底部有埋日本魚餅，入口好脆🔸角切魚生飯油甘魚，三文魚籽，真鯛，多款新鮮魚生切角，大滿足🔸漬物手卷吞拿魚蓉手卷，加埋蘿蔔碎，芝麻粒，青瓜粒，口感豐富🔸昆布麵豉湯好清甜，啱晒暖下胃呢個價錢好抵食🔥下次想試埋鐵板燒🦞…查看更多

趁着假期book咗北京道1號𤅗宴日本料理高質鐵板燒。店內光線充足，遠眺維港海景，感覺非常舒服。店員細心服務，食物水準高，價錢合理，值得推薦前菜 Appetiser日本本菇+豆腐日本本菇爽口，豆腐口感幼滑，吾錯的開胃菜⭐️刺身 Sashimi⭐️季節刺身 八爪魚足 刀背 深海池赤身 赤貝四款季節刺身高質新鮮，味道鮮甜壽司 真鯛壽司 秋刀魚壽司兩款壽司相當鮮味，秋刀魚豐富油脂鐵板燒 Teppanyaki野生南非鮑魚我揀左南非鮑魚，鮮味十足，非常爽口，個人非常喜歡香煎鵝肝半自家製醬汁朋友揀左呢款香煎鵝肝外層香脆，入口即化，配上自家製醬汁，增添味道層次感野生大虎蝦大虎蝦肉質厚實，口感爽彈:)美國頂級牛肉原切牛肉粒外層微微焦香，內層肉質幼嫩、牛味濃郁。另一款薄切牛肉，配蔥蒜餡料，惹味香口鐵板炒飯配海帶麵豉湯鐵板炒飯米飯粒粒分明，豐富蛋香，配海帶麵豉湯炒雜菜炒雜菜新鮮爽口，保留鐵板鑊氣，確實不錯…查看更多