今次約了朋友一齊去位於The ONE 12樓嘅潮 . 囍薈食這款超值大閘蟹宴套餐，店內環境闊落，加埋有個無敵落地玻璃景色，邊食美食還有美景盡入眼簾今晚哩個套餐最大賣點就係以時令大閘蟹作為主打，朋友一早訂枱已訂埋齊人上菜，先來江南五小碟，五味並陳、清鮮醒胃，拍蒜青瓜，爽脆青瓜拍加上蒜香拌勻，酸香中帶微辣，開胃醒神 陳醋雲耳，黑木耳吸飽陳醋香氣，酸潤之中帶韻，口感彈滑宮廷蘿蔔，以花形擺放，蘿蔔爽口，清甜沙薑豬手，豬手經滷後再以沙薑提香，肥而不膩，膠質豐厚雞絲粉皮，雞胸撕絲與粉皮同拌麻香，涼爽嫩滑，味道層次分明接住就係今餐嘅主角，一個大蒸籠上枱，打開後嚴選嘅24隻大閘蟹乸放滿了，店長說每隻都有四両至四兩半，以清蒸保持原味，每隻大閘蟹內都係膏滿黃濃，細膩香滑，蟹肉鮮甜，所以要慢慢細味品嘗，廚房亦配合待差不多先再上其他主食瑤柱花膠海參羹，選用上品瑤柱、花膠、海參慢火調羹，湯底濃稠晶瑩，滋補養顏XO醬花枝冰山蚌，花枝與肉質飽滿，爽脆可口，鮮嫩美味嘅冰山蚌快炒，XO醬辛香濃烈，海味鮮甜中帶爽彈陳皮欖角蒸龍躉，以陳皮幽香與欖角鹹香滲入厚身龍躉肉，魚鮮油潤，龍躉肉質肥美、鮮甜，蒸煮後口感極為軟嫩細滑，入口即化鮮茄菌皇浸小棠菜苗，顏色翠綠，以鮮茄湯底浸煮棠菜苗，加入菌皇提鮮，爽甜清新，潤口平衡古桐芝麻雞，老油雞外皮沾滿了芝麻，皮香酥脆、肉嫩多汁香芋臘味糯米飯，香芋粒粒放在香軟糯米上，臘味粒拌入糯米蒸成，鬆軟不黏，油香四溢最後以窩心薑茶湯丸，以老薑煮沸紅糖湯，內藏芝麻湯丸，香甜帶辣，暖心收尾，中和胃今晚大閘蟹嘅寒氣，十分細心整體店員服務細心，上菜速度快，分量十足，出菜次序調整配合食客節奏，這個價加埋這裡位置同服務，絕對超值抵食…查看更多
