潮麗園

營業中

休息中

禮拜同屋企人落嚟食麵，我例牌叫咗碗呢度嘅必食牛丸河，屋企人叫咗牛腩麵，魚蛋丸河，貢丸麵，中伏之前嘅牛丸汁多彈牙，好有牛味，今次冇汁冇牛味，口感又淋肉質又假，真係好失望。屋企人話牛腩屬正常，魚蛋同貢丸同之前完全唔同，尤其是貢丸，一咬就吐返出嚟唔知係咪轉咗老闆，品質完全唔同，但係啲姐姐都係一樣。好失望

依家牛肉河米線非常之好食，因為佢嘅價錢非常之便宜，然後牛肉非常之多味道亦都非常之好牛肉拗頸非常之好所以建議大家如果經過V city嘅時候可以去試一試呢個牛肉米粉 性價比超級高

收工去屯門練習前又搵d野食，1個人求其食d又近西鐵站就試下呢間潮麗園粉麵店。6點左右黎都有幾多位，1個人可以坐卡位，店舖都算幾闊落，睇下餐牌，不外乎都係潮式粉麵店有既野，有粉麵有飯，如果食崩沙腩同牛3寶就比較貴d，比其他食開既粉麵店更為貴少少。牛雜河今次就試下牛雜河先，先講湯底係比較淡，無乜味果隻，河粉都幾滑唔易斷，牛雜就切得比較細舊d，牛肚有草肚有金錢肚，腸肺果d無乜異味，味道正常。腐乳菜心跟餐加10蚊有油菜，揀左腐乳菜心，腐乳醬咸咸地，菜心都幾爽口，ok。今日食到既野整體算不過不失，無甚麼特別好或差。

屯門又有新開潮州粉面店😍😍香港人最地道美食 😋 之前新開店已經急不及待買走魚蛋返屋企試下，今日經過有時間，入去坐低再試其他嘢 墨魚頭拼金錢肚米粉 $55+15=$70+$10有碟青菜其實menu上面都好平，墨魚頭特別貴$55, 一般都係$3x!!! 而家茶餐廳食個早餐都要$3x起步！所以午飯時間係非常繁忙，而且位置有D逼，真係食完快D走屯門呢區有好多潮州牛雜粉面店，希望呢d小店可以做長D,香港地地少人多租金昂貴，小店加油啊