潮苑正宗潮洲粉麵

營業中

休息中

二十元一個粉麵餐,最喜歡它的魚蛋麵,最初必叫手打魚蛋,後來比較過,機打好似唔差幾遠!湯底偏咸,亦試過買新鮮手打魚蛋返歸打邊爐,比謝記還貴,感覺overprice~味道還是謝記好。牛餅ok啦,牛根唔算好淋,但係幾入味,牛雜就好一般,偏咸,和香港仔李秋記無得比,可惜他們已搵夠上岸!奶茶又係好似咁,同埋唔覺有Lipton味,似乎慳皮左~環境極度擠迫,生意就好到無倫,不過有咁ge水準同咁平收費,抵佢發達!所以新舖快要投入服務,地方更大,屆時再試試新廚房!

上個禮拜唔知去邊食飯好, 朋友提議黎呢間舖頭, 我地去既係銅鑼灣個間!朋友話度既牛肉餅好新鮮, 於是試佢個牛肉餅河, 一咬落去, 好失望! 比想像中差! 似食緊切片牛丸多d! so bad! 個湯都係冇咩特別......朋友都好失望, 佢話對上一次黎食好好食既, 唔知點解今次咁差! 証明間舖既水準參差, 唔好去銅鑼灣分店la!!!

3間潮苑都去過, 最好最抵係香港仔呢間, 先講價錢, 普通的$13/碗, 要吃手唧魚蛋/牛肉餅/坑腩等靚d的就$16/碗, 但另外個兩間最低都要$16起, 無$13的, 仲要嗌手唧魚蛋粉走片(d魚片唔好吃, 有雪味)要加錢, 香港仔個間就唔駛, 連飲品/魚皮/油菜都抵過其餘兩間。味道方面, 牛肉餅係最好吃, 第二度吃唔到！手唧魚蛋好大粒, 至少咬兩啖, 甚至三啖先食到~坑腩就ok la, 有時太肥同太油, 同埋個湯底同河粉都只係合格, 但有牛肉餅食就無問題啦！仲有記得加蒜粒, 咁個湯就好吃好多架喇~環境方面, 我覺得銅鑼灣個間較為乾淨, 香港仔個間就有烏蠅囉...打邊爐買牛肉餅+ 手唧魚蛋...正！

近來鐘意食粉麵,叫個手打手唧魚蛋手打牛肉餅雙拼河,個名好長,而且又係間野最貴o既粉麵,盛惠$23,魚蛋有三粒,正正方方咁,頗硬,唔多似所謂手打手唧,但都相當爽口彈牙.牛肉餅又係頗硬,比一般牛丸更硬,可能咁樣先係真材實料.都唔錯o既,最好o既係可以任落炸金蒜,但炸金蒜是凍的,就咁一瓶擺係檯面,香味大打折扣.最唔好o既係有幾隻烏蠅飛來飛去,影響食浴.

其實這間潮苑幾街坊feel，地方細細，頂多可以坐廿人左右，裝修與一般粥粉麵店無異，特色是四腳圓凳配滿臉油光的檯面，但每當食飯時間都人聲鼎沸，自然有其吸引之處．它的手打魚蛋及牛肉餅均是真材實料，爽口彈牙，而且湯底清(不覺有味精，至少是少味精），吃完不會口乾，因為小味與生俱來就是對味精過敏，所以極力提倡食肆要全面禁煙之餘，亦要全面禁止使用味精！哈哈~~！各位食友如果只講求食物質素，又不怕地方簡陋兼帶點污糟的話，我提議宵夜可以試試這間潮苑！

放工回家，姪仔話想食這間麵的外賣，所以又要坐車去買了。買了三碗外賣再加一碟炸魚皮，全部加起HKD57.00。買了二碗牛腩雲吞河和牛腩牛丸麵，望到牛腩都幾多，都好似幾淋，味就不知了。牛丸只是一般的街貨，雲吞只得三粒，味道好差呀直頭冇味咁，皮多但蝦肉鞋的。另外一碗是自己食的水餃米，打開只見得三粒水餃。真的有冇攪錯，十三蚊一碗只得三粒。只得雙碰的份量，味道同雲吞一樣，只不過多了幾條木耳咁大把。雖然外賣是分開湯和麵裝，但真的不用咁大個盒哪，因為個盒都用不到一半呀。還有哪些湯真的只得個咸字，差，比太古吉之島的差很多，很多呀。最好是個魚皮，很脆，不過很薄，好似食緊大陸貨咁。好在自己醒水，識得過隔離買了個粟米班塊菜飯外賣給仔仔食。這個比食這裡的食物，好，好多呀。

夜麻麻走去食坑腩魚旦河。湯底有牛味，算唔錯，只係味精味道好出。坑腩夠林，亦夠多，唔ｕｎ唔黐牙。魚旦，係手打喎，夠滑夠彈牙，唔咸，魚味夠，要推介俾大家啦。

手唧魚蛋係幾好味，但食過幾次後，有次叫左個墨魚頭河粉黎試，d 墨魚好硬，味道麻麻喎~~雖然食碗麵時間唔會太耐，最多咪坐佢半個鐘，但店舖既環境認真一般，冷氣機勁滴倒汗水！不過，我就好欣賞頭既調味，尤其係炸蒜茸，好香口，每次我都落好多加埋香蔥黎食嫁！

次次都係食佢0既牛什米牛什好食, 13 蚊, 要加鍱油菜都係5蚊, 抵食, 不過天熱去, 就會有烏蠅飛來飛去為一大缺點~

聽完喜多郎音樂會時已十一, 雖然好餓想食大佢, 但朋友第朝要番早班, 今期又要顧住架車, 唯有番老家香港仔, 車又可泊街, 人又可快食早d回家....本想去杏花樓, 但食得太密, 於是行多兩步去左呢間我印象唔好既潮苑.印象唔好皆因食過幾次都覺得佢唔抵食lor~ 今次仲比呀姐激死, 叫個手唧魚旦拚手唧牛肉餅米, 佢先放底一碗牛什河.... "唔係我地架唔該...""唔係咩??.......噢! 後面..." 然後擺抵碗牛肉餅米.."d 魚旦呢?""咩魚旦呀?""...雙拼..""漏左, 等等加番比你..."佢當然唔會咁蠢拎碗麵行多轉啦, 哈哈, 所以朋友等左好耐先有三粒後上既魚旦食....我就叫左坑腩麵, 呀姐做晒動作咁形容坑腩即係牛既邊度...當左自己係牛咁....手唧魚旦拚牛肉餅米, $23, 手唧魚旦3大粒, 好咸好彈, 質感味道都唔魚肉既! 手唧牛肉餅好食過魚旦好多, 有牛肉味, 都係彈彈下既, 簡單d 形容即係整扁左既彈牙牛丸. 都唔錯!坑腩麵, $16, 比普通牛腩麵貴3蚊, 麵上桌時有賣相架, 麵係好靚咁一團在腩之下, 腩亦唔係一般亂糟糟咁放! 麵質方面亦引起我既注意, 係

今日lunch又同阿媽來食粉, 叫左一個牛肉餅河同普通魚旦河, 第一次試牛肉餅又真係唔錯wor, 爽口又有牛肉味, 不過d魚旦就好似水準下降左喇, 唔夠以前果d有鮮魚味. 另外碗河粉都唔多好味, 因為粉多湯就少, 食食下好快冇晒d湯.服務唔好, d阿姐成日叫人坐第2張台讓d位比d大家庭坐, 但明明都坐唔落都硬要人換台, 好差, 間舖本身又係細, 要人走來走去好煩, 又擠逼, d人行過成日撞到我, 有個叫左外賣既大姐想在舖中坐住等, d阿姐就比張椅佢叫佢坐在走廊中間...大佬呀, 間舖咁細仲叫人坐係走廊...

原本諗住去食,但係未夠一點,門口已經勁多人排晒隊,入面坐到勁迫,係咪真係咁正啊? 我下次一定會試下

今日晏晝又來食魚旦粉喇, 一樣係坐滿晒人, 叫左魚旦紫菜河, 一如以往覺得d魚旦好好食, 碗粉都幾大碗, 加6元有大大杯凍飲, 其實都幾抵, 但聽到d客講d野食愈來愈差, 湯底好咸, 但我自己又唔覺, 可能我唔係成日來啦.

Really like the fishballs there.... i think it is the best in aberdeen area, even better than the very "famous"one ....

呢到啲丸餃都係自製,味道唔錯,由於係自製,魚皮餃好多汁(因為即日製兼且去等快)......湯底她標明話無味精....河粉厚得來夠滑,有時會賣哂架......至於牛腩牛肚等真係麻麻,吃過牛根咬唔倒入唔倒肚,牛肚味道又係麻麻......而牛肉餅其實好普通,只不過形狀不同罷......她還有一款料叫墨魚頭遲啲要試......有一個侍仔(可能係太子爺)口面唔係咁好!