潮興魚蛋粉

真心覺得呢間魚蛋粉好好味，但不知為何每次嚟都近乎包場冇乜客。呢間啲魚蛋魚片鬆化又鮮味、河粉夠滑。另叫了炸魚皮，好鬆脆好好味。試過有啲食店啲炸魚皮又硬又有油「益」味，但呢間就一點油「益」味都冇，而且好甘香鬆脆可口。現在找好吃的魚蛋粉不易，很多有名氣的試過都係名過於實。譬如渣甸坊某間，排晒隊入到去，座位又窄又逼叫人動彈不得，而且啲魚蛋淡而無味，非常失望無下次。呢間冇什麼裝修，十分平實。可能因為人少，座位好鬆動，都算好坐。服務都可以，有外籍客都細心講解。價錢不算平，兩個人叫了兩碗魚蛋河、一碟炸魚皮、一罐可樂，人均消費$60+。不過好食嘅，值得推介！…查看更多

真心覺得呢間魚蛋粉好好味，但不知為何每次嚟都近乎包場冇乜客。呢間D魚蛋魚片鬆化有鮮味、河粉滑。另叫了炸魚皮，好鬆脆好好味。試過有D食店的炸魚皮又硬又有油「益」味，但呢間就一點油益味都冇，而且好甘香鬆脆可口。現在找好吃的魚蛋粉不易，很多有名氣的試過都係名過於實。譬如渣甸坊某間，排曬隊入到去，座位又窄又迫叫人動彈不得，而且D魚蛋淡而無味。非常失望冇下次。呢間冇什麼裝修，十分平實，但可能因為人少，座位好鬆動，都算好坐。服務都可以，有外籍客都細心講解。價錢不算平，二人叫了2碗魚蛋河、一碟炸魚皮、一罐可樂，人均消費$60+。不過好食嘅，值得推介！👍🏻…查看更多

作為麵食喜愛者，平時食得最多係米線，今日有啲趕時間，就去左隔離既牛雜粉麵店解決，估唔到佢都幾抵食。44蚊一個牛腩麵，銅鑼灣黎講都算幾抵食。牛腩份量都好多，有足足8大塊，而且每件睇落都幾靚仔，有啲意外，估唔到甘抵食。味道黎講比我想像中淡少少，牛汁柱侯醬既香味好夠，加埋炸蒜蔥粒香到不得了。牛腩係好腍既，而每件都好大好多肉，但又見唔到好多肥肉。吃落幾香，幾正。整體黎講44蚊食到依個質素真係值得一個讚，希望水準可以維持，下次會再黎的。…查看更多

今日黎開銅鑼灣，lunch 時間周圍都係人，想快快食個飯就番公司，是旦揀左間牛腩麵鋪，因為行過覺得幾香，應該出品都唔錯的。叫左個牛腩米粉，嘩。。d 牛腩好肥，46蚊黎講牛腩件數都幾多，但係肥肉仲多😂 有一說一，牛腩係炆得好好的，仲保留左一部分口感，肉質唔會太散或太硬，唔錯。湯底腩汁味係幾出既，加埋佢有一大匙炸蒜芹菜蔥花，加埋落個湯底入面真係好香！值得一讚！圖入面係一件好靚既牛腩，似崩沙腩。味道黎講超班，如果少d 肥肉會更好👍…查看更多

我吃牛腩通常都是崩沙腩或坑腩。崩沙腩，即爽腩，是牛肚皮的腩位，面積小及有塊薄軟膠質，爽軟不硬，通常貴過坑腩。坑腩則是牛胸前的部位，牛味最濃，略帶肥。崩沙腩正的地方，是那塊筋膜。爽口的筋膜，配着炆得腍身的腩肉，好吃。「潮興」出名手打魚旦、魚麵等，牛腩我倒是覺得比魚旦更出色。「崩沙腩河加色」$55整體味道我覺得差了，個湯有色無味，缺了潮州牛腩滷水香的靈魂，全靠那些芹菜粒、蔥花及炸蒜粒提香：崩沙腩部位還不錯，筋膜帶肉算沒欺場：可惜我覺得炆得不夠腍，肉的部份有些柴。吃到中途，我習慣就會加上潮州辣椒油，讓食味多一重變化。河粉夠滑，這個稍為加分。…查看更多

今日專登黎銅鑼灣交收，要等對家到，仲有成半個鐘😂快快地可以趁依個空檔吃個靚麵，甘我就好隨便甘揀左黎依間食個牛雜麵。😉叫左河粉，個粉底其實幾好，唔爛又可以吸曬d 湯汁👍 湯底都ok, 有好濃既牛汁味，又唔會話好咸，加埋一大羹青蔥，炸蒜，西芹，混埋一齊真係好香👍 牛雜份量都幾多，有膶，大腸小腸，牛肚，牛肺，膶唔係話超級新鮮個隻，吃得出粉粉地，牛肺反而好好食，大大件又唔柴！而大腸係肥腸質地😂夠曬邪惡！整體一個麵40幾蚊算係甘，銅鑼灣黎講算好平👍水準可以講不過不失，下次可以試下佢個崩沙腩😉…查看更多

潮興魚蛋粉 (駱克道) (3.5/5分)分別食過謝斐道同埋駱克道呢間潮興魚蛋粉，謝斐道呢間地方比較大啲今日1點已經賣晒崩沙腩全場爆滿牛腩牛丸米粉($52)牛腩入味，牛肉尚算有少少鞋，但味道唔差潮汕牛丸好彈牙，有些少爆汁…查看更多

同朋友去飲野前諗住打一打底加上天氣又凍喎所以決定飲食番碗魚蛋粉🍜坐底好快就諗到啦 決定叫個墨魚丸 貢丸幼麵 加紫菜老實講魚蛋粉每一間地方都差不多 最重要係佢個麵底同湯底 呢間魚蛋粉嘅湯底都比較濃郁 就咁單食都食得出有牛腩味 紫菜嗦晒佢啲汁都幾好食🥣貢丸墨魚丸都係出邉火鍋店嘅水準 冇乜特別幼麵鹼水味唔夠突出 不過勝在麵質夠彈牙如果鍾意食鹼水味嘅朋友可能會比較失望另外佢加$10可以多少少蘿蔔 (舖頭自稱甜心蘿蔔) 佢啲蘿蔔嗦晒啲湯幾好食 而且冇渣 不過我又覺得蘿蔔未甜到令人驚艷 所以有少少失望😟總括嚟講佢嘅份量都比較少 如果比較大食嘅朋友，可能要加多碟菜或者小食先至夠…查看更多

未食晚飯 做完運動朋友說這家粉麵有質素點了招牌之一的崩沙牛腩撈麵$60 牛腩好好食 軟硬適中 好入口 如果汁可以更多會更好麵也是中硬那種😍值得一讚店面很乾淨 這些多年有好好打理…查看更多

銅鑼灣哩間魚蛋粉都食左好幾年想當年收工都會去哩度食宵夜入到去地方唔算好大，但夜晚12點幾都會有好多人系到食野，開方式廚房甘所以聞到哂啲牛腩味，好香濃~坐低左，好快就有人黎問你食咩，我睇左睇叫左牛肚牛丸河（多葱）睇多一睇菜單，都幾多野食，有飯果啲都唔會甘單一全部食麵碗麵5分鐘都唔洗就黎到我面前啦當然要加辣油同醋啦牛丸有汁嘅，一啖咬落去，差啲熱死而啲牛肚都好味，入味而且易咬而啲河量雖然量叫一般啦，但應該食兩碗先可以夠飽…查看更多

唔知有冇人係咁、我間唔中就會好想食下魚蛋粉，有呢鋪癮銅鑼灣都幾多港式粉麵鋪，同便利店差唔多，行幾步就總有間喺左近見呢間鋪入面幾大幾寬敞，就入去食下啦嗌左個魚蛋三寶米線、盛惠$48，唔包野飲，其實都有啲貴，見呢度都有做唔少遊客生意、又有分店咁。三寶包括魚蛋、魚片同魚片頭！係幾彈牙既，都有淡淡嘅魚味，湯就冇咩味，都係靠蔥同冬菜嘅味。清清淡淡咁米線份量對男食客食黎講、可能會唔係幾夠食，加底或者加多個餸先搞得掂。…查看更多

很多人都知道潮興魚蛋粉最出名係牛腩無論係坑腩，崩沙腩都一樣出色以前食潮興我淨係識食墨丸河自從跟朋友食過之後愛上它的沙爹肥牛河唔想有湯，叫撈麵都係一個不錯的選擇還有沙爹肥牛飯鍾意食沙嗲嘅朋友推介大家嚟試下沙嗲很香，不辣，你會見到它的沙嗲醬入面很多小蝦仔，很惹味…查看更多

今日午餐想食清淡一啲，所以就嚟叫咗一碗魚蛋雲吞河，魚蛋係手唧的，現今社會而家咩嘢都機器化，真係越來越少呢一類嘅美食。魚蛋入面有少少魚骨，咁樣反而覺得係新鮮製造，俾個like佢，另外鮮蝦雲吞都非常足料，如果少啲肥膏就好啦…查看更多

同朋友係銅鑼灣行下傾下計..行到11點幾.. 一齊覺得肚餓...咁岩經過潮興.. 咁就入去食佢地既出名崩沙腩店地方唔大...環境都唔係話好乾淨...崩沙腩同普通牛腩差6蚊咁我地緊係叫崩沙腩啦腩都有10舊... 我覺得都算多..份量亦岩岩好..唔會太小...崩沙腩肥瘦岩岩好...但今次有D失望... 應該煮得唔夠耐..口質偏向左係爽口... 同我以往食開既又腍又入味差好遠而湯底既味道亦唔夠濃, 偏淡食完後... 真心覺得水準比以前差左好多... 失望..…查看更多

途经这家麵家，有少少肚餓，入左去叫左碗牛腩米，簡直不能接受，牛腩超咸，湯底當然也是咸，就連米粉又淋又漲。一碗$34元係铜鑼彎話貴吾算貴，你話平又吾算平，下次入去都捻捻先。…查看更多