潮福蒸氣火鍋 (已結業)

同事離職，剛剛同事有位識人在潮福工作，所以開咗VIP房，海鮮方面整咗個椒鹽長腳蟹，第一次試吓咁食嘅方法，非常多肉，非常惹味，叫咗一條魚，雖然唔記得咗係咩品種，條魚非常抵食，蒸嘅時間剛剛好，本人最憎啲魚蒸到老，成嚿擦子膠，另外鮑魚第一次都係是椒鹽好好成隻鮑魚拎去咋，估唔到海鮮可以咁樣食！椒鹽真係冇得輸，仲要整多個椒鹽鮮油，送啤酒簡直係1號，蜜糖薯仔炒牛肉，也好好味，薯仔非常入味，有焦糖化！最重要係識人，所以特別好招呼，但離開的時候，出邊好似壞咗冷氣，好鬼熱…查看更多

剛剛八時， 從未試過任食嘅蒸氣火鍋，食唔到一半未食完就要即刻走，因為店員做事非常求其，店員將所有嘢夾埋唔同嘅肉類一齊蒸，牛肉球唔熟有血，雞肉唔熟， 我哋都有食咗一半，非常之唔衛生，同埋喺疫情期間都咁唔講究食物嘅衛生，質素非常失望，同埋服務員態度不負責任，連同經理投訴都不獲處理, 總之就是漠視顧客嘅投訴同埋感受， 亦不願意正視衛生情況， 及食物質素問題。今日在此投訴，希望亦都讓大家知道呢件事，亦都在此作為一個紀錄，如果我哋返到去，身體情況有啲乜嘢問題嘅話，我哋會去報衛生署亦都希望 大家小心選擇餐廳😭呢幾年，已經喺尖沙咀潮福同埋太子潮福食過好多次，但係第一次嚟深水埗潮福，覺得非常之恐怖，同埋衞生署應該跟進。…查看更多

自從呢間酒樓轉咗手後,小弟已經十幾年冇上嚟,因為今晚做完gym後霎時衝動想搵間酒樓打邊爐,結果就上openrice 搵下呢間火鍋店有冇驚喜! 結果發現呢間蒸氣火鍋店有任食火鍋而且價錢亦大眾化,所以決定同太太一齊上嚟朝聖!為免上嚟無位會白行一趟所以預先打電話book枱,結果上到嚟食客未算多所以即時可以安排入座,員工都好友善咁招待我哋。睇完張火鍋料後決定揀咗個藥膳醉雞煲,之後會奉上海鮮拼盤,有好大隻肉蟹 海蝦 鮑魚 扇貝, 其次就係一碟安格斯牛肉,另外醉雞會另外一碟上,水滾後先至放低落去煲 ,仲有一碟份量唔算太多嘅燒乳鴿,之後就揀咗 少量火鍋料, 所有材料都好新鮮尤其是隻生蠔,好耐冇見過咁大隻 火鍋生蠔 。另外小弟有個習慣就係 火鍋湯底滾咗之後一定要第一時間飲咗碗湯先 因為之後再落火鍋料 後湯底可能會比較鹹,同埋 比較油膩 ,結果飲咗一碗 ,湯底入口非常濃郁,藥材味並冇搶走雞嘅鮮味,而酒味相當恰到好處 雞肉亦相當幼嫩 ,另外呢度都仲有任飲青島大啤酒 ,唔係好多間酒樓都會用呢隻牌子作任飲,值得一讚👍 總括嚟講呢間火鍋店材料夠新鮮 環境亦舒適,員工態度亦有善, 可能大部份食客都係熟客,所以同員工有講有笑,大家不妨嚟朝聖, 約埋三五知己痛飲大食一番。…查看更多

放工約了朋友一起吃晚飯先陪他到深水埗逛逛剛好發現這一間在黃金商場的 — 潮福蒸氣火鍋兩人都感興趣 便決定一起試一試選揀了任飲任食的海鮮火鍋放題椰子雞鍋先上椰子湯底 大大盤雞肉連椰子肉另上水滾先落雞 加上了椰肉使湯底更清甜雞肉肉質嫩滑 點上自己調的醬料 正脆皮乳鴿乳鴿外皮香脆帶油香 肉汁豐富肉質鮮嫩點上醋汁或椒鹽也很夾 不錯不錯海鮮盤定食包括生劏龍躉件、生猛海蝦、優質桶蠔、生猛鮮鮑魚、生猛大元貝和生猛海蟹龍躉件魚肉嫩口 入口淡淡肉不會腥海蝦新鮮 入口彈牙帶蝦香蠔大大隻 煮熟咗都依然大大粒 鮮甜好味鮑魚入口鮮嫩 不錯不錯大元貝口感也很好 味道亦鮮香 同朋友食到好滿足唯一不足土是蟹肉肉質較霉 不太新鮮極上安格斯牛肉牛肉雪花花紋看出肥瘦恰宜食落牛肉味濃 肉質軟滑油麥菜 鮮枝竹油麥菜和枝竹也與鮮甜的湯底很搭吸收了海鮮的鮮味 手打蝦丸 蘿蔔片 粟米 蓮藕片 蟹棒 牛柏葉和另外點的牛肉任食的款式選擇也不少可以隨便點自己喜歡的食物慢慢打邊爐兩個人都食到好飽好滿足圖片款式均是任飲的當然要點啤酒盡興一下…查看更多

男朋友同朋友食過呢間潮福蒸氣火鍋話食材新鮮、服務又好,於是今日就帶我黎試下。呢度有普通火鍋同粥底蒸氣火鍋,我就揀左蒸氣火鍋,因為可以原汁原味品嚐到食物既鮮味。餐廳環境好寬躺，一入去轉彎就見到好多生猛海鮮。佢哋個粥底都有三種口味可以揀，我就揀咗瑤柱鮮淮山粥底，之後我就揀咗姬松茸燉螺肉湯，一飲就知個湯真材實料，清甜嘅螺肉味，真係用心燉出嚟。之後每位仲會送半隻乳鴿、貝殼盛盤、生猛龍蝦，佢哋嘅乳鴿真係外脆內多汁，肉質嫩滑！貝殼都好大粒，蒸熟之後幾鮮甜。重點係佢哋嘅龍蝦，超級無敵大隻，而且肉質非常之爽口彈牙，食完隻龍蝦已經覺得好飽。自選海鮮我哋就揀咗加拿大象拔蚌刺身、生猛海中蝦、鮮鮑魚、貴妃蚌。加拿大象拔蚌刺身真係唔講得少，超級鮮甜、爽口！非常正！！姬松茸蒸雞非常嫩滑,又夠味!!完全無雪藏味!!!看似淡而無味既蔬菜沾上醬油配料都好好味!精髓就係個粥底,混合左海鮮既精華再加埋咸咸地既大頭菜同甜甜地既南瓜一齊煮,太好味啦!!!任飲任食一個人都唔使$400，仲有咁新鮮嘅海鮮，仲要好周到嘅服務有專人幫我哋蒸，蒸完仲要夾埋俾我哋…查看更多

今日朋友介紹去一間在深水埗嘅火鍋店食飯，因為他之前說過很抵食所以今次熱烈推介就去試菜星期一至四入座兩個半鐘頭$240全包，入咗起送一人一份套餐入面有半隻乳鴿，安格斯牛肉片，同埋一份海鮮（入面有鮑魚扇貝生蠔蝦同埋蟹半隻）單單這三樣嘢我都差唔多$100飲品方面有兩款酒精飲品汽水同埋竹蔗水任飲，如果為咗飲酒都幾抵其他食物方面美國肥牛就一般反而有驚喜的是滑牛肉很好吃。魚肚亦都很推介可惜這兒沒有魚片生魚片之類的。 而上枱份量也大碟不用不停追單，侍應姐姐亦都積極收碟同家湯服務十足。如果去開深水埗未諗到食乜姐二也是一個不錯的選擇…查看更多

星期六下午去行下黃金, 行到攰攰哋決定去飲個下午茶.未夠2點已經開始入座, 可以早少少開定茶, 睇定食乜.大中小點都幾抵, 仲有優點!首推蝦餃, $12.8!!!! 正正常常, 真係一粒一隻蝦, 平時優點嘅口感!!燒鵝瀨, $22.8!! 唔係畀燒鷝, 而係真係有五件燒鵝. 鵝肉同鷝肉一食就分得出, 鵝肉香好多!!!銀針粉, $18.8.熱辣辣, 炒得好香, 份量足一大碗!!叉燒腸, $18.8.奶黃包, 大點$20.8.熱辣辣, 仲要係我最鍾意嘅流心!! 茶錢$9/位, 唔平;  不過去到食到蝦餃同燒鵝瀨已經抵返哂!!! …查看更多

疫情下的一年， 外出晚餐也是奢侈的事，真要珍惜每次相聚的日子。兩個人想食蒸海鮮，散叫不化算，竟然俾我發現了深水埗潮福有二人蒸海鮮餐提供。呢個係蒸海鮮鍋最後的精華，粥底盡吸海鮮味， 很濃郁二人份量的蜆肉份量好多帶子大隻，一人一隻每位奉上一個足料燉湯，濃郁隨後送上一個二人海鮮併盤，望落好新鮮，當懊惱著各海鮮所需蒸時間時，待應姐姐已為我們較時間和幫協助我們蒸海鮮，真是體貼，我們也可以安坐傾計等食貴價食材， 鮑魚龍蝦都有，好豐富，滿足連熟食BB鴿都 包。呢個海鮮餐真係抵食 希望疫情過左，可以再和honey嚟食啦…查看更多

宜家天氣愈來愈凍,依d天氣最岩打個邊爐。上網做左個資料搜集,搵一搵自己最鍾意既海鮮火鍋邊度最好同抵食,最後搵到呢間係深水埗黃金商場附近既潮福蒸氣火鍋試試佢。一入到門口已經見到過大魚缸，有唔同海鮮種類魚蝦蟹乜都齊,就同朋友叫左個火鍋海鮮任食,一黎就送左碟乳鴿過黎,一開頭以為比錯仲叫個侍應過黎,原來係頭盤黎。隻乳鴿燒得好脆肉質仲嫩,好成功咁打開我的胃。火鍋湯底都有好幾款選擇,今次揀咗個特別啲嘅澳門豬骨湯底,貪佢唔係好濃味唔會搶走食物嘅鮮味，但同時間又有豬骨胡椒嘅香味。之後就入正題,送左碟海鮮拼盤過黎,雖然海鮮唔係任食,但份量都幾多，魚蝦蟹鮑魚扇貝樣樣都齊，先呢試咗魚先，件魚係龍躉腩，食落好鮮甜。跟住扇貝同鮑魚都食得出好新鮮,尤其是個鮑魚，食落好彈口。蝦就冇乜特別,係一啲普通嘅新鮮蝦。最後就係我最鍾意嘅蟹啦,蟹就唔算係好大隻,但佢係一啲新鮮嘅膏蟹，一揭開嘅時候好多膏,啱曬我呢啲蟹精,肉質都唔錯。另外都有一碟澳洲和牛,食落都好正。除咗海鮮之外,佢任食嘅都好多選擇，肉類一啲肥牛丸類等等都有，而我朋友好鍾意食菜,菜嘅種類亦都好多,啱曬我哋呢啲好想咩都試下嘅人。嘢飲方面,都有好幾款選擇任飲，我哋就揀咗新奇士橙汁同埋竹蔗茅根。總括嚟講，呢個價錢可以食到海鮮同埋任飲任食火鍋,性價比非常高。另外，見到隔離枱喺度食蒸鍋,好似都幾正,下次都會黎試下。…查看更多

深水埗一向美食很多，身為一個海鮮，當然要試試先甜的海鮮火鍋吧！之前試過這裏的蒸海鮮，今次就是是海鮮火鍋，一來到就先點一個海鮮餐，等了一會兒海鮮就來了，嘩！隻蟹仲識郁㗎！我材料非常新鮮，新鮮到仲食慾！真是令我非常讚嘆！俾個讚！主打當然是蟹飯，因為我很喜歡吃蟹，買10分大隻，鮮嫩肉厚，蟹膏非常之多，蟹鉗也非常之大，超多肉！我們二人一人吃半隻蟹，也感到非常滿足！另外還有兩隻鮮蝦，也是非常新鮮，兩隻帶子，很大隻，很厚肉！另外一個驚喜是肉丸！不知道是不是真的用手打，用料新鮮，非常足料，可看到一粒粒肉碎在丸裏頭，而且大粒又彈牙，幾好食！送多兩隻乳鴿，炸得不錯，用料也香，大大隻，好抵食！總結，好抵食，食到超飽，食材新鮮，勝價比好高！會再來！…查看更多

話說很久沒有外出食火鍋，今天放工即興相約朋友一起去食最後選擇了一家位於深水埗黃金商場的潮福蒸氣火鍋因早前聽朋友介紹這裡的海鮮新鮮，而且份量也幾多所以便來一試而地點方面，經過黃金電腦商場之後，到達黃金商場上電梯一層就到了酒樓也很貼心地設置探熱器令大家食得安心一進去門面也幾光猛，而服務員也很有禮貌地帶位及介紹菜單經過一輪考慮後，最後選擇了火鍋放題好抵食及種類繁多！前菜小食是的最愛的花生很快就開心陸續有野食~~有三款是定食第一款是有驚喜的是海鮮盤定食，份量好大同好新鮮有海蝦、龍躉、大元貝、桶蠔、鮑魚、蝦及海蟹超豐富！第二款是一人半隻炸乳鴿，即炸即食好香口第三款是極尚安格斯牛肉，牛味濃入口好淋今次選擇的湯底是椰子雞鍋，有香濃椰子味及雞件也很嫩滑足料之選！款款都試下😁大大隻蟹🥰好多蟹膏因為自己本身唔飲酒所以選了竹庶汁，可以任飲一流！不論質素及價錢也很抵食！埋單一人都係$240下次再食…查看更多

深水埗物價比較平係人都知道，潮福實而不華，一d都唔貴，新鮮海鮮份量又多，性價比好高!門口係電腦商場後面的角落，雖然不大，也不是很難找。地方光鮮，整齊，最重要係乾淨。不遠就見到好多新鮮海鮮，我來了!一坐底落左第一張單，轉個頭就有碟勁香嘅乳鴿奉上，有d驚喜，熱辣辣香噴噴，食慾大增，點d淮鹽一流，脆皮好yummy! 今日叫左個 麻辣湯底火鍋， 那一陣花椒麻辣嘅香氣， 已經令我忍唔住 ,水滾喇。睇下呢個安格斯肥牛打邊爐， 牛肉上鋪滿雪花食落爽口彈牙同埋香濃嘅肉味， 真係要食番3,5, 7盤先至夠數。而我最期待嘅海鮮， 當然無令我失望。 尤其是係 龍躉 魚片 爽口彈牙連塊魚皮都食到乾乾淨淨。大大件咁，滿口鮮甜甘香！慾擺不能仲有千祈唔好唔記得 佢啲游水海蝦， 有一種好香濃嘅蝦味真係唔係咁容易成日食到。 有冇人可以話畀我知這一種叫什麼蝦呢? 呢隻真係我食過最好味的海蝦！除此之外仲有大量配菜任飲任食， 包括有美國肥牛啦，各色嘅手打肉丸，當中蝦丸尤其出色，應該是新鮮用純蝦肉打成， 仲有任飲啤酒汽水添呀！l…查看更多

話說今日去到深水埗附近行街平時食你食去都係西餐日本野就有啲悶反而有啲掛住食中菜經過見到呢間大大隻招牌嘅中式酒樓心諗喺呢度食海鮮一定無死啦叫咗一個避風塘辣炒蟹$188🦀🦀蟹雖然份量正正常常唔算好大隻但係就真係吵得非常之香口個殼仲係脆卜卜嘅添 用佢嘅蒜蓉同黑椒嚟撈飯真係一流呀 🤤仲叫咗兩隻乳鴿$38 each🐥乳鴿燒得啱啱好脆卜卜肉汁鎖喺入邊 不知不覺咬咬下有一隻又一隻 個人就比較原汁原味五點任何醬汁去食 乳鴿味都好重 證明係新鮮唔使調味都幾香口另外見到呢度嘅海鮮自助火鍋其實都幾吸引可惜今日已經食得太飽食唔落下次或者會再嚟呢度試吓佢嘅蒸氣火鍋見到同場都有好多人食㗎大家嚟到都可以試吓…查看更多

酒樓成日覺得係一大班人食先開心，但係今日同屋企人兩個食，一共叫咗三樣嘢食，水準真係高我哋兩個人一共叫咗三個餸同埋兩碗飯，一開始以為一碗飯夠，點不知最後都係添飯，因為啲嘢實在太好食xd一開始上嚟嘅係椒鹽魷魚，本身喺出邊食，都知道點都會有麵粉，但係呢一個炸皮真係薄到好似薯片咁， 而且魷魚一啲都唔會硬，咬兩咬就已經可以吞，真係外脆內軟！之後魚香茄子就上嚟，超級多茄子，而且茄子完全係鮮紫色，雖然呢個煲比較油膩，但係睇得出，廚師一啲都唔吝嗇最後係我最期待嘅聖子😍😍😍四條聖子，絕對夠兩個人食，肥美多肉，啲汁都好好食，所以最後都係會添飯最後計埋茶水👌…查看更多

放長假嘅日子當然係要趁早去覓食啦 唔洗同人迫最繁忙嘅食飯時間吖嘛今日行過高登商場 就揀咗呢間潮福食我最鍾意嘅中菜喇一上到去可能因為太早嘅關係啦又冇乜人喎幾好幾好 每張枱仲有1.5米嘅距離添 絕對唔係某啲餐廳間塊板就算 完全唔使驚其他人會太近自己花多眼亂之下我哋兩個人揀咗一個砵酒桶蠔同一個海味雜菜煲砵酒桶蠔黎先 啲蠔黎到肥嘟嘟大大隻 睇得出佢係有用炸粉先炸左隻蠔先 再用砵酒去炒 雖然上到檯無「炸炸」聲 但穫氣都唔錯 不過不失反而海味雜菜煲更有驚喜 本來諗住清清地揀個菜 都冇乜期望 點知佢啲菜煮得啱啱好 好清甜 有生菜菜心西蘭花 海味方面就係鮮魷同蝦乾 好鮮味嘅蝦乾同魷魚都好新鮮 呢個看似平平無奇嘅餸反而仲有意外驚喜喎 如果可以多返少少鮮魷咁就更加好喇哈哈兩個人配返個白飯都夠哂飽了 最後酒樓仲送返個西瓜畀我地 真係啱晒…查看更多