潮盛館

營業中

休息中

餐廳位置是觀塘歷史相當悠久的日式食肆大盛，還以為後者結業的時候，原來將鋪面一分為二，既有日式食肆，也有潮菜餐廳，大盛的風格是性價比相對高，來到潮盛館也是如此，人均消費比起連鎖潮州菜酒家還要便宜，當然也說是即叫即制，香港潮州人很多，而且相比起日本菜，忠實顧客應該會更多，因為不會因為旅遊而影響到吃日本菜的意欲。先說他的滷水鵝，鵝肉滷得入味，滷水味道偏甜，肉質爽實，如果滷水再鹹一點，香料味再多一點就會更好。炸蠔餅和炸九肚魚最重要的是吃起來夠燙口，外表香脆，但不會太厚，這裏當然合格，特別是九肚魚內裏的軟熟和糜爛之間的口感，就是我所要的；至於蠔餅粉不多，蠔肉份量不錯，而且又夠香，炸起來也很脆，只是蠔仔吃起來還有一點沙，在處理上可能要在花多點心思，但當然好仔的處理，某程度上比完隻桶蠔更難。蒜蓉勝瓜和方魚肉碎粥，水準平平穩穩，叫做吃一餐。有菜有肉有碳水化合物的晚餐，和相識已久的朋友相聚，這點才是最重要的。This restaurant is located in Kwun Tong, in a historic spot previously known as Daisen, a well-know

午市好旺場既餐廳，一定要早d 出發先有位😆酸菜魚米線酸菜的酸味與魚的鮮美相結合，形成了獨特的味道，令人開胃。加入適量的辣椒，增添了熱度。新鮮的魚片和豐富的配料，讓整道菜的口感更加層次分明。魚肉滑嫩，入口即化，無骨。米線吸收了湯汁的精華，口感柔韌，十分過癮。酸菜魚份量十足，超級大碗，食極都食唔完咁😆仲可以免費配可樂，解一解辣👍

潮州菜冒名而來食團年飯早食晚飯5：30，坐下便聞到臭味原來是垃圾房搬運中有人進出後也沒意識關門所致早吃飯也沒得到較好位置安排員工咳嗽沒帶口罩整體來說味道一般服務勉強合格工廈不是問題，但垃圾味則環境較差不會再去

呢間潮州嘢午市真係好抵食，二人套餐百零蚊就有交易，而且內容仲要非常豐富！🤓🤓午市二人套餐 👥 $168套餐包咗是日豐料燉湯🥣（兩客）、鵝肉拼元蹄🪿、翠綠炒蝦球帶子🦐、白飯🍚（兩客），套餐已經奉送咗茶或咖啡☕️，罐裝可樂🥤加$3就有！初時以為呢啲套餐既鵝肉拼元蹄應該都唔會太大碟，結果完全足夠兩個人食，而且鵝肉仲好入味添！另一個餸係蝦球炒帶子，蝦球肉質爽脆彈牙，配埋帶子西蘭花送飯一流！至於燉湯非常足料濃味，單叫起碼值$50 盅～ 咁樣計嘅話呢個套餐真係抵到爛啦，絕對值得再嚟返兜！！😽花膠雞煲翅🐔 $128唔係好多地方有雞煲翅食，無意中發現呢度竟然有得嗌，當然要試吓啦！ 本身諗住百零蚊一客應該都唔會有太多翅，結果超級意外地，每一啖雞煲翅放落口都有魚翅‼️ 雞湯非常濃郁，而且完全唔會有腥味，食完個人仲非常暖，大人細路都啱呀！👍🏻👍🏻

呢個係一間比較隱蔽嘅潮州菜餐廳，佢啲款式真係好特別喎，你哋去社交平台搵一搵就知道，佢哋啲菜式全部識得噴煙，如果大家人嚟食嘅話非常之有面子，同埋佢哋啲嘢食唔算貴喎，我哋六七個人去食都係食咗千零$2000左右，喺香港未必做到，同埋可以包房，又有得唱K，餐廳啲員工都非常之善良同埋有線啦，我覺得都係一個可以接受嘅餐廳，唯一不足嘅係佢呢個地方會比較難搵，你哋可以去社交平台搵吓嗰啲路線圖，咁樣可以容易啲去到，不過其實都唔算難嘅我諗你哋開一開地圖其實都搵到㗎啦。

潮盛滷水鵝片鵝片非常滑嫰，軟腍腍，滷水味道剛剛好，味道不會一味死鹹，底下墊了一些豆腐吸收了滷水和鵝肉的味道，也很惹味，脆通鯪魚球搭配的蜆蚧醬真的有蜆肉，鯪魚球外面炸得香脆，一口咬下去，非常彈牙，外面沾了米粉，炸得很香很脆口，金箔椒鹽竹炭豆腐擺盤漂亮，打卡一流，金箔隨風飄動，勁吸引，黑金的顏色配搭搶眼又吸睛，一口咬下去，外脆內嫰，黑黑的竹炭外皮非常香脆，內裏是非常滑嫰的白豆腐，黑松露金沙蝦多士鹹蛋黃和黑松露的味道超夾，味道香濃誘人，蝦多士的蝦也很大隻，一口咬下去既有着金沙鹹蛋黃的香味，也有黑松露的點綴，而且口感不油膩，話梅涼瓜這道菜師傅也很花心思，擺盤漂亮，是非常好吃，亦非常開胃的一道前菜，苦瓜沒有什麼苦味，伴隨着的是話梅酸酸甜甜的味道，滲透了苦瓜，而且份量也不少，很抵食，餐廳專門吃潮州菜，餐廳的裝修背景是清明上河圖，座位寬敞舒適，餐桌和餐具均乾淨衛生，侍應的招呼也親切有禮，個人認為非常適合家庭或朋友聚會聊天。

原址係日本菜，裝修後一半轉左做潮洲菜館。轉涼了，自然想食湯飯/湯麵/煲仔飯暖胃，估唔到潮洲菜咁多岩心水既選擇。見到少見既白鱔，二話不說就order咗豉汁排骨白鱔煲仔飯（$78)，另外仲有排骨滑雞陳村粉都好少見！煲仔飯好快就上，白鱔只有兩件，不過脹卜卜，尚算肥美。加埋豉油，煲仔飯調味啱啱好，豉汁排骨唔會太鹹，配埋飯唔錯！

觀塘區都有高質的潮州菜館，呢間係潮盛館📍餐廳裝修乾淨舒服，最重要光猛💡-我同老公先點左蠔仔粥，一大鍋🥣蠔仔既新鮮又大隻。粥底份量夠，湯底入味，每啖粥都有豐富的蠔味🦪-當然要食打冷野，點左潮盛滷水鵝片🥢鵝片大小厚度適中，肉質嫩滑，滷水入味✅鵝片下配上滷水豆腐!-之後點左海味雜菜煲🥦🥬🫑有西蘭花，生菜和菜芯，配上魷魚和蝦乾🦑🦐健康之選！ -最後點埋爽脆海蜇🥢份量足夠，不過略為偏咸‼️-餐廳餐廳正門在工業大廈內，需要少少時間尋找入口⚠️同埋比較難搵‼️

呢間平民潮州小店，價錢親民，份量十足!我哋叫咗小食雙拼、金磚豆腐、韭菜豬紅、椒鹽鮮魷、臘味油鴨煲仔飯同蝦醬炒通菜🥢小食雙拼$88，揀了鴨舌同豬耳，鴨舌爽口有酒香，夠入味。豬耳爽脆，係一個抵食嘅開胃小食。金磚豆腐$68炸得金黃香脆，豆腐滑嫩，外脆內軟！韭菜豬紅$68豬紅夠滑，韭菜夠香，湯底濃郁，係潮州菜嘅經典之作！椒鹽鮮魷$138鮮魷炸得夠脆，唔會韌，椒鹽味香濃，份量都幾多。蝦醬炒通菜$108蝦醬味香濃，通菜爽脆。臘味油鴨煲仔飯$108係今晚嘅highlight！飯底金黃香脆，臘味同油鴨嘅香味滲入飯粒，油鴨肉質鬆軟夠咸香，臘味夠味，秋冬食啱哂！

今日喺觀塘收工，心血來潮去觀塘工廠區搵好野食，真係俾我搵到這間「潮盛館」👍🏻「上湯蝦球伊麵」是廚師推介的一款菜式，雖然是上湯但也有濃濃芝士牛油味，而且份量大份😋「滷水拼盤-墨魚-鵝掌」食潮州菜點少得滷水，墨爽口，鵝掌濃厚滷水味👍🏻👍🏻 如果賠償啤酒更一流「蜜椒薯仔牛柳粒」甜蜜黑椒味重，牛柳粒份量也不少，好香口的菜式，配飯配啤酒都好適合。「啫啫芥蘭煲」我喜歡食啫啫煲因為上台前會炸炸聲，香氣十足，雖然這個沒有，但味道依然，佢用上少許肉粒及大蝦乾，好好味呀😋

今日選擇了去官塘工廈的餐廳食飯，這間潮州菜館，食物有質素，除了傳統菜式外，也有創意菜式黑松露金沙蝦多士大大隻新鮮彈口的蝦仁同麵包炸得脆卜卜，上面加咸蛋黃及黑松露，味道好夾，好好味酒香墨魚雪白的墨魚切片，厚薄適中，混入香濃的紹興酒，彈牙爽口，回味無窮潮式凍烏頭潮州菜唔少得的凍烏頭魚，非常肥美，啖啖肉，每口都帶有魚油香味，好食金銀蒜蒸勝瓜勝瓜很新鮮清甜，上面鋪有生蒜蓉及炸好的蒜粒，蒸煮後，香甜的汁滲落粉絲上，非常冶味

工業大廈永遠都有好嘢食，今日朋友帶路去咗食潮州嘢雖然喺工廈地下，入到去裝修都好雅緻，碗碟都有設計感，連個菜譜都幾有特色先嚟個爽脆海蜇做前菜，味道帶少少麻辣香，但辣味唔重，麻油勁香，爽口好食餐廳推介特色醉乳鴿$128，上枱充滿驚喜，有少少乾冰放喺旁邊出煙，師傅刀功了得把鴿切成細片，擺盤好靚，醉鴿味道輕盈，唔會太鹹，而且每片鴿片都好入味，特別係腿同翼嘅位置，外皮做得爽口，一啲都唔肥膩，肉質又好細緻粉嫩另一推介醉香鴨舌$88，酒味會清甜一點，每條鴨舌都好肥美，入口爽脆，送酒一流潮州嘢必食嘅打冷鵝件拼盤，三拼$208，有好多不同選擇。我哋揀咗鵝件，墨魚及元蹄：上枱好大碟啊！份量足夠四人，滷水汁有肉香又有少少滷水藥材味。鵝件每一件都滷得好入味，值得一讚，師傅刀工唔錯，每一件切得大細分明。另外嘅元蹄處理得好好，一啲都唔肥膩，入口爽口彈牙。而墨魚都非常厚身，一啲都唔靭，爽口清甜，加上酸汁及辣油，味道更有層次。另外細心位墊底嘅滷水豆腐，都特別軟滑，唔會又乾又硬臘味油鴨煲仔飯，打開嗰蓋，已經聞到濃濃嘅油香，個臘鴨處理得非常好，入口唔會太硬，一咬就咬得開，充滿鹹香，撈埋個飯食一流，米飯粒粒分明，充滿米香，

阿妹最鍾意周圍覓食，今次又係佢推介嘅潮州嘢位置比較隱蔽，同另一間日本嘢孖住隔籬舖（可能係同一個老細掛）估唔到都好多人食喎我哋四個大人一個小朋友叫咗以下嘅菜式，包括蠔仔粥、煎蠔餅、滷水鵝件拼鵝腸同埋拔絲咕嚕肉一鍋蠔仔粥可能每人一兩碗啦，點知有個大食嘅姨甥仔要另外嗌多咗兩碗白飯再撈落去（胡椒辣都幾重份量 ，小朋友未必食到）我本人覺得好食🤤煎蠔餅就唔係我想像中咁樣囉，我prefer食pancake feel少少嘅 呢個有啲似好油嘅天婦羅但係我細姨甥當Pizza食咗幾塊 （太熱氣啦）我就唔食鵝腸嘅，所以淨係食到啲鵝件同埋豆腐-正常拔絲咕嚕肉係等咗好耐先嚟嘅。肯定漏咗單啦⋯⋯佢又唔係拔絲嗰啲（名不符實 ）不過佢啲肉全部都夠瘦嘅 菠蘿都好新鮮 酸酸甜甜 我哋一家人都好鍾意食㗎。

很想吃潮州菜，朋友帶我去他的飯堂，位於觀塘的潮盛館，位置有點隱蔽。這裡全日免加一，平日晚上也差不多滿座。鵝片拼墨魚 $228鵝片色澤好靚，有油光滋潤鵝片嫩滑有鴨香味，滷水味剛好不會太鹹，再點醋味道好夾。墨魚片爽口彈牙另外也有嫩滑厚豆腐墊底，吸收滷水汁精華味道一流。潮盛炸蠔餅 $128金黃色好吸引，配上刀叉享用，感覺高貴。炸得好薄好脆，輕易切開，蛋漿好薄又通透，沒有半點油膩感，有不少大粒又飽滿的蠔，而且夠鮮。秋冬乾燥，每人一盅燉湯滋潤下花膠魚翅燉老雞 $98雞湯味清甜，花膠彈牙可口，雞肉煲湯後仍保持嫩滑。姬茸菇螺頭燉花膠 $88姬茸菇湯味濃郁順喉舒服，花膠也是大件彈牙。

同朋友敘舊，去咗一間觀塘工廈近觀塘道的潮州菜館。位置有少少隱蔽，估唔到裏面全場滿咗，可能口碑好。裝修新淨，坐得有少少擠擁，但還可接受，店員服務有禮。潮盛滷水鵝片（例）鵝片肉質唔錯，新鮮爽口，滷水得啱啱好，有豆腐墊底，豆腐同樣新鮮爽滑。潮盛拔絲咕嚕肉真店之寶，枱枱都有一碟，擺位賣相靚，和普通的咕嚕肉相比外皮較脆身，肉質保持嫩滑，有菠蘿裝飾伴碟，令人開胃醒神。潮盛炸蠔餅新鮮即製，蠔餅炸得鬆化，蠔仔份量足。蠔仔粥（一鍋份量）蠔仔數量都算多，加咗翠玉瓜粒粒，增添口感。總括嚟講，食物質素唔錯，而且價錢合理，仲唔使+1添，怪唔得座無虛席，下次會再幫襯。