漢興茶檔

營業中

休息中

位於粉嶺嘅街坊茶檔，本身以為只係普通茶餐廳，野食款式唔算多，叫咗個雞翼同埋鹹咸牛肉蛋三文治，諗住簡簡單單醫下肚就算。鋪頭細細間唔算多位，但姐姐好有禮貌，仲會推介有咩好食鹹牛肉蛋三文治 - 非常有驚喜，黎到嗰陣心諗，咁攪笑個蛋同包分開，點知原來係呢度特色。鹹牛肉蛋好香滑，蛋又唔會太熟，而且非常厚身，口感一流，多士熱辣辣好香脆炸雞翼 - 同樣出色，外脆內暖，咸度適中。而且十零蚊一碟非常抵食。熱奶茶 - 不錯，茶味香濃又滑，值得一試

早前去粉嶺同班老友House Warming🤣繼食完四眼仔之後😆就去食埋另一間😌佢哋星期日唔開🤓而且好早收舖🤣好彩聖誕假放到星期一🤣有幸去到可以試吓😎兩點半去到，排咗陣隊🧐大概15分鐘就入到去😏鹹牛肉蛋加多士🥪$21幾乎個個都係必食呢個鹹牛肉蛋😁又估唔到真係幾好食😏同一塊漢堡扒咁上下厚🥳配埋牛油多士一齊食，真係好邪惡😈豬扒麵🍜$22我見比較多人推介🙂尤其個麵真係好好食😋可惜豬扒食落有啲硬😅整體味道都唔錯🙃漢興茶檔 (粉嶺)粉嶺聯和墟聯興街3號地下B舖

唔知點解機緣巧合底下又去咗一次粉嶺，今次係粉嶺嘅街坊介紹我哋去食呢一間漢興茶檔，仲話必去咁話。😋 鹹牛肉蛋多士 $21呢個行牛肉蛋多士嘅賣相好有趣，鹹牛肉蛋放喺碟中間，厚身又好味，雞蛋非常嫩滑！出色嘅地方係加入左蔥花，令雞蛋嘅香味發揮得更好，牛肉亦唔會太鹹，所有嘅味道都恰到好處，大讚！🙂 沙嗲牛肉麵 $23呢度嘅沙嗲牛肉麵OK嘅，不過未至於會留下深刻印象，但至少牛肉唔會用梳打粉‘拿’得太過，仲會食到牛肉味，沙嗲味略嫌唔夠香，花生嘅香味亦都不足，可以更好。😋 凍奶茶 $15好一杯出色嘅奶茶，茶香奶滑，呢一種屬於茶記嘅味道真係好正！係咁凍嘅天氣，好想喺茶記嘆番杯熱奶茶☕️抵食程度：⭐️⭐️⭐️食物質素：⭐️⭐️⭐️員工態度：⭐️⭐️⭐️環境裝飾：⭐️⭐️⭐️衛生情況：⭐️⭐️⭐️食過返尋味：⭐️⭐️⭐️（滿分：⭐️⭐️⭐️⭐️⭐️）

啱啱喺粉嶺做完Gym，就諗起呢一間開咗好耐嘅茶餐廳，本身好想食佢嘅油占多，因為價錢唔貴，而且係脆卜卜嘅。但當我入咗去餐廳之後，就留意到佢有沙嗲牛肉麵，以我記得以前好似沒有這個餐，而且想食沙嗲牛肉麵嘅心引誘起，所以就點左沙嗲牛肉麵啦！面底唔係出前一丁公仔麵，大概應該係普通既公仔面，比較軟身，沙嗲牛肉比較多，牛肉質地非常軟滑，沙嗲醬也不錯，再配杯熱嘅熱檸茶，就一絕啦！不過，淨係熱檸茶都要收$13，就的確真係很貴了！

點解又係我？第二次食又凍又硬嘅豬扒麵 又係我唔好彩？定係我天生靚女所以就5抵得？認真 真係好唔掂 近三個月第二次食冰凍硬豬扒面唉 我真係真係十分之失望‼️‼️你叫我下次點敢叫豬扒呀大哥🔥🔥🔥🔥🔥🔥

閒日早餐。就試下呢間貌似麻甩的茶記請明食一丁係唔駛加錢的！所點落單唔好講麵。係丁就丁。要講明。一冇講就default係福麵全日呀啦卡！ 冇餐曬你冷。咩都有。岩我呢啲重口味朋友凍奶茶。小甜小冰。前者做到。後者要自己手動。正路叫了蛋牛丁加配雞翼蛋牛另上。很好。俾個切面大家睇下下單時可走蔥（如需要）生熟度剛好一正常size撘兩未完成發育夠熱。味道剛好。不油當然東記好食好多。但絕對收貨題外話：我第日中午帶埋個朋友即刻再encore原來福米冇餐牌又唔遮。我落單時叫咗雪菜福米。嚟到係排裝米粉。唔“鞋”。但見到就燥！我落單時講明福米。你冇。又唔出聲更正。menu又唔劃去。仲要串__我。冇咗好耐啦呀姐。我係你間嘢個灶君呀？日日係你鋪頭呀？

低調茶檔只提供簡單麵食🍜同多士三文治🥪，而最受街坊熱捧一定係每台必嗌蛋鹹牛肉🥇#小胖遊粉嶺🐠—————————————————🔹蛋鹹牛肉加多士 $21有別於一般茶餐廳做法，蛋鹹牛肉成一個圓形🟡再有4塊多士圍住，有擺款已經睇得出係有花少少心思✨🥚雞蛋非常嫩滑柔軟，雞蛋同鹹牛肉嘅比例啱啱好唔會太鹹，再配合蔥花更加香口，夾喺牛油多士中間真係超級好食😋絕對唔會好似坊間嘅鹹牛肉蛋三文治得個咸字.🔹雞翼出前一丁麵 $22雞翼煎得香脆，冇雪藏味，咬落仲有肉汁小編s已經好耐冇食過出前一丁麵，呢度岀前一丁湯底少水所以係偏濃同鹹，麵煮得唔會淋、係有咬口😆最欣賞係出前一丁麵都唔需要額外加錢😉.🔹凍檸茶 $15🔹凍奶茶 $15🥤正常好飲味道.👨🏻‍🍳茶檔老闆真係好重視食物質素，見到佢叫伙記試用用唔同雞蛋🥚品種同調教比例去煮蛋鹹牛肉🧐務求做到最好💪.💡茶檔營業時間5am-4pm😂真係早起的鳥兒先有得吃—————————————————🧜🏻‍♂️口水度：🌕🌕🌕🌖🌑🤑CP值💰：🌕🌕🌕🌕🌖🧚🏻‍♀️打卡值：🌕🌕🌕🌑🌑🥰舒適度：🌕🌕🌗🌑🌑👅再食指數：🌕🌕🌕🌕🌗.♟Overall♟用心小店，貴精不貴多簡單唔複雜味道，價錢親民

難得有時間兩個人一齊食早餐又過咗返工前最忙嘅早餐時段於是就去試吓漢興幾次經過都冇開到，今日終於試到等咗5分鐘就有位入得去蛋鹹牛肉加多士多士切好咗細細舊方便拎上手食鹹牛肉蛋就普普通通唔會煎得太老太死實福麵配雞翼雞翼冇乜炸粉，炸起嚟都脆身juicy嘅淨食豬扒豬扒都幾大塊，無粉不過始終係較為薄嘅豬扒站起來難免有點乾熱奶茶夠滑夠茶味少點專心做幾樣嘢其實都好嘅幾樣食物都合格不過就唔算太有驚喜間中嚟食下一啲懷舊嘅茶仔都OK

其實已經知道轉了人近2年、不過我潮緯食開覺得佢哋已經改善了，但今日食豬扒旦面 凍奶茶⋯⋯塊豬扒又硬又凍‼️跟本就係炸定比人食⋯⋯我好失望‼️最近幾次都係咁⋯⋯我希望佢哋睇到這文章，會改變一下⋯⋯其實我已經有29年多去呢度食嘢了⋯⋯⋯

聯和墟咁多年黎最出名既茶記😋永遠自己煮都及不上佢既福麵👍👍環境唔錯 夠哂光猛💡然後就係我既豪華早餐😍一定係鹹牛蛋福麵加雞翼😍呢個配套 加杯凍奶茶 $54✅✅福麵彈牙 夠爽 唔會浸到發哂✅冇炸粉✅即炸✅配合埋枱上既椒鹽，100分📌賣相雖然麻麻✅食落有鹹牛蛋既特色✅蛋滑牛夠鹹❎冇葱會更好味有特色既筷子🥢整體係冇得彈😍👍除左個鹹牛蛋有葱之外其他都係非常好味😋⭐️⭐️最後附上餐牌等大家早啲揀好，去到即叫😆

📍漢興茶檔📍💡聯和墟一直都聽過呢間茶記好受歡迎仲都未食過，舊式茶檔設計。不過要留意佢開門時間05:00am-04:00pm(星期日係唔開架)🐥鹹牛肉蛋基本上一坐底就見到每台人都叫左呢個鹹牛肉蛋治，中間放左一塊圓形既鹹牛肉，熱辣辣即叫即煎，四邊放左4塊多士，多士好香牛油味，烤到脆卜卜，夾埋鹹牛肉係中間係冇得彈🐥鹹牛肉蛋麵($23)鹹牛肉餅又厚又有蔥花好香，連出前一丁都唔洗加錢，真係難得一見🐥豬扒麵($22)豬扒熱辣辣上枱，肉汁鮮嫩，炸到外脆內嫩，口感幾好，雖然豬扒麵好平凡，但佢係幾有味道，冇雪味🐥雞翼雞翼大大隻，一咬即刻出哂煙，調味就同豬扒差唔多，都同樣好食 最後竟然俾我見到維紀玻璃樽既朱奶，即刻叫返支😍呢個早餐真係100分經過聯和墟一定要試下

過咗11:30am 但仲係想食早餐嘅我聯和墟有一間選擇 就係漢興佢全日都買緊常餐 香港人茶記口味會叫個主菜 加餐肉$3有2塊加蛋$3有1隻 咁樣叫其實抵啲唔好叫個餐肉面 加豬扒 計落唔抵😆佢抵係抵係 出前一丁唔需要加錢你鍾意食福面 米粉 通粉都冇問題佢米粉係福字米粉嗰隻😍佢哋出咗沙嗲牛肉丁面$23之後都冇試過今日就嚟試試佢 冇咩特別正常嘢我嫌佢個多士乾身左 做唔到外脆內軟蛋牛就咁食我覺得咸咗啲反而佢蛋牛治個味道 對我來講啱啱好$9罐裝可樂 好貴🥲不過老公想飲 照叫放喺茶記 買呢個價錢都係差唔多

很簡單因為小學喺聯和墟嗰度讀，放學之後姑媽成日都會帶埋我同表姐一齊去食呢一間漢興茶檔，今日離開聯和墟，返咗去重溫舊味。其實食嘅都只係普通嘅公仔麵加雞翼，但係就係覺得好好食，唔知係咪因為佢嘅公仔麵煮得特別爽口，雞翼滷得特別入味呢❤️❤️❤️

⭐️漢興茶檔⭐️📍:粉嶺聯和墟聯興街3號地下B舖⏰:5:00am-4:00pm (星期日休息)💰:人均$30⭕️: 現金only**I👉🏻鹹牛肉蛋麵 💰23👉🏻雞翼/豬扒麵 💰22👉🏻餐蛋/腿蛋/火腿/腸仔麵💰20👉🏻雞翼三隻/豬扒一件 💰16🌜以上加蛋/火腿/腸仔/餐肉 💰3🌜炒蛋加 💰6🌜出前一丁麵/福麵/米/ 通粉同價👉🏻仲有好多包/奶油多/多士/牛肉治 💰7-20🌟我相信住粉嶺嘅應該都會聽聞過呢間😂我中學既救命飯堂👍🏻🥺因為佢嘅價錢真係好平 嗰陣仲係賣緊$20 一個鹹牛肉蛋麵！！ $20喺香港邊度可以食得飽🥺但係呢度可以 所以中學放飯嘅時候👧🏻🍼都會經常嚟食 不過呢度比較多人食 所以有時要等位 我建議買外賣返去食🌟鹹牛肉蛋係呢度嘅招牌 我通常會叫炸豬扒或者鹹牛肉蛋😽 火喉控制得好好 食落去好有鑊氣 外脆內軟 鹹牛肉都好多 啖啖都好滋味豬扒嘅肉汁都好多 同埋好嫩✨雖然都係普通茶餐廳有嘅食物 好平凡 唔需要特別去 但係路過嘅可以試吓🙌🏻 喺香港小店嘅味道！

漢興，由細食到大，由舊街市到地鋪⋯但現在已經變晒。我細個鍾意食，係因為佢嘅蛋煎到好靚，雖然佢餐牌上嘅嘢都係屋企可以煮，但佢嘅餐肉煎得好味啲（香脆）、福麵煮得好味啲（水嘅比例同麵嘅軟硬度剛好）、蛋牛治好味啲⋯但依家變晒啦，雖然福麵本身都唔同以前，但連米粉都唔係福米，變咗滑捋捋嘅米粉！餐肉好難食、米粉好難食、我見人哋嘅蛋牛治有蔥係入面😟、⋯⋯除咗有個舊伙記仲係到、同隻蛋仲似以前之外，同一般茶記一樣⋯失望😞