漢和韓國料理

營業中

休息中

由於家人25日生日並決定當晚吃韓燒，故我於2020年6月24日上午11點多致電漢和韓燒-銅鑼灣店訂枱明天(25日)晚上七點2位，接線小姐當時没有告知會有什麼特別的。到了25日當晚我與家人滿心歡喜的出發並七點前已到，門口安排帶位小姐亦已查實我早前已致電登記，我也看見我是第二位登記的(第一位的是訂了四位)，但安排帶位小姐回答告知需要等侯，但不知要等多久，應該要等個多小時並一定要與其他人一枱！如果可以的便幫我開始登記！我聽完後真是嚇一跳！"唔係嘛！"咁我昨天打電話來不是已登記嗎？門口小姐話這不算是登記，如要的便現在登記！在與他談話中眼看已有三至四家人一來到跟本没做登記便已可以立即入去有位，而且有一家人也是二位呀？有冇攪錯！我為什麼會這樣安排，他不看我也没有回答問題，只說你們要就現在登記要等，真是激氣！反正銅鑼灣有不少食店！我們没有登記入去吃韓燒，一齊走咗去對面的"滿屋日本料理"吃日本放題，一去到只等了一會便已有位，環境及服務都不錯，食物種類也很多，味道也不錯，吃了不小日本魚生刺身，羊架，想不到還有魚翅及花膠吃，真好味。

今日晏就公司聚餐選左黎銅鑼灣漢和食韓燒，每次黎會不斷食牛舌、三文魚刺身同豆腐花，雖然仲有好多食物選擇，但基本上其他野都比較少食，呢度牛舌厚薄適中，每次都不停去夾，飲品亦都無限供應，美中不足真係太多人黎，好彩佢地補貨速度都夠

漢和燒肉的肉類質素不算很高，但款式就算係好多了。週末一位都係大約$188左右，不過真係一分錢一分貨。佢都有三文魚刺身同埋壽司等等。除左豬牛雞海鮮等肉類仲有年糕可以燒。所有嘢都OK，只係牛舌有點硬同太韌，西冷牛扒應該落咗鬆肉粉。不過估唔到真係有生菜包肉的材料可以包來吃，有生菜包肉嘅醬同埋生菜。佢叫做對得住呢個價錢，整體來講環境同食物都算乾淨，枱面又比較大，都放到幾多碟

話說: 我已經不是第一次去呢度食, 起碼吃過5次, 但次次都沒有問題, 食物也不錯但係, 今次我們一行18人, 10大, 8小, 由於我們知道得2小時吃, 當時我們未齊人, 所有在5個人先到, 在門口等, 我們想等齊人才進入, 當時有一位女待應, 問我們幾人,  我們話10大8小,  佢立即黑面, 話我們兩個唔係小朋友,  (由於我們有2個小朋友比較高大 ) ,你地個個都9歲呀.  我們話, 你寫3-10歲是小童,  我們有2個是10歲1個月, 其餘全部都係10歲以下,  佢話咁即係幾歲呀, 我們話有5, 6 ,8 ,9我有講我比可以比歲數證明,  佢話10歲零1個月, 都係大人, 我問佢, 3歲以下免費, 咁3歲零一個月, 你們都係計3歲 個女待應越問就越惡, 態度十分十分惡劣,  農厝新年, 想高高興興團拜, 比2個女待應及一個專清潔客人檯面的男待應, 全晚黑面對待

臨時臨急即日搵唔到酒店自助餐，於是試吓韓國燒烤，我住港島區嘅，我見漢和其他分店嘅圖片都幾吸引，所以黎試吓！啲燒烤嘅肉唔鹹，提供左三種湯；人蔘雞湯；中式湯；海鮮辣湯同碗仔翅，有沙律，有熟食食物；有薯條雞翼有生果，飲品任飲，同埋有雀巢雪糕.攞嘢嘅食物枱同廁所都好乾淨，我一定會再幫襯！

睇過其他食評話招呼差，今日行過銅鑼灣想食吓燒肉，試吓多年前幫襯過嘅漢和係咪真係咁差，就走去試吓。銅鑼灣今日無示威但都好多舖關門，人少到唔洗排隊，半年前真係唔敢諗今日變成咁。可能老板知道有人差評服務所以有改善，我今晚整體算滿意，有一個後生女仔員工有禮貌，有人會自動嚟收碟，出面自取食物回滿都幾快，小食生果甜品等等都唔會空碟，我食到好滿夠，200零幾蚊唔算超值，但坐得舒服，枱夠大，可以慢慢食吓，5分我俾4分，可以再幫襯。

依家香港開到成行成市既燒肉店，選擇真係好多，但好多價錢都頗貴！數到又可以放題任食、又可以低價D，一定係漢和啦～我自己都好多年無食過漢和，今次幫襯見食物同服務等等都同以往差不多啦😄😄環境幾闊落，枱之間不算太迫。去當日係星期六晚市，但都冇乜人食，所以6點半入座都完全唔洗等😂 另外就係，呢間分店樓面清一色係同胞😅😅 (佢地對話係用鄉下話，我聽唔明) 令我有種返左東門食燒肉的感覺😅😅至於食物方面，係外面拎，食幾多夾幾多！燒烤區都係生肉/未熟的，各款肉類、瓜菜，選擇好多😄不過食落，啲醃肉大多數都重口味，加上用冰鮮肉已經食唔到肉本身嘅味道。著重肉質素嘅朋友，期望不用太高😂另外佢提供唔少熟食、沙律、刺身、甜品等！

幫襯呢間韓燒已經好多年，搬咗嚟銅鑼灣廣場後，個人覺得舊鋪好D。食物咁多年都無乜變化，食物質素其實好一般，勝在價錢都吾貴，所以會繼續幫襯。韓燒最好係西冷，其次係雞翼，仲有魷魚蘇都ok,其餘則一般，飲品個人選擇係龍井茶，湯方面要飲人蔘雞湯👍🏻，刺新只在晚市有供應，但只得一款三文魚，好在當天三文魚吾錯，對上幾次刺身吾靚，今次夠新鮮，熟食始終最愛年糕，豆沙鍋餅都吾錯，尾聲多數會食豆腐花同涼粉，西瓜🍉同火龍果結尾。總括來講，以價錢來講都可以一試。

不準人用支付寶，因為他們吾識用，態度又吾好，食物水準差，爐具又吾乾淨，筷子又油，紙巾牙籤又冇，未有貨返，所以沒有提供，叫客人自備，聽見都簡直笑死人，一次服務就看淸此店！

好多人包括小編在內都覺得放題熟食唔好食，但經過今日之後小編改觀，全因小編去左漢和苑食晚餐。首先環境方面，地方寬闊，乾淨衛生，食物自助吧地面沒有垃圾，店員會定期添加食物，地方不錯。其次食物方面，熟食方面頗有水準，特別係炒麵，色香味俱全，還有豆腐花，雖然唔太滑，但好有豆味，燒肉方面，小編較欣賞豬頸肉同牛肋骨，豬頸肉肉汁豐富，入口爽爽的，唔韌，牛肋骨肉質鬆軟，加上燒烤醬汁味道濃郁，可口！再者服務方面，店員主動幫助客人入座，仲不斷係自助吧加食物，確保食物供應充足！最後整體評價，小編推介麵類熟食，可以品嘗少量，之後再食燒肉類，環境食物服務都滿意，可以一試！

佢啲食物冇問題 但係服務就真係幾差 我打去book位 跟住有個女職員聽 啲語氣好似我殺左佢全家咁 我聽唔清楚又鬧我 佢係我我成世人打去book位遇過態度最差嘅人真係要加返啲員工培訓至得囉🌚

有時大班同事一齊就會食漢和，貪佢有大房，傾計都開心d! 多數食石頭鍋飯，佢d飯每次都好熱辣辣，食到走個刻都仲係好多煙！味道唔差，仲會送好多小食同埋一碗面屎湯添推介

大年初三，要搵到一間可以無咁迫唔洗等位的餐廳，真心好難。。。。幾經辛苦，終於比我搵到啦！初頭以為冇人食所以好快有位，一定唔好食啦！點知有驚喜喎!因為場地大，所以夠好多人坐。而且食物一完就即刻有人加。同行有位朋友是食素的，佢都搵到好多啱自己食嘅野，正喎!飲品，租品同水果都幾款比人選擇，都算唔錯，個盤黑左好快就會換。唯一問題，要自己燒，最好帶埋隻兵來幫手燒啦！不過百幾二百蚊，唔通仲想人燒埋比您咩?有咁多野食都算唔錯

今日天陰雨天，最好就在公司附近食飯，就去食韓國餐好多雞肉，超豐富，滑滑雞肉嫩化，湯汁濃郁，感覺好港式人參湯，人參味不濃加入白飯，都可以接受牛骨湯汁濃郁但牛仔骨肉質太有嚼口，完全咬胶，而且咬不斷下次試其他好食些

以為銅鑼灣只能捱貴嘢食？未必未必今日就發掘到一間抵食午餐的地方漢和 大家一定對韓燒唔陌生啦但原來有勁多選擇的set lunch menu岩晒上班族呀入去時職員會問你食燒烤定set lunch環境寬敞 又有卡位坐枱上仲有熱茶今日叫左韓式雞肉飯有湯、伴菜（菠菜&泡菜）、一大碗飯醃好的雞肉超入味 配飯一流如果想額外加伴菜，都只係$5一碟另外我加$6要左杯熱水如果唔想要飲品 可以叫個豆腐花做甜品呢度set lunch大件夾抵食看來係我來緊新飯堂之一了