漢和韓國料理

營業中

休息中

今日14:15到達，張單要求離開時間為15:45，雖然我們遲了兩分鐘離開，但店員態度非常惡劣，黑臉之餘，還故意在收拾枱面時做出很多險舉動，例如故意鉗起裝滿油嘅鑊，係我放滿手袋和物件的椅子上來回來回的擺動，又在食客面前倒熱水在枱面上清潔，令人不安。我明白你要急住收工，但我唔係賴死唔走，就算你們急於清潔都唔急在兩分鐘。本人因為帶著小孩同行，就算離開都要時間整理一下，如果因為遲了兩分鐘離開而令到貴公司員工加重了工作負擔，本人心感抱歉! 但作為顧客，要受到這不禮貌對待，本人更加遺憾。

集團式韓燒，依間分店食材比其它分店整潔，生食、熟食款式較多🤤可能依間分店客人較多，食物比其它分店好熟食小食款式多，湯類有2款選擇，仲有沙律🥗沙律款式算多，另有壽司位，除壽司外有三文魚刺身，食物不斷供應飲品櫃款式也多選擇，而生食食物牛肉類比其它分店醃得好，吾會太咸而牛肉扒部位吾錯，燒完較香口牛仔骨部位均衡，吾會過肥甜品類款左也較多，仲有豆腐花食物種類多選擇，吾會悶堂食環境較寬敞舒適，舉手叫服務員回覆客人快捷，客人要求換爐服務員也安排，整體晚餐不錯

推薦同僚去吃美味牛骨湯飯，葷素並重，熱食美香，謹試作一詞抒發感受:鷓鴣天~疫情限聚令開始放寬推薦同僚去官塘劃算漢和韓國餐廳有感~ 瘟獗持續到秋時，饗客無懼甘如飴。侃侃而談茶代酒，頻頻舉杯可撰詩。 韓式菜，屢試之，牛骨湯飯味新鮮。佳餚嚐盡並聯誼，口福頻試不吝嗇🍗🍖🍲🍜😋

是日星期日，晴天。同親友聚會一行7位，有張長枱位置坐，我個位望反馬鉄，有自然光，感覺好舒服。食物種類都多，豬，牛，雞，魚，魷魚鬚，豬大腸，蔬菜。有有沙菜，水果有，西瓜，橙，菠蘿，熟食有炸春捲，年糕，炸薯條 ，炒什菜。 甜品有豆腐花，紅豆沙西米糖水，啫喱，涼粉， 西米椰汁糕， 牛奶布甸等，款式真係好多，大家傾下，又出去拎下野食都幾好，成人hkd133加一服務，小童長者hkd113加一服務，抵食。推介朋友去。如果閒日仲優惠

搭馬鐵係石門站落，係京瑞商場1期2樓 ，上扶手左手邊就會見到入口通常隔一排就會黎食一次，lunch每位118加1，圍起 $130位， 都算好抵食燒肉正常發揮，飲品選擇都足夠，亦有啤酒選擇，熟食都可以，甜品唔算多，但每次黎一定會食豬腳薑! 多肉，又入味，食佢2碗都覺得值回票價! 座位都好闊落， 2個人黎都會俾4人位，食野時間過咗，無咩人都唔會趕走客人，可以舒服坐多陣先走

好耐無食過韓燒 個晚7點幾去到要等位 大概等左10-15鐘食物種類都好多 牛肉 雞翼 豬肉等等全部都醃過 好入味 但咁多款肉最好味都係牛肉同雞翼而蔬菜類 燒金菇好唔錯熟食黎講 韓式炒粉絲同炸雞翼味道唔錯成間舖既抽煙系統都幾好 食完唔會全身好大陣韓燒味同埋Staff都好主動話幫手換塊鐵板服務態度比其他漢和分店好整體黎講 住附近又想食韓燒 都可以一試

星期日6點黎到石門店 店員先為我地探熱 後入座 有好多種肉類 牛舌好食 西冷牛扒正飲品方面有成個飲品櫃 好多野揀 記得十年前中學生果陣得兩款飲品而家好左好多👍🏻之後甜品有西米椰汁糕 牛奶布甸 啫喱 綠豆沙 豆腐花 沙律菜都有兩款 有好好味既日本芝麻醬加埋粟米同車厘茄就好好味醬汁方面有蒜頭湯韓式燒肉醬呢啲都係10年前食嘅時候冇嘅所以而家都多元化左好多👍🏻👍🏻熱食方面有海鮮湯豬腳薑炒飯炒菜煎海鮮蔥餅薯條雞翼仲有三文魚刺身一家大細最啱嚟食3人埋單$670蚊

貴精不貴多！ 比起酒店自助餐, 這裡確實不能比, 但絕对对得起這介格. 每樣食物都有些, 是會去食的那種, 食得真的好飽, 要挺着肚腩出門口！我的食序：先吃沙津那裡有三種沙津菜, 簡單但新鮮, 附有橄欖油,黑醋,忌廉沙津醬及日本芝麻醬.混起來很惹味, 我一般會加上旁邊的小吃如黑木耳、泡菜、菠菜作為開胃菜,打一打個底. 然後開始食三文魚, 識食的都會拿三文魚腩位, 夠肥美！ 吃上一兩碟, 已值回$60/$70了.跟住就開始吃燒烤類食物, 如雞肉, 牛肉, 雞腎,八爪魚等, 吃一兩輪已漸飽. 但醃肉的味道如同一徹, 已分不出食的是咩肉了, 興趣不太.特別推介： 燒洋蔥 & 金菇, 雖然只是配菜,但份外鮮味,可以淨化口腔的味覺.然後再吃熟食： 薑醋味道温和而甜度適中, 豬腳好腍,比街外的鴻X堂/富X都要好！鮮炸椒鹽雞翼：皮脆肉嫩, 少少咸香, 比老麥的好得多！甜品推介： 豆腐花西米露牛奶布甸.還有雪糕任食&飲品任飲, 包括啤酒.總括@食到自己想食的= 值！！服務員主動換烤板&收走枱上的碗碟及垃圾,都很勤快.地方很寬敞, 不會有很多油煙.記得離枱取食物要帶口罩！

曾經很喜歡到這家餐廳吃韓國燒烤，價錢便宜之餘也有很多款肉類可以選擇，熟食方面比較喜歡吃三文魚，韓式炒粉絲，還有薯條。雖然雪糕是最便宜的雀巢雪糕，但是芝麻味和朱古力味都很好吃

今日lunch同左兩個同事黎呢度食, 其實之前都幫襯過, 食過韓燒都食過lunch set, 覺得呢度lunch set 四十零蚊起跳都OK~~不過今日因為唔想成身韓燒味, 問左個STAFF 2次定3次坐入房得唔得, 但佢好似活係自己世界裡面完全聽唔到我講野咁, 淨係指住張韓燒AREA既檯叫我地坐啦坐啦, 好唔醒目........ 呢個時勢又唔係多人.........🙄黎呢度我通常都係食炆牛骨飯~但係之前食係好多牛同好多配料, 裝到個兜好滿今日淨係得兩舊牛, 肉有啲韌，仲要其中一舊好多肥膏, 根本食唔到D咩, D紅蘿蔔又唔夠淋，白蘿蔔又有啲渣....係個冬菇入味同夠厚幾好食味道差咗但係食完之後比之前更加口渴， 開始對呢間餐廳有啲失望。。

午市黎左呢度食 唔洗等位呢間係韓式料理嘛 就想叫個泡菜炒飯食下見到佢菜單寫住“辣泡菜炒飯” 咁睇應該就係我想要既野啦？點知...黎到竟然係一碟咁樣既野下？呢個係泡菜炒飯？你唔好玩我啦唔知係咪拎錯左另一隻炒飯比我 但係張單寫既又岩架喎 求其Google下都知泡菜炒飯係咩樣啦 唔洗我講掛係咪自家創作？泡菜同炒飯分開上 個飯係揚州炒飯黎？我到底食緊茶餐廳定係韓國料理架？？？不過 佢最近午市有優惠 28蚊食到碟三文魚 仲要係厚切既心理都平衡返d

工作在沙田，飲食在沙田，公司的小型 Christmas lunch，也在沙田舉行。而公司在石門區，大家早已經知悉，要找好野食，今時今日，行多幾步就有啦。這一次，大伙兒去到京瑞廣場，平平地，又開開心，包了一個房仔，來到《漢和韓國料理》，食韓燒。未來食韓燒之前，同幾位同事來過食他們的午市套餐。$40 - 50 元一個套餐，非常之經濟實惠。那一天我就叫了一份我最喜愛的牛肋骨餐。牛肋骨肉又腍又香口，湯底是鮮甜的牛肉加蘿蔔加冬菇的湯汁，配上泡菜芽菜，很是好。而食牛肋骨，飯是一個必須品，沒有飯，是吃不出那個真味的。可是，美中有不足的是，他們的例湯，是廣東式的老火靚湯。聖誕前，又再來了。這一次是公司的 Christmas lunch，我們大伙兒來《漢和》食一個豐富的韓燒放題。說正確一點，這是自助餐，因為這並不是剔紙仔的那一種日本式放題。我們一到埗，未正式坐熱張凳，就衝著去先夾一轉。因為是燒，所以有好多肉。當然，牛肉是所有人的熱門選擇，其他的雞肉、豬肉、羊肉，以及一些海鮮，內臟類等，通通都入味及濃肉香，煎炒起來，份外的香口。不想一開始就肉淋淋，這兒也有不少的沙律選擇。每一次自助餐，我總喜歡來一個沙律，

今日又黎石門做Facial，做完之後搵野食，心思思想食豆腐花，就黎左漢和食韓燒。係，你冇聽錯，個邏輯好似怪怪地，想食豆腐花就去左食漢和韓燒，因為成日覺得依間野D前菜呀，熟食呀，湯同埋甜品先係皇道。尤其係我勁中意食佢地嘅豆腐花，我覺得佢地ｄ豆腐花水準係比阿婆豆腐花仲要好食，仲有綠豆沙／中式糖水同涼粉。其他凍甜品仲有好正的椰汁西米糕（泰式果隻），次次黎都要食勁多個！！！總之一個人百零蚊就可以滿足好多個願望。

幫襯過三次以上，食物質素一般。今次幫襯我哋一肚氣。一行三人坐在近窗邊卡位，曾經向三位員工分別起碼五次反應出風口出風太勁，要求較細少少個冷氣。第一次一位着藍色恤衫嘅女員工，充耳不聞，只用眼尾稍左我哋一眼，然後離去。第二位男員工相信係主任或經理級人員，向我們表示其他食客可能會受影響，不至可否會較細冷氣。第三位員工，於我們預訂離座時間45分鐘前要我們埋單，我也表示可否關細點冷氣。最後冷氣並沒有任何改變，我們唯有離去，因為實在太大風。其實當晚並不滿座，員工如果覺得較細冷氣是不可能的話，我們願意更換座位。但沒有一個員工提出可以幫我們換位。離開時亦聽到一男一女員工正在埋怨我們麻煩。但實際上佢哋並沒有做任何事。佢哋服務態度奇差，星期日晚上亦不滿座，食物質素好一般，當晚嘅牛肋骨亦不新鮮，呈瘀黑色。佢哋個個員工口黑面黑，愛理不理。老土啲講句，今時今日咁嘅服務態度，點可以咁樣！冇下次！

石門呢個地方都幾特別，因為雖然佢係工商區，但係因為有馬鐵嘅緣故，所以就算係假日，無論住第一城或者馬鞍山嘅街坊，都會嚟呢度消費，所以其實石門站呢個商場，個場都幾旺下。呢個商場開張到而家，開下開下，都開左幾多食肆。其中食韓燒放題嘅餐廳，都其實已經有兩間。我地一家人比較中意去嘅係漢和呢一間，佢地方比較企理，坐得幾舒服，仲要最緊要係因為佢除咗有一般燒烤嘢食嘅肉類之外，仲有其他好多熱食、前菜同甜品等等非常之豐富嘅選擇，總之一家人各自都可以自己想食嘅野，百零蚊一個人就食得可以好飽啦。我自己最喜歡其實係佢地嘅湯，除咗有人蔘雞湯，仲有例湯、糖水，即綠豆沙之類嘅中式糖水，仲有涼粉同豆腐花，豆腐花水準甚至係比甜品舖仲要好，所以一般我黎食野，都只會俾一半胃納俾燒烤食物~ 甚至有陣時人在石門唔知食乜好嘅時候，可能都會入黎我唔知食咩好嘅時候都會食下。燒烤肉類方面，都係正常韓燒供應嘅選擇啦，例如牛肉、豬肉、雞翼、蔬菜等等，仲有牛脷！調味唔錯，D肉唔會話雪左好耐咁。如果晚餐嘅話，仲會再有牛仔骨同埋三文魚刺身。午市嘅時候仲好似唔限時間，但係其實食一兩個鐘都已經好飽喇。屋企兩老就最鍾意依度嘅薑醋，其實應該係話成日都見到