影片
港鐵金鐘站 E2 出口, 步行約10分鐘
繼續閱讀
電話號碼
35280980
營業時間
今日營業
08:00 - 19:00
星期一至六
08:00 - 19:00
星期日
全日休息
以上資料只供參考, 請與餐廳確認詳情
🤏🏻咖哩魚蛋首先講吓個「咖哩魚蛋」，一上枱已經聞到陣陣咖哩香，魚蛋彈牙得嚟又入味，咬落去好有口感。個咖哩汁唔會太辣，帶少少甜味，好惹味，食完一粒又想食第二粒。最正係佢哋嘅咖哩汁煮得啱啱好，唔會太稀，撈埋魚蛋食真係好夾，絕對係茶記必食之選！🤏🏻XO醬撈出前一丁配午餐肉跟住就係個「XO醬撈出前一丁配午餐肉」，呢個真係好有驚喜！出前一丁煮得啱啱好，唔會太淋，撈埋XO醬食，味道香濃得嚟又帶少少辣，好開胃。午餐肉煎得金黃香脆，咬落去好juicy，同個麵撈埋一齊食，真係好夾。整體嚟講，呢個撈丁真係好有水準，食完之後仲想食！
繼續閱讀
知道演藝學院一直都有三餸飯同呢間西餐廳. 但實在唔知呢間西餐廳叫咩名. 見到張單先知原來同三餸飯個間係同名. 不過佢就係樓上. 三餸飯個間係另一邊上. 兩間同樣都係自助式. 呢間西餐廳價錢會貴少少. 不過主菜會有人拎比你. 屬半自助式. 睇岩食咩先去買票比錢. 拎左餐飲. 餐湯同埋餐包後. 自己拎埋食具. 就可以等人送主菜.雖然價錢唔平, 但係若果係演藝的學生或者員工. 佢地出示證件係可以有折扣.不過佢同三餸飯一樣, 坐位係無人帶位, 要自己搵位或者搭枱. 講返個餐. 首先佢個餐包就係好普通的餐包. 要牛油的話, 可以係收銀個度問埋佢拎. 湯係西蘭花湯. 不過因為一早放定出黎. 所以唔算熱只係暖. 但都算係有料, 因為會見到d西蘭花蓉.至於佢杯唔駛加錢的飲品係百香果茶. 凍熱都唔駛加錢, 反而飲其他飲品要加$5個百香果茶好香. 亦唔算好甜. 唔駛錢值得一試.茶裡面重有一片薄橙附上. 主菜叫左香煎魚柳配薯菜, 薯菜其實係薯蓉. 無咁熱氣. 放左係魚的下面. 魚的份量都唔少. 但有少少咸. 重有兩隻大蝦. 蝦好爽口. 但好似剛剛熟, 什至有某d部位重有少少透明. 菜係有輕輕煮過. 所以唔算好硬. 如果個魚可以輕手少少落少d鹽. 應該更好味.
繼續閱讀
今日有事要去演藝學院，剛好是中午時分，便去飯堂吃過午餐。這個飯堂的選擇不及一般快餐店多，主要是一些兩餸飯、粉麵類。以前曾經到過這間飯堂，記起以前比較多選擇，可能因為選擇太少的緣故，就算是午餐時段，飯堂的客人也不多。我叫了一個普通常餐，有火腿公仔麵，特意問職員可否轉米粉 ，職員也禮貌地表示可以。常餐配有炒蛋和香腸，米粉份量頗多, 火腿的數量正正常常, 炒蛋也算滑溜, 香腸是車仔麵那種水煮的香腸, 正合我心意，因煎香腸太油膩。朋友叫了燒雞飯，非常大隻，燒雞個外皮金黃，腿肉夠嫩，朋友說很美味常餐$39，燒雞餐$55，均包括餐飲，在灣仔吃過午餐也不便宜，這個飯堂午餐性價比算不錯！
繼續閱讀
前2日貪得意就再去演藝學院Canteen食天tea，呢間Canteen係美心集團旗下自助形式校園餐廳。未食前期望其實都唔係太大，所以都評分係Ok，就算無乜特別。先講環境，唔會太dirty，自己食完要把盤放方去收集位，都有姐姐抹下枱。Tea 時段人亦唔太多，但門口有貼告示，12點半前， 由於座位有限 ，非校內人士要離坐， 讓校內的同學可以有座位食中午。（非校內的Walkin 客要注意啦）講返我個日個Tea set，豬頸肉肉燥撈麵配汽水或者茶 (29蚊)，味道唔差，普通快餐店水準。價錢方面，佢地有分2個價錢，學生同訪客不同價錢，訪客價錢其實同大家樂/或者 大快活嘅下午茶差唔多價錢。
繼續閱讀
canteen間間大學都有，但呢度好可能係全香港最有藝術氣質的canteen。就算脫離了學生時代已久，享受不了學生價，正價也比街價便宜。美美的下午茶，環境又寧靜，夫復何求。
繼續閱讀