漁樂 (黃大仙中心南館)

漁樂的泰式肥牛粉絲煲和飛天通菜炒豬頸肉想不到外賣都可以那樣高質。泰式肥牛粉絲煲真的吃出泰式風味, 香料用得很好, 不會太嗆或太辣, 風味一絕, 我喜歡, 覺得開胃, 不會死咸, 單吃也不會覺得太重味。肥牛就是一如所料, 高質, 肥瘦均勻, 油脂香得很,  還好用的是肥牛, 最怕牛肉乾爭爭又嚡, 用肥牛就是美味保證, 吃起來很嫩, 煮得很好, 沒有因為是外賣而過火過熟。除了牛肉外還點了蔬菜, 營養比較均衡, 外賣送過來也沒有發黑, 菜莖也不會太硬, 菜葉更是入味, 很好吃, 而且加了豬頸肉, 煮得很嫩, 有咬口, 十分好吃, 推介。…查看更多

係黃大仙有好多餐廳，呢間好易bypass。不過母親大人話好平喎，咁就試下。入座/等位： 假日下午兩點幾，都幾多人食下午茶。 等左五分鐘左右環境：除咗燈光明亮，同其他你諗到嘅連鎖餐廳無乜分别。 食物：叫左果XO醬豬扒炒公仔麵，$33。 哇，我以為返左十年前，下午茶物價可以落到咁低架。咁都預左份量唔會太大份，因為下午茶餐。 食落豬扒偏乾，麵係咸底。 係填飽少少肚囉。 檸檬茶正常，應該係有用濃縮檸檬液。 因為我叫咗多檸檬，然後就非常多嘅人工檸檬味。 總結：如果行街行到一半，有少少口痕，對食物無太大要求，可以黎食下午茶。 正價我就未必會推薦食，成間商場有同類型比佢更好食嘅選擇。 …查看更多

一向少嚟黃大仙～今次因為睇舞獅～順便喺附近食下午茶先叫咗兩個下午茶餐價錢唔平～仲要加錢先有飲品～加完飲品$5x同午餐價錢差唔多～但份量少好多輕量海南雞飯配碗仔翅～海南雞偏生味道麻麻～黃薑飯幾香～碗仔翅賣相都幾似樣～完全冇肉絲～得冬菇絲、木耳絲、雞蛋絲食落冇乜味～又冇醋馬來沙嗲焗雞飯～份量唔算多～沙嗲味幾香～好有花生味～雞扒醃得幾好味切件上～上面仲有焗芝士～幾香口好開胃:)唔使加一呢個價錢都係偏貴試一次就夠…查看更多

今晚去黃大仙醫院探完阿媽，落去南館，是旦食，見到呢間東南亞菜，試下啦入去個哥哥問幾多人，兩個呀，門口有張枱,佢話呢度啦，真係門口, 但入便有吉枱喎……我同家姐共識地行入去，哥哥話：喂等人安排…勁無禮貌，我地都係入左去，有幾張無人坐嘅枱，坐低,有QR 落單，我用啦,但係qr同餐牌有d唔同（可能我未睇清楚）咁我咪叫侍應落單囉，我想要一個大馬站煲，佢毫不禮貌講： 講號碼,號碼呀,我即刻講:下,你地d服務態度原來係咁，佢又即時好返少少點左大馬站煲(餐），咸魚芥蘭同無骨鳳爪大馬站煲係無蝦醬味（呢個可能係我期待姐,個個鄉下唔同,我唔知佢係泰定大馬,所以我唔敢講佢呢個菜啱唔啱)跟個白飯,唔好啦,個飯爛哂,又未到一pat,，又唔飯又唔粥，想點？咸魚芥蘭，d菜硬過我個菠蘿蓋，無骨鳳爪，又唔辣又唔酸服務態度差，野又難食……我好禮貌問佢攞隻碗,服務員同我講果邊……即係自己拎啦……為左呢間嘢，我唔怕驗証上open rice第一次 寫食評真係我覺得最差嘅一間以上只係我個人感受…查看更多

週末與家人到黃大仙逛街時，順道到位於南館的「漁樂」吃午飯。餐廳環境寬敞，可能因為人流不多，我們並不需要等候便可入座 🤭🌟我們點了海南雞飯和豬扒喇沙湯麵，並額外加點了一客蝦餅作為小食。主食的表現中規中矩，海南雞肉質滑嫩，搭配的米飯香味適中，而喇沙湯底濃郁，豬扒也算入味，算是穩定發揮 👍🏻但真正影響用餐感受的是蝦餅。🥲 實物和菜單上的圖大不相符。蝦餅的大小僅有小指般長，與圖片有明顯落差，性價比偏低，甚至聽到鄰桌的客人也在抱怨同樣的問題，似乎不只我們有這樣的感受 😓🙂‍↕️此外，餐廳的服務水平也有待提升。用餐期間叫了幾次店員都沒有得到回應，當詢問是否可以加水時，甚至直接叫我們自己斟。總括而言，餐廳的食物合格，但小食的質量和服務態度實在有改善空間😕…查看更多

平日早餐時段做到11:30我點了一碗札肉火腿肉絲米粉湯底濃濃的雞蛋味，札肉好有口感，可惜份量少炒蛋有奶香味，炒得唔鬆散，美觀隨餐附送厚蒜油多士，搽既蒜油醬一點唔吝嗇，淡淡牛油香味，齒頰留香另外熱飲點了椰香咖啡濃濃椰奶代替傳統淡奶第一次係茶餐廳有椰奶咖啡飲…查看更多

色香味俱全，而且營養價值豐富。通菜富含維生素和礦物質，而豬頸肉則提供豐富的蛋白質，兩者搭配不僅美味，還能提供均衡的營養。其次，通菜的口感鮮脆，帶有淡淡的甜味，與豬頸肉的油脂相輔相成，增添了層次感。豬頸肉肉質嫩滑，脂肪適中，炒至後香氣四溢，增強了整道菜的風味。…查看更多

警世 千祈唔好行入呢間垃圾餐廳肥牛數量得五件 肉眼見到有幾細塊 同店員反映問題 佢話：我哋間嘢啲肥牛係得咁細塊 煮完之後捲埋咗 不如嗌其他嘢食？我真係問號曬 店員完全冇打算幫你解決問題 第一次見一個$75嘅泰式肥牛粉絲煲全部都係粉絲 得五粒肥牛 同埋幾粒菠蘿仔完全唔建議大家幫襯然後叫多左個$75 泰式海南雞飯如圖 大家可以見到 燒味飯啲白切雞飯都靚過佢完全係劣食你話呢間嘢 價錢平嘅我可以接受大佬 $75你俾啲咁嘅嘢我美心大快活都仲好食過你完全中伏學校啲hall canteen仲好食過佢😓😓😓😓D好評應該都係買返嚟的吧……查看更多

叫咗杯飲品，要求少冰..見到張單都有打到少冰既，結果出到嚟變咗成杯都係冰！於是告知店員，是要求少冰不是多冰！她亦即刻拎去水吧，可惜嘅係唔夠2秒至已經折返，即係水吧唔肯換，好有性格！我亦都唔想個店員難做，亦都冇再糾纏落去！可見貴公司有Keys可以打少冰，但係水巴人員原來根本冇睇單，並且知道沖錯咗都唔會為客人更改！可見貴公司培訓人員有待改善！可讚嘅係由帶位到入座，啲員工都好有禮貌，落單後，菜都好快上齊！…查看更多

入座時枱面有食物殘渣 > 衛生差第一次食，問侍應攞杯水，佢隨手一指喝住講「水自己斟」 > 態度差食海南雞河+春卷+白桃特飲 > 快餐。落單2分鐘就上菜，雞只有雪味，醬料味道奇怪好像放了很久，白桃特飲充滿化學咳水的味，只有春卷新鮮炸起熱辣辣算正常，8X蚊食餐禁ge lunch真係「超值」我食到後期，頂唔順杯化學飲品想去斟杯水飲，本身個袋仲放係座位，當我離開座位唔夠5秒，連自助斟水位都未行到，匡X平部長就即時掃走晒本人的食物 > 趕客平時都唔想寫食評，呢間餐廳真係由食物到服務都係不知所謂，請慎入…查看更多

極難食 態度差到一個點！！！嗌咗一個冬陰功粉 一個香辣牛肉炒飯全部都甜到喊出黎一食落口 咩黎㗎？？？？？因為裝修之前都食過 幾好食今次就同侍應講個飯太甜個粉仲話食到 飯太甜真係食唔到佢話：係咁㗎我話：可唔可以換過碟佢拎咗去廚房問下然後話：係咁㗎 唔鍾意食不如換第二樣我話：咁就算喇 搽咗佢過咗2分鐘第二個適應又拎碟嘢翻黎佢話：唔甜呀我試咗我？？？？？咁點？係俾翻我哋食？？？佢話：唔鍾意就唔好嗌佢 下次冇得退我：冇下次黎喇 唔好意思走之前我哋2個成人 一個bb車喺一個位 所以坐4人位有個侍應黎問我哋係咪2個人有兩人人黎 可唔可以搭台我又？？？？？？算喇 走喇 冇下次…查看更多

爸爸媽媽比較鍾意呢間餐廳。今次去到餐廳發現他有裝修，餐廳比之前更加明亮。爸爸近來好鍾意食星洲炒米，可惜侍應告知午餐係無星洲炒米。本來諗住叫金邊粉，但係個女侍應不斷在我身邊同我們講「金邊粉好食過星洲炒米，我試過㗎啦，好食好多㗎。你哋一定要試呀！！！」聽到她咁樣講我覺得好似軍訓，好似一定要服從她。唔知以為她是漁樂老闆添。不過爸爸媽媽都係好鍾意嚟呢間餐廳度食。行咗成個商場個最後都係話要嚟呢間。兩個老人家每個禮拜都要嚟呢度飲下午茶。媽媽今次要咗個酸菜魚走辣，她都覺得幾好食。我叫班蘭紅豆🫘椰汁冰，好香椰奶味，我都幾鍾意。…查看更多

裝修完，真係好差，集團式經營⋯服務：侍應基本上轉晒，服務好差，舉手叫人都冇人應 當你透明，重點係個場都吾係滿，成4,5個侍應。門口招手同收銀姐姐態度最好。星期日下午茶都冇人，真係有原因食物：叫左個下午茶 冬蔭湯扎肉金邊粉 全部都係紅油 淨係得辣味 成個粉 最好食係芽菜。墨魚餅 完全係照騙。 餐牌好大塊 黎到⋯果然圖片只供參考你用app 落單架 更新張相 好難嗎？:(…查看更多

價格實惠家常菜假日經過見多人排隊，有一百幾十的明爐烤魚，又有五十幾蚊的牛腩飯，望落價錢正常就試下天氣凍凍地，點咗芥菜鹹蛋肉片湯飯，係石鍋上，熱辣辣，感覺無咁頹。味道方面，肉片無咩特別，芥菜的清爽同鹹蛋的濃郁為湯飯添了幾分風味。==============================見啲人唔想煮飯，又唔想成日食大x樂/大x活嗰啲就會試呢間==============================…查看更多

沒想到這漁樂，在黃大仙這居民區新開的東南亞餐廳，地方不大，裝修不是特別精緻，居然不論是午市還是晚市這種飯市時間會有那麼多人。果然在高級的地區或是居民區，只要找到市場需求和特點，生意總會有突破點。反正就是人多的餐廳總會是好餐廳，必須試一試，看來價錢亦可以，不貴也不便宜。食客很多都是一二人的，並不是家人或一團人的來，吃的食物也是正常普通的東南亞，泰越等的菜式，沒有多大的特點和特色。我吃的餐亦然，不過或許就是不過不失才是好的選擇。…查看更多