漁樂 (置富第一城)

營業中

休息中

杯檸茶似係用粉開, 再加d 檸檬渣, 未飲過咁難飲既涷檸茶, 以前係禾輋時好好食的, 食物種類多, 又多選擇, 我去禾輋一定食佢. 而家搬左落第一城, 可能貴租, 而家完全唔係果回事........期待佢搬返去禾輋

下午茶 14:00-18:00🍴輕量香茅脆雞咖哩飯配熱飲 $39石鍋睇落去細細兜似食唔飽, 不過食落飯嘅份量都唔會太少, 而雞件份量都可以喇, 以呢個價錢來計份量其實唔算好輕量飯粒唔會太淋算幾好咬口雞件熱辣辣, 有趙頭, 醃料味稍為鹹咗啲, 亦無香茅味, 咖哩味甜得來有少少辣☕熱檸茶 無原片檸檬, 有啲檸檬絲在茶裏面, 放上枱嗰刻, 有啲似畀人篤過嘅檸檬茶, 感覺不良好, 但係其實飲落去都ok嘅魚堅總評性價比 3👍(以5👍為滿分)

點咗個 石鍋湯河 同豬扒蓋飯食具太傳熱，我老公一食個石鍋飯食到燙親條脷！ 問職員表示冇膠羮問有冇外賣羮，個收銀話佢老闆堅持用金屬羮🥲佢唔提個老闆還好，我老公問可否搵老闆傾下正視個問題收銀話打電話係搵唔到老闆😂之後我主動問 先俾個膠飯碗 放野係幾好食，不過建議夏天流流唔好出石鍋系列客人亦都唔好點🥲穩陣d不過lunch menu無乜選擇同埋第一城咁多小朋友，得金屬餐具唔理想只係一個小問題，但係冇人正視，係咪出咗事先去改？

喺第一城打滾咁耐都未試過嚟呢間位于置富第一城二樓嘅漁樂餐廳今日一早起身去沙田睇完醫生個肚餓到咕咕聲，周圍搵地方食嘢結果好多間都坐滿人，但呢間就小貓三四隻，遇上疫情我又不想去太多人嘅餐廳就試試呢間啦，伏就伏啦…就叫咗呢個香茅雞扒蛋蓋飯配黃咖喱汁結果其實又唔差喎，雞扒即煎脆皮熱辣辣飯都好夠熱，但係個咖喱就偏甜得嚟又真係有啲甜過頭，但喺咁肚餓嘅情況下都幾好食嘅。

第一城內的餐廳多數為連鎖食肆，漁樂係其中一間相對較新，雖然聽過個名但其實都未食過，早餐諗唔到食乜今次就試吓，估唔到有驚喜。叫咗香茅豬扒湯河，雞扒米線加多士煎蛋，落單叫飲品嘅時候，侍應介紹佢哋嘅檸檬茶同其他地方唔同，檸檬唔係一片片嘅，係已經篤好咗，正確啲來講係檸檬水，有檸檬果肉喺中間飄浮。個人來講幾鍾意，又唔使用力篤，檸檬味又重啲。不過可能個個人喜好唔同，我聽到隔離枱話唔鍾意呢個做法，想自己督塊檸檬😂。香茅雞扒同香茅豬扒正常發揮，而湯麵有菜粒同芽菜，蔬菜比例都多，早餐中比較少有。另外我哋加咗$8多士煎蛋，煎蛋煎到脆邊，多士亦脆口，因為幾好食臨走前仲買咗兩個外賣比屋企人做早餐。

我哋食過佢嘅早餐，覺得唔錯，所以今晚的晚餐又來一試！但係失望而回！爸爸同仔仔點左黃咖喱雞扒飯， 爸爸那份雞扒大到好似手掌咁，仔仔嗰份雞扒就細到一半都沒有，莫名其妙！啲飯好似稀飯咁，不是一粒粒狀態的，完全係水準之下！我點左個石鍋河粉，又碎又淋，完全不能用筷子夾起來吃！口感完全欠奉！本人食麵喜歡加辣，第一次叫佢比辣嘅調味料我，佢俾咗魚露我！我再問，先比支差辣椒醬我！點解要好似唧牙膏式咁樣去配合客人的要求呢？本人點左凍奶茶一杯，完全沒有茶香，非常失望！漁樂連鎖店一向沒有新鮮檸檬，爸爸點的凍檸茶，味道總是怪怪的，不敢恭維！

中午與朋友打完球，經過第一城商場便看到新開的漁樂，見餐牌上的食物貌相吸引，便入去一試。蕃茄魚片湯飯(送熱飲)  $61我本身非常喜歡食蕃茄，故外出用膳總愛點有蕃茄的菜式。上菜時魚片湯用石鍋盛載，湯的外觀呈橙紅色，內裏湯還是沸騰的，聞起來有些少香料的味道，令人頗為期待。嘗一口湯，湯有點點稠度，有骨湯的甜味，不過蕃茄味淡，香料味更重些，喝起來的感覺像是平時食越式河粉的湯頭加上蕃茄去煮，味道不差，但算是意料之外。我不會將它當作蕃茄湯，因蕃茄味實在不太明顯，若一心想食蕃茄湯的人，可以另覓他選。湯料豐富，有肥美的芽菜、切半的小蕃茄、7-8塊雪白的魚片和少許秀珍菇。魚片嫩滑無骨，有魚味又不腥，好吃，惟份量較少，較細塊。芽菜和秀珍菇味道鮮甜，小蕃茄微酸。白飯與湯分開上，味道正常。整體感覺尚可，湯的味道特別、暖胃，魚片較突出，不過完食過後有微微口乾，個人來說，試完沒有後悔。熱奶茶 (跟餐)熱奶茶口感順滑，有茶香，茶味不濃，奶味適中，整體感覺味道較淡，口感不錯。香茅豬扒蛋蓋飯配黃咖哩汁(送熱飲)  $56同行的男友人看鄰桌點了這個豬扒飯，吃得津津有味，便跟風點了。黃咖哩汁顏色較深、偏啡，質感略微偏稀，微

第一次惠顧，好心提醒1. 素食者請注意，雜菜咖喱飯裡面有肉碎，算係自己大意，唔問清楚就落單。2. 長者請注意，如果座位冷氣太大風扇吹頭頂要求轉位好麻煩，而且樓面會比說話你聽。3. 管理層請注意，服務有待改善！香蔥豬排飯，肉質算OK但味道一般，不過不失！奶茶奶味夠，茶底唔夠細滑。咖喱雜菜飯叫左小飯，但同正常一樣，最「驚嚇」係裡面有肉碎。這家新開的店頗有人氣，座位不多，每次路過都有人排隊，店外排隊指示不足，有D混亂。

第一城商場新食店《漁樂》已經裝修咗一段時間，大家都期待咗好耐，最近終於開張啦，而家每天都有好多人於門口排隊等入座。其實都好想試下佢嘅牛骨湯河，但是湯麵類要堂食先會好吃，等下次機會。最近外賣試咗佢嘅湯飯 - 蕃茄魚片湯飯，蕃茄湯底味道好特別，食落都幾香甜，魚片份量好足。下次要試下香茅豬扒蛋蓋飯，餐牌上的賣相真的不錯呢！ 另外，見到佢嘅蔥香豬扒飯，蔥油絕對是我的最愛呢。經過見到有人食咖哩及冬陰功烏頭，也非常吸引。

之前吃過將軍澳分店覺得不錯，見第一城分店新開張，就去試一試下午茶時段啦。進店前先掀一掀本menu，心知不妙，「咦，點解比其他分店少咁多野食！無焗飯？」，但都決定左食呢間，點都試下啦。坐低睇menu，tea set好少款，由於當日我無食lunch，所以想叫d飯麵類，但只有咖哩雞飯/牛肉飯/雞扒豬扒蔥油撈麵。(其他分店tea time都有好多款架！又有焗飯串燒，menu好多野揀😢😢)無選擇中既選擇：1) 輕量香茅脆雞咖哩飯 $39 配 泰式奶茶- 普通急凍雞扒肉，塊雞係ok既，真係輕炸過下外面，幾香口- 但個咖哩汁就渣d啦，味道偏淡&稀身，佢係有咖哩味同辣辣地，但比起出面食既無咁濃，撈飯無咁好味- 話明係輕量，隻碗又真係細d既 (明明記得其他分店下午茶都大大碟.....) - 珍珠米，nice- 咖哩飯不會encore- 不過個泰式奶茶都幾好，真係有泰式奶茶既香料味2) 蔥油香茅雞扒撈麵 $39  配凍奶茶- 呢個好味喎，好多好多蔥，d汁撈埋好惹味！(下午茶份量偏小)  推介👍🏼Menu自己睇啦......係得咁多jar 🤷🏻‍♀️