漁樂 (置富第一城)

在威爾斯親王醫院探完病，於是在附近找餐廳醫肚子。行過漁樂這間餐廳，看見餐牌選擇算多，所以內進享受晚餐。叫了二人套餐，盛惠$180。有海南雞和自選一道小菜。我選了紅咖喱牛肉，配以炒香的洋蔥，秋葵，車厘茄。紅咖喱醬汁味道尚可，但不算香濃。而牛肉份量較少，也加了鬆肉粉令牛肉變得較滑。至於海南雞，是冷盤的。而雞肉不夠嫩滑，勝在有甜豉油和薑蓉增添風味。套餐還有魚湯浸娃娃菜。菜煮得夠柔軟，吸收了上湯的味道。是最好味的一道菜。總括而言，餐廳主打街坊生意。以價格優惠來吸引街坊。…查看更多

有沙田友帶路，去第一城漁樂吃下午茶，這是他們一家老少經常光顧的餐廳，還教我乘巴士來到置富第一城，在商場的A1區，上一層電梯轉右手邊，輕易地找到漁樂。這天大家都沒吃午飯，那就連下午茶一起吃飽它。輕量海南雞飯$42，配紅豆冰，加配沙爹雞肉串2串$15，超值！味道還很不錯！海南雞超嫩滑，油飯很香不油膩，質素很高。沙嗲雞肉串味道香濃，有花生香，雞肉咬下爽口有肉汁。魚湯魚蛋魚片頭米線$35，見到價錢已經覺得必點，魚片頭爽和魚蛋都爽爽的，有魚肉香，米線配魚湯，真的是住家清新之選。加配魚湯娃娃菜$12，娃娃菜吸收魚湯味，爽口鮮甜，連魚湯都喝光。西多士拼雞串$36，餐飲加$8，轉了特飲芒芒椰椰。這個芒芒椰椰，推介要試，沒想到裏面有寒天粒粒，有芒果肉，濃香的椰汁配合後，口味香甜爽口而清新。雞肉串可以大家分享，與加配的小食是一樣的，志在大家過口癮。西多士當甜品有下鬆軟灑上楓糖漿香甜，好味！埋單$150有找，吃得豐富又美味，怪不得吸引到家庭常客，絕對是性價比首選。…查看更多

沙田第一城都好多餐廳, 但我間唔止都會去呢一間餐廳食, 勝在佢啲價錢都ok, 我諗係始終都係做街坊生意！今次嗌咗兩個餐：海南雞飯油蔥香茅雞扒撈麵佢真係好邪惡！撈麵幾好味！鍾意蔥油嘅朋友一定好開心, 因為都真係好多蔥呀！…查看更多

20:45進入餐廳,50分點好菜,52分就話要埋咗單先,與朋友企緊夾錢付款時已多次催結賬,八達通定港幣八達通定港幣🔥叫佢等等還遭呼喝,之後入嚟的食客都遭遇相同的遭遇,食餐飯都要受氣永不再幫襯😡…查看更多

冬陰公湯底好味，唔會過酸或者過辣，湯底配河粉幾吸味，好食！豬扒好厚切，味道單食ok，但夾埋冬陰公食食落較淡，可能配牛骨湯底味道會再出啲。另外，叫左椰奶咖啡，質地好厚，椰子味好重，個人麻麻，如果好中意椰子可能會中意！…查看更多

基本上嚟親呢度都係食石煱肥牛湯河，每次見到門口張海南雞飯Poster都好想試吓，今日終於真係叫咗午餐嘅海南雞飯。呢度啲海南雞飯餐係冇湯嘅，不過有跟餐飲，如果唔想飲奶茶咖啡可以試吓佢哋冇檸檬嘅熱檸水。有啲似新鮮檸檬汁加熱水。我平時都係相機先食，今日可能係太餓，食咗一舊雞先發現未影相，砌返靚先影🤣。一舊雞加多一啖飯已經覺得好味到唔可以唔寫review。啲香飯真係好香、好好味，平時食少飯嘅我都食咗大半碗。😅啲雞更加係滑到令我呢個一向去皮食嘅人，都忍唔住有幾舊連皮食。🤣🤣😋😋佢哋嗰兜綠色嘅醬汁酸酸哋幾開胃。重點：雞皮薄、唔會有一層肥膏，我好少會影食到一半嘅嘢，不過今日都再攞手機出嚟影番咗張「薄皮滑雞」相。🤣🤣冇諗過佢哋啲海南雞咁正😋😋😋，以後唔使淨係食石煱肥牛湯河啦！🤣其實我見到佢哋有海南雞下午茶餐$42。輕量海南雞，香茅油飯 配碗仔翅加紅豆冰。不過因為我唔鍾意碗仔翅同紅豆冰，所以冇叫到。如果你好似我咁熱愛海南雞飯，可以嚟試吓。…查看更多

本人今天早上9點40分左右惠顧第一城漁樂早餐當中包括炒蛋，蒜蓉多士，火腿通粉和熱咖啡，價值$35連外賣盒：$36。問題本人足足等了15分鐘以上還未取到，而最離譜的是在我等候期間起碼有十多人入座，而堂食的顧客都巳經食完，而我的外賣仲未出。而且本人其後拿外賣回家才發現沒有提供外賣餐具，幸好我是買回家仲可以解決，咁如果不是拿回家中食用，咁應該如何處理？政府的走塑計劃是4月份才開始，原來而家食肆巳經開始拒絕提供外賣餐具？…查看更多

今次食咗個泰式煎蛋肉碎飯，偏辣😋🌶🌶隻太陽蛋係熟既，不過個人覺得D飯太冧有D一Pat pst既feel🤦🏼‍♀️🤦🏼‍♀️🤦🏼‍♀️唔係粒粒分明但味道係好食既佢地杯熱檸水係已經幫你加左檸檬汁🍋🍋唔洗自己篤又唔洗怕個檸檬皮浸太耐會苦，係幾好既…查看更多

第一次食沒雞上髀嘅炸肶薯條，上次去食下午茶餐炸脾薯條等咗成20分鐘，點知畀左件冇雞上脾嘅炸畀薯條畀我，唔知畀老鼠食咗定畀人咬咗，不過見過切口咁整齊應該係畀廚師偷左，就係好明顯呢間餐廳為咗省錢而畀啲垃圾人哋食，咁樣都做得出真係好無恥。話說之前食咖哩雞飯都係好小雞肉，所以食呢間餐廳即係要諗清楚。唔只等得耐仲要食啲偷工減料嘅餐，食到一肚氣。我都好少寫食評，但係今次真係嬲到唔寫唔得。一舊雞髀仔咁到都要咁偷其他真係完全係垃圾啦，睇佢個餐牌呢個雞脾係咩冇畀人偷嘅咁如果佢咁樣畀人呢其實係違反商品說明條例。少少一嚿雞肉都呃，你叫我再點幫襯佢。…查看更多

琴晚開始天氣轉冷，今日跌到得番幾度仲要陰陰天落雨毛毛，天寒地凍最啱就係食啲熱辣辣嘅嘢。門口餐牌見到有石窩湯河，正！坐低一陣冇人俾餐牌，我問個阿姐，佢話你想自己落定我幫你？自己落冇所謂，不過冇QR Code俾我掃，最後佢哋俾咗張紙我自己掃碼落單，點知個系統真係純落單，「走蔥」「小甜」呢啲全部都唔得。我問個阿姐，佢話係唔得㗎😓，最後都係佢幫我落咗肥牛石窩湯河走蔥同西洋菜蜜小甜。個窩上到嚟，見到啲湯滾熱辣，呢個阿姐好細心，問我要唔要碗仔，放在入碗仔都仲好熱。夠哂熱、又好味，超正！不過剩係得兩塊肥牛同一啲肥牛肉碎。😅 杯西洋菜蜜好淡，下次唔使叫少甜喇！😂今餐本來都唔錯，不過我坐個位對住廚房出菜位，經常有餐廳員工聚集傾計，其中一個阿姐把聲大都震天，我戴住耳機都仍然清楚聽到，😓想慢慢食亨受個午餐都唔得，最後，快快脆脆會完走人。…查看更多

叫咗兩個早餐 ，一個雞扒麵，一個豬扒河粉， 當進食嘅時候發覺兩個餐的粉同麵都係唔熟嘅， 河粉仲要咬唔開， 所以要求退換一碗新嘅， 服務員態度友善， 立即將兩個早餐攞返入廚房要求返煮， 但居然廚房師傅大聲叫出嚟， 話係兩個客人如果要求煮熟啲嘅話就一早出聲， 本人聽到的時候非常憤怒， 煮得唔熟攞畀客人食原來唔係佢嘅問題， 唔熟同埋煮得淋完全係兩回事？ 今時今日咁嘅服務態度， 簡直係叫人失望！！ 我係入嚟消費， 好唔好食都唔再講喇！ 最基本嘅要求嗰樣嘢係要煮熟你先可以畀人食， 咁樣嘅食物質素同煮嘢食嘅態度， 唔怪得咁多港人會北上消費飲食。…查看更多

【沙田區】【漁樂】大家一見到呢篇嘢，可能會覺得我背棄咗唔寫大集團餐廳嘅理想，又或者覺得已經揭到我「呢本雜誌」嘅「廣告頁」。令大家失望嘅係我今次寫呢間餐廳係食咗兩餐而呢兩餐都係自費嘅，我做 1am第一城 係純粹益街坊嘅。第一次食呢間係食佢哋嘅茶餐，我就揀咗 $38 嘅「香茅雞髀」配「椒鹽炸豬皮」，通常呢啲餐都係配薯條或者沙律，配豬皮確實係特別，而且味道都可以。反而隻雞髀就認真麻麻，見佢燒得有啲深色仲有啲期望，但都係失望。嘢飲方面我加 $3 飲「凍美祿」，從來都好中意飲，唔使去新加坡，呢度都有得跟餐飲，正。我仲加 $15 叫咗兩串「沙嗲雞肉串」，反而呢碟唔差，令到埋單 $56 嘅價錢顯得更加抵。促使咗我第二次去，都係食佢哋啲茶餐。呢次係 $35 嘅「芝士火腿手抓餅」配「薯條」，屬於輕食類，味道都唔差喎，可能我本身中意食 roti 會有少少偏心。嘢飲我今次就飲唔使加錢嘅「熱美祿」，都係正，咁我本身中意飲吖嘛。埋單價就係 $35，下午茶嚟講可以。。。（地址：沙田銀城街1-2號置富第一城1樓107-108號舖）…查看更多

今天下午茶時間來漁樂吃了這個輕量香葉肉碎炒飯, 這個餐還配送一杯椰汁紅豆冰, $42 價錢合理. 炒飯用一個不大的石鍋盛載, 開始吃時以為份量不多, 始終餐牌也寫到明是輕量嘛, 怎料原來個石鍋是頗深的, 吃吃下發現份量一點也不輕量呀! 炒飯的質素是意料之外的, 整個飯熱騰騰炒得好香, 香葉味道突出又帶點微辣, 飯粒是用珍珠米的, 炒得粒粒分明, 但同時不會太油膩. 材料也挺足的, 內裡有許多菜粒, 蔥粒, 蒜片, 肉碎, 蛋絲, 等等, 口感真的不錯! 配送的椰汁紅豆冰也很好喝, 椰汁味香濃, 紅豆軟腍~一定會再來吃下午茶另外店員服務也是值得一讚, 例如下單時會特別提醒我這個炒飯是帶有一點點辣的~ 服務挺細心~…查看更多

成日食茶記, 今晚想轉口味, 試試東南亞風味。跟職員表示三位, 職員向一位熟客耳語後, 騰出了一張四人餐桌給我們。餐牌選擇當然不及茶記那麼多, 而且來來去去都是那几款食材: 猪排, 雞排, 牛骨及魚, 配撘不同煮法及醤料, 然而餐牌上的照片張張看來都頗吸引, 賣相分數撘夠。1) 石鍋酸菜魚湯飯送來石鍋見到許多芫茜, 但食落唔香, 當綠色菜蔬食左就算。落單時預先通告小辣, 廚師的力度掌握得几好, 湯底帶辣卻不嗆喉。原石鍋上菜, 可保持熱力, 若是天寒地凍的日子來吃一定暖笠笠, 但, 今天太熱了!!! 點這個菜目標要試試它的魚片, 算是合格罷, 魚片切得夠薄, 浸在湯裡尚算滑身, 但魚肉質地問題, 稍嫌欠點爽口感。2) 葱香香茅猪排飯D葱超粗大, 名符其實好似一大碟葱放你面前, 但跟芫茜一樣, 唔香口。猪排應該是用半煎炸的方式處理, 味道不淡也不太鹹, 勝在夠腍身, 口感不錯。若然香茅, 葱等香草入較優質一點的貨源,   此菜會更吸引。3) 咖喱香茅猪排蛋蓋飯猪排跟飯是上面一樣, 不同的是加了咖喱汁及一層蛋蓋。它製作的次序是飯, 蛋蓋, 咖喱汁, 最後放兩片猪排肉。蛋蓋飯是一個易整難精的食法, 蛋汁稀杰及煮鍋熱力都大大影響蛋蓋成品賣相及口感; 這個蛋蓋也是合格的, 配咖喱汁送飯, 好快可以吃個清光。…查看更多

食物質素喺度就唔多講。今次想提提大家，買外賣一定要對啱張單先好走，三番四次都俾漏野，唔係漏碗粉 就係漏個餐，落去拎返就好似呃佢地咁，真心想問吓佢地點做生意。就算唔關乎誠信，返工都唔該拎個專心度出嚟囉…查看更多