漁川坊

營業中

休息中

上次食過覺得這間小菜館好味，今晚同家人再黎Encore食。今次我們叫了8個餸。我們叫了椒鹽炸鮑魚，豉油王炸蝦，粉絲蒸扇貝，清蒸沙巴珍珠躉，菠蘿咕嚕肉，西蘭花炒鮮魷，魚湯勝瓜浸花膠，楊州炒飯。因為今晚有老人家，牙口不太好，所以與老闆傾過，老闆幫我地吩咐廚房特別處理嗰椒鹽炸鮑魚，出黎嘅效果，正！椒鹽炸本身已經好夠4味，再加上鮑魚煮得剛好，一咬就撕得開，老人家食得好開心，絕對加分項。另一個推介是豉油王炸蝦，蝦殼都炸得很脆，老人家話唔駛剝殼，連殼都食得，真係好喇。蒜蓉粉絲蒸扇貝，一如之前的水準，超級送飯。至於其他的餸都好好味，就不一一例明了。

第3次到依間舖食晚餐，第一次食完覺得食材新鮮，味道煮得好啱口味，所以再返黎食😋😋今次食左以下幾度餸1. 乳鴿乳鴿的肉質鮮嫩，皮脆而不油膩2. 辣子雞完全唔似食普通小菜餐廳炒個啲，係炒出左川菜嘅原味道，絕對唔係用港式風味Hea你。鍾意食辣嘅人，一定好鍾意❤️3. 奶油蝦蝦肉好新鮮，唔係用冰鮮蝦，配搭牛油香味令蝦食落好香滑。4. 粉絲蒸扇貝扇貝係超級大隻，唔係街邊啲小指尾咁細粒嘅肉，食落啖啖都係肉架！睇相都知，唔係吹5. 椰皇燉湯特登先訂嘅，廚房要一早買好新鮮椰皇去燉每一個湯，湯料都絕對唔野少，睇片就知，有鮑魚有螺😍所以好香好鮮甜

朋友話新開一排小店，見人多想試下，炸荔枝芝士蝦丸好似係招牌菜，好得意好特別見有小朋友就試下，心機菜值得一試！羊腩煲嫩滑不太so夠淋好入味🤤炸蠔餅真係做到外脆內軟~~~望落普通既五味鵝都好鮮淋肉嫰，肥而不膩忍5住食o左好幾舊⋯呢個龍蝦飛天麵味道就正正常常，不過汁另上幾好最後，每人來一盅椰皇燉花膠真大滿足一餐新年飯🤩🤩仲有個薑蔥鮑魚 同 蒸魚唔記得影相，不過都好鮮甜嫩滑，總括呢間小炒好夠鑊氣值得再encore⋯可惜自己不住附近⋯

今年團年飯，選了這間新開的小菜舖頭。我地一家七口，總共叫了7餸1湯：海底椰粟米煲豬𦟌，上湯龍蝦伊麵，菜膽雞，炸蝦多士，炸茘枝蝦丸，瑤柱扒豆苗，蒸石斑魚，蒜蓉粉絲蒸日月貝。每一個餸都好好味，蒜蓉粉絲超送飯，尤其佢嘅汁，不自覺咁又叫多咗一碗飯食。蒸石斑魚蒸得剛剛好，魚肉夠晒嫰。炸茘枝蝦丸最有驚喜，原本以為只是普通炸蝦膠啫，點知入面原來壤咗芝士，超surprise！估佢唔到。講完食物，我真心要讚下呢間餐廳嘅廁所，我好少見到餐廳有咁乾淨嘅廁所，值得一讚。

今次帶埋媽咪去，試吓同上一次唔同嘅菜式龍蝦抵食所以今次都再食，不過煮法唔一樣，上次人多所以叫咗兩種煮法（上湯龍蝦🦞、脆麵龍蝦🦞），今次就芝士龍蝦🦞😋😋好味，不過如果芝士再濃啲仲正一口脆骨送酒一流啫啫芥蘭煲（師傅非常之細心，批薄咗菜頭食落去更嫩），薑蔥鮑魚煲（鮑魚好嫩滑彈牙），仲有前菜小食雞翼尖、爽脆魚皮都好好食，不過唔記得影相😅，見到樓上有卡拉O K房😝下次可以約班朋友book張枱食飯又有得唱K🤣🎤🎼仲可以🎲🀄️😬😬，下次可以試吓酸菜魚😋