滿滿食堂

營業中

休息中

去中環做野諗住幫襯良心小店，價錢係好平， 加左服務費之後都係平。但態度同服務真係好惡劣，係想快d食完走人果隻。首先去到只有一人等外賣，堂食係一個人都無的。帶位時帶眼鏡既男服務員係張menu掟落枱，我叫左餃子拉麵，食物質素無野想講，幾十蚊無諗過要好食。（但餃子係凍 無溫度既，要浸落湯先食到，同埋無餃子汁，但態度太惡劣我都費時問 算了）🙂只係上哂菜見枱面無筷子，問佢「唔該 想要一對筷子」。四眼哥哥講低4個字「筷子後面！」就頭也不回走左🌚 咁後面其實都無寫自助，又收左加一🌚OK啦我自己拎。之後問個女士應該係經理咁，「麻煩可唔可以要杯水」。 都係覆你「水係果到自己拎」。唔緊要我唔飲OKAY。其實係疫情已經更加難做生意，但成間鋪都無客本身又收加一，係咪可以態度好少少？！等黎過既人會再番黎呀總括黎講除咗價錢同係良心店list入面呢到係無其他優點，我第一次黎，但一定唔會再幫襯 個麵都無食哂 淨係想快d走😮‍💨

要喺中環搵到個平過$100 又好味嘅午餐 真係唔容易 經過見到呢間滿滿食堂有午餐之選大優惠 就吸引咗我試一試啦🤤餐廳喺地庫 所以要行條樓梯先入到去 大約十二點左右去到 唔駛等位就坐低咗 見到隔離嘅石燒肉嗞嗞咁吸引 就同友人一人一個石燒肉餐啦🥰鹽漬三文魚扒+超嫩石燒雞扒食呢個一定要好小心 因為雞扒上檯嘅時候已經喺石上面 所以彈油嘅情況都幾嚴重 雖然餐廳有提供圍裙 但係手臂位置都係會彈到 有幾吓都彈到隻手好痛🥺 不過雞扒肉質都真係幾嫩滑 三文魚扒都幾夠味 送飯就啱啱好😼安格斯窄身西冷西冷都幾大塊 要自己放上石燒 不過塊板唔係幾夠位 唔能夠一次過煎晒兩塊😮 所以都有啲擔心塊石會唔夠熱煎埋另一塊 我會建議先煎比較厚嘅嗰一塊先 食落嘅肉汁都幾多 彈油嘅情況需要冇雞扒咁嚴重 但仍然如常會出現 另外大家可以去出面嘅自助吧 攞你鍾意嘅醬汁 滿滿燒肉汁配西冷就比較夾啦😝飲品 甜品咖啡奶茶冇得揀熱既 所以嗌左熱檸水同凍咖啡 凍咖啡同黑糖布甸都好甜 唔係幾好味🥲我建議餐廳應該要圍返張紙喺熱石燒嘅四邊 因為彈油嘅情況都真係好嚴重 但係食物味道係唔錯嘅🙈

之前都試過佢早餐嘅炒滑蛋，整得幾好味，夠滑仲要有黑松茸鮮菌，簡直係今次就試下午餐，透過外賣平台叫佢送埋過黎 (難得唔使再做外賣仔)午餐有多款選擇，我就揀左黑松茸鮮菌滑蛋飯，揀芝士汁，套餐嘅配料就揀左唯一一樣唔熱氣嘅食物，五花腩，另外包一杯熱飲開蓋，賣相係好靚囉，仲要個配菜有三塊五花腩，好大塊，五花腩塗上日式燒汁，好好味，咬落亦唔會太韌。滑蛋亦都好味，什菌亦都大舊，切得幾厚身，黑松露味好濃，但就搶左芝士汁嘅味道，變相冇左芝士味但整體都係唔錯嘅外賣嘅碗都唔係普通發泡膠，係好靚嘅日式設計，幾特別。同事叫左呢個天婦羅炸蝦燒雞扒飯揀左是日餐湯，賣相亦唔錯，炸蝦有兩條，都算大條好可惜，天婦羅做得唔好當中蝦係中間好細嘅部份，炸皮就較厚，敗筆同事亦唔太推薦整體黎講，60幾蚊一個午餐都唔錯啦，話晒喺中環區wo

係中環行完街，搵唔到野食，咁岩見到佢路邊有大大個牌做下午茶優惠，所以去左試下。叫左一個下午茶熱石燒鹽漬三文魚另外叫左個午餐 天婦羅蝦雜錦飯三文魚係熱石上，自己放上去煎，舊三文魚勁肥，彈到周圍都係油，好難搞，不過都幾好食，唔錯，但就無乜醬汁點。炸蝦飯飯炸蝦都叫做新鮮炸起幾脆，都唔錯，但所謂雜錦就好流，得一堆配菜墊底，無一樣野係主角，即係我兩條仔炸蝦⋯⋯⋯由於太趕時間求其影下就算，整體味道不過不失，都ok ke，下午茶黎中環平平地咁食一餐都可以，唔錯。職員服務有待改善，佢唔係唔理你，佢回應同速度都好快速，但就係黑口黑面好惡咁，如果比個微笑，作為客人會無咁難受，雖然我知佢好攰，但我唔知係咪阻佢收工咁。

之前我相約幾位好朋友在中環聚舊，有朋友提議在（滿滿食堂）石燒晚膳！當晚合共四人，石燒➕自日助沙律bar,埋單每人＄100元，認真超值！這次比之前不到一星期，我與太太在中環大館參與市集巡禮，市集完結已經傍晚，於是我們再到（滿滿食堂）吃晚飯！點餐如下：1. 石燒牛柳扒.2. 石燒牛肩扒，3. 榛子仙草咖啡，4. 仙草奶茶，套餐包埋自助沙律bar. 無限添加白飯➕例湯，當日例湯：椰子蘿蔔牛肉湯，非常椰香清甜！石板超熱，牛柳扒及牛肩扒超霖，沙律bar温泉蛋加點醬油好味！ 埋單每人＄100元，太太大讚超值之選！

點解話係性價比高嘅石燒牛呢？因為除左個餐本身幾抵食之外，仲有任食沙律bar, 無限refill白飯同湯，最正嘅係有任食溫泉蛋🤤 Set A 日本A5牛西冷 ($218)：Set A嘅石燒西冷係跟埋兩款自選肉類/ 海鮮類/蔬菜類。我地兩個都分別叫左個Set A西冷，一個跟鴨肝+燒茄子，一個就跟鴨肝+廣島蠔。首先西冷肉質幾腍身，肥瘦分佈均勻，但就略嫌牛味唔算好出，不過依個價錢黎講有A5和牛食又真係抵食嘅！鴨肝比想像中大舊同埋幾厚身，食嗰陣加返少少鹽會更釣出鴨肝嘅油脂香味 (由於鴨肝燒嗰陣會產生大量嘅油，所以要小心啲)黑蒜油藍青口 ($36)：唔講質素齋講價錢都贏左，邊度搵到咁抵食嘅青口呢😂 青口質素都唔差，起碼都食得出鮮味，雖然就一定唔係好食到哇一聲嫁啦，真真心抵食嘅溫馨提示：燒牛肉嘅時候真係要小心啲，因為啲油有機會彈到周圍都係，記住戴埋餐廳提供嘅圍裙呀！

月初跟朋友相約參觀人氣打卡展覽📸，熱愛拍照的我們戰鬥數小時後終於捨得去覓食。🤣中環大部份餐廳為西式、多國菜，加上要找廉價之選的確有難度。沒想到經過熱鬧的皇后大道中，地庫會有一間經濟實惠的日式石燒，決定一試！😋環境有如名字一樣，沒有華麗裝潢，是比較普通的日系食堂。少少油煙少不免，衞生尚可接受。👌🏻食物價錢有貴有平，套餐價錢由$88-$2XX不等。有免費自助沙律吧、白飯、湯無限添加。🍚食物質素算不上高質，但以平民價錢享用多種食材，整體算是合格。💁🏼‍♀️值得一讚套餐彈性高，可以因個人口味自由配搭多種食材組合，比起同類石燒選擇較多。連帶子、鮑魚、鮮魷魚、芝士年糕等都應有盡有。😝＊－。－。－。－。－。－。－。－。－。－＊SET1:🟡日本A5牛匠岩手牛 - A5牛肩胛+薄切鹹牛脷+ 佐賀鮮魷魚 $178SET2: 🟡厚切美國牛柳 (200G) + 燒芝士年糕 $136🟡雲頂阿里山青茶 $24 👉🏻 $12🟡西柚愛玉果茶 $28 👉🏻 $14💡跟餐凍熱飲品一律+$10 (半價轉滿滿手作茶)＊－。－。－。－。－。－。－。－。－。－＊

Lunch想食牛，又唔想食太貴，滿滿食堂係好選擇。🐮🐮🐮lunchtime 1點開始等位，5分鐘左右就入得。叫左有👍🏻既滿滿牛排-$88(4/5)份量好夠，大約5成熟左右上枱，再自己慢慢按自己鐘意既熟度慢慢燒，佢 出面有得拎唔同既調料(有蒜，燒汁，黑椒，芝麻醬，芝士醬？......）仲有好多其他。牛排好厚肉，重牛味🐮🐮🐮88蚊包埋碗飯同小甜品真係好抵。另一個就叫左美國牛柳-$98(4.5/5)，肉質好淋，好軟熟，仲厚過份滿滿牛扒，牛味都一樣咁濃！都好推介試！然後加左14蚊(跟餐野飲半價)叫左香芋仙草奶茶，小甜小冰，小完甜之後甜度適中，美中不足係仙草好難先飲到🤣總結: 姨間一定會變成我既飯堂，加埋一$100左右食到石燒牛，質素仲要唔錯，員工服務態度仲好好，埋完單仲會問你食唔食蘋果🍎會請你食一個。🍎🍎🍎下次黎試埋佢其他牛🐮🐮🐮

夜晚中環搵食難😔要搵好味難😣要搵又平又好味就超難😫而呢間食店我已經嚟過多次，今次嚟食重更新咗餐單🤩更多配搭可選，咁就無咁容易食厭🥰之前食開石燒兩餸配搭，今次嚟見到可以三餸配搭👍其實各鐘食物都有一定水準⭐⭐⭐⭐絕對係抵食又好食不過石頭熱力有時唔夠燒晒大牛扒🥩建議大家落單後立刻🏃自坐攞飯/湯/沙律/醬料先，一上主菜就唔得閒喇。今次我試新嘢，叫咗個鐵板牛肉+牛舌🤤好食又唔怕石頭耐咗唔夠熱👍🈵🈵

去開donki果頭，又適逢午飯時間。所以係時候搵嘢食，見到有間落地牢嘅舖頭都有兩三個人等位所以就去試一試落到去職員有主動叫用安心出行冇嘅話就可以填紙 不過應該係要人齊先可以入，我同朋友兩個人齊人所以就即刻可以入去，好彩我哋都叫早到。。。因為坐低冇幾耐已經見排晒隊勁多人 之後睇吓原來依間係黃店安排多幾多嘢食不過好似主打石燒為主，店員全部都好快手快腳。可能始終係食飯時間太多人帶我哋入去坐低之後再叫佢過嚟落order，落完order會俾返張單你睇，之後送餐都係佢送過嚟嘅。除咗攞筷子同醬汁e d醬汁同配料都有6,7款上餐時間都好快味道都OK，我果份幾有牛味同埋脂肪分布都幾好，我朋友嗰份就比較林身少少都唔錯所以overall嚟講都幾好，下次有機會都會再嚟食

美國穀飼豬肉眼240g $78.肉汁juicy 而且有足夠份量既厚度燒起上黎外層帶焦 咬起上黎勁香脆🤤值得一值既係個醬料bar有蒜蓉比你任加 小編都係重口味之人仲要係蒜味愛好者🧄 加埋落塊扒度只能話 佢令到塊扒綿上添花🌸無意地 香濃既肉汁味湧番出黎每次都會加$28 食日本佐賀鮮魷魚🦑雖然只係得4件但燒起上黎味道噴鼻食起黎亦都好香好好食置於用餐配件方面同一般燒肉店一樣提供圍裙設計非常切合餐廳日系主題 而且時尚令年輕人們唔怕帶住圍裙會好尷尬好核突咁

第一次嚟呢度食飯，見好似幾吸引。一入到黎就比門口嗰個姐姐以軍訓式嘅態度，要求你掃安心或者寫紙仔。坐低聽到有客人要求掉位，又係好無禮貌。最後當我問佢攞餐具嘅時候，佢同我講話：下次你出去自己自助。坦白講，第一次嚟食，點會知道你有自助😞無論態度同埋食物質素都可以用一個字去形容：劣！不了

之前新開張嘅時候食過一次成日行過皇后大道中都會見到佢 今日竟然有同事話去食安格斯牛仔骨雜錦丼 $58丼飯有3塊牛仔骨~煎到少少脆邊 都夠味嘅不過食落好梳打粉嘅感覺🥲淋到唔似肉嘅口感話晒雜錦丼~配菜有堆蛋絲、蟹籽、紫菜都係好送飯 又唔會難食嘅東東只係…..感覺好頹😂😂😂好似亂放一堆嘢比你送飯咁同事嘅雞肉丼 感覺好健康 同。。。頹🤣🤣🤣中環地面餐廳 仲要黃💛最平$48就有一個飯 真係抵到爛😂依個價錢 預咗無乜好好嘅質素 所以都算可接受啦

今日突然想食肉又唔想好貴，諗起呢間basement既石燒專門店貼心地方就係食燒肉都會有一次性圍裙一件，因為好多油四周彈有圍裙唔洗就住驚整污糟而且樓梯有人排隊，但好快有位set lunch如果唔食石燒，普通定食由$50起食石燒肉就$76起，石燒牛肉$82起我要咗安格斯西冷$86，有2件西冷好抵食完全滿足到今日想食肉既慾念，呵呵燒既過程就有少少繁忙，一邊忙住燒，又忙住食因為驚太熟D肉會好韌好乾lunch time都唔洗排太耐10-15分鐘就有位上菜都好快CP值高

牛肩扒幾有咬口又唔韌素牛味道一般冇咩牛味,但質感唔差都幾叫似漢堡估唔到佢地豬梅肉又幾好食，之前已經醃製好，再煎到佢脆脆地,正依個茄子真係好燒得,燒左勁耐都係硬，可能茄子太厚就連D蒜好難燒到腍，排骨同茄子同一時間開始燒,排骨燒好之後我再食埋，個茄子先腍，勁雖然都係味精湯但都有D蘿蔔排骨都唔錯睇下你有冇技術？第一隻蛋俾我搞到散哂，俾多次機會自己,第二隻蛋終於可以見人，不過溫泉蛋冇咩味，一定要加汁(喺攞蛋附近既位置有溫泉蛋既醬汁）