滿屋定食

營業中

休息中

去完體育館打波，海聯附近有間食定食嘅餐廳，即係1個價錢有齊幾個選擇，有埋野飲啦，所以就入左去食。講講個格局，全部都係卡位，私隱度高，唔會嘈親人又唔驚比人嘈親，好過而家d餐廳放枱放到勁埋，仲要冇得挨，坐得唔舒服。店員提醒QR落單，亦有傳統餐牌有圖有真相，用手機落單，D選項組合好容易就明白。Total 叫左2個set，串燒，生菜包及沙律汁燒黑豚肩飯set：冬蔭公湯泰式雞座紫心香芋丸熱薑蜜(+$2)個定食份量好抵，豬肉超多塊，木瓜絲同流心蛋撈飯一流。雞座即係圓身雞粒，香芋丸暖身及煙韌，唔錯唔錯😜熱飲就薑味足，暖笠笠，轉天氣飲剛剛好汁燒安格斯牛小排飯set：冬蔭公湯南瓜脆薯餅巨型金絲網春卷班蘭椰醬特飲(+$12)個main的牛肉薄身及牛味足，看似辣辣地，但食落其實唔辣，薯餅堅大塊，南瓜蓉滿滿🥰春卷就硬身脆口，正正常常。飲品幾特別，作為班蘭控未係香港見過咁嘅整法，椰漿同班蘭出奇地夾🫡蟹籽沙律蟹籽、蟹柳條及青瓜絲都幾fresh生菜包佢個生菜大大兜，每塊都洗得乾乾淨淨同埋完整一片，仲有冰粒震住，確保佢夠凍，真係非常有誠意👍 豬肉碎就好足料，炒完亦特別香燒豬頸肉拼盤一個價錢，數個願望，豬頸肉大大件，燒

近排Vivian有食福😋😋呢間應該係近排新開🤔經過見到幾多人食，就入去幫襯下，一開始睇menu以為中伏（Vivian食過幾間fusion餐廳都係九唔搭八）佢有日本丼飯同泰國菜食，但 係 原 來 超 好 食～ ～仲 要 抵 食～ ～野 食 又 足 料～ ～真 正 大 件 夾 抵 食～ ～超 級 推 薦Menu👉🏻👉🏻QR code落單喔汁燒澳洲Prime Grade安格斯牛小排飯 $105套餐包括湯、2款小食、溫泉蛋牛肉好嫩，係咪睇相都見到好足料呢😎最估唔到隻溫泉蛋又蛋香，撈埋d飯食，不得了，食完超滿足，仲有好重要，既然話呢間餐廳係fusion菜，係丼飯面頭有泰式青瓜絲&紅蘿蔔絲，撈埋d飯超惹味，真係未試過咁食，好正浦燒日式鰻魚飯 $105鰻魚肉質好軟，好嫩，加埋個醬汁濃厚帶少甜，真係好正叫左2杯野飲，凍泰式奶茶 $6 & 地道班蘭咖啡 $12泰式奶茶好飲，香奶茶味，都幾滑，唔會死甜，甜度適中。另外！！超級推薦：地道班蘭咖啡，班蘭香味唔假，同咖啡好夾，入口好香好滑，好天然泰式鳳爪沙律 $48酸辣帶少甜，鳳爪又脆又軟，食得好爽呢餐食完好開心😚😚😚

難得今日放假就做個孝順女帶媽咪去食晚飯，見到聯和墟有間叫「滿屋定食」嘅餐廳，餐牌有好多選擇，就決定入去試下。餐廳好闊落，有好多卡位，坐得好舒服，員工嘅態度都好友善，值得一讚。媽咪叫咗個地道海南雞定食，而我就叫咗個冬陰功澳洲安格斯牛小排定食，跟餐小食有好多選擇，包羅萬有。兩份定食都大大份，海南雞飯味道鮮美，雞肉嫩滑多汁，油飯大大碗，兩個人食都絕對夠食，米飯吸收雞油風味，口感豐潤。至於冬陰功澳洲安格斯牛小排定食，聽個名都知道不得了，由於媽咪係唔食牛嘅，所以我可以一個人獨食冬陰功湯汁濃郁，辣辣地好開胃，牛小排肉質細嫩，岩晒牛魔王我。另外仲叫咗個燒豬頸肉拼盤、小食拼盤同埋幾串串燒。我勁中意豬頸肉同串燒嘅炭燒味道，食到停唔到口小食拼盤方面，我哋就揀咗F（北海道牛乳炸脆奶、日式芝士魚肉卷、炸雞軟骨、和風蟹籽沙律）。炸物全部都炸得好脆，但食落又唔會好油膩，沙律味道清新。而我最鍾意嘅就係炸鮮奶。嘢飲方面，除咗普通茶餐廳有嘅咖啡、茶之外，仲有一啲特色飲品。媽咪叫咗青檸梳打跟餐只需加$8。總括黎講，「滿屋定食」選擇多，份量大，價錢實惠，服務態度好，身為粉嶺街坊會再幫襯

今日去粉嶺探舊朋友，佢話聯和墟開左間新餐廳，茶餐廳為主，又有D泰國菜，一於去食下!週未午飯時間黎到，都幾滿場。食物款色有好多款，每款都好吸引，定食價錢相宜，所以我地都叫左set。黃咖哩牛坑腩飯定食可以有3個類別，A就係湯，朋友簡左冬陰公湯。類別B就似前菜，簡左芝麻8爪魚仔，最後既C類別簡左炸蝦餅。定食感覺真係好豐盛! 黃咖哩香得黎，唔會話辣，應該好多人接受到。牛坑腩炆煮到好淋，好入味。冬陰公湯感覺好足料，好香!燒豬頸肉甲拋丼平時食泰國野都鐘意食香葉肉碎既我，今次滿足曬我2個願望，仲有埋燒豬頸肉。定食類叫左冬陰公湯 ，泰式雞座 同埋泰式魚餅。雞座幾特別，第一次食。燒豬頸肉好好食! 有焦脆邊，唔會好難咬! 香葉肉碎好夠味，配飯食岩岩好，仲有隻好靚既太陽蛋。燒雞肉串既炭燒味好重，唔錯! 野飲都好多選擇，叫左泰奶同埋凍美綠朱古力，係聯和墟既餐廳比較少見，幾好飲。

住北區，鍾意去聯和墟呢個美食小天堂😋～ 其中一間成日食嘅就係 滿屋定食～ 啲餐可以揀三款小食/湯，好多元化，成日食都唔會悶～🍜🌶️冬蔭功澳洲安格斯 Prime Grade 牛小排：冬蔭功湯底酸酸辣辣，飲到椰香甜味，有菇菌🍄、車厘茄🍅等，酸辣度剛好；麵底配金邊粉，麵量蠻多，索咗湯汁後好惹味＆開胃。薄切牛小排，由生肉慢慢熱到熟，質地肥嫩柔軟，牛肉味濃🐮。🍚🍜 香葉辣椒肉碎飯拼雞絲船河：$98 有兩碗 + 3款自選小食，兩個女仔食都得😆！香葉辣椒肉碎好惹味，又唔會太辣，仲有隻煎太陽蛋🍳，我鍾意將蛋黃汁拌肉碎，有蛋香又有肉味。雞絲船河嘅湯底好鮮甜，河粉又薄又滑😋。兩個餐總共嗌咗 6 款小食，啲炸物炸到金黃色好靚，又香脆。🥗 泰式海鮮沙律：酸酸爽爽好開胃，有青木瓜絲、幾隻大蝦🦐、青口＆蜆🐚，好足料。🍡燒牛肉串：火喉控制好好，內裡保持到肉質嫩＆Juicy～ 今日幾個人食咗好好嘢，傾咗好多傾，非常滿足呀！

今日山長水遠去到粉嶺聯和墟，搵左間越南河粉食，專誠來食佢嘅定食套餐，出名抵食，性價比高！因為佢一個正式除咗包煮食同飲品之外，仲有三個小食送！真係好抵食！叫咗一個安格斯牛肉冬蔭功檬粉飲品，當然係叫龍眼冰啦，定食餐可以喺ABC三種類別入邊各揀一樣，所以今次我就揀咗蝦餅，墨魚同埋單骨雞翼。野食都好快到，仲係成個餐盤送上，可以一次過食到小食同主菜。冬陰功湯好濃郁，好地道，唔會好辣，但係酸酸地都幾開胃，撈埋檬粉食唔覺唔覺就成碗食晒，安格斯牛肉有好多塊，入口即溶，同平時打邊爐嘅肥牛爭好遠，一食落口就知道係靚嘅牛肉。小食方面都唔錯，單骨雞翼都覺得好入味。杯龍眼冰超多龍眼，呢個天氣天時暑熱飲落真係好解渴！最後餐廳係每次惠顧都可以儲印花，啱晒我依啲精打細算嘅人！埋單總共$110！抵！

冇時間坐低食個堂食，不如試個外賣先嗌左汁燒安格斯牛小排飯 $78 冬陰公雞絲札肉河粉 $60 先講個個牛小排，點知一打開個飯得果少少，食都未食，個樣好似食剩咁🫣竟然牛小排變左九塊薄切牛肉，師傅果然好刀功，切得咁薄，真食兩啖食野，食過好似冇食咁，有冇違反商品說明條例，真係要自己睇到個冬陰公雞絲札肉河粉，札肉冇味，河粉分左湯，夾落都係一舊舊冇味道真係河湯分離，雞絲都係一舊過，一定唔會想食，😫真係唔駛指意幫襯下次，外賣都咁樣，點食你堂食，真係多謝晒🫠🫠🫠⋯⋯

某個平日在聯和墟解決午餐，本來想吃另一間泰國餐廳，可惜它在當天休息，所以轉為試試這間網上評價也不錯的滿屋定食，在快十二時進內仍有少量空桌。上網查查才知道「甲拋」就是泰國的香葉肉碎的意思。豬頸肉邊焦香脆口，配上軟軟的肉質，好吃但份量偏少，只有數薄片。煎太陽蛋蛋黃半熟，可吃到蛋黃又有蛋黃汁可用來拌飯，恰到好處，配上咸香肉碎十分惹味，送飯一流。.午市套餐加 $6配凍泰式奶茶，雖然不能選甜度，但喝下去不會是死甜。整體來說不錯吃，看到餐牌內還有不同定食，晚市來可以再試。

中秋節 ，去這一家店食了大餐慶中秋。 雖然店名很日式，但這是一家泰國店。兩個人分別點了青魚定食海南雞飯定食。青魚定食配的泰式肉燥飯，肉燥顯得敗筆，顯得有點鹹，小食反而不錯。炸蠔同泰式魚餅都2不錯，青魚都很多份量，定食包了熱飲，是普通的餐飲，沒有特別。海南雞飯定食， 這個定食很普通，沒有什麼黃薑飯煮得有點硬，是普通的。反相反小食就挺好食， 點了蝦春卷 和 南瓜餅， 很喜歡這個南瓜餅，很好食不過這家店環境不錯，座位不會很擠迫，可能不是用膳高峰期，店員給了我一張四人桌， 服務態度很好，價錢亦不算貴，二人一共消費了176元

喺滿屋定食嘅門口擺放咗大大嘅餐牌，見到一人餐都非常多選擇！圖片亦都非常吸引！所以今晚嘅晚餐就決定係佢啦！用QR code落單快捷方便！叫咗咁多嘢都係三百幾蚊，非常抵食！飲品都選擇咗泰國傳統嘅飲品，分別係龍眼冰及青檸梳打！點咗個蟹籽青瓜沙律先開胃，清清腸胃！安格斯牛小排船麵～船麵嘅湯底非常地道，仲有極愛嘅炸豬皮！！份量仲要非常多！牛肉薄片依然呈現粉紅色，入口嫰滑，非常滿意！冬陰功安格斯牛小排金邊粉～冬陰功湯底非常惹味，小食當中以雞翼最深得我心，外層香脆，內裏Juice～牛肉串燒～作為牛肉愛好者，牛肉串燒不可缺！尺寸剛剛好，一口一件又有咬口！除咗調味料嘅味道，牛嘅香味亦滲入喉嚨！豬頸肉拼盤～豬頸肉非常彈牙，而且簿簿一片，外層燒到非常甘香，拼盤當中仲有雞牛豬嘅串燒，樣樣都非常Juice！

平時返工喺粉嶺食lunch都唔覺有咁多好嘢食！最近比我發現咗滿屋呢間餐廳，啲嘢食非常多元化😍🐷燒豬頸肉拼盤$65豬頸肉燒得香脆，外焦內嫩！口感好好！😋仲有多款配料，令味道更豐富！🥗每一口都係美味的組合！好滿足！💯真係一個讓我垂涎欲滴嘅燒豬頸肉拼盤！強烈推薦！👍☕班蘭咖啡️ $12呢杯咖啡有班蘭嘅香氣，仲加埋滑滑嘅口感！😍喝落去好舒服，好解渴！而且好特別嘅組合，令人感到驚喜！🌿真係一杯令人愉快嘅班蘭咖啡！推薦！🔥燒青花魚甲拋丼$89魚肉鮮嫩多汁，燒得啱啱好，仲有啲焦香味！🐟配上飯同拋醬，味道超級滿足！😋每一口都係享受！而且份量好大，飽到肚子爆炸！配菜：🍲冬陰功湯酸辣開胃，令人舌頭發麻！😋木耳爽脆，帶子裙邊鮮甜彈牙！🍄🍤鮮蝦春卷外脆內軟，味道鮮美！每一口都令人驚喜！🐮船湯安格斯牛小排河$105牛小排煮得鮮嫩多汁，湯汁濃郁！😋每一口都充滿牛肉嘅香味！🍲配上河粉，口感滑溜！真係令人垂涎欲滴！💯強烈推介！👍配菜：🦀蟹籽沙律鮮甜多汁，令人垂涎欲滴！😋鳳尾蝦絲薯卷酥脆可口，配搭得恰到好處！🍤日式炸帶子外脆內嫩，味道鮮美！🍊柳橙茉莉花茶$12茶水帶有柳橙嘅香氣，加上茉莉花嘅芬芳！😍喝落去好解渴同爽口！而

粉嶺隱世泰式美食冬陰功湯👍🏽👍🏽必嗌👍🏽👍🏽酸辣味道調校得相當之不錯。每飲一啖都有嘩然嘅感覺非常謙虛嘅老闆話： 可以做得更好🫶🏻拼盤仲有豬仔髀飯一個人食相當之滿足同都真係幾大份量豬仔髀味道俾醬油醃過唔錯同一個套餐，仲有雞絲船河👍🏽👍🏽👍🏽👍🏽湯底非常之濃郁，富有泰式嘅味道相當之回味最後嗌咗杯熱薑檸蜜雖然要加$2旦超級有薑嘅味道值得整體： 一人餐，相當之豐富，值得下次再嚟。粉嶺平民區隱世泰式美食。

粉嶺聯和墟的滿腹食堂，不單止菜式豐富，更樣樣菜式份量十足，真的食到飽滿。浦燒鰻魚飯 浦燒鰻魚口感綿密，肉質鮮嫩，醬汁濃度剛剛好。搭配溏心蛋更增豐富口感。炒既生菜包 包肉配有辣炒豬肉和洋蔥，口感鮮嫩多汁。冰鎮生菜的清爽搭配平衡了辣豬肉的辛辣味道，冰火交融，非常特別。小食拼盤配有牛乳炸脆奶、芝士魚肉卷、炸雞軟骨和蟹籽沙律炸物的外層酥脆，炸得香口。牛乳炸脆奶內面口感綿密，帶有點炸薯的感覺。芝士魚肉卷味道濃郁，外面煙韌，內面軟熟。牛肉串牛肉烤至剛熟，肉質嫩滑多汁。牛肉的香氣和炭火烤製的炭燒味道相融合，還能配搭泰式醬汁，味道更豐富。凍泰式奶茶奶茶口感滑順，奶茶亦夠香濃。百香果綠茶綠茶清新怡人，百香果酸酸甜甜，非常開胃。

係北區長大既朋友對於聯和墟一定唔會感到陌生~喱個地方算係區內比較多美食既地方，今日同媽媽就發掘到一間平民泰國餐廳喱間叫做滿屋定食，入去已經見到客人不少，信心即刻大左。餐廳既定價好合理，一個套餐只係數十元就包前菜﹑小食﹑主食﹑飲品。媽媽叫左一個海南雞飯套餐，而我就叫左個燒豬頸肉甲拋飯，再叫左份小食拼盤SHARE海南雞飯海南雞飯套餐本身跟左自選小食兩個，仲有一個湯，媽媽就像左冬陰公湯。冬陰公湯足料，湯底夠濃郁，飲落有開胃作用主食海南雞亦都唔錯，媽媽話雞肉滑溜有雞味，份量唔細絕對不是BB雞，薑黃飯煮得好香唔油，飯粒軟硬適中。燒豬頸肉甲拋飯燒豬頸肉係我最鐘意既部分，燒既香味好出，而且將豬頸肉本身比較多油脂都逼左出黎，配埋肉碎同埋大大隻煎蛋，我覺得喱個飯勁香，好值得試下。喱個餐一樣有小食附送，我就簡左雞翼，一樣夠脆冇令人失望。小食拼盤方面有唔少可以選擇，但由於本身跟餐都試左炸帶子等小食，拼盤就唔重覆叫同類，我地簡左雞軟骨﹑春卷﹑薯絲蝦等等，其中我最鐘意就係個鳳尾蝦，蝦身先用薯絲包住再用油炸，本身炸蝦就已經好味，加埋炸薯個種焦香更加出色!! 拼盤既其他野食都吸引，例如係蟹子沙律都好清新，剛好可以中

而家出街食晚餐閒閒哋 $8-90 走唔甩。開頭見到餐牌諗住$85 一個海南雞飯話貴唔貴，過平唔平咁啦。諗住叫黎試下，點知用手機落單嘅時候發現，佢係有湯有前菜仲可以叫兩個小食。咁$85 又抵喎。開頭預期啲小食係一件咁就算，點知雞翼有三件，炸雞粒都五六件，非常之飽！海南雞份量都幾多，有成十件，雞好滑而且個醬好好食，好少食海南雞個醬有白色的，好香蒜味。另外叫咗碗牛腩金邊粉，不過不失，湯底味道唔算特別，但呢個價錢，物超所值。