滿屋定食

營業中

休息中

滿屋定食📍粉嶺聯和墟和泰街33號地舖味道：😋😋😋😋😋😋😋😋😋環境：🎑🎑🎑🎑🎑🎑🎑🎑🎑服務：😏😏😏😏😏😏😏😏再戰滿屋定食🔥今次試咁啲上次冇試過嘅嘢，睇下質素如何先🤔我哋order咗1️⃣A101 地道海南雞定食🐓 💰85定食包括海南雞飯🍚，以及三個任選湯同配菜，今次我哋就揀咗味噌湯（類別A)、泰式雞座（類別B)同泰國炸蝦餅（類別C)。首先品評海南雞飯‼️雞肉嫩滑夠juicy ，有一兩舊係帶骨嘅，有薑蒜醬汁同辣椒醬兩個汁配搭，醬汁嘅調味恰到好處，同海南雞好夾。薑黃飯粒粒分明、軟硬適中。醬汁、雞同飯都做得好好，值得推薦👍😆味噌湯唔會太鹹，送飯啱啱好👍泰式雞座有2件，外層好脆，入面有雞肉、蒜、薑、洋蔥、馬蹄、青豆等，夠哂足料，食落有淡淡魚露味🤤泰國炸蝦餅炸皮薄薄地但好脆，裹面嘅蝦肉好綿密柔軟，好香口🤩2️⃣串燒🍢 C263 燒豬柳串（2pcs） 💰263️⃣串燒🍢 C264 燒雞肉串（2pcs） 💰26上次食完佢嘅燒牛肉串後念念不忘，今次試吓燒雞柳串同燒雞肉串先‼️碳燒味勁香，味道係偏甜辣，肉嫩夠Juicy，落咗孜然粉令到串燒好有風味，不得不讚嘆佢嘅串燒真係好出色‼️4️⃣ S215 小食拼盤B（北海道南瓜脆薯餅、

今日過嚟粉嶺有啲嘢整咁啱有個朋友住喺呢頭整完就叫佢落嚟陪我食晚飯我哋食咩都冇所謂咁就求其入咗呢間餐廳本身見到呢間嘢叫滿屋定食我哋都以為係食日本嘢坐底睇餐牌先發現原來係泰式嚟XD餐牌上面無論菜式定係配搭多到揀咗好耐先決定到..定食好多 揀完仲要揀多兩個小食湯都有分冬蔭功/味噌湯有種感覺食緊泰式幾餸飯咁好在店員好好 唔會比壓力你而且見到隔離枱嘅長者唔識電子落單店員都好樂意幫手手寫落單最後揀咗以下幾樣嘢食- - - - - - - - - - - - - - - - - - - - - - - -1. 汁燒黑豚肩飯(白飯＋餐湯＋餐飲＋小食)餐牌寫住係選用咗西班牙杜洛克豚肉呢種豬肉係要天然飼養先得本身食開橡樹果實之類 冇咩激素出咗名係油花豐富、肉質鮮嫰就算煮完都保持到柔嫩口感食落都真係唔會覺得嚡最過份係裡面收埋咗隻溫泉蛋好似食緊鍋物點緊蛋汁咁樣蛋汁令到豚肉更有絲滑質感2. 黃咖哩牛坑腩飯(白飯＋餐湯＋白桃乳酸梳打＋小食)坑腩即係牛肋骨間嘅肉當切走咗肋骨嗰陣就會見到一條條嘅坑紋咁就叫做牛坑腩啦呢個部位嘅肉肥瘦相間唔會食到我最唔鍾意嘅脂肪肉質腍中帶爽 牛味好濃配搭佢唔算好辣嘅黃咖哩好香薑黃同埋椰奶

臨上機之前去咗粉嶺食泰式嘢，款式好犟戈選擇。個斑斕西多士好正，西多士中間係斑斕醬，所以食落滿滿嘅斑斕味，好香，再加上面再淋咗斑斕味嘅煉奶，雙重斑斕嘅享受，性價比超高，會再食！主食叫咗個咖喱牛扒飯，配咗個榴連炸彈同魚餅。咖喱好香椰子味，榴連炸彈啲榴連都好足料，食落好香甜嘅榴連味。另外仲嗌咗牛脷飯。牛脷煮得好淋，索晒啲牛脷汁，仲有碗冬陰公湯。個冬陰公湯夠晒酸，仲有辣味，正宗嘅味道！另外仲有個燒豬拼盤，豬頸肉燒得好香 ，㙜水味料好入味，豬頸肉都好爽口。飲品，百香果好香果味，甜甜哋酸酸哋好開胃。

好耐冇入過聯和墟，今日放工同老公入去買嘢順便食埋晚飯😋見到呢間餐廳幾特別Full House滿屋定食，睇個名以為係日本菜，原來係泰國菜，望到menu都好多選擇，同埋見到好多人叫外賣，見堂食仲有位我地就即刻入去😋😋😋餐廳有menu提供，亦都有張QR code俾我哋掃自己落單我地叫左2個定食汁燒澳洲Prime Grade安格斯牛小排飯配冬蔭功湯跟餐小食揀左炸雞軟骨同泰國炸蝦餅，雞軟骨份量都唔少，蝦餅就正常有一塊，2樣都炸得岩岩好，食完冇覺得好熱氣加12有杯特飲香茅柳橙茉莉花茶，唔算太甜(有d飲品唔洗加錢)安格斯牛小排燒得岩岩好，肉份量都幾多，d汁都好餸飯，老公勁快食哂成碗🤣🤣🤣汁燒黑豚肩飯（西班牙杜洛克豚肉)配冬蔭功湯，跟餐小食揀左和風蟹籽沙律同泰國炸蝦餅，加$8飲泰國凍青檸梳打首先真係要讚一讚個冬陰功湯，完全係我中意嘅味道，好正宗，又夠熱，咁凍天氣飲完又暖又開胃汁燒黑豚肩飯燒得好好食，肉嘅份量都好多，舖滿成個飯，唔食牛嘅人我非常推薦👍🏻👍🏻👍🏻👍🏻👍🏻和風蟹籽沙律清新🥰炸蝦餅冇得輸👍🏻👍🏻👍🏻👍🏻👍🏻另外我地仲叫左燒豬頸肉拼盤同巨人燒雞肉串燒豬頸肉拼盤有豬頸肉，雞牛豬串燒各一串燒得好惹味

之前一直都好中意去太和一間泰式小店，全因佢價錢吸引，食物選擇多，而且份量大，套餐包主菜、3款前菜、冬陰功湯、2款小食、餐飲都唔過一百，可惜一年前執左😫估唔到喺粉嶺開左一間同佢類似嘅餐廳😯。星期日下午一點左右到達，好好彩唔駛等位就入得，無耐就見到門口有人等位。海南雞飯拼冬陰功魚蛋河$105細食嘅兩個人點呢個餐就啱啱好!!🤓黃飯份量好多，而且好有雞湯味，飯粒唔會好濕，長條型嘅米飯好好味!! 🤤海南雞好滑有啫喱又無腥味，而且去哂骨，啱哂唔中意啃骨頭嘅我😋至於個湯粉就正正常常，魚蛋偏軟，唔係我中意嘅潮州彈牙魚蛋；河粉較幼身而且好滑，但淋得制，一夾就斷；個湯底同跟餐個冬陰功湯一樣，有椰香味偏酸唔會好辣。汁燒安格斯牛小排飯$105濃牛味嘅牛小排大概有6塊，肉質又唔會好鞋，好好味!!😋 另外有一隻溫泉蛋，蛋香一般；略嫌醬汁唔夠，個飯底無汁香。每個定食都跟一個湯、兩款小食同熱飲，小食揀左南瓜脆薯餅、炸蝦餅、炸雞軟骨、泰式魚餅。南瓜餅外脆內粉無得輸、蝦餅好扁無咬口、雞軟骨新鮮炸出、魚餅偏硬重香料味。小店無加一，兩個定食加$6一杯凍飲共$216，值得注意餐廳只收現金。

覺得看板君，好眼熟，就係俺物語嗰位😂剛田猛男😂食堂CP 值好高，好多野都想食，但喉嚨唔多舒服所以都係克制下😂👉🏻汁燒澳洲Prime Grade安格斯牛小排飯味噌湯 ＋ 和風蟹籽沙律 ＋北海道牛乳炸脆奶熱潤喉薑蜜定食可以揀湯同2款小食，好多選擇，揀左好耐😂安格斯牛小排都幾好食，建議唔好落咁多七味粉，牛肉下面仲有溫泉蛋，happy🐰🐰🐰 薑蜜唔會好甜呀👍🏻👉🏻汁燒牛舌飯冬蔭功湯 ＋ 南瓜脆薯餅 ＋泰式魚餅 凍龍眼冰牛舌都好厚，魚餅比較冇咁熱氣， 但有少少辣，整體都唔錯👍🏻👉🏻燒豬頸肉沙律燒豬頸肉青木瓜沙律， 食落清新唔會好油膩👍🏻👉🏻燒雞肉串雞肉嫩滑多汁🐰🐰🐰👉🏻炒既生菜包生菜冰住左幾新鮮，肉粒叫左唔辣嘅，都幾惹味🐰🐰🐰整體價錢親民可以試到好多款式👍🏻

滿屋定食📍粉嶺聯和墟和泰街33號地舖味道：😋😋😋😋😋😋😋😋😋環境：🎑🎑🎑🎑🎑🎑🎑🎑🎑服務：😏😏😏😏😏😏收工同老公行下街撐枱腳，經過聯和墟見到一間性價比極高嘅泰國餐廳，見到入邊裝修闊落，仲有好多卡位，望落去好似幾舒服，望埋Menu之後，更加係非入不可，呢度嘅嘢食唔單止多選擇，仲好抵食添😍😍😍💰💰👍🏻👍🏻👍🏻入到餐廳，舒適寬敞，員工服務態度超好，好有禮貌帶我哋入座，落單只需要用QR code，十分方便。我哋order 咗1️⃣L211 澳洲安格斯prime Grade 牛小排（可選河粉、米粉、金邊粉）💰105我哋揀咗配河粉🍜套餐配埋三款小食，我哋揀咗芝麻八爪魚仔🐙炸雞軟骨🍗同埋北海道牛乳炸脆奶🍼呢個船河湯底鮮甜，安格斯牛小排切成薄片，浸落湯底非常入味，鮮嫩多汁，有種入口即溶嘅感覺。河粉煮得剛剛好，唔會太軟亦唔會太硬，口感好適中。配料方面，芽菜同香料帶嚟嘅層次感，增加咗味道嘅豐富度。整體黎講，呢碟菜色香味俱佳，真係值得一試！👌🍜🥩小食方面，芝麻八爪魚，同平時日本壽司嘅八爪魚味道一樣，有好濃嘅芝麻味🐙令人好吃得意猶存！炸雞軟骨🍗外脆內嫩，好滋味！北海道牛乳炸脆奶🍼外酥內軟，一口咬落就係濃郁奶味。真

😎一人午餐系列·「令人滿足的泰國定食」一星期總要去一次粉嶺工作，之前總會去同一間餐廳，不過那一間餐廳完全不轉餐牌，所以我又尋找另一處的美食。其實粉嶺，真係好多嘢食，好多價錢也非常相宜。今次去了這間滿屋定食，主打令人大滿足的定食。所以又去一去先。一打開餐牌，花多眼亂，圖文並茂，非常豐富，睇住睇住，樣樣都想叫，有泰式海南雞、有串燒、也有咖喱⋯⋯最後叫了我最喜歡的滷水豬髀飯定食。定食包括湯、自選兩款小食、一個主菜和一杯飲品。🐷滷水豬髀飯-單看賣相已經好吸引，份量也非常之足夠，喜歡食豬髀飯就是因為喜歡食佢塊充滿骨膠原的皮😂。豬手的皮充滿Q彈，非常入味，肉也不煙韌。🍤小食方面，其實佢有好多款式選擇，大家可以睇吓相片，樣樣都想食，至於兩款小食，我選了炸雞軟骨和泰式魚餅。我喜歡個魚餅，充滿魚露的味道，同埋有好多蔥。🥣湯有冬陰功湯和麵豉湯選擇。當然我選了冬陰功湯，雖然細細碗，湯面都有少少嘅配菜，另外帶有微辣。☕️最後附送飲品，點了薑蜜（+$2）埋單是$87。整體感覺也不錯，侍應也有禮，下次再試試湯河。

滿屋定食，位於美食集中地粉嶺聯和墟，環境寬落，卡位舒適，參觀聯和市場後來光顧再合適不過。這次黎試嘅有冬陰功海鮮蜆米粉同埋地道海南雞，仲有啲跟餐小食同餐飲特飲。除咗嗰啲，仲試咗佢哋嘅燒豬頸肉拼盤同小食拼盤，畀人嘅感想係名稱雖然係有定食字眼，但主要係食東南亞菜式，非常出色。 冬陰功海鮮蜆米粉嘅湯底夠香濃，蜆同米粉都煮得啱啱好，唔會太腍或者太硬，食落好順口。再加上跟餐嘅芝麻八爪魚仔同泰國炸蝦餅，清爽唔油膩，啲小食入口脆口，好開胃。地道海南雞啲雞肉鮮嫩多汁，配合嘅木耳帶子裙邊同素菜絲網春卷，口感香脆，好搭配。飲品方面，斑蘭椰漿同斑蘭咖啡都好香濃，飲落幾滋味。燒豬頸肉拼盤同小食拼盤都係份量十足，一盤可以滿足唔同口味嘅食客。燒豬頸肉質地鬆軟多汁，同埋串燒都燒得啱啱好，唔會太過焦或者太生，岩岩好。小食拼盤入面有鳳尾蝦書卷蒜蝦春卷炸雞軟骨同蟹籽沙律，每樣嘢都有佢嘅特色同風味，好適合同朋友一齊分享。 總括黎講，滿屋定食雖然名稱有定食字眼，但主打嘅係東南亞菜式，味道出色，份量又十足，值得一試。

餐廳以卡位為主，基本上私隱度極高亦坐得非常舒適👍用qr code落單快捷方便，當中套餐非常抵食！除咗主食之外，仲可以有三款前菜/小食選擇😁款式同份量亦都非常多，整件事超級愉快👍冬陰功安格斯Prime Grand牛小排河粉~牛小排喺上枱時依然呈現粉紅色，肉質額外香嫩幼滑，湯底更加比我飲住一滴不留！非常惹味！酸辣度啱哂香港人口味😍西班牙杜洛克黑豚肉金邊粉~船湯非常濃郁，配料中，炸豬皮吸湯後，又脆又入味，更加令人回味無窮！豚肉份量亦非常多，真係超級抵食！燒豬頸肉沙律~豬頸肉非常爽口、彈牙！配上旁邊嘅沙律，絕對可以解膩！豬頸肉所沾嘅醬汁，更加可以話係畫龍點睛！燒牛肉串~燒至外層帶有焦香，內裏多汁的確唔容易！用嘅調味料亦都唔會過量，可以食到食材嘅原味！小食拼盤E~小食拼盤可以試到餐廳唔同嘅小食，而呢度嘅小食拼盤有好多款可以選擇，總有一個組合係啱曬口味！當中鳳尾蝦金絲薯卷具有不同口感，薯仔嘅香脆加上鮮蝦嘅彈牙，層次感突出，係最為推介！香桃乳酸梳打、藍天乳酸梳打~梳打嘅口感較為清爽，食辣嘢/濃味嘢後用嚟清味蕾一流！

早排去完泰國旅行一直都對又平又好食嘅泰國菜念念不忘🥹見呢間價錢吸引入左去試下超級多嘢食可以叫,定食包湯同小食,超級抵👍🏻巨人套餐有兩款主食,男人都夠唒食🙈豬頸肉燒得好香好入味👍🏻有啲炭燒味有幾個唔同嘅小食拼盤,我哋叫呢個有香蒜鮮蝦春卷、雞軟骨、椰汁流心球~春卷同雞軟骨好脆🩷好鍾意食佢嘅椰汁流心球!咬落去係爆漿嘅,勁香椰汁味仲帶少少煙韌😆我哋叫咗燒牛肉串、燒豬柳串同埋巨人燒雞肉串~串燒火候啱啱好,唔會難咬,而且冇任何肥肉啱唒我食😋巨人餐真係勁開心🤣超級抵冬陰功湯比較辣,另外泰式魚餅好好食!豬髀多汁,好軟熟同入味👍🏻食完碗飯其實都飽😂船河湯底亦唔錯,九層塔味好重😋酸酸甜甜好清新👍🏻幾解渴👍🏻

燒牛扒咖哩飯 $92跟配套餐味噌湯 蟹籽沙律 鹽酥雞牛扒嫩滑 肉汁豐富 由辣椒、薑、蒜、洋蔥、咖哩葉等香料混合而成濃郁咖哩香氣 提供埋刀碟俾你方便切個咖喱唔係好辣，惹味居多 夠香所以唔食得辣嘅都唔使驚地道海南雞 $62一道色澤鮮亮、口感細膩海南雞 切成片狀擺放薑蓉、蒜蓉唔少得 薑蓉和蒜蓉可以增添一種微辣和清新的味道當然黃油飯不少得 精華所在班蘭椰醬特飲 $24濃香的班蘭香氣和椰醬的濃稠口感 班蘭葉既獨特香氣釋放出綠色天然色素 味道濃郁而甜美冬蔭功安格斯牛小排金邊粉 $105芝麻八爪魚仔 日式芝士魚肉卷牛乳炸脆奶串燒系列雞肉串 $15巨人燒雞肉串$22豬柳串（2pcs）$26

最近屋企人話聯和墟有間好抵食嘅泰國嘢餐廳名叫滿屋定食平時食日本嘢定食就食得多泰菜定食真係未試過一於去試吓係咪真係咁正餐廳都幾寬敞 有好靚嘅吊燈 仲好多卡位坐 都幾舒服店員都好有禮貌又好好笑容T180 冬蔭功鳳尾蝦魚蛋($88)(可選河粉、米粉、金邊粉）跟配：熱柚子蜜作為冬蔭功控，梗係要叫碗冬蔭功金邊粉，跟餐仲可以揀三款定食，我哋叫咗芝麻八爪魚仔、炸雞軟骨同泰國炸蝦餅冬蔭功湯底好濃郁，酸酸辣辣又帶點椰香，非常開胃！而且非常足料，鳳尾蝦好滑好新鮮，魚蛋又好彈牙！芝麻八爪魚仔係平時日式冷盤紅色嗰種，好彈牙，而且芝麻味好突出！雞軟骨同蝦餅都炸得好香但又唔會油膩！A101 地道海南雞 ($85)跟配：地道班蘭椰特飲 ($12)想知一間泰國嘢好唔好食，一定票試吓佢哋嘅海南雞飯！跟餐一樣跟三款定食，我哋叫咗冬蔭功湯、單骨雞翼同椰汁流心球海南雞有驚喜！肉質超級滑，完全冇冰鮮味，點埋秘製醬汁，真係好惹味！飯粒口感有彈性，充滿油香，好味到好想添飯添！雞翼醃得好香，啖啖肉，而且因為係單骨，食落就更方便，啱晒我呢啲懶人！椰汁流心球爆晒漿，外層酥脆，內裏充滿椰香，勁正！C264 燒雞肉串(2pcs) ($26)

平時住上水嘅我哋都會不時喺粉嶺覓食呢一間主打日式同泰式嘅fusion 餐廳就係第一次食Menu嘅種類多到不得了完全唔知從何入手最後我哋樣樣都叫少少但真係要留意個份量，因為真係好多😂😂泰式海鮮沙律味道偏辣啱晒鍾意食正宗泰國嘢嘅人海鮮都幾新鮮同埋海鮮嘅份量都好多炒嘅生菜包味道非常之唔錯上菜嘅時候，佢仲有用啲冰凍住啲生菜保持佢嘅新鮮非常之有心機和風蟹籽沙律作為一個開胃嘅小菜都唔錯青瓜好清新同好爽口巨人燒雞肉串同燒牛肉串油脂比例都唔錯配埋調味好惹味我哋再叫咗兩個煮食，分別係黃咖哩牛坑腩飯拼香葉肉碎船河，仲可以揀多1個湯同2個小食呢個我就揀左冬蔭功湯，南瓜脆薯餅同鹽酥雞個份量真係大到嚇死人二另一個就叫咗燒牛扒甲拋丼，都係揀咗冬蔭功湯小食就揀咗木耳帶子裙邊同泰國炸蝦餅主食嘅發揮都相當唔錯，份量大得來味道唔錯加上佢嘅肉類份量都好多同埋佢嘅汁都係非常之惹味同埋要值得一讚嘅係佢嘅上菜速度真係非常之快落咗order 15分鐘內已經上晒所有嘢地道斑斕椰特飲同泰國凍青檸梳打都好還原到泰式口味，同時間亦都唔會有過甜嘅情況出現

行過幾次，之前以為係日式定食，因中午時段長期爆場，連行過睇下餐牌都唔想，之後上openrice望望，原來係食泰國菜。終於有機會一試。建議12點左右食晏會好d，12點半之後9成要等位。午餐紅咖喱牛腩賣相正常，問朋友仔好唔好食，話味道正常，好mild唔辣，有椰汁味帶甜。豬扒雞扒意粉正正常常，好茶記feel，因為全院滿坐，都等左一陣先到，賣相ok，個茄醬又唔hea，份量滿瀉，扒又煎得幾好。巨無霸定食登場海南雞飯＋冬蔭公湯底肉丸河＋3樣小食，海南雞冇隔離果間咁滑，冬蔭公湯底都幾好味，小食種類配搭多（我揀左炸帶子，雞亦，冬蔭公湯細碗/比朋友試下），＋$6又有泰式冰類飲品，記得記得記得.......好重要講3次，食得晒先好嗌呢個，真係堅大份。午餐性價比好高既餐廳，但我覺得隔離餐廳味道好食d，但就細份小小，不過呢邊就組合多＋有巨人定食。多個選擇/良性競爭都係好事。希望兩間都做得更好。