滷友記 (加路連山道) (已結業)

招牌大滷飯，有香口彈牙既陳皮魚蛋，滷水豬腩肉，非常之滑，肥瘦分明，仲有滷水豆腐，也都很滑，很有滷水味，蘿蔔很甜，很美味。有碗滷水汁，如果加落啲飯度撈嚟食，非常之惹味。個餐有奶茶，多奶，好飲。雞絲粉皮非常之大碟，啲雞絲好多，撈左芝麻醬好美味，啲粉皮晶瑩通透，堅韌有咬口。隻炸雞髀非常之好味，新鮮炸出嚟外脆內軟滑又多汁，雞味充足，我非常之喜歡呢個雞髀，食完會想再食。如果唔單叫雞髀，亦都可以叫一個雞髀餐，有滷水汁煮上海麵，啲麵好分明，唔會糊同斷，個湯滷水汁做，所以味道非常之唔錯。…查看更多

Met up my friend and we randomly searched for a resto in Causeway Bay. .I ordered Taiwanese Crispy Fried Chicken Noodle. I chose white pepper soup as the base and hand-made crispy rice noodle for the noodles. The chicken was delightfully crunchy and hotly-fried. It paired well with the scallions. The soup was a bit salty though. My friend ordered Taiwanese Crispy Fried Pork Chop Rice. Not sure abt the flavour as I didn't try it. .The restaurant had a wooden design, creating a peaceful atmosphere. However, it was slightly crowded.…查看更多

之前喺荃灣食過呢間滷友記，覺得好好食湯底好濃味亦都好香嘅藥材味，感覺到佢哋煮湯嘅用心唔係求其整個滷水汁就算，佢哋嘅餸都係感覺到佢哋用心製作，唔係就咁滷水滷熟咗就算每一樣嘢都係好有味同埋好有咬口，應該爽口就爽口，彈牙嘅就彈牙，十分好味，所以嚟到銅鑼灣見到呢間嘢都即刻衝咗入嚟食，三餸大概60幾蚊都算唔錯啦。…查看更多

銅鑼灣鬧市轉角車仔麵店，主打台灣滷水。店面裝修企理，人流唔多，尚算闊落。招牌麻辣滷水米粉，已經包括左唔同嘅配菜，例如台灣嘅甜不辣，蜂巢豆腐，蘿蔔等等。滷水唔會過鹹，辣到適中，蜂巢豆腐索晒啲湯汁，非常入味。蘿蔔清甜冇渣，非常大件，鍾意食蘿蔔嘅朋友一定要試。另外叫咗一碗牛肉做主打嘅滷味，包括牛筋，牛𦟌及牛肚。呢一碗滷水冇加辣，滷水湯頭可以飲用。如果覺得湯唔夠辣或者唔夠味，可以加入每張枱上面都有嘅辣醬，辣醬偏向台式。 …查看更多

叫咗生炸脾撈麻辣脆米，生炸髀的確係出色，真係做到皮脆內滑，調味亦恰到好處。麻辣夠麻，脆米就係正常米粉，比較值得一提係伴隨撈麵嘅滷水汁，有好濃烈嘅中藥味，有啲似濃縮嘅肉骨茶。美中不足係大傷風嘅樓面哥哥，乞嗤、包雲吞都算，最慘係佢唔戴口罩，仲會用衫袖抹鼻涕。惟有食快啲走人。…查看更多